Заргарлик буюмларига импорт божхона божлари 20% дан 10% гача пасайтирилади
1 ноябрдан бошлаб жисмоний шахсларга оғирлиги 200 граммгача бўлган кумуш, 65 граммгача бўлган тилла тайёр заргарлик буюмларини божхона декларациясини тўлдирмасдан, ундан юқори оғирликдагиларини эса декларация асосида Ўзбекистон божхона ҳудудидан ташқарига олиб чиқишга рухсат этилади.
Ўзбекистонга пул ўтказмалари 25 фоизга ошди, Россиянинг улуши камайишда давом этмоқда — МБ
2024 йилнинг биринчи ярмида Ўзбекистонга пул ўтказмалари ҳажми 25 фоизга ошиб, 6,5 миллиард долларни ташкил этди. Бу Марказий банкнинг дастлабки прогнозларидан икки баробар кўп. АҚШ, Германия, Жанубий Корея ва Польшадан тушумлар кескин ошди. Россиянинг улуши пасайишда давом этмоқда.
Суд «Навоийазот»нинг Рақобат қўмитасига даъвосини қаноатлантирмади
Июнь ойида Рақобат қўмитаси «Навоийазот»ни ўғитлар нархини ошириб юборганликда айблаб, унинг 20,5 млрд сўм асоссиз даромадини ундиришга қарор қилган эди. Компания айбловга қўшилмади ва қўмита қарори устидан шикоят қилди, бироқ суд даъвони рад этди.
Тимур Кападзе Олимпия шаҳарчасида муаммолар кўплиги ҳақида гапирди
Ўзбекистон олимпия терма жамоаси мураббийи Тимур Кападзе Франциядаги Олимпия шаҳарчасида муаммолар кўплиги ҳақида маълум қилди. «Олимпия шаҳарчасига келганимиздан бери ҳар куни қандайдир воқеалар содир бўлмоқда. Ҳали автобус келмайди, ҳали автобуслар йўлда адашиб қолмоқда», — дейди жамоа мураббийи.
«Демократия ҳар қандай унвондан муҳимроқ». Байден сайловдан нега воз кечганини изоҳлади
Жо Байден Америка халқига мурожаатида унинг шахсий амбициялари демократия йўлига тўсқинлик қилмаслиги кераклигини айтди. «Мен бу лавозимни қадрлайман. Аммо ватанимни кўпроқ севаман», — деди у сайловдан чиқиш қарорини изоҳлаб. Байден «эстафетани янги авлодга топшириш» зарурлигини айтди.
Тошкентда Lacetti бетон устунга урилиши оқибатида 2 киши ҳалок бўлди
Миробод туманида руль бошқарувини йўқотган Lacetti бетон устунга бориб урилди. Оқибатда ҳайдовчи ва бир йўловчи вафот этди, яна 3 киши шифохонага ётқизилди.
«Зангиота-2» шифохонаси ўрнида Тошкент шаҳар болалар кўп тармоқли шифохонаси ташкил этилади
Коронавирус билан касалланганларни даволашга мўлжалланган «Зангиота-2» шифохонаси ўрнида 500 ўринли Тошкент шаҳар болалар кўп тармоқли шифохонаси ташкил этилади. 1 сентябрга қадар зарур ишлар амалга оширилиб, тиббий ёрдам кўрсатишга мослаштирилади.
Тошкентдан Чорвоққа автобуслар қатнови сони кўпайтирилди
Тошкентдан Чорвоққа қатновчи мавсумий автобуслар қатнови кунига 4 мартагача кўпайтирилди. Йўлкира нархи 20 000 сўм.
Польшада Ўзбекистон фуқароси украиналик ўсмирларга ҳужум қилмаган, ўзини ҳимоя қилган — элчихона
Ўзбекистон фуқароси Польшада 15 ёшли украиналик ўсмирларга ҳужум қилгани йўқ, у ўзини ҳимоя қилган, дея хабар қилди Ўзбекистоннинг Варшавадаги элчихонаси. Йигит фирибгарлар унга босқинчилик уюштирганини айтди. Фуқарога нисбатан қамоққа олиш тарзидаги эҳтиёт чораси бекор қилинди.
«APEX INSURANCE» АЖ дзюдо бўйича Ўзбекистон терма жамоасини Олимпия ўйинларида қўлламоқда
APEX INSURANCE дзюдо бўйича Ўзбекистон терма жамоасини Париждаги Олимпия ўйинларида қўллаб-қувватлайди ва Дзюдо федерациясига жамоани тайёрлашга қўшган ҳиссаси учун миннатдорчилик билдиради.
