Архив
Сўров: 81 фоиз ёшлар коррупцион ҳолатлар ҳақида хабар беришга тайёр
Антикоррупция агентлиги ва U-Report биргаликда 7 ёшдан 35 ёшгача бўлган 18 мингдан ортиқ фуқаролар орасида коррупцияга оид сўров ўтказди. Респондентларнинг 51 фоизи коррупциянинг моҳиятини тўғри тушунади, 46 фоизи эса порахўрликка салбий муносабатда. Сўровнинг 81 фоиз қатнашчиси коррупцион ҳолатлар ҳақида хабар беришга тайёрлигини маълум қилган. Қолаверса, ёшлар уларни пора беришдан тўхтатадиган 4 та асосий сабабни ҳам келтирган.
Тошкент ҳайвонот боғида аёл киши қиз болани айиқлар вольерига ташлаб юборди (янгиланди)
Тошкент ҳайвонот боғида аёл киши кичик қизалоқни 5 метр баландликдан айиқлар вольерига ташлаб юборди. Бола фақат тушиш натижасида жароҳат олди. Аёлнинг қилмиши сабаблари ўрганилмоқда. Ҳолат юзасидан қасддан одам ўлдиришга суиқасд қилиш моддаси билан жиноят иши қўзғатилиб, аёл ҳибсга олинган.
Мактаб таълимини ислоҳ қилиш кенгаши ташкил этилади, унга президент раҳбарлик қилади
Президент туман, вилоят ва республика даражасида Мактаб таълимини ислоҳ қилиш кенгашлари тузилишини маълум қилди. «Республика кенгашига шахсан ўзим раҳбарлик қиламан. Туман ва вилоят кенгашларига эса ҳокимлар бош бўлади», — деди Шавкат Мирзиёев. Қолаверса, бугундан «ҳокимларнинг мактабга эътибор қилиш беш йиллиги» бошлангани эълон қилинди.
Келгуси 5 йилга мўлжалланган Тараққиёт стратегияси тасдиқланди
Президент фармони билан 2022−2026 йилларга мўлжалланган Янги Ўзбекистоннинг тараққиёт стратегияси тасдиқланди. Унга кўра, 2026 йилгача эҳтиёжманд аҳоли ижтимоий нафақа ва моддий ёрдам билан тўлиқ қамраб олинади. Қолаверса, 2023 йилдан ҚҚС 12 фоизгача туширилади.
Пайшанба куни вакцина олмагани учун 202 нафар ходим вақтинча ишдан четлатилди
27 январь куни Тошкент шаҳрида 302 та тадбиркорлик субъекти ва 15 та бюджет ташкилотида ходимларнинг эмланганлиги бўйича текширув ўтказилди. Натижада 202 нафар ҳодим эмланмагани учун вақтинчалик ишдан четлатилди, 196 та ташкилот раҳбарига огоҳлантириш берилди.
Чакана савдо ва умумий овқатланиш субъектларига ижтимоий солиқ ставкаси 1% этиб белгиланади
Шу йилнинг 1 апрелидан 2025 йил 1 январигача чакана савдо, умумий овқатланиш ва хизмат кўрсатиш субъектлари учун ижтимоий солиқ ставкаси 1% этиб белгиланади.
«Биз кўп вақт йўқотганмиз». Шавкат Мирзиёев мактаб таълимидаги муаммолар ҳақида
Президент жума кунги видеоселекторда мактаб таълими тизимидаги камчилик ва муаммоларни танқид қилди. Унинг сўзларига кўра, 1,5 мингдан ортиқ мактаб мукаммал таъмирга муҳтож, ҳанузгача пахсадан қурилган 179 та мактаб мавжуд. «Мактаб таълимида пойдеворни бугундан мустаҳкам қўйишимиз керак. Чунки биз кўп вақт йўқотганмиз», — деди Шавкат Мирзиёев.
2021 йилда Ўзбекистондан 20 мингдан ортиқ киши хорижга кўчиб кетган
2021 йилда Ўзбекистондан 20,14 минг киши хорижий мамлакатларга кетди. Уларнинг ярмидан кўпи — 56,6 фоизи Қозоғистонга кўчиб ўтган. Шунингдек, йил давомида 1875 киши мамлакатга кўчиб келди.
Ўзбекистонда ҳар тўртинчи аёл баъзи ҳолларда зўравонликка дуч келган, 7 фоиз аёл учун эса бу одатий ҳол
«Маҳалла ва оила» илмий-тадқиқот институти 6 та ҳудудда яшовчи 800 нафар хотин-қиз ўртасида сўровнома ўтказди. Унинг натижаларига кўра, аёлларнинг 60 фоизга яқини турмуш ҳаётида зўравонликка дуч келмаганини қайд этган бўлса, қолган 40 фоизи камситиш ва зуғум ўтказилаётганини баён қилган. Ҳар тўртинчи аёл баъзи ҳолларда зўравонликка дуч келишини, 7 фоиз аёл эса бу одатий ҳол эканлигини таъкидлаган.
Умарбек Халилов Давлат экология қўмитаси раисига биринчи ўринбосар бўлди
Нурота тумани ҳокими Умарбек Халилов Экология ва атроф-муҳитни муҳофаза қилиш давлат қўмитаси раисининг биринчи ўринбосари лавозимига тайинланди.
