Ўзбекистон аэропортларида асосий йиғим ва тарифлар 27 фоизга пасайтирилмоқда
Uzbekistan Airports хорижий авиакомпаниялар учун ҳаво кемаларига техник хизмат кўрсатиш учун асосий йиғим ва тарифларни пасайтиради. Ушбу қарор ҳаво транспорти орқали саёҳат қилишни жамоатчилик учун янада қулайроқ қилиши кутилмоқда.
Никол Пашинян апрель ойи охирида истеъфога чиқади
Маълум қилинишича, Арманистон бош вазири Никол Пашиняннинг истеъфосининг «ҳозирча аниқ куни маълум эмас, лекин бу апрель охирида рўй беради». 20 июнь куни эса Арманистонда навбатдан ташқари парламент сайловлари бўлиб ўтади.
Навоийда 150 минг долларга ерни ноқонуний сотмоқчи бўлган мансабдор шахс ушланди
Навоий шаҳрида ўзига тегишли бўлмаган 200 кв/метр ер майдонини 150 минг AҚШ долларига сотмоқчи бўлган мансабдор шахс қўлга олинди. Унга нисбатан жиноят иши очилди.
Ҳафта давомида об-ҳаво илиқ бўлади
Ўзбекистонда ҳафта давомида республиканинг шимолий ҳудудларига Эрон ҳудудларидан илиқ ва қуруқ ҳаво массалари кириб келиши, бунинг оқибатида об-ҳаво ёғингарчиликларсиз бўлиши кутилмоқда. Ҳаво ҳарорати марказий, шарқий ҳудудларда кундузи 23−26° илиқгача, шимолда ва жанубда 27−32° илиқгача кўтарилади.
Ўзбекистонда Жамоат хавфсизлиги концепцияси қабул қилинади
Апрель охирига қадар Жамоат хавфсизлиги концепциясининг тасдиқланиши кутилмоқда. Ҳужжатда патруль-пост ва йўл-патруль хизматлари, ҳуқуқбузарликлар профилактикаси ва пробация хизматлари бўлинмаларининг ўзаро ҳамкорликда ишлаши бўйича янги механизмларни белгилаш кўзда тутилади.
Интернетдаги негатив фикрлар бекорчиликдан келиб чиқади — Наманган вилояти ҳокими
Наманган вилояти ҳокими Шавкат Aбдураззоқов интернетда ёзиладиган негатив фикр-мулоҳазалар бекорчиликдан келиб чиқишини айтди. У контейнерда яшаётган жойда инсонлар Facebook ва интернет нималигини билмаслигини таъкидлади.
АҚШ Гуантанамо қамоқхонасидаги энг махфий объектлардан бирини ёпди
АҚШ Кубанинг Гуантанамо префектурасидаги қамоқхонасининг энг махфий бўлими ҳисобланадиган 7-лагерни ёпди. Эндиликда қамоқхонадаги барча маҳбуслар иккита лагерда (бунгача учта лагерда сақланган) сақланади, бу эса «қамоқхона харажатларини» камайтиради.
Давлат хизматчиларининг меҳнатини ягона тизим асосида баҳолаш режалаштирилмоқда
Молия вазирлиги меҳнатга ҳақ тўлашнинг ягони тизимини жорий этиш бўйича президент қарори лойиҳасини ишлаб чиқади. Давлат органлари сонини административ ислоҳотлар доирасида қисқартириш, қолаверса, ҳокимликлар таркиби ва бошқарув кадрлари сонини қайта кўриб чиқиш режалаштирилмоқда.
Андижонда 50 минг долларга ер олиб бермоқчи бўлган шахс ушланди
50 минг долларга Андижон шаҳар шимолий саноат ҳудудидан ер олиб беришни ваъда қилган шахс 20 минг долларни олган вақтида ушланди. У ерни юқори лавозимдаги танишлари орқали олиб беришини айтган. Унга нисбатан Жиноят кодексининг фирибгарлик ва пора бериш моддалари билан иш очилди.
Индонезияда сув тошқини ва ер ўпирилиши оқибатида 55 киши ҳалок бўлди
Якшанба куни юз берган сув тошқинлари ва ер ўпирилиши оқибатида Индонезия ва Шарқий Тиморда жами 76 киши ҳалок бўлди, минглаб аҳоли уйсиз қолди.
