Андижон вилояти ҳокимига тегишли яна бир аудиоёзув тарқалди
Ижтимоий тармоқларда Андижон вилояти ҳокими Шуҳрат Абдураҳмоновнинг овози акс этган яна бир аудио тарқалди. Унда ҳоким тадбиркорларни «шакал» деб атади.
Тошкент ҳокими 500 млн долларлик евробондларни чиқаришини маълум қилди
Тошкент ҳокимлиги 500 млн долларга евробондлар чиқаришни режалаштирмоқда, деди ҳоким Жахонгир Ортиқхўжаев. Шу билан бирга, бюджет қонунчилигига кўра, Ўзбекистон шаҳарлари ва вилоятларига ички ва ташқи бозорлар орқали кредитлар жалб қилиш тақиқланган. Тошкентга фақат ички облигацияларни чиқариш бўйича эксклюзив ҳуқуқ берилган.
Ишсизлик даражаси 11,1 фоизгача камайди
Ўзбекистонда январь-сентябрь ойларида ишсизлик даражаси 11,1 фоизни ташкил этиб, йилнинг биринчи ярим йиллигига нисбатан 2,1 фоизга камайди. Тадқиқотларга кўра, мамлакатда меҳнат ресурслари сони 19,1 млн кишини, республикадан ташқарига ишга кетганлар сони 1,9 млн кишини ташкил этган. Ўзбекистонда ишга муҳтож бўлганларнинг умумий сони 1,6 млн кишидан ошган.
Таълим шаклини танлашда талабалар ва ОТМларнинг имкониятлари ҳисобга олинади
16 ноябрь куни анъанавий таълим шаклига барча талабалар ёки барча курслар жалб қилинмайди ва ОТМлар имкониятидан келиб чиқиб, барча курсларни навбат билан анъанавий таълимга жалб этилади. Шунингдек, талабаларнинг имкониятлари агар мавжуд бўлмаса, ўз хоҳиши билан масофавий таълимда давом эттириши мумкинлиги маълум қилинди.
30 кишилик аудиторияга 15 нафар талаба киритилади
16 ноябрдан қайта тикланадиган анъанавий шаклдаги ўқув жараёнида, аудиторияларга белгиланган сиғимнинг 50 фоизигача талабалар киритилади. Яъни, 30 кишилик аудиторияда бўлиб ўтадиган дарсларга 15 нафар талаба қатнашади.
Шавкат Мирзиёев Қирғизистон президенти в.б. билан телефон орқали мулоқот қилди
Ўзбекистон ва Қирғизистон президентлари телефон орқали мулоқот қилишди. Садир Жапаров «Қирғизистон учун қийин даврда» кўрсатган инсонпарварлик ёрдами учун Ўзбекистонга миннатдорчилик билдирди.
2021 йилдан 40 ёш ва ундан юқоридагилар тиббий текширувларидан ўтказилади
Президент қарорига асосан 2021 йил 1 январдан бошлаб 40 ва ундан юқори ёшдаги фуқароларда гипертония, инфаркт, инсульт, қандли диабет ва бошқа хавф омилларини аниқлаш бўйича тизимли равишда скрининг текширувлари ўтказилади.
Ўзбекистон миллий бренди жаҳон бўйича 61-ўринни эгаллади
Ўзбекистон «Nation Brands 2020» рейтингида 61-ўринни эгаллади. Бу натижа ўтган йилгидан 9 поғона юқорироқдир. Марказий Осиёда энг яхши кўрсаткич Қозоғистонда (44-ўрин), МДҲ давлатлар орасида эса Россияда (14-ўрин).
Нима тайёрлаймиз: шўрвалар
Совуқ ҳавода тайёрланиши шарт бўлган шўрвалар рецептларини Zira.uz тайёрлаб қўйган рўйхатдан топишингиз мумкин.
Жаҳон янгиликлари дайжести
Энг йирик эркин савдо шартномасининг тузилиши, Қорабоғ аҳолиси ўз уйларини ёқиб юбориши, Перуда янги президентга қарши намойишлар ва бошқа янгиликлар — «Газета.uz»нинг жаҳон янгиликлари дайжестида.
Навоий аэропорти ишчилари ишдан бўшатилган директорни ўз лавозимига қайтаришни сўрашмоқда
Навоий халқаро аэропорти ходимлари аввалги директор в.б. Алишер Кличевни ўз лавозимига қайтаришни сўрашмоқда. Уларнинг сўзларига кўра, гарчи унинг қўл остида аэропорт ўз мавқеини яхшилаган ва даромад келтирган бўлса-да, у ҳеч қандай сабабсиз ишдан бўшатилган. Uzbekistan Airports бундан олдин Кличев «ишидаги қўпол хатоликлари» ва «ишчиларни ёллашда халқаро меъёрларга риоя қилмаганлиги» учун огоҳлантирилганини айтган эди.
