Гулистонда Yandex Go иш бошлади
Сирдарё вилоятининг Гулистон шаҳри Ўзбекистонда Yandex Go такси хизмати ишга тушган 14-шаҳар бўлди. Саёҳатнинг минимал нархи 4000 сўмдан бошланади.
Миллий инвестиция жамғармаси ташкил этилади
Ўзбекистон миллий инвестиция жамғармаси ташкил этилади. Жамғарманинг асосий вазифаси этиб жамғарма акцияларини етакчи хорижий фонд биржасида жойлаштириш ва жамғарма активларини хусусийлаштириш жараёнларида иштирок этиш учун халқаро институционал инвесторларни жалб қилиш белгиланди.
Қозоғистонда қаровсиз қолиб кетган 3 бола Ўзбекистонга қайтарилди
Турли сабабларга кўра Қозоғистонда қаровсиз қолиб кетган уч бола (17, 12 ва 2 ёшда) Ўзбекистонга қайтарилди.
Саудия Арабистонида қийин аҳволда қолган ўзбекистонлик ватанга қайтарилди
Февраль ойидан буён Макка шаҳридаги шифохоналардан бирида даволанаётган ва виза муддати тугаган фуқаронинг Ўзбекистонга қайтишига ёрдам кўрсатилди. У ва унинг ўғли шифокор ҳамроҳлигида Тошкентга олиб келинди.
Давлат органлари ҳузуридаги жамоатчилик кенгашлари фаолияти самарадорлиги ҳар йили баҳоланади
Давлат органлари ҳузуридаги жамоатчилик кенгашлари раислари фуқаролик жамияти институтлари вакиллари орасидан тасдиқланади. Кенгашлар фаолияти самарадорлиги эса ҳар йили баҳолаб борилади. «Жамоатчилик назорати тўғрисида»ги қонунни янги механизм ва шакллар билан тўлдириш режалаштирилмоқда.
Украина Россия билан урушни тугатиш режасини АҚШга юборади
Украина Россия билан урушни тугатиш режасини тайёрлади ва АҚШга тақдим этади, деди Украина президенти Владимир Зеленский. У бир неча банддан иборат, улардан бири — Курск вилоятидаги операция.
АҚШ суди Байденнинг мигрантларни қонунийлаштириш дастурини тўхтатди
Техас суди президент Жо Байденнинг америкаликлар билан турмуш қурган мигрантларга қонуний мақомга эга бўлиш имконини берадиган дастурини тўхтатишга қарор қилди.
Андижондаги цемент заводи инсофсиз рақобат учун 4,9 млрд сўм жаримага тортилди
Рақобат қўмитаси Shangfeng-Bridge of Friendship цемент заводи билан боғлиқ текширувни якунлади. Компания биржа савдоларида демпинг ва рақобатни чеклагани учун 4,9 млрд сўм жаримага тортилди.
Тошкент метросининг «Ўзгариш» бекатида ёнғин юзага келди
Метрополитеннинг «Ўзгариш» бекатида рельсдаги қисқа туташув сабаб ёнғин юзага келди. Ҳолат 4 дақиқада бартараф этилди ва ҳаракат тикланди. Ёнғинда ҳеч кимга жароҳат етмади.
35 та ҳолатда ўқитувчи ва шифокорлар «Ташаббусли бюджет»га овоз йиғишга мажбурланган бўлиши мумкин — ИМВ
«Ташаббусли бюджет» лойиҳаларига овоз бериш жараёнида республика бўйлаб овоз йиғишга мажбурлаш ҳолатлари бўйича 39 та шикоят келиб тушди, деб ёзди Иқтисодиёт ва молия вазирлиги. Уларнинг 35 таси ўқитувчи ва шифокорлар билан боғлиқ. Агар улар ўз тасдиғини топса, лойиҳалар жараёндан четлатилади.
ANORBANK тўрт ёшини қандай нишонлади
ANORBANK ўзининг тўрт йиллиги муносабати билан анъанага кўра болалар учун хайрия байрамини ташкил этди.
