Тўртта вилоятда қўғирчоқ ва мусиқали драма театрлари очилади. Ушбу театр жамоаларига хорижий мутахассислар жалб қилиниб, махсус дарслар ташкил этилади.
Ўзбекистон фуқароларини Суриядаги «Тавҳид ва жиҳод катибаси» халқаро террорчилик ташкилотига қўшилиш учун жўнатишда гумон қилинаётган шахс қўлга олинди. Унга нисбатан жиноят иши қўзғатилиб, тергов-тезкор ҳаракатлари олиб борилмоқда.
«Қувасойцемент» ва «Оҳангаронцемент» корхоналари газ босими пасайиши туфайли цемент ишлаб чиқаришни тўхтатиб қўйди. Шу сабабли, ишлаб чиқарувчиларнинг маҳсулоти фонд биржа рўйхатига олинмади, бу эса нархларнинг 5 фоиз ўсишига олиб келди.
Сурхондарёда пахта топшириш режасига амалда мавжуд бўлмаган 21,3 фоиз, яъни 52 минг тонна пахта қўшиб ёзилган бўлиши мумкин. Вилоят прокуратураси топшириқ профилактик чора бўлгани, пахта мавсуми якуни бўйича қўшиб ёзиш ҳолатлари аниқланмаганини маълум қилди
Ноябрь ойида инфляция даражаси 1,5 фоизни ташкил қилди. Озиқ-овқат маҳсулотлари 2,4 фоиз, ноозиқ-овқат маҳсулотлар 0,9 фоиз ва хизматлар 0,9 фоизга қимматлашди.
Октябрда Жиноят ишлари бўйича Тошкент вилояти судининг уч нафар судьяси пойтахтда маст ҳолда ЙПХ ходимини калтаклаган эди. Уларнинг икки нафари ишдан бўшатилди, яна бир нафарига хайфсан берилди. Олий суд ўтган 11 ойда ўзини муносиб тутмаган 8 нафар судьянинг бўшатилгани, яна 27 нафарига интизомий чора қўлланилганини маълум қилди.
Қозон шаҳридаги қурилиш объектларидан бирида ишлаган ўзбекистонлик эркак, иккинчи қаватдан йиқилиб вафот этган. Бош консулхона томонидан жасадни Ўзбекистонга юбориш билан боғлиқ масалаларни ҳал қилишда ёрдам кўрсатилмоқда.
Туркияда карантин чоралари кучайтирилгани, Эрон парламенти уранни бойитиш тўғрисидаги қонунни қабул қилгани, дунёда эҳтиёжманд аҳоли сони 40 фоизга кўпайгани ва бошқа янгиликлар — «Газета.uz»нинг жаҳон янгиликлари дайжестида.
Хотинини калтаклаб, унга «памперс» едирган фуқарога нисбатан 6 йил муддатга озодликдан маҳрум қилиш жазоси тайинланди.
Энергетика вазири Алишер Султонов Ўзбекистонда қуриладиган АЭС учун танланган реактор бугунги кун учун энг хавфсиз эканини таъкидлади. У Чернобиль ва Фукусима атом станцияларидаги аварияларни ҳисобга олган ҳолда ишлаб чиқилган ҳамда «эритмани ушлаб турувчи» қурилмаси мавжуд ягона реактор ҳисобланади.
Тошкент халқаро аэропортида мустақил ўзини рўйхатга олиш учун тўртта киоск ўрнатилди. Ҳозирча улардан фақат Turkish Airlines йўловчилари фойдаланишлари мумкин. Ушбу хизмат бошқа авиакомпанияларнинг мижозларига ҳам доимий рейсларни тиклангандан сўнг тақдим этилиши кутилмоқда.
Тошкент шаҳар маъмурий суди судьялари ва ходимлари шаҳар ЙҲХБ ходимлари билан 5 мингга яқин сохта қарор чиқариб, 8 млрд сўм пул маблағларни талон-торож қилишган. Уларга нисбатан жиноий иш қўзғатилди.
Жаҳон соғлиқни сақлаш ташкилоти cентябрь ойидан бери биринчи марта COVID-19 билан касалланганлар сони камайганини қайд этди. Ташкилот раҳбари ҳушёрликни йўқотмасликка ва келаётган байрамларни тор доирада нишонлашга чақирди.
Ўзбекистон ва Қозоғистон ўртасида eTIR (рақамли ТИР) жараёни асосида юк ташишга оид тажриба амалга оширилди. Тошкентдан маиший электр жиҳозлари ортилган юк машиналари чегарани кесиб ўтди, давлатларнинг божхона органлари эса транзит кафолатларини кўриб чиқдилар.
«Ўзбекистон Республикасида хизмат кўрсатган геолог» фахрий унвони таъсис этилди. Мазкур унвон геология ҳамда бир қатор йўналишлардаги тажрибали мутахассисларга берилади.
2021 йилда йирик солиқ тўловчиларининг бюджет тушумларидаги умумий улуши 47,3 фоизни ташқил қилиши мумкин. Давлат даромадларидаги энг катта тушум Навоий кон-металлургия комбинатига тўғри келиб, 20,1 фоизни ташкил қилмоқда.
Европа комиссияси Ўзбекистонга «GSP+» Преференциялар бош тизими плюс бенефициар — мамлакати мақомини бериш бўйича муддатидан олдин ижобий қарор қабул қилди. Бу мамлакатдан Европа Иттифоқига тарифсиз экспорт қилинадиган маҳсулотлар сонини икки бараварга кўпайтириш имконини беради.
Америкада ишлаб чиқарилган «Moderna» вакцинаси COVID-19 нинг оғир шаклига қарши 100 фоизлик самарани кўрсатди. Клиник синовларда 30 мингдан ортиқ киши иштирок этган ва улардан оғир шаклдаги коронавирус билан касалланиш ҳолатлари кузатилмаган.
1 декабрдан Тошкет шаҳар транспорт карталари нархи 15 минг сўм этиб белгиланди. Карта нархи 10 минг сўм, балансда эса 5 минг сўм қолади.
Ўзбекистон ТИВ раҳбари Абдулазиз Камилов ва АҚШ давлат котиби Майкл Помпео телефон орқали мулоқот чоғида инсон ҳуқуқлари соҳасидаги ислоҳотлар ҳамда америкалик инвестор ва экспортёрлар учун яратилган имкониятларни муҳокама қилди.
Қўшимча имкониятларга эга булиш учун сайтда рўйхатдан ўтинг