16 нафар америкалик ўқитувчи ва профессорлар Ўзбекистонга келади
Яқин ойларда АҚШдан 16 нафар инглиз тили ўқитувчилари ҳамда етакчи университетларининг профессорлари Ўзбекистонга келиши кутилмоқда. Улар халқ таълими ходимларини қайта тайёрлаш ва уларнинг малакасини оширишда ёрдамлашади. Бундан ташқари, Қарши шаҳрида «Amerika ойнаси» («American window») кутубхонасининг очилиши устида иш олиб борилмоқда.
Шуҳрат Абдураҳмоновга тегишли аудио бўйича расмий муносабат билдирилди
Ижтимоий тармоқларда Андижон вилояти ҳокими Шуҳрат Абдураҳмоновга тегишли аудио тарқалди. Унда ҳоким Марҳамат туманида уч нафар аёлни «президент вакилига сассиқ гапиргани» учун қамаб қўйганини айтади. Бундан ташқари, журналистларга қарата, — «Агар қитиғимга тегсанг, мен қўйвораман», — деган. Вилоят ҳокимлиги матбуот хизмати ушбу аудиоёзув икки йил олдин ёзилганлигини айтмоқда.
2021 йил Қашқадарёда тадбиркорликни ривожлантириш йили деб эълон қилинди
2021 йил Қашқадарё вилоятида тадбиркорликни ривожлантириш йили деб эълон қилинди. Вилоятда 2021−2022 йилларда умумий қиймати 28 трлн сўм бўлган 950 та лойиҳа амалга оширилади. Бу лойиҳалар натижасида 15 мингта янги иш ўрни яратилиши режалаштирилган.
Боғчадан олий таълимгача — ўғил-қизларга жинсий тарбиядан таълим берилади
Сенат раиси Танзила Нарбаева жинсий тарбияни ёшликдан бошлаш зарурлигини таъкидлади. Жумладан, мактабгача таълимда ёшга мос қилиб, юқори синфлар ва олий таълимда йигит-қизларни оилага тайёрлаш, репродуктив саломатликка ўқитиш кераклиги айтилди. «Биз ёпганимиз сари интернет очиқ. У салбий оқибатларга олиб келаяпти», — деди юқори палата раиси.
Ўқувчиларга қизиқишига қараб фанларни танлаб ўқиш имкони берилади
Янги миллий ўқув дастурига кўра, эндиликда назария ва амалиёт тенг тақсимланади. Фанлар сони ва ўқув юкламалари ўқувчилар қизиқишига қараб белгиланиб, спиральсимон тарзда ўқитилади.
Дам олиш кунлари мамлакатга совуқ ҳаво оқими киради
Дам олиш кунлари республика ҳудудига Урал томондан совуқ ҳаво кириши кутилмоқда. Шанба куни Қорақалпоғистон ва Хоразм вилоятида, якшанба куни эса Тошкент, Жиззах, Сирдарё, Андижон, Наманган, Фарғона вилоятларида қисқа муддатли ёғингарчиликлар кузатилади. Шамолнинг тезлиги секундига 15−20 метргача етиши мумкин.
Суд Трампнинг сайловлар бўйича даъвосини қабул қилди
Пенсильвания апелляция суди почта орқали юборилган овозларни ҳисоблаш бўйича амалдаги президент Дональд Трампнинг даъвосини қабул қилди. Унга кўра, Пенсильвания штатида ўн минглаб сайлов бюллетенларида келтирилган сайловчилар ўзларини тасдиқламаганлари сабабли бюллетенлар рад этилди.
Ҳоким ва раҳбарларга хизмат автомашиналари классига қараб бириктирилади
Мансабдор шахсларнинг давлат ҳисобидан қимматбаҳо автотранспортлар харид қилишининг олдини олиш мақсадида президент қарори лойиҳаси ишлаб чиқилди. Эндиликда давлат ҳокимияти ва бошқаруви органлари раҳбарларига хизмат авторанспортлар классига қараб бириктириш белгиланиб, чекловлар қўйилади.
Шавкат Мирзиёев Қашқадарёдаги муаммоларни санаб ўтди
Қашқадарёда нотўғри суғориш оқибатида ерларнинг 45 фоизи шўрланган, аҳолининг атиги 50 фоизи ичимлик суви билан таъминланган, вилоятнинг 88 мактабида «смена» кўрсаткичи юқори, лекин бир нечта мактаб филиали биноси пахсадан қурилган, соғлиқни сақлаш тизимида 1000 дан ортиқ шифокорлар етишмайди. Давлат раҳбари вилоятнинг муаммоларини санаб ўтди.
Қўшимча имкониятлардан фойдаланиш учун сайтда рўйхатдан ўтинг