Ўзбекистон Қирғизистондаги театрни таъмирлашга 5 млн доллар сарфлайди
Қирғизистонда Бобур номидаги Ўш академик ўзбек мусиқали драма театрида реконструкция ишлари бошланди. Мажмуадаги қиймати 5 млн долларлик бўлган ишларни Ўзбекистон молиялаштиради.
«Бунча катта „дух“ қаердан пайдо бўлди?» — Расул Кушербаев «Амирсой» да 700 туп дарахтлар кесилиши ҳақида
Депутат Расул Кушербаев Бўстонлиқ туманидаги «Амирсой» курорт зонасида 700 туп атрофидаги қимматбахо дарахтларни кесиб ташлаганини «ҳеч нарса билан оқлаб бўлмаслигини» таъкидлади. «Шунча гапдан кейин ҳам ҳар хил бахоналар билан дарахткесарлик давом этмоқда. Бунча катта „дух“ қаердан пайдо бўлди?», — деб ёзади депутат.
Шўрчи тумани ҳокими сохта ҳужжат асосида қурилиш учун ер ажратган, натижада 160 тупдан ортиқ тут дарахти кесиб ташланди
Сурхондарё вилоятининг Шўрчи туманида 160 тупдан ошиқ тут дарахти кесиб ташланган ва тутзор боғ ўрнида қурилиш бошланган. Ўрганишларга кўра, туман ҳокимлиги сохта ҳужжатга асосланиб, ушбу ҳудудни автобус бекати ва шаҳобча қуриш учун ажратиш бўйича қарор чиқарган. Ҳозирда қурилиш тўлиқ тўхтатилган.
26 сентябрь ДХХ ходимлари куни этиб белгиланди
26 сентябрь Давлат хавфсизлик хизмати органлари ходимлари куни этиб белгиланди. 1991 йил шу куни Ўзбекистоннинг биринчи президенти ЎзССР КГБсини тугатиш ва МХХни тузиш тўғрисидаги қонунга имзо чеккан эди. 2018 йилда Миллий хавфсизлик хизмати Давлат хавфсизлик хизматига айлангач, байрам ДХХ куни деб номланди ва 5 апрель куни нишонлана бошланди.
Андижон, Самарқанд, Сурхондарё ва Хоразм ҳокимлари Олимпия ва Паралимпия совриндорларини мукофотлади
Андижон, Самарқанд, Сурхондарё ва Хоразм вилоятлари раҳбарлари Олимпия ва Паралимпия ўйинларида совриндор бўлган спортчиларни автомашина ва уй билан мукофотлади. Аввалроқ, спортчиларга президент совғаси ҳам топширилган эди.
14 сентябрь куни Ўзбекистонда 604 кишида коронавирус аниқланди
Кеча кун давомида Ўзбекистонда 604 кишида коронавирус инфекция қайд этилди. 5 нафар COVID-19 бемори вафот этди. Шунингдек, сешанба куни 110 кишида пневмония қайд этилди, 2 нафар пневмония бемори вафот этди.
Наманганда ЙТҲ оқибатида 3-синф ўқувчиси вафот этди
Наманган шаҳрида «ВАЗ-21011» автомашинаси йўлнинг белгиланмаган қисмидан ўтаётган 3-синф ўқувчисини уриб юборган. Оқибатда пиёда шифохонада вафот этган.
Собиқ Андижон вилояти ҳокими Қобилжон Обидовга «Ўзбекистон Қаҳрамони» унвони қайтариб берилди
2004 йилда собиқ Андижон вилояти ҳокими, 11 йил мобайнида вилоятни бошқарган Қобилжон Обидовдан «Ўзбекистон Қаҳрамони» унвони «номаълум сабабларга кўра» қайтариб олинган эди. Президент Шавкат Мирзиёев фармонига асосан унга мазкур унвон ҳамда «Олтин юлдуз» медали қайтариб берилди.
Apple янги iPhone 13, iPad ва соатларини тақдим этди
Apple маҳсулотларининг янги моделлари тақдимотида iPhone 13 смартфонларининг тўртта модели, янги iPad ва Apple Watch 7 «ақлли» соатлари намойиш этилди.
Валюта барқарорлиги, рақобат, нархларни эркинлаштириш. МБ инфляцияни пасайтириш омилларини маълум қилди
Марказий банк раиси ўринбосари Беҳзод Ҳамроев 2023 йилда Ўзбекистонда инфляция даражасини 5% гача пасайтириш бўйича асосий йўналишларни санаб ўтди. Улар — миллий валюта барқарорлиги, меҳнат унумдорлиги ва рақобат даражасини ошириш ҳамда нархларни эркинлаштириш.