«Ўзбекистон Республикасида хизмат кўрсатган тадбиркор» фахрий унвонини таъсис этиш режалаштирилмоқда
Қонунчилик палатаси депутатлари жамият ҳаётида юқори натижаларга эришган бизнес вакилларини тақдирлаш тизимини яратиш учун «Ўзбекистон Республикасида хизмат кўрсатган тадбиркор» фахрий унвонини таъсис этмоқчи. Улар бу ёшларнинг тадбиркорлик ва бизнесга қизиқишини оширади, деган фикрда.
ТBC Bank билан мактабга тайёргарлик: ота-оналар учун амалий маслаҳатлар
TBC Bank ота-оналарга болани минимал харажатлар билан мактабга тайёрлаш бўйича амалий маслаҳатлар бериб, кутилмаган харажатларни қоплаш бўйича ечимлар билан ўртоқлашди.
Қирғизистонда интернетдаги дезинформация учун фуқароларга жарима солиш таклиф этилди
Қирғизистон Маданият вазирлиги ОАВ ва интернетда ёлғон маълумотларни тарқатганлик учун фуқаролар ва юридик шахсларга жарималар жорий этишни таклиф қилди. Вазирликнинг фикрича, бу «интернет-контент истеъмолида танқидий фикрлаш зарурлиги юзасидан аҳоли хабардорлигини оширади».
Меҳмонхона, ТЖМ, тўқимачилик корхоналари ва дўстлик боғи: Шавкат Мирзиёев ва Илҳом Алиев қандай лойиҳаларни бошлаб берди?
Ўзбекистон ва Озарбайжон президентлари икки давлатда қиймати 520 млн доллар бўлган 7 та лойиҳани ишга туширди. Ritz-Carlton меҳмонхонаси, турар жой мажмуаси, Қашқадарёдаги гипс маҳсулотлари ишлаб чиқариш заводи, тўқимачилик корхоналари, Озарбайжондаги дўстлик боғи шулар жумласидан.
Fitch — Ўзбекистоннинг ислоҳотлар ва бошқарувдаги тараққиёти, инфляция ва давлат қарзи ҳақида
Fitch Ratings Ўзбекистоннинг суверен рейтингини ВВ- даражасида қолдирди. Агентлик давлат қарзининг паст даражаси, ЯИМнинг юқори ўсиши ва ислоҳотлардаги тараққиётни қайд этди. Бу ЯИМ пастлиги, давлат бошқаруви заифлиги, лекин яхшиланаётгани, иқтисодиётда давлат улуши юқорилиги билан мувозанатлашади.
ОТБ Ўзбекистон билан янги 5 йиллик ҳамкорлик стратегиясини бошлади
ОТБнинг Ўзбекистон бўйича янги стратегияси мамлакатнинг яшил иқтисодиётга ўтишини қўллаб-қувватлашни назарда тутади. Банк энергетика, давлат сектори ва табиий ресурсларни бошқариш, молия, транспорт, қишлоқ хўжалиги ва шаҳарсозлик соҳаларида лойиҳаларни амалга оширишга ёрдам беради.
Ўзбекистон ва Озарбайжон президентлари — янги авиақатновлар, Тошкент ва Бокудаги «Боқий шаҳар» мажмуалари, денгиз орқали юк ташиш ҳақида
Президент Шавкат Мирзиёев Ўзбекистон ва Озарбайжон ишбилармонлари билан учрашувда қўшма инвестиция фонди миқдорини, авиақатновлар сонини ошириш, Боку ва Тошкентда «Боқий шаҳар» мажмуаларини қуриш таклифини билдирди. «Бокуда ўзбек тупроғи, Тошкентда Озарбайжон тупроғи бўлади», — деди у.
Тўрақўрғон туманига ҳоким тайинланди
Наманган вилоятининг Тўрақўрғон туманига Шерали Қосимов ҳоким этиб тайинланди. У мазкур лавозимга қадар Поп тумани ҳокими ўринбосари сифатида ишлаган.
Афғонистондан ўтган ҳарбий самолёт ва вертолётлар Ўзбекистонда қолади — АҚШ элчиси
Ўзбекистон ва АҚШ 2021 йилнинг августида Афғонистондан олиб ўтилган ҳарбий самолётлар ва вертолётлар тақдири бўйича келишувга эришди. Америка элчиси Жонатан Ҳеник улар Ўзбекистонга ўтказилишини билдирди.
Қўшимча имкониятлардан фойдаланиш учун сайтда рўйхатдан ўтинг