Иқтисодиёт
Олмаота ва Ал-Кувайтдан Самарқандга тўғридан-тўғри рейслар йўлга қўйилади
FlyArystan авиакомпанияси 18 мартдан Олмаотадан Самарқандга парвозларни тиклайди. Jazeera Airways авиакомпанияси эса Ал-Кувайт ва Самарқандни 15 февралдан тўғридан-тўғри рейслар билан боғлайди.
Ўзбекистонда январь ойида инфляция 0,8 фоизгача пасайди. Бу — сўнгги 3 йилдаги энг паст кўрсаткич
Январь ойида Ўзбекистонда охирги уч йилдаги энг паст ойлик инфляция қайд этилди — 0,82%. Сут ва тухум нархи ошиши секинлашди, шакар ва сариёғ кетма-кет тўртинчи ой арзонлади. Пиёз нархи эса ой давомида кескин ошган — 44,7% га.
Ҳунармандчилик ва касаначиликни кенгайтириш учун ажратиладиган кредитлар миқдори оширилади
Президент қарори билан ҳунармандчилик ва касаначиликни кенгайтиришга йўналтирилган лойиҳалари учун ҳоким ёрдамчиларининг тавсияномаси асосида ажратиладиган кредитлар миқдори амалдаги 225 миллион сўмдан 300 миллион сўмгача оширилади.
Банкларда долларнинг сотиш курси 11 325 сўмгача тушди
Тижорат банклари 1 февраль куни аҳолидан 1 АҚШ долларини 11 215 — 11 280 сўмдан сотиб олмоқда, сотиш курси эса аксарият банкларда 11 325 сўм.
2022 йил давомида сўм АҚШ долларига нисбатан 3,9 фоизга қадрсизланди
2022 йилда жисмоний шахслар тижорат банкларига 11,9 млрд доллар сотган. Банклардан эса 8,9 млрд доллар сотиб олган. Бу 2021 йилга нисбатан қарийб 2 баравар кўп. Йил давомида сўм АҚШ долларига нисбатан 3,9 фоизга қадрсизланди.
Банкларда доллар курси арзонлади
Тижорат банклари 31 январь куни аҳолидан 1 АҚШ долларини 11 270 — 11 310 сўмдан сотиб олмоқда, сотиш курси эса аксарият банкларда 11 360 сўм.
Ўзбекистон Россиядан АИ-80 бензинини импорт қилишни бошлади
28 январдан «Ўзбекнефтгаз» компаниясининг UNG Petro АЁҚШларида Россиянинг АИ-80 бензини сотуви бошланди. РФда бундай ёқилғи тадбиркорларнинг махсус буюртмаси билан ишлаб чиқарилади.
Ўзбекистонда 2022 йилда ўртача номинал иш ҳақи 3,89 млн сўмгача ўсди
Республикада 2022 йилда ўртача номинал ойлик иш ҳақи 21,1 фоизга ошиб, 3,89 миллион сўмни ташкил қилди. Ҳудудлар орасида Тошкент, фаолият тури бўйича — банк соҳаси етакчиликни сақлаб қолди. Шу билан бирга, пойтахт ва ҳудудлар ўртасидаги иш ҳақи бўйича фарқ ошишда давом этмоқда.
Аксарият банкларда доллар 11 390 сўмдан сотилмоқда
Тижорат банклари 30 январь куни аҳолидан 1 АҚШ долларини 11 285 — 11 370 сўмдан сотиб олмоқда, сотиш курси эса аксарият банкларда 11 390 сўм.
2035 йилгача Ўзбекистонда электрга бўлган талаб ҳар йили 5−5,3 фоизга ошиши кутилмоқда
ПМТИ прогнозларига кўра, 2035 йилда Ўзбекистон аҳолиси 45,6 млн кишидан ошади. Ушбу давргача аҳолининг электр энергиясига бўлган талаби эса ҳар йили 5−5,3 фоизга ошиши кутилмоқда. Мутахассислар миллий энергетика тизимини тезроқ ядро, водород ва «яшил» технологияларга интеграциялашни таклиф этмоқда.
2022 йилда Ўзбекистон ЯИМ ҳажми 80,4 млрд долларга кўтарилди
Ўзбекистон ялпи ички маҳсулоти (ЯИМ) 2022 йилда 5,7 фоизга ўсиб, 888,34 трлн сўмни (80,4 млрд долларга яқин) ташкил этди. Аҳоли жон бошига ЯИМ ҳажми эса 2255 долларгача ошди, дея хабар берди Статистика агентлиги.