Маст ҳайдовчи уриб юборган ЙПХ инспектори вафот этди
Пскент туманида маст ҳайдовчи ЙПХ инспекторининг тўхташ талабига бўйсунмасдан, уни уриб юборди. 30 ёшли сержант Дилмурод Ўрмонов орадан уч кун ўтиб вафот этди.
Шавкат Мирзиёев ХМК бошқарувчи директори Махтар Диопни қабул қилди
Президент Шавкат Мирзиёев Халқаро молия корпорацияси бошқарувчи директори Махтар Диоп бошчилигидаги делегацияни қабул қилди
Жаҳон янгиликлари дайжести
Тожикистон ТИВнинг AҚШ элчисига норозилик нотасини топширгани, Қозоғистоннинг Олмаотада Aфғонистонга гуманитар ёрдам кўрсатадиган марказни яратишни таклиф қилгани, Янги Зеландия туб аҳолисининг мамлакат номини ўзгартириш ташаббуси ва бошқа янгиликлар — «Газета.uz»нинг жаҳон янгиликлари дайжестида.
14 сентябрь куни Ўзбекистонда содир бўлган энг муҳим хабарлар дайжести
Россия пойтахтидаги метро бекатида ўзбек ва тожик тилларидаги йўл кўрсаткичлар пайдо бўлиши, МСК барча партиялар томонидан илгари сурилган номзодларни рўйхатга олиши, Ўзбекистон Афғонистонга катта партияда гуманитар ёрдам юбориши — «Газета.uz»нинг 14 сентябрдаги энг муҳим хабарлари дайжестида.
Ўзбекистонда ишлаб чиқарилган «Спутник V» вакцинаси октябрь ойида бозорга чиқарилади
Jurabek Laboratories компанияси Россиянинг коронавирусга қарши «Спутник V» вакцинасини серияли ишлаб чиқаришни бошлади. Компания вакилининг айтишича, препарат ички бозорга октябрь ойида чиқади.
Букмекерлик фаолияти билан шуғулланишга фақат Ўзбекистон резидентларига рухсат бериш таклиф этилди
Қонунчилик палатаси аъзоси Дониёр Ғаниев фақатгина Ўзбекистон резидентларига букмекерлик билан шуғулланишга рухсат беришни таклиф қилмоқда. Депутат норезидент букмекерларга Ўзбекистон банк тизимидан тўловлар амалга оширилишини тақиқлаш кераклигини ҳам айтди. Шунингдек, у тотализаторларни реклама ва тарғибот қилишга рухсат бермаслик ҳамда жисмоний шахслар учун «ставка"ларнинг максимум чегарасини белгилаш таклифини илгари сурди.
Андижонлик фуқаро шаҳар ИИБ ходимлари томонидан калтакланганини айтмоқда
Андижон шаҳар ИИО ФМБ 4-сон ходимлари томонидан Андижонлик фуқаронинг калтаклангани айтилган ҳолат юзасидан жиноят иши қўзғатилди. Ушбу бўлимнинг собиқ ходимлари 2020 йилнинг ноябрь ойида 44 ёшли эркакни қийноққа солганликлари учун озодликдан маҳрум қилинган эди.
«Трест-12» 11,5 млрд сўмдан ортиқ дивидендлар тўлайди
«Трест-12» компанияси 2020 йилги соф даромадидан 11,51 млрд сўм миқдорида дивидендлар тўлайди. Акционерлар орасидан жой олган қурилиш вазирининг рафиқаси ва ўғлига 3,1 млрд сўм ажратилади.
Афғонистоннинг янги ҳукумати Ўзбекистон президентига ёрдам учун миннатдорлик билдирди
Афғонистон муваққат ҳукумати расмий вакили Забиҳулла Мужоҳид Ўзбекистон президенти Шавкат Мирзиёевга инсонпарварлик юки учун миннатдорлик билдирди. Балх вилояти губернатори Қудратилло Абу Ҳамзанинг сўзларига кўра, ушбу ёрдам мамлакатда юзага келиши мумкин бўлган гуманитар ва озиқ-овқат инқирозининг олдини олишга хизмат қилади.
Долларнинг расмий курси тўрт кунлик пасайишдан сўнг кўтарилди
Долларнинг сўмга нисбатан расмий курси 34,93 сўмга кўтарилиб, 10 686,62 сўм этиб белгиланди. Шунингдек, евро ва рубль курслари ҳам кўтарилди.
Қўшимча имкониятлардан фойдаланиш учун сайтда рўйхатдан ўтинг