Ипотека кредитлари орқали аҳолини уй-жой билан таъминлаш дастури доирасида ҳудудларда 100 мингта квартирадан иборат бўлган кўп қаватли уй-жойлар қурилади. Уй-жой шароитини яхшилашга муҳтож бўлган шахсларга 120 млн сўмгача ипотека кредити берилади.
«Чирчиқ шағал саралаш» корхонаси директори Юқори Чирчиқ туманидаги ғалла ва чорвачилик учун ажратилган 260 гектар ерни 400 минг долларга сотишга уринганликда гумонланмоқда. У 40 минг долларни бўнак сифатида олаётганида қўлга тушди.
«Ўзатом» директори Азим Ахмедхаджаев Ўзбекистонда АЭС қурилиши бўйича Россия билан музокаралар ҳақида гапириб, ҳали ҳеч нарса аниқ эмаслигини таъкидлади. «Фақат гаплашяпмиз, умумий гаплар бўляпти. Қайси йўналишда қандай имкониятлар борлигини кўриб чиқяпмиз», — деди у.
Америка Қўшма Штатлари ва Саудия Арабистони Яқин Шарқни ўзгартириши мумкин бўлган мудофаа пактини тузишга яқин турибди, деб ёзмоқда Bloomberg нашри. Битим Ар-Риёдга Американинг илғор қуролларидан фойдаланиш имконини беради ва Исроилга Ғазо урушини тугатиш учун рағбатлар тақдим этади.
Европа тикланиш ва тараққиёт банки Ўзбекистонга «Урганч — Хонқа — Ҳазорасп — Тошсоқа — Амударё — А380 автомобиль йўли»ни реконструкция қилиш ва Амударё устидан кўприк қуриш учун 238 миллион долларгача кредит ажратди. Реконструкциядан сўнг бир қаторли йўл икки қаторли автомобиль йўлига айланади.
Қирғизистондаги тоғли қишлоқда ўтказилган танлов пайти музқаймоқ ортилган мини юк машинаси бир гуруҳ мактаб ўқувчиларини уриб юборди. 29 нафар бола жароҳатланди, етти нафари — реанимацияда. Маълумотларга кўра, фургон ҳайдовчисиз ҳаракатланган ва тормоз тизими ишдан чиққан бўлиши мумкин.
Ўзбекистон ва ЕТТБ ўртасида Тошкент инвестиция форумида имзоланган келишувга кўра, томонлар «Асакабанк»ни хусусийлаштиришга тайёргарлик кўриш жараёнида институционал трансформациялар ва корпоратив бошқарув тизимини ислоҳ қилиш бўйича иш олиб боради.
Ўзбекистон президенти хорижий инвесторларни қўшни Қирғизистон ва Тожикистонда гидроэлектр станциялари, шунингдек, Хитой-Қирғизистон-Ўзбекистон ва Ўзбекистон-Афғонистон-Покистон темирйўлларини ҳамкорликда қуриш лойиҳаларига қўшилишга чақирди.
Ўзбекистон бош вазири Абдулла Арипов Қирғизистонда қурилиши кутилаётган Қамбарота ГЭС-1 лойиҳасини «Ўзбекистон учун стратегик аҳамиятга эга» деб атади. У халқаро молия институтларини ушбу лойиҳада иштирок этишга чақирди.
Маданият ва санъатни ривожлантириш жамғармаси ҳамда Мусулмонлар идораси кўмагида «Тошкент Қуръони» номи билан машҳур бўлган Усмон мусъҳафини консервация ва реставрация қилиш режалаштирилмоқда. Лойиҳада хорижлик мутахассислар ва реставраторлар иштирок этади.
Футбол бўйича Ўзбекистон ёшлар терма жамоаси мураббийи Тимур Кападзе Японияга қарши финал ҳақида гапириб, жамоаларни «бир-бирига муносиб рақиб» деб атади. Унинг айтишича, ўйин учун тайёрланган режа бор. Кападзе, шунингдек, 3 легионернинг ўйинда қатнашмаслигига ҳам тўхталди.
Энди кам таъминланган оилаларга болалар нафақаси ва моддий ёрдам тайинлашга my.gov.uz орқали онлайн ариза бериш мумкин. Хизматдан фойдаланиш бепул.
Шавкат Мирзиёев инвесторларга ҳамкорлик имкониятлари ҳақида гапираркан, мамлакатда 30 дан ортиқ ноёб металлар конлари мавжудлигини алоҳида таъкидлади. Президент Ўзбекистон АҚШ ва Буюк Британия билан муҳим хомашё соҳасида ҳамкорлик бўйича келишувлар устида иш олиб бораётганини айтди.
Шавкат Мирзиёев Ўзбекистонда инвесторлар ҳуқуқларини ҳимоя қилишни кучайтиришга қаратилган чора-тадбирларни санаб ўтди: «Инвестициялар тўғрисида»ги қонун қабул қилинади, мамлакатда Халқаро тижорат суди иш бошлайди ва хорижий сармоядорларга ерларни ижарага бериш муддати икки баробар узайтирилади.
Тошкентда ўтаётган III халқаро инвестиция форумида Европа тикланиш ва тараққиёт банки (ЕТТБ) билан «Асакабанк»ни хусусийлаштириш бўйича битим имзоланди. Форумда сўзга чиққан Шавкат Мирзиёев хорижий инвесторларни банк ва энергетика соҳаларида иштирок этишга таклиф қилди.
Солиқ қўмитаси «Газета.uz» сўровига жавобан қурувчи ташкилотлар янги уй-жойларни сотишда шартномаларда кўрсатадиган нархлар бўйича маълумотлар билан бўлишди. Унга кўра, айрим қурувчилар ҳужжатларда ҳар кв.м учун нархни 1 млн сўмдан кўрсатган. Мақсад солиқ солинадиган базани камайтириш бўлиши мумкин.
Ўзбекистонда хорижий сармоядорлар акциялардан олинаётган дивидендлар бўйича солиқлардан 3 йил муддатга озод этилади. Шунингдек, сармоядорлар учун ерларни ижарага бериш муддати 25 йилдан 49 йилгача узайтирилади. Мамлакатда Халқаро тижорат суди иш бошлайди.
Йил охиригача Yandex Ўзбекистоннинг икки шаҳрида болалар учун дастурлаш мактаблари ва информатика ўқитувчилари учун бепул дастурлаш курсларини очишни режалаштирмоқда.
Футбол бўйича Ўзбекистон ёшлар терма жамоаси мураббийи Тимур Кападзе Осиё кубогида Индонезияга қарши баҳсдан олдин йигитларга концентрацияни йўқотмаслик ва босимларга аҳамият бермасликни тушунтирган. «Мақсадимиздан кечмаймиз», — деди у. Кападзе шогирдлари 3 май куни финалда Япония билан ўйнайди.
«Ривожланаётган дунёда ҳукуматлар муаммо тадбиркорлар камлигида деб ўйлайди, лекин муаммо бор корхоналарнинг жуда кичиклигида», — деди Беҳзод Ҳошимов. Иқтисодчига кўра, фирмаларнинг ҳажми ошиши керак, аммо давлат харажатлари орқали тадбиркорларни рағбатлантириш сиёсати бунинг тескарисини қилади.
Қўшимча имкониятларга эга булиш учун сайтда рўйхатдан ўтинг