UzFood 2024 кўргазмасида Made in Moscow стенди иштирок этмоқда
26−28 март кунлари бўлиб ўтаётган 23-халқаро UzFood 2024 кўргазмасида Made in Moscow стенди 16 та озиқ-овқат саноати ишлаб чиқарувчилари маҳсулотларини тақдим қилмоқда.
Ўзбекистон йил бошидан бери 166,7 млн долларга газ импорт қилди, Хитойга 57,3 млн долларлик газ сотди
2024 йилнинг илк икки ойида Ўзбекистонга газ импорти 166,7 млн долларни ташкил қилди. Бу даврда мамлакат 26,7 млн долларлик газ экспорт қилган бўлса-да, Хитой Ўзбекистондан 57,3 млн долларлик газ импорт қилганини билдирди, бу Ўзбекистон томони берган рақамлардан икки баравар кўпдир.
АЭС қуриш бўйича Ўзбекистон билан музокаралар «анча муваффақиятли» кечмоқда — «Росатом»
«Росатом» Ўзбекистонда атом электр станциясини қуриш бўйича шартнома юзасидан музокаралар «анча муваффақиятли» кечаётганини таъкидлади. Корпорация расмийси мутахассислар аллақачон АЭС қурилиши мумкин бўлган майдонни батафсил ўрганиб чиққани ва энг мақбул технологик ечимларни аниқлаганини айтди.
Россияда терактдан кейин мигрантларга қарши чоралар ва Марказий Осиё билан виза режимини жорий этиш муҳокама қилинмоқда
Марказий Осиёдан келган муҳожирлар Москва яқинидаги «Крокус»да теракт содир этишда айбланаётгани фонида Россияда муҳожирларга қарши чоралар, хусусан, виза режимини жорий этиш, ҳуқуқбузарлик учун депортация қилиш ҳамда патентлар бўйича чекловлар муҳокамаси авж олди.
Италияда «Ўзбекистон: Саҳродаги авангард» кўргазмаси ўтказилади
Италияда 16−17 апрель кунлари «Ўзбекистон: Саҳродаги авангард» кўргазма лойиҳасининг очилиши ўтказилади. Кўргазма икки бўлим — Венецияда «Шакл ва рамз» ҳамда Флоренцияда «Нур ва ранг» номи билан бўлиб ўтади. Уларда ХХ аср биринчи ярмига оид 172 тадан ортиқ рангтасвир асарлари тақдим қилинади.
ANORBANK «Ўзбекистон тижорат банкларининг энг яхши мобил иловалари» рейтингида биринчи ўринни эгаллади
SNS Ratings агентлиги томонидан тузилган «Ўзбекистон тижорат банклари мобил иловаларининг якуний рейтинги»да ANORBANK 96,09 балл билан биринчи ўринни эгаллади.
Андижонда 8 млрд сўмлик ерости ўтиш йўли қуриш режа қилинмоқда
Андижон шаҳрида қиймати 8 млрд 215 млн сўм бўлган ерости ўтиш йўли қурилиши режа қилинмоқда. Айни пайтда Хўжаобод туманида ҳам 4,9 млрд сўмлик ерости ўтиш йўли қуриляпти.
Миграция агентлиги Россиядаги ўзбекистонликларни кучайтирилган хавфсизлик чораларига амал қилишга чақирди
Миграция агентлиги Москвадаги теракт фонида Россияга бораётган ва у ерда яшаётган ўзбекистонликлардан кучайтирилган хавфсизлик чораларига амал қилишни сўради. Агентлик, шунингдек, «Газета.uz»га «Ўзбекистонликларга патент бермаяпти, чиқариб юборяпти, деган гапларнинг кўпи рост эмас»лигини билдирди.
Тошкентда тиланчилик қилиб юрган аёлларнинг ёш фарзандлари ижтимоий-ҳуқуқий ёрдам марказига жойлаштирилди
ИИББ Учтепа туманида 26 нафар тиланчилик билан шуғулланиб юрган аёлни аниқланди. Уларнинг 13 нафар ёш фарзанди ижтимоий-ҳуқуқий ёрдам марказига жойлаштирилди. Аёлларнинг айримлари пул топиш учун ўзгаларнинг ёш фарзандини ижарага олгани аниқланди. Фуқароларга профилактик тушунтириш берилди.
Ҳиндистон элчиси Ўзбекистондаги миссиясини якунлади
2020 йилдан буён Ҳиндистоннинг Ўзбекистондаги элчиси сифатида ишлаб келган Маниш Прабхат мамлакатдаги дипломатик миссиясини якунлади.