Исроил элчиси ҳақидаги изоҳи учун ИИБга чақирилганда жанжал кўтарган эркак 10 суткага қамалди
Telegram каналда миссиясини якунлаётган Исроил элчиси ҳақидаги постга изоҳ ёзган эркак ИИБга чақиртирилди. У идора биноси яқинида «ходимларнинг қонуний талабларига бўйсунмаган ва сўкинган». Бу учун эркак 10 суткага қамалди.
Марказий банк асосий ставкани 13,5 фоиз этиб белгилади
Марказий банк асосий ставкани 0,5 фоиз бандга пасайтириб, йиллик 13,5 фоиз этиб белгилади. Ушбу қарор инфляциянинг кутилаётган динамикаси ва инфляцияни оширувчи хатарларнинг камайганини инобатга олиб қабул қилинди.
«Ҳозирча ҳеч нарса йўқотганимиз йўқ». Элдор Шомуродов — Испания билан учрашув ҳақида
Олимпиада ўйинларининг футбол бўйича гуруҳ босқичида Ўзбекистон терма жамоаси Испанияга 1:2 ҳисобида мағлуб бўлди. Футболчи Элдор Шомуродов ўйин ҳақида фикр билдириб, жамоа кичик хатолар эвазига ютқазганини айтди. «Гуруҳда ўзимизга тенг рақибларимиз бор. Ҳозирча ҳеч нарса йўқотганимиз йўқ», деди у.
Самарқандда электр таъминоти корхонаси собиқ муҳандиси 7 минг доллар пора олишда гумонланмоқда
Ургут тумани электр таъминоти корхонаси собиқ муҳандиси тадбиркордан 14 минг доллар сўраб, ундан 7 минг долларини олганликда гумонланмоқда.
ФВВ қуёш уришидан сақланиш бўйича тавсиялар берди
Фавқулодда вазиятлар вазирлиги аҳолига қуёш уришидан сақланиш бўйича тавсиялар берди. Агар бу ҳолат кузатилса беморга биринчи тез ёрдам кўрсатиш тартибини тушунтириб ўтди.
Қорақалпоғистонда Lacetti ва Cobalt иштирокидаги ЙТҲ оқибатида 8 киши вафот этди
Қўнғирот туманида Lacetti ҳайдовчиси руль бошқарувини йўқотиб, қарама-қарши йўлдаги Cobalt билан тўқнашди. Оқибатда 2 ҳайдовчи ва 1 йўловчи воқеа жойида ҳалок бўлди, яна 5 киши шифохонада вафот этди.
Фарғонада 7 млрд сўмлик газдан ноқонуний фойдаланган корхона аниқланди
Марғилонда фаолият юритувчи тадбиркорлик субъекти қурилмаларини газ ҳисоблагичга уламай, тармоқдан ноқонуний фойдалангани маълум бўлди. Оқибатда 7,1 млрд сўмлик зарар етказилган. Тўпланган ҳужжатлар тегишли органга юборилди.
КХДР Жанубий Кореяга чиқинди шарларини учиришда давом этмоқда, улардан бири президент қароргоҳига тушди
Шимолий Корея томонидан учирилган чиқинди тўлдирилган шарлардан бири Жанубий Корея президенти идораси биносига келиб тушди. Май ойидан бери Пхеньян жанубга 3000 дан ортиқ шундай шарларни учирди.
АҚШ Махфий хизмати раҳбари Трампга суиқасддан сўнг истеъфога чиқди
АҚШ Махфий хизмати раҳбари Кимберли Читл собиқ президент Дональд Трампга суиқасд уюштирилгани сабабли танқидлар остида истеъфога чиқди. У бу воқеа Махфий хизматнинг сўнгги ўнйилликлардаги «энг катта муваффақиятсизлиги» эканини тан олди.
Газ қазиб олиш пасайишда давом этмоқда, йирик станцияларда электр энергияси ишлаб чиқариш камайди
Газ қазиб олиш (электр станциялари учун асосий ёнилғи) пасайишда давом этмоқда. Июнда ишлаб чиқариш 3,54 млрд куб метрни (-4,3%) ташкил этди. Йирик корхоналарда электр энергияси ишлаб чиқариш 12,5 фоизга, нефтники — 5,4 фоизга камайди. Шу билан бирга, ўтган ой рекорд даражада кўмир қазиб олинди.
Қўшимча имкониятлардан фойдаланиш учун сайтда рўйхатдан ўтинг