ДХХ 2020 йилда Ўзбекистонда иккита терактнинг олдини олди
2020 йилда Давлат хавфсизлик хизмати органлари тўртта терактнинг олдини олди, улардан иккитаси Ўзбекистонда, яна иккитаси МДҲ мамлакатларида амалга оширилиши режалаштирилган эди. Бундан ташқари, 67 та яширин гуруҳ фаолиятига чек қўйилди, 594 та қурол ноқонуний муомаладан чиқарилди.
Ҳуқуқ-тартибот органлари ходимлари ва оила аъзоларининг шахсий ҳаёти ҳақида маълумот тарқатганлик учун жавобгарлик белгиланади
Ўзбекистонда ҳуқуқни муҳофаза қилиш органлари ходимларига тан жароҳати етказганлик, уларнинг шаъни ва қадр-қимматини камситганлик учун жазони кучайтириш, шунингдек, ходимлар ва уларнинг оила аъзоларининг шахсий ҳаёти тўғрисидаги маълумотларни тарқатиш учун жавобгарликни жорий этиш кўзда тутилмоқда.
Халқаро ҳамкорлик ва ривожланиш агентлигига раҳбар тайинланди
Жамшид Абдусаламов Инвестициялар ва ташқи савдо вазирлиги ҳузуридаги Халқаро ҳамкорлик ва ривожланиш агентлиги директори вазифасига тайинланди.
Андижонда 4 та автомобиль иштирокида ЙТҲ содир бўлди
Андижон вилояти Шаҳрихон туманида 4 та автомобиль иштирокида ЙТҲ содир бўлди. 2 киши жароҳатланди.
Наманганда боғча тарбияланувчиси иссиқ сувдан куйиб вафот этди
Наманган вилоятидаги махсус боғча тарбияланувчиси иссиқ сув жўмрагини очиб юбориши натижасида 70% куйиш тан жароҳатидан вафот этди. Бола ақлий ривожланиши орқада қолиш ташхиси билан тарбияланиб келгани маълум бўлган. Ҳолат юзасидан жиноят иши қўзғатилди.
Ўзбекистонлик талабаларга Россияга қайтишга рухсат берилди
Россия ҳукумати яна олтита мамлакат, шу жумладан Ўзбекистондан бўлган талабаларга ўқишларини давом эттиришлари учун мамлакатга қайтиб келишига рухсат берди. Бунинг учун бир қатор қоидалар белгиланган.
Тошкентда бокс кечаси: саккиз нафар ўзбекистонликнинг барчаси ғалаба қозонди
Тошкентда бўлиб ўтган профессионал бокс кечасида рингга кўтарилган ўзбекистонлик саккиз нафар боксчининг барчаси ғалаба қозонди. Муроджон Аҳмадалиев Рёсукэ Ивасани муддатидан олдин мағлуб этиб, WBA Super ва IBF йўналишлари чемпионлигини муносиб ҳимоя қилди. Шунингдек, Шаҳром Ғиёсов мексикалик Патрисио Моренони нокаутга учратди, Ҳасанбой Дўсматов эса Мухсин Кизот устидан ғалаба қозонди. Яккаликлар натижалари — «Газета.uz» шарҳида.
30 минг доллар эвазига прокуратурага ишга жойлашни ваъда қилган шахс ушланди
Прокуратура органларига ишга жойлаштиришни ваъда қилган шахс сўралган 30 минг доллардан 5 минг долларини олаётганида қўлга олинди.
Ўзбекистонда хизмат кўрсатган санъат арбоби, ҳайкалтарош Яков Шапиро вафот этди
Таниқли ҳайкалтарош Яков Иосифович Шапиро 83 ёшида ҳаётдан кўз юмди. У Тошкентдаги Максим Горький, Шота Руставели, Ҳамид Олимжон ҳайкаллари, бир қатор архитектура-ҳайкалтарошлик ансамбллари, хусусан, «Космонавтлар» метро станциясидаги композиция ва бошқа ёдгорликлар ижодкори ҳисобланади.
Давлат органлари ходимларининг сони 15 фоизгача қисқартирилади
Президент қарори билан давлат органларида 5288 та штат қисқартирилади. Шунингдек, вазирлик ва идораларнинг 40 нафар раҳбар ўринбосарлари лавозимлари ҳам қисқартирилади.
Қўшимча имкониятлардан фойдаланиш учун сайтда рўйхатдан ўтинг