СПЕКА мамлакатлари йирик «яшил» лойиҳаларни қўллаб-қувватлаш учун жамғарма ташкил қилиши мумкин
Президент БМТнинг Марказий Осиё иқтисодиётлари учун махсус дастури саммитида сўзлаб, 2024 йилда «яшил» иқтисодиёт, инновациялар, логистика, муқобил энергетика, «ақлли» қишлоқ хўжалиги каби соҳалардаги йирик лойиҳаларни қўллаб-қувватлаш учун СПЕКАнинг Мақсадли жамғармасини тузишни қўллаб-қувватлади.
ҲАМАС гаровга олинган исроилликларнинг биринчи гуруҳини озод қилди
ҲАМАС, Исроил билан тузилган келишувга кўра, гаровга олинган 13 нафар исроилликни Қизил хоч ташкилотига топширди. Гуруҳ, шунингдек, 12 нафар Таиланд фуқаросини ҳам асирликдан озод қилди.
Қашқадарёда 14 ёшли қиз 7 ой давомида жинсий қулликда сақлангани айтилмоқда
Болалар омбудсманига Китоб туманида яшовчи 14 ёшли қиз Шаҳрисабз туманида 7 ой мажбуран сақланиб, турли шахслар билан жинсий алоқа қилишга ёллангани ҳақида мурожаат қилинди. Гумонланувчига нисбатан одам савдоси бўйича жиноят иши қўзғатилди. Тергов ҳаракатлари кетмоқда.
Тошкентда дам олиш кунлари қаерларга бориш мумкин? (25−26 ноябрь)
Учта кинопремьера, Конста, Jah Khalib, Нилуфар Усмонова концертлари, кўргазмалар, спектакллар, маҳорат дарслари, дўконлардаги акция ҳамда чегирмалар ва дам олиш кунларидаги бошқа қизиқарли тадбирлар — Afisha.uz жамланмасида.
Сенатда депутатларни аралаш сайлов тизими асосида сайлаш кўзда тутилган қонун маъқулланди
Сенаторлар Қонунчилик палатаси сайлови аралаш сайлов тизими асосида ўтказилишини назарда тутувчи қонунни маъқуллади. Шунингдек, сиёсий партиялар депутатликка номзодлар кўрсатаётганда аёллар сонининг энг кам миқдорини номзодлар умумий сонининг 30 фоиздан 40 фоизга ошириш режалаштирилмоқда.
Тошкент ҳокимлиги «Бувижонлар мактаби» ва «Уч авлод» тадбирларини ўтказишга салкам 12 млрд сўм ажратди
Тошкент шаҳри ҳокими вазифасини бажарувчи ва пойтахт халқ депутатлари кенгаши томонидан «Нуроний» жамғармасига ҳар ойда «Оталар чойхонаси», «Уч авлод учрашуви» ва «Бувижонлар мактаби» тадбирларини ўтказиш учун жами 11,5 млрд сўм ажратилди.
Сурхондарё вилоятида яна зилзила юз берди
Сурхондарё вилояти Қумқўрғон туманида 3,8 магнитудали ер силкиниши қайд этилди. Эътиборлиси, айни шу ҳудудда кечадан бери кетма-кет зилзилалар кузатилмоқда ва бу сафаргиси бешинчиси ҳисобланади.
«Ҳатто болалар овқатларининг ҳам муддати ўтган». Эркинжон Турдимов — дўконлардаги муддати ўтган маҳсулотлар ҳақида
Самарқанд вилояти ҳокими дўконларида яроқлилик муддати ўтган маҳсулотлар сотилаётгани юзасидан йиғилиш ўтказди. Ишчи гуруҳ томонидан 4 кун давомида 41 та савдо шохобчаси текширилиб, 1736 дона яроқсиз товар аниқланган.
ЕИнинг санкциялар бўйича махсус вакили 29−30 ноябрь кунлари Ўзбекистонда бўлади
Европа Иттифоқининг санкциялар бўйича махсус вакили Дэвид О’Салливан 29−30 ноябрь кунлари Ўзбекистонга ташриф буюради. Бу унинг сўнгги етти ой ичида Тошкентга қилган иккинчи ташрифи саналади.
Шахматчи Афруза Ҳамдамова Ўзбекистон тарихида қизлар орасидаги илк жаҳон чемпиони бўлди
Шахматчи Афруза Ҳамдамова Италияда ўтган U-14 ЖЧда муддатидан аввал ғалаба қозониб, Ўзбекистон тарихида қизлар орасидаги илк жаҳон чемпиони бўлди. Эътиборли жиҳати, у Шенген визасини расмийлаштириш кечиккани учун биринчи раундни ўтказиб юборди, аммо техник мағлубиятга қарамай, 9 та ғалабага эришди.