Долларнинг расмий курси кўтарилди
Долларнинг сўмга нисбатан расмий курси 11,16 сўмга кўтарилиб, 10 815,16 сўмни ташкил қилди. Шунингдек, евро курси пасайди, рубль курси эса кўтарилди. Ушбу ўзгаришлар 31 январдан кучга киради.
Ўзбекистон Ҳиндистонга соғлиқни сақлаш, таълим ва IT соҳаларида ҳамкорликни ривожлантиришни таклиф қилди
Шавкат Мирзиёев «Ҳиндистон — Марказий Осиё» саммитида фармацевтика маҳсулотларини ишлаб чиқариш, вирусолог врачлар тайёрлаш дастурини бошлаш ҳамда рақамли инновациялар, молиявий ва блокчейн технологияларни жорий қилиш бўйича қўшма лойиҳаларни амалга оширишни таклиф қилди. У Чабаҳор порти орқали Ўзбекистон ва Ҳиндистонни боғлайдиган янги йўлакни ишлаб чиқишга киришилганини маълум қилди.
Қозоғистон электр энергиясидаги узилиш Сирдарё ИЭС туфайли рўй берганини тасдиқлади
Қозоғистоннинг KEGOC электр тармоқлари оператори минтақа энергия тизимидаги узилишлар Ўзбекистондаги Сирдарё ИЭСда содир бўлган қисқа туташув туфайли юз берганини яна бир марта тасдиқлади.
Ўзбекистон иккиламчи бозорида уй-жой нархи 5,1 фоизга қимматлашди
Иккиламчи бозорда уй-жойлар нархи IV чорак давомида ўртача 5,1 фоизга кўтарилди. Жумладан, Тошкент шаҳрида нархлар 4,2 фоизга ўсган. Бухоро, Андижон, Сирдарё ва Самарқанд вилоятларида нархлар 10 фоиздан юқорироққа ўзгарган. Шунга қарамасдан, республикадаги энг арзон уй-жойлар Сирдарё вилоятида экани қайд этилди. Жаҳон бозорида ҳам нархлар ошган.
Тожик-қирғиз чегарасидаги отишмада икки киши ҳалок бўлди, 20 дан ортиқ киши жароҳатланди
27 январь куни кечқурун Тожикистон ва Қирғизистон чегарасида оғир ўқотар қуроллар қўлланган ҳолда қуролли тўқнашув содир бўлди. Тўқнашувлар бир неча соат давом этди, сўнгра шу тунда ҳам томонлар ўт очишни тўхтатиш тўғрисида келишиб олдилар. Қирғизистон томонидан 11 ҳарбий яраланган. Тожикистон томонида қурбонлар бор — маҳаллий аҳоли ва тез ёрдам ҳайдовчиси. Яна тўрт нафар тинч аҳоли ва олти нафар ҳарбий жароҳатланган.
Наманганда собиқ участкавойга 7 та модда бўйича айблов эълон қилинди
Наманганда суд ИИБ раҳбариятининг ноқонуний хатти-ҳаракатлари ҳақида маълум қилган собиқ профилактика инспектори Сардорбек Отабоевга нисбатан жиноят ишини кўриб чиқишни бошлади. У Жиноят кодексининг 7 моддаси, жумладан, фирибгарлик, мансаб ваколатини суиистеъмол қилиш ва бошқалар бўйича айбланмоқда. Судланувчи айбловларни рад этмоқда.
Ўзбекистон бўйлаб свет, газ ва ичимлик суви тўлиқ тикланди
Энергетика вазирлиги Ўзбекистоннинг барча ҳудудларида электр энергияси таъминоти тўлиқ тикланганини хабар берди. «Ҳудудгазтаъминот» ва «Ўзсувтаъминот» ҳам табиий газ ҳамда ичимлик суви истъемолчиларга аввалгидек етказиб берилаётганини маълум қилди.
2021 йилда аҳоли жон бошига ЯИМ 21 млн сўмдан ортиқни ташкил қилди
2021 йилда Ўзбекистонда ЯИМ ҳажми 734,6 трлн сўм ёки 69 млрд долларни ташкил этди. Аҳоли жон бошига ЯИМ эса 2020 йилга нисбатан 5,3 фоизга ўсиб, 21 млн сўмдан ортиқроққа етди.
«Соғлом турмуш тарзи» платформаси учун бюджетдан 100 млрд сўм ажратилади
Президент қарорига асосан «Соғлом турмуш тарзи» платформасидан фойдаланувчиларни рағбатлантириш мақсадида давлат бюджетидан 100 млрд сўм ажратилади. Бундан ташқари, ҳар йили туман ва шаҳарлардаги намунали маҳаллаларда замонавий фитнес кўчалари ташкил этилади.
Марказий Осиё зулматда. Аварияга нима сабаб бўлди, у такрорланиши мумкинми, энергия ҳалқаси қандай тузилган?
25 январь куни Марказий Осиё энергетика тизимида улкан авария юз берди. У Ўзбекистонда электр станциялари, газ конлари, аэропортлар, вокзаллар, ёқилғи қуйиш шохобчалари ва бошқа инфратузилмалар фаолиятининг тўхташига олиб келди. Сиёсатшунос, электр энергетикаси бўйича эксперт Пётр Своик «Газета.uz» га берган интервьюсида ушбу коллапснинг юз бериши сабаблари, минтақа энергия ҳалқаси қандай тузилишга эгалиги, АЭС қурилиши вазиятни ўзгартириши мумкин-мумкинмаслиги ва ушбу инқироз яна такрорланиши эҳтимоллари ҳақида сўзлади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг