Японияда ёнаётган самолётдан 379 киши қандай қилиб қутқарилди?
Токио аэропортида Japan Airlines самолёти бир неча дақиқада аланга ичида қолди. Шунга қарамай бортдаги 379 кишининг барчаси қутқарилди. Муваффақиятли эвакуация экипажнинг тайёргарлиги ва йўловчиларнинг намунали хулқи туфайли амалга оширилди. Bloomberg, New York Times ва CNN материалларидан жамланма.
Ўзбекистонда 2 йил ичида энергетика тизимининг барқарор ва узлуксиз ишлашига эришиш режа қилинмоқда
Энергетика вазирлиги икки йил ичида энергетика тизимининг барқарор ва узлуксиз ишлашига эришмоқчи. Бунинг учун ишлаб чиқариш қувватларини кескин ошириш, тўлиқ рақамлаштириш, узатиш тармоқларини бошқаришга хусусий операторларни жалб қилиш ва бошқалар режалаштирилмоқда.
Солиқ мажбурияти бўйича даъво муддати 5 йилдан 3 йилга қисқартирилди
Солиқ кодексига киритилган ўзгартиришларга кўра, 1 январдан солиқ органлари тадбиркорлик субъектларининг сўнгги 5 йил эмас, балки 3 йил давомидаги фаолиятини текшириши мумкин. Шунингдек, камерал текширув ўтказиш тартиби ҳам ўзгарди.
«Қўйлиқ» бозори реконструкция сабаб ёпилади, тадбиркорларга бошқа бозорларга кўчиш таклиф қилинди
Тошкент шаҳри ҳокимлиги «Қўйлиқ» бозорида қурилиш ва реконструкция ишлари бошланишини маълум қилди. Бу вақтда бозор ёпилади. Ҳокимлик реконструкция даврида бозордаги тадбиркорларга ўз фаолиятини Food city, Tashkent Index ва бошқа савдо мажмуаларида давом эттиришни таклиф қилди.
Электр энергияси учун ўсувчан коэффициентларни жорий этиш қандай натижа берди?
Ўзбекистонда биргина ноябрь ойининг ўзида электр энергияси истеъмоли учун ўсувчан коэффициентларнинг жорий этилиши ойига 1000 кВт/соатдан ортиқ истеъмол қилувчи абонентлардан қўшимча 26 млрд сўм ундириш имконини берди, дея таъкидлади Энергетика вазирлиги.
Ўзбекистонда поезд билетлари нархи яна кўтарилади
Ўзбекистонда 20 январдан маҳаллий поездлар билетлари нархи яна ошмоқда. Хусусан, «Афросиёб» электропоездлари ҳамда «Шарқ», «Насаф» ва «Ўзбекистон» тезюрар поездларининг чипталари нархи 20 фоизга кўтарилади.
Пойтахт ҳокимлиги ҳузурида кўп квартирали уйларни таъмирлаш корхонаси ташкил этилди. Унинг вазифалари қандай?
Тошкент шаҳри ҳокимлиги ҳузурида кўп квартирали уйларни таъмирлаш бўйича инжиниринг компанияси ташкил этилди. У уйларни реконструкция қилиш ва таъмирлаш, шунингдек, лифтларни алмаштириш, ҳудудларни ободонлаштириш, уйларни санация ва реновация қилишда буюртмачи сифатида қатнашади.
Путин хорижлик ёлланма аскарларга Россия фуқаролигини бериш тўғрисидаги қонунни имзолади
Владимир Путин Украинадаги уруш даврида Россия Қуролли кучларида ҳарбий хизматни ўташ учун шартнома имзолаган хорижликларга мамлакат фуқаролигини соддалаштирилган тартибда олишга рухсат берувчи фармонни имзолади.
Binance халқаро криптобиржаси Ўзбекистонда лицензиясиз ишлагани учун жаримага тортилди
Истиқболли лойиҳалар миллий агентлиги Binance халқаро криптобиржаси бўйича текширув ўтказди. Платформа операцияларни жиноий фаолиятдан олинган криптоактив ҳамда маблағлар билан амалга ошириши аниқланди. Шунингдек, криптобиржа Ўзбекистонда лицензиясиз ишлайди. ИЛМА Binance`га жарима солди.
Асилбек Худаяров соғлиқни сақлаш вазири вазифасини бажарувчи этиб тайинланди
Асилбек Худаяров Амрилло Иноятовнинг ўрнига соғлиқни сақлаш вазири вазифасини бажарувчи этиб тайинланди. Шунингдек, у Президент администрациясининг Ижтимоий ривожланиш департаменти раҳбарининг биринчи ўринбосари лавозимини ҳам сақлаб қолди.
Тошкент кўчаларига ҳайдовчилар учун маълумотлар ёзилган экранлар ўрнатилади
Пойтахт ҳокимлиги ҳузуридаги Рақамли ривожланиш департаменти томонидан Бобур ва Шота Руставели кўчалари чорраҳасида фуқароларни реал вақт режимида йўл ҳаракатидаги вазият тўғрисида хабардор қилиш учун ўзгарувчан маълумотлар таблоси ўрнатилди. «Газета.uz» бу нима учун зарурлиги билан қизиқди.
Ўзбекистонда 1 апрелдан газли ва энергетик ичимликларга акциз солиғи жорий этилади
1 апрелдан таркибида шакар бўлган газланган ичимликлар литри учун 500 сўм, энергетик ичимликлар учун 2000 сўм миқдорида акциз солиғи жорий этилади. Аввалроқ ичимлик ишлаб чиқарувчилар уларнинг инвестицион режаларига таъсир қилувчи бу чора олдиндан муҳокама қилинмаганига эътироз билдирганди.
Ўзбекистонда 2025 йилдан далада сув ҳисоблагич ўрнатган фермерлар учун солиқ коэффициенти камайтирилади
Ўзбекистонда 2025 йилдан бошлаб далада сув ҳисоблагич ўрнатган ва тежамкор технологияларни қўллайдиган фермерлар учун солиқ коэффициенти камайтирилади. Аксинча ҳолатларда эса оширилади. Сув тежовчи технологияларни жорий қилиш учун имтиёзли кредит линияси ташкил қилинади.
Самарқандда 2 та юк машинаси тўқнашиши оқибатида улардан бири бутунлай ёниб кетди
Самарқандда иккита юк машинасининг тўқнашуви оқибатида улардан бири, 21 тонна лимон олиб кетаётган транспорт бутунлай ёниб кетди.
Ўзбекистон 2026 йилгача Аи-80 бензинидан воз кечади. Бунга қандай эришилади?
Ўзбекистон ҳукумати 2026 йилгача Аи-80 бензин ишлаб чиқаришдан воз кечмоқчи. Буни электромобилларни оммалаштириш ва улар учун инфратузилмани яратиш, Аи-92 бензин ишлаб чиқаришни кўпайтириш, газ қуйиш шохобчалари учун газ етказиб бериш ва бошқа чора-тадбирлар ҳисобига амалга ошириш режалаштирилган.
Аниқлаштириш: чекка ҳудудлардаги мактаблар бепул автобуслар билан таъминланади
«Газета.uz» чекка ҳудудлардаги мактаб ва боғчаларга транспорт қатновини йўлга қўйиш ғоясидан воз кечилгани ҳақидаги хабарда ноаниқликка йўл қўйди. «Ўзбекистон-2030» стратегиясида 715 та мактабда ўқувчилар учун бепул автобуслар ташкил этилиши режалаштирилган.
Ўзбекистоннинг тоғли ҳудудларида қор кўчиши хавфи эълон қилинди
Ўзгидромет Тошкент ва Наманган вилоятларининг айрим ҳудудларида 5−9 январь кунлари қор кўчиши хавфидан огоҳлантирди.
Fido-Biznes компанияси SWIFT тизимининг бизнес ҳамкори бўлди
Банк соҳасидаги йирик ўзбек ахборот тизимларининг ишлаб чиқарувчилардан бири Fido-Biznes Марказий Осиёда SWIFT бизнес ҳамкори мақомини олган биринчи IT-компаниялардан бири бўлди.
Суд ҳужжатлари асосида ижро ҳужжатларини электрон шаклда бериш тартиби жорий этилади
Президент фармони билан 1 майдан суд ҳужжатлари асосида ижро ҳужжатларини электрон шаклда бериш (юбориш, тақдим этиш) тартиби жорий этилади. Шунингдек, фуқаролардан қарздорликлари учун ундирув қаратилиши мумкин бўлмаган энг кам кафолатланган даромад белгиланади.
Ўзбекистонда Аи-80 бензинининг нархини чеклаш режалаштирилмоқда
Ўзбекистондаги барча «заправка»ларда Аи-80 бензинига 8 минг сўмлик юқори нарх чегарасини белгилаш режалаштирилмоқда. Бундан ташқари, рақобатни ривожлантириш учун «Татнефть», «Лукойл», «Газпромнефть» ва Saneg компанияларини 80 дан ортиқ «заправка» қурилишига жалб этиш режалаштирилган.
Қўшимча имкониятлардан фойдаланиш учун сайтда рўйхатдан ўтинг