Нима учун ёшларнинг саратонга чалиниши кўпайди? — Nature
Дунё бўйлаб ёшлар саратонга чалиниш эҳтимоли кўпаймоқда ва 2030 йилга келиб эрта онкология ҳолатлари яна 30 фоизга ошиши кутилмоқда. Олимлар бу тенденцияни ҳали тушунтириб бера олмайди ва энг эҳтимолий омиллар — семириш ва саратон касаллигининг эрта скрининги тўлиқ тасвирни очиб беролмайди.
Қозоғистонда Automechanika Astana 2024 автокўргазмаси бўлиб ўтади
17−19 апрель кунлари Остонада Automechanika Astana халқаро кўргазмаси бўлиб ўтади. Унда 20 та мамлакатдан автомобиль компонентлари ва автомобилларга техник хизмат кўрсатиш маҳсулотлари намойиш этилади.
Сурхондарёда археологик ёдгорлик молхона қуриш учун бузиб ташлангани аниқланди
Учта ҳудудда археологик ёдгорликларга қарийб 30 млрд сўмлик зарар етказилгани аниқланди. Хусусан, V-VII асрларга оид Каттатепа ёдгорлиги молхона қуриш учун бузилган, Бадахшонтепа объекти экин майдонига айлантирилган ва Толмозортепа техника ёрдамида текислаб юборилган.
«Ҳайдовчидан тез ҳайдамасликни бир неча бор сўрадик». Мактаб ўқувчилари — Бухорода автобусда рўй берган ЙТҲ ҳақида
Бухоро вилояти театрига кетаётиб ЙТҲга учраган мактаб ўқувчилари автобус ҳайдовчисидан тезликни оширмасликни бир неча бор сўраган. ЙТҲ оқибатида бир ўқувчи воқеа жойида, бир қиз эса шифохонада вафот этган. Шифокорларнинг таъкидлашича, болалар нима бўлганини эсларкан, кучли стрессни бошдан кечирган.
Тошкентда фуқароларнинг 6,1 млрд сўмини алдаб олган автосалон эгалари қамалди
Тошкентда фуқаролардан 6,1 млрд сўмни фирибгарлик йўли билан олган автосалон эгалари 8−9 йилгача қамалди. Улар харидорларни қабул қилишда GM Uzbekistan билан шартнома тузгани ва машиналарни 3 ойда автосалондан чиқариб беришини айтган.
Ўзбекистондаги энг қиммат мобил рақам қарийб 85 минг долларга сотилди
«20 000 00 00» мобил рақами аукционда рекорд даражадаги 1,07 миллиард сўмга (85 минг доллар) сотилди. Аукционда 10 нафар талабгор иштирок этиб, 87 та таклиф киритди, шу боис рақамнинг бошланғич баҳоси 5 баробарга ошди.
Бинолардаги мозаикалар ва ниҳоят маданий мерос объектлари қаторига қўшилди
Ҳукумат қарори билан Тошкент шаҳри ва вилоятлар биноларидаги 160 га яқин мозаик паннолар Моддий маданий мероснинг кўчмас мулк объектлари миллий рўйхатига киритилди. Бунгача кўплаб мозаикалар бўяб ташланган, қолганлари реклама баннерлари билан қопланган эди.
Президент Пунган-Наманган йўлини реконструкция қилишни маъқуллади. Лойиҳа 2016 йилда тўхтатилган эди
Хитой Поп туманида жойлашган Пунган қишлоғи ва Наманган шаҳри ўртасидаги йўлни реконструкция қилади ва кенгайтиради. Президент лойиҳани маъқуллаб, бу «Янги Ўзбекистонга янги йўл» бўлишини таъкидлади. Уни амалга ошириш 2013 йилдан бери режалаштирилаётган, бироқ 2016 йилда тўхтатиб қўйилган эди.
ЖЧ-2026 саралаши: Ўзбекистон яна Гонконгни мағлуб этди (видео)
Ўзбекистон миллий терма жамоаси футболчилари ЖЧ-2026 иккинчи саралаш босқичи жавоб учрашувида Гонконг терма жамоасини мағлуб этди. Шу тариқа Ўзбекистон турнирнинг учинчи саралаш босқичига йўл олди (видео, фото).
Наманган аэропорти модернизация қилинади
Президент Наманган халқаро аэропортини модернизация қилиш лойиҳаси билан танишди. Ўтган йили учиб келиш терминали реконструкция қилинганди. Қувватни яна 3 баробар ошириш режалаштирилган. Юк терминали, умумий овқатланиш ва ёқилғи қуйиш мажмуалари қуриш кўзда тутилган.
Қўшимча имкониятлардан фойдаланиш учун сайтда рўйхатдан ўтинг