Тошкент метросида 2 та бекатнинг иш тартиби вақтинча қисқаради
25 ноябрдан Тошкент метросининг «Ерусти ҳалқа йўли» йўналишидаги «Технопарк» ва «Яшнобод» бекатларининг иш вақти вақтинча соат 06:00 дан 22:00 гача қисқартирилади. «Тузел"-"Қурувчилар» бекатлари оралиғида эса поездлар ҳаракати маълум соатларда бир томонлама ташкил этилади.
Ўзбекистон ва Озарбайжон президентлари Бокуда музокара ўтказди
БМТнинг Марказий Осиё иқтисодиётлари учун махсус дастури биринчи саммитида қатнашиш учун Бокуга борган Шавкат Мирзиёев Озарбайжон президенти Илҳом Алиев билан музокара олиб борди. 2024 йилни мамлакатлар ўртасидаги кўп қиррали муносабатларни жадал ривожлантириш йили деб эълон қилиш таклиф этилди.
Чирчиқ дарёсидан қум-шағал қазиб олиниши оқибатида табиатга 35,7 млрд сўм зарар етди
Тошкентдаги Чирчиқ дарёсининг муҳофаза минтақасида 57,8 минг куб метр қум-шағал ноқонуний қазилгани аниқланди. Дастлабки ҳисоб-китобларга кўра, зарар 34,7 млрд сўмни ташкил этди, бироқ экспертизадан сўнг бу миқдор ошиши мумкин.
Тошкентдаги 4 та туманнинг айрим ҳудудларида иссиқ сув ва иссиқлик таъминоти вақтинча тўхтатилди
Тошкентнинг Юнусобод, Мирзо Улуғбек, Олмазор ва Шайхонтоҳур туманларидаги айрим ҳудудларида 24 ноябрь куни иссиқ сув ва иссиқлик таъминоти вақтинча тўхтатилди. Таъминот 24 ноябрь ярим тунгача тикланиши айтилган.
Украина Ўзбекистоннинг икки компанияси ва икки фуқаросига қарши санкциялар қўллади
Украина Ўзбекистоннинг «Оҳангаронцемент» заводи ва унинг эгаси Akkermann Cement CA компаниясини, шунингдек, Алишер Усмоновнинг жияни Насиба Нарзиева ва унинг турмуш ўртоғи Шоҳрух Носирхўжаевларни санкциялар рўйхатига киритди.
Тошкентда автобусда 9 ёшли қизга шилқимлик қилган кондуктор 5 суткага қамалди
Тошкентда 115-сонли автобуснинг 32 ёшли кондуктори 9 ёшли қизга шилқимлик қилди. У қизнинг қўлидан ушлаб, бир ўпишни сўраган. Суд эркакка нисбатан 5 сутка маъмурий қамоқ жазосини тайинлади.
Жасур Пўлатов Тошкент халқаро аэропорти директори в.б. этиб тайинланди
Тошкент халқаро аэропортига Жасур Пўлатов директор вазифасини бажарувчи этиб тайинланди. У бунга қадар Бухоро аэропорти директори вазифасини вақтинчалик бажарувчи бўлиб ишлаган.
Дам олиш кунлари ҳаво исийди
Ўзбекистонда дам олиш кунлари ёғингарчилик кутилмайди. Ҳарорат кўтарилиб, шанба куни +17…+20, якшанба куни +20…+23 даражагача исийди. Баъзи жойларда шамол кучайиши мумкин.
«Яшил макон» маблағларининг камида ярми жамоатчилик фикри асосида шаклланган лойиҳаларга йўналтирилади
Бюджетдан «Яшил макон» лойиҳасига ажратиладиган маблағларнинг камида 50 фоизи «Очиқ бюджет» портали орқали жамоатчилик фикри асосида шаклланган «Менинг боғим» лойиҳаларини молиялаштиришга йўналтирилади. Бунда «яшил боғлар» ва «яшил жамоат парклари»ни ташкил қилиш режалаштирилган.
Энергетика вазири — янги биноларнинг электр тармоқларига бўладиган юкламаси ҳақида
Қонунчилик палатасида энергетика вазири депутатнинг Тошкентда кўп қаватли уйлар қурилишининг ошиши энергетика тармоғига қандай таъсир қилаётгани ҳақидаги саволига жавоб берди. Унинг айтишича, ҳозирда янги техник шартлар жорий қилинган, аввалгидек ягона дарча орқали рухсатнома олиш тақиқланган.
Қўшимча имкониятларга эга булиш учун сайтда рўйхатдан ўтинг