Ўзбекистонда чиқиндилар газидан электр энергияси ишлаб чиқарадиган мажмуа қурилиши бошланди
Тошкент вилоятида «Оҳангарон» ва «Майдонтол» полигонларидан чиқадиган газни қайта ишлаш бўйича мажмуа қурилиши бошланди. Чиқинди газларидан электр токи ишлаб чиқариш лойиҳаси Жанубий Кореянинг Sejin G&E компанияси томонидан амалга оширилмоқда.
«Ўзкимёсаноат» шина заводининг 80 млн долларга сотилганини асослаб берди
«Ўзкимёсаноат» компанияси Ангрендаги «Биринчи резинотехника заводи» давлат улушини Россиянинг «Татнефть» компаниясига 80 млн долларга сотганини маълум қилди. Активнинг кам қийматда экани харидор томонидан қопланадиган 153 млн долларлик кредит мажбуриятлари ҳамда мавжуд қарздорлик билан изоҳланди.
Банкларда долларнинг сотиш курси 11 375 сўмгача кўтарилди
Тижорат банклари 27 январь куни аҳолидан 1 АҚШ долларини 11 280 — 11 355 сўмдан сотиб олмоқда, сотиш курси эса аксарият банкларда 11 375 сўм.
2022 йилда Ўзбекистон кўчмас мулк бозори қандай ўзгарди — ИТИМ
2022 йилда Ўзбекистон кўчмас мулк бозоридаги фаоллик 3,8 фоизга ошди. Иккиламчи бозорда ўртача нархлар йил давомида 16,5 фоизга, Тошкент шаҳрида эса 24 фоизга ошган. Шу билан бирга, пойтахтда ижарага бериладиган уй-жойлар 34 фоизга қимматлашди.
«Humo ва Uzcard интеграцияси бўйича келишувга эришдик» — МБ раиси
Humo ва Uzcard тўлов тизимлари узоқ музокаралардан сўнг ўзаро интеграция бўйича келишувга эришди, дея маълум қилди Ўзбекистон Марказий Банки раҳбари. Биринчи босқичда банкоматларни ҳар иккала турдаги карталарни ҳам қабул қилишга мослаштириш режалаштирилган. Бу ишлар май ойигача якунланиши мумкин.
2022 йилда Ўзбекистонга рекорд даражада — 16,9 млрд доллар жўнатилди
2022 йилда Ўзбекистонга рекорд даражада -16,9 млрд доллар пул ўтказмалари келиб тушди, бу 2021 йилга нисбатан 2,1 баробар кўпдир. Бу маблағларнинг катта қисми Россиядан. Ўзбекистондан бошқа давлатларга 2,1 млрд долларлик хорижий валюта жўнатилган.
Ўзбекистон ва Қирғизистон Қамбарота ГЭС қурилиши бўйича инвестиция шартномасини имзолади
Ўзбекистон президентининг Қирғизистонга ташрифи арафасида икки давлат ўртасида Жалолобод вилоятида Қамбарота-1 ГЭС қурилиши бўйича инвестиция шартномаси имзоланди. Лойиҳанинг асосий уч томонлама битими июль ойида имзоланиши режалаштирилган.
Ўзбекистон ва Қирғизистон ўртасида 1,6 млрд долларлик келишувлар имзоланди
Шавкат Мирзиёевнинг Қирғизистонга давлат ташрифи арафасида Бишкекда умумий қиймати 1,6 миллиард доллардан ортиқ бўлган ҳужжатлар имзоланди. Улар орасида 300 миллион долларлик инвестиция ва 1,3 миллиард долларлик савдо шартномалари мавжуд.
Энергетика вазири — Ўзбекистонда келгуси қиш мавсумига тайёргарлик режаси ҳақида
Энергетика вазири Ўзбекистонда келаси қишга тайёргарлик режасини маълум қилди. Бунда чекка ҳудудлар тўлиқ суюлтирилган газга ўтказилади ва кўмир қозонлар қурилади, иссиқхоналар ҳамда қурилиш материаллари ишлаб чиқарувчилар кўмирга ўтказилади, қуёш электр станциялари қурилиши жадаллаштирилади.
Энг кўп ўқилган хабарлар | Сўнгги янгиликлар
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
- Германиянинг Deutsche Bahn компанияси ўзбекистонликларни ишга жалб қила бошлайди
- Inbazar дўконларида 1 эмас, 44 нафар ходим расман ишлаяпти — ДСҚ
- Солиқ қўмитаси «тўловлар»ни жўнатишдаги муаммоларга изоҳ берди
Қўшимча имкониятларга эга булиш учун сайтда рўйхатдан ўтинг