Мубашшир Аҳмад Туркияда гумонланувчи сифатида қўлга олинди
Azon Global портали ўз асосчиси, Мубашшир Аҳмад тахаллуси билан танилган Алишер Турсуновнинг Туркияда гумонланувчи сифатида қўлга олинганини маълум қилди. Унга айни қандай айблов қўйилганига аниқлик киритилмаган.
Маҳаллалар уюшмаси Бандлик вазирлиги ва «Маҳалла» фонди штатларини қисқартириш ҳисобига ташкил этилмоқда
Янги ташкил этилаётган Ўзбекистон маҳаллалари уюшмаси 982 та штат бирлигидан иборат бўлади. У Камбағалликни қисқартириш ва бандлик вазирлигининг 662 та ва «Маҳалла» хайрия жамоат фондининг 320 та штат бирлигини қисқартириш ҳисобига шакллантирилади.
Ўзбекистонда тадбиркорлар учун 16 турдаги лицензия ва рухсатномалар бекор қилинади
Ўзбекистонда март ойидан бошлаб тадбиркорлик субъектлари учун 16 турдаги лицензия ва рухсатномалар бекор қилинади. Бу тадбиркорларга йилига қарийб 350 млрд сўм маблағни тежаш имконини беради.
Хоразмда ота 14 ёшли ўғлини аёвсиз калтаклади
Ижтимоий тармоқларда отаси урган боланинг юзи ва бошида кўкариш ҳамда чандиқлар борлиги акс этган видео тарқалди. ИИВ воқеа Урганч шаҳрида бўлганини ва ҳолат юзасидан терговга қадар текширувлар бошланганини маълум қилди.
Қозоғистондаги январь воқеалари вақтида маҳбусларни қийноққа солган 40 дан ортиқ хавфсизлик ходими жавобгарликка тортилди
Қозоғистон ҳукумати 2022 йил январида бўлиб ўтган намойишлар чоғида маҳбусларни қийноқларга солган 40 дан ортиқ ҳуқуқ-тартибот органи ходимларини жиноий жавобгарликка тортди. Яна 20 га яқин иш юзасидан тергов ҳаракатлари олиб борилмоқда.
Президент қонунлар «қоғозда эмас, амалда» бажарилиши муҳимлигини таъкидлади
«Қонунлар қоғозда эмас, балки амалда қатъий бажарилганда», одамлар ҳаётида хотиржамлик ва рўзғорида фаровонлик бўлади, деди президент. «Бу мақсадга тўла эришиш мумкин», деди у прокуратура ходимларига йўллаган табригида.
«Муаммо яқин келажакда даҳшатли даражага келиши мумкин». Иқлимшунос — Тошкент ҳавосининг ифлосланиши ҳақида
Иқлимшунос Эркин Абдулаҳатов Тошкент ҳавосининг ифлосланиши, иқлим ўзгаришининг қишлоқ хўжалигига таъсири ва чанг бўронларига қарши кураш ҳақида гапирди. «Ҳавонинг ифлосланиши Ўзбекистонда миллионлаб одамлар учун хавф туғдирмоқда ва бу таҳдид геометрик прогрессияда ўсиб боради», — деди у.
Ўзбекистон бёрдвотчерлари 2023 йилнинг энг яхши қуш кузатувчисини аниқлади
Ўзбекистон бёрдвотчерлари ўртасида «Катта йил-2023» танлови якунлари сарҳисоб қилинди. Ўтган йили улар 283 та қуш турини аниқлаш ва суратга олишга муваффақ бўлди. Фото.
Сенатор байрам кунларида пиротехника воситаларидан кенг фойдаланилгани юзасидан Божхона қўмитасига сўров юборди
Сенатор Божхона қўмитаси контрабандани