Uzum 100 млн доллардан ортиқ маблағ жалб этди
Uzum рақамли экотизими 100 млн доллардан ортиқ маблағни жалб қилди ва Ўзбекистон тарихидаги биринчи технологик «яккашох» компания бўлди, унинг баҳоси 1 млрд доллардан ошди. Йиғилган маблағнинг ярми капиталга инвестициялар, қолгани эса қарз маблағларидир.
Хоразмда маст ҳолда 2 болани уриб юбориб, ўлимига сабабчи бўлган ҳайдовчи 9 йилдан кўпроққа қамалди
Хива туманида маст ҳолатдаги ҳайдовчи йўл четидаги 3 нафар вояга етмаган болани уриб юбориб, ҳодиса жойидан қочиб кетди. Улардан 2 нафари воқеа жойида ҳалок бўлди. Суд ҳайдовчини 9 йилу 1 ойга озодликдан маҳрум этди.
Февралда Ўзбекистонда газ, нефть, электр ва бензин ишлаб чиқариш камайди
Февралда Ўзбекистонда газ, нефть, электр энергияси ва бензин ишлаб чиқариш ҳажми пасайди. Ой давомида газ қазиб олиш 284,4 млн куб метрга, бензин ишлаб чиқариш 8,1 минг тоннага, электр ишлаб чиқариш 626,6 млн кВт/соатга камайди. Нефть ишлаб чиқариш ҳажми кетма-кет еттинчи ой пасайди.
БМТ Хавфсизлик Кенгаши Ғазода ўт очишни тўхтатишга чақирувчи резолюцияни қабул қилди
БМТ Хавфсизлик Кенгаши илк бор Ғазо секторида ўт очишни тўхтатиш ва барча гаровга олинганларни зудлик билан озод қилишни талаб қилувчи резолюцияни қабул қилди. Ҳужжатни 14 давлат қўллаб-қувватлади, АҚШ бетараф қолди.
Қирғизистон ТИВ мамлакат фуқароларини Россияга боришдан вақтинча тийилишга чақирди
Қирғизистон Ташқи ишлар вазирлиги мамлакат фуқароларига зарурат бўлмаганда Россияга вақтинча бормасликни тавсия қилди. Россиядаги фуқаролардан одамлар гавжум жойларда ҳаракатланмаслик сўралди.
Тошкентда ўқувчи қизни зўрламоқчи бўлган мусиқа ўқитувчиси 8 йилга озодликдан маҳрум этилди
Тошкентда суд вояга етмаган ўқувчи қизни зўрламоқчи бўлган 67 ёшли мусиқа ўқитувчисини 8 йилга озодликдан маҳрум қилди.
Тошкентда 18 ёшли Toyota Camry ҳайдовчиси содир этган ЙТҲда Хитой фуқаролари жароҳатланди
Тошкентда 18 ёшли Toyota Camry ҳайдовчиси катта тезликда қарама-қарши йўлакка чиқиб кетиб, Nexia билан тўқнашди. Ҳодиса оқибатида ҳайдовчи ва тўрт нафар йўловчи — Хитой фуқаролари жароҳат олди. Суд йигитни 1 йил муддатга ҳайдовчилик гувоҳномасидан маҳрум қилиб, 3 млн 300 минг сўм жаримага тортди.
Президент Наманганда ифторликда иштирок этди (фото, видео)
Шавкат Мирзиёев Наманганда ифторлик маросимида иштирок этиб, ер юзида тинчлик-осойишталик бўлишини ният қилди ва «Динимизда белгилаб берилган тўғри йўлдан оғишмайлик, айни пайтда замон билан ҳамнафас яшайлик», деб дуо қилди. Фото ва видео.
«Парламент дипломатияси можароларнинг олдини олишда муҳим роль ўйнаши лозим» — Сенат раиси
Сенат раиси Танзила Нарбаева Женевадаги Парламентлараро иттифоқ ассамблеясида сўзлаган нутқида парламентарийлар дипломатия орқали тинчлик ва глобал барқарорликни мустаҳкамлашга ҳисса қўшиши, шунингдек, аҳолининг ижтимоий ҳимояга муҳтож қатламлари ҳуқуқларини фаол ҳимоя қилиши зарурлигини таъкидлади.
Наманганда ГЭС каскади ва иккита қуёш электр станцияси қурилиши бошланди
Шавкат Мирзиёев Наманган вилоятида қуввати 228 МВт бўлган гидроэлектр станциялар каскади ва ҳар бири 500 МВт бўлган иккита қуёш электр станцияси қурилишини бошлаб берди. Мазкур станциялар йил охиригача тармоққа уланади, шундан сўнг вилоятдаги ишлаб чиқариш ҳажми ҳудуд эҳтиёжларини тўлиқ қоплайди.
АҚШ бензинли автомобиллар учун эмиссия стандартларини кучайтиради
АҚШ ички ёнув двигателли автомобиллар учун эмиссия стандартларини кучайтирди. Шу йўл билан Америка ҳукумати электр ва гибрид автомобилларга ўтишни рағбатлантиришга умид қилмоқда.
11 ёшли қизга бузуқ ҳаракатлар қилган эркак 3 йилга қамалди
Тошкент шаҳри суди лифтда 11 ёшли қизга нисбатан уятсиз-бузуқ ҳаракатлар қилган эркакни 3 йилга озодликдан маҳрум этди.
Дунё аҳолиси камайишни бошлайди — тадқиқот
Тадқиқотчиларнинг ҳисоб-китобларига кўра, яқин ўн йилликларда Ер аҳолиси туғилишнинг кескин пасайиши туфайли камая бошлайди. 2050 йилда 204 та давлатдан 155 тасида туғилиш даражаси аҳолининг ўрнини босадиган даражадан паст бўлади. Бу Ўзбекистонни ҳам четлаб ўтмайди.
BYD вакили билан интервью: «BYD фалсафаси истеъмолчилар учун жавобгар бўлишдир»
BYD вакили Иван Цао Ўзбекистонда автомобилларнинг тартибсиз импортини чеклаш режалари ҳақидаги хабарга изоҳ берди. У жорий йилда моделлар сони 10 та позицияга кенгайтирилишини айтди ва BYD Хитойда бўлгани каби Ўзбекистонда ҳам нархларни ўзгартирадими, деган саволга жавоб берди.
Парламентлараро иттифоқнинг 150-юбилей ассамблеяси Ўзбекистонда ўтказилади
2025 йил Парламентлараро иттифоқнинг 150-юбилей ассамблеяси Ўзбекистонда ўтказилади. Сенати раиси Танзила Нарбаева иттифоқ раиси Тулия Эксон билан учрашувда ассамблея ҳамда унинг тегишли мажлисларини ташкил этиш ва ўтказиш билан боғлиқ масалаларни кўриб чиқди.
«Йилига 100 тонна олтин қазиб оляпмиз, лекин атиги 6 фоизи қайта ишланяпти» — президент
Президент Намангандаги заргарлик корхонасига ташрифи чоғида Ўзбекистонда йилига 100 тонна олтин қазиб олинаётгани, бироқ унинг атиги 6 фоизи қайта ишланаётганини айтди. Унга кўра, соҳа учун қўшимча шароитлар яратилмоқда. «Бу — бошланиши. Соҳани ҳали яна ривожлантирамиз», — дея ишонтирди у.
Тошкентда 26 мартдан иситиш мавсуми якунланади
Ўртача суткалик ҳарорат +10 даражадан юқори бўлаётгани сабабли 26 мартдан Тошкент шаҳрида иситиш мавсуми якунланади.
Ҳафта ўртасидан ҳарорат пасая бошлайди ва ёмғир ёғади
Душанба, сешанба кунлари юқори ҳарорат сақланиб туради, сўнг Ўзбекистонга Ўрта денгиздан нам ҳавонинг бир қисми кириб кела бошлайди. Жойларда шамол тезлиги кучайиб, вақти-вақти билан ёмғир ёғади. Ҳарорат иш ҳафтасининг охирига келиб кундузи +13…+18 даража илиқни ташкил этади.
Тоғли ҳудудларда 26−31 март кунлари сел-сув тошқинлари кузатилиши мумкин
Ўзгидромет 26−31 март кунлари Ўзбекистоннинг тоғолди ва тоғли ҳудудларида сел-сув тошқин ҳодисалари юзага келишидан огоҳлантирди. Ёмғир сувлари тўпланиши сув босишига олиб келиши мумкин.
Бош вазир Россия халқига ҳамдардлик билдирди
Ўзбекистон бош вазири Россиянинг Тошкентдаги элчихонасига бориб, Москва вилоятида юз берган теракт муносабати билан Россия халқига ҳамдардлик билдирди. Бир қатор вазирлар ва парламент палаталари раҳбарияти вакиллари ҳам ҳамдардлик китобига ўз ёзувларини қолдирди.
Қўшимча имкониятлардан фойдаланиш учун сайтда рўйхатдан ўтинг