Ўзбекистон Россиядан газ импортини 2024 йилда уч баравар оширишни режалаштирмоқда
Ўзбекистон ҳукумати 2024 йилда Қозоғистон орқали Россия гази импортини уч баравар оширишни режа қилмоқда, деб ёзмоқда «ТАСС».
Темирйўл кесишмасини таъмирлаш учун Тошкентдаги ҳалқа йўлининг бир қисми тунги вақтда ёпилади
Тошкент шаҳридаги Темур Малик кўчасининг (ҳалқа йўли) «Локомотив» истироҳат боғи яқинидаги қисмида 28 март соат 21:00 дан 29 март соат 6:00 га қадар транспорт ҳаракати тўхтатилади.
Қирғизистон божхона хизмати раҳбарининг собиқ ўринбосари Райимбек Матраимов қўлга олинди
Қирғизистон махсус хизматлари божхона хизмати раҳбарининг собиқ ўринбосари Райимбек Матраимовни жиноий даромадларни легаллаштиришда гумонлаб қўлга олди. Собиқ амалдор Бокудан Бишкекка экстрадиция қилинди. Матраимовнинг «қонундаги ўғри», марҳум Қамчи Кўлбоев билан алоқаси бўлгани даъво қилинмоқда.
Заргарлик маркази, туризм, саноат ва экспорт. Президент Наманган вилоятини ривожлантириш режалари ҳақида гапирди
Президенти Наманган вилоятини иқтисодий ва ижтимоий ривожлантириш чора-тадбирларини кўриб чиқди. Вилоятда Туркия тажрибаси асосида заргарлик маркази қуриш, тоғ туризми ва йўл бўйи инфратузилмасини ривожлантириш, Қамчиқ довони ёнида логистика маркази очиш ва бошқалар режалаштирилмоқда.
Ангренда 9-синф ўқувчиси ўзидан икки ёш катта бола билан уришиб, уни ўлдириб қўйди
Ангрен шаҳрида 2008 йилда туғилган ўсмир ўзидан икки ёш катта бола билан жанжаллашиб, уни ўлдириб қўйди. Ҳолат юзасидан жиноят иши қўзғатилди.
Хулқ-атвор иқтисодиёти асосчиларидан бири Даниэль Канеман вафот этди
Психолог ва иқтисодчи, иқтисодиёт бўйича Нобель мукофоти совриндори, хулқ-атвор иқтисодиёти асосчиларидан бири Даниэль Канеман 90 ёшида вафот этди.
Ангор тумани ҳокими сотиб олган Captiva вилоят ҳокимлиги балансига ўтказилди
Коррупцияга қарши курашиш агентлиги Ангор тумани ҳокими сотиб олган Captiva автомобилининг нархи туман ҳокимлари учун белгиланган лимитдан юқори эканини аниқлади. Автомобиль Сурхондарё вилояти ҳокимлиги балансига ўтказилди. Собиқ депутат Расул Кушербаев бу муаммонинг ечими эмас, деб ҳисобламоқда.
Ўзбекистон февралда 1,3 млрд долларлик олтин экспорт қилди
Йил бошидан буён Ўзбекистоннинг ташқи савдо айланмаси 9,9 млрд долларга (+10,5 фоиз) етди. 2,66 млрд долларни ташкил этган импорт ва экспорт ўртасидаги фарқ февралда 1,3 млрд долларлик олтин сотилиши ҳисобига бироз қисқарди. Туркия, Қозоғистон ва Қирғизистон билан савдо айланмаси ҳажми камайди.
29 мартда Тошкентда «Автомобилсиз кун» бўлади
29 март, жума куни Тошкентда «Автомобилсиз кун» бўлиб ўтади. Президентнинг февраль ойидаги фармонида шу куни раҳбарлар ва бошқа давлат хизматчилари ишга жамоат транспортида етиб келиши белгилаб қўйилган эди.
Президент АҚШ делегатлари билан ҳамкорлик лойиҳаларини муҳокама қилди
Шавкат Мирзиёев 27 март куни АҚШ сенатори Стивен Дэйнс ва Вакиллар палатаси қўмитаси раиси, конгрессмен Майк Рожерс бошчилигидаги делегацияни қабул қилди. Томонлар ҳамкорликнинг истиқболли йўналишлари — таълим, ахборот технологиялари, қишлоқ хўжалиги ва тоғ-кон саноатини муҳокама қилди.
Тошкентда ўғлини бошқа бола билан уришишга мажбурлаб, ўзи ҳам калтаклашга ёрдам берган ота 10 суткага қамалди
Учтепа туманида тенгдоши билан уришаётган ўғлини жанжални давом эттиришга мажбурлаган ота 10 суткага қамалди. Шунингдек, у 3,4 млн сўм жаримага ҳам тортилди. Аввалроқ ҳолатни туман ҳокими шахсий назоратига олганди.
Жамоат транспортини бошқаришнинг ягона интеллектуал тизими жорий этилади
Тошкентда автобус йўналишларида йўловчилар ҳисобини юритиш, ҳайдовчилар ишини ва пул тушумларини назорат қилиш, автобуслар техник ҳолатини мониторинг қилиш, ажратилган йўлакларда йўл ҳаракати қоидалари бузилишини қайд этиш бўйича жамоат транспортини бошқаришнинг интеллектуал тизими жорий этилади.
Халқаро откриткалар алмашинуви: Ўзбекистонда посткроссинг қандай ривожланмоқда?
14 апрель куни Тошкентдаги Алоқа тарихи музейида халқаро посткроссерлар йиғини бўлиб ўтади. Тадбир арафасида UzPost посткроссинг фаолияти, унинг Ўзбекистонда ривожланиши ва қандай қилиб посткроссер бўлиш мумкинлиги ҳақида ҳикоя қилади.
Қашқадарёда 16 ёшли қиз отаси томонидан турли зўравонликларга учради
Қарши шаҳрида яшовчи 16 ёшли қиз болалар омбудсманига онасининг вафотидан кейин ўзи ва синглисига отасининг қилган зўравонликлари ҳақида айтди. Ўсмирлар бир неча бор уйдан ҳам қочиб кетган. Ҳозирда прокуратура томонидан тергов олиб борилмоқда, вазият болалар омбудсмани назоратида.
Хоразм вилояти ҳокими боксчи Исроил Мадримовга 2 хонали уй совға қилди (видео)
Хоразм вилояти ҳокими Жўрабек Рахимов ташаббуси билан WBA чемпиони Исроил Мадримовга икки хонали уй совға қилинди. Бунгача унга чемпионлик учун президент совғаси — Tahoe автомобили, шунингдек, ички ишлар вазири томонидан майор махсус унвони берилганди.
6 та вилоятда қор кўчиши хавфи эълон қилинди
28 мартдан 2 апрелгача Ўзбекистоннинг 6 та вилоятидаги айрим ҳудудларда қор кўчиши хавфи мавжуд. Шунингдек, 27−31 мартда тоғолди ва тоғли жойларда сел-сув тошқини ҳам юзага келиши мумкин.
1 июлдан мактаблар ва пиёдалар ўтиш жойлари олдида махсус камералар ўрнатиш бошланади
Ўзбекистонда 1 июлдан бошлаб босқичма-босқич тўрт ва ундан юқори тасмали йўллардаги пиёдалар ўтиш жойлари, мактаблар яқини ва бошқа жойларда йўл ҳаракати қоидабузарликларини қайд этувчи камераларни ўрнатиш бошланади. Ҳукумат автоматлаштирилган тизимларни ўрнатиш тартиби ва талабларини тасдиқлади.
160 дан ортиқ Ўзбекистон фуқароси Туркияга киритилмади, уларнинг 54 нафарига мамлакатга кириш тақиқланган — Миграция агентлиги
Ташқи меҳнат миграцияси агентлиги Истанбул аэропортида, асосан, 20−35 ёшдаги хорижликлар учун хавфсизлик чоралари кучайтирилгани ҳақида хабар берди. Январь-февраль ойларида Ўзбекистоннинг 163 нафар фуқароси Туркияга киритилмаган, улардан 54 нафарига мамлакатга кириш тақиқланган бўлган.
Тошкентдан Фарғона водийсига микроавтобуслар қатнови йўлга қўйилади
Тошкентдан Наманган, Фарғона ва Андижон шаҳарларига микроавтобус қатнови ташкил этилади. Шу муносабат билан Транспорт вазирлиги очиқ тендер ўтказилишини маълум қилди.
UzFood 2024 кўргазмасида Made in Moscow стенди иштирок этмоқда
26−28 март кунлари бўлиб ўтаётган 23-халқаро UzFood 2024 кўргазмасида Made in Moscow стенди 16 та озиқ-овқат саноати ишлаб чиқарувчилари маҳсулотларини тақдим қилмоқда.
Қўшимча имкониятлардан фойдаланиш учун сайтда рўйхатдан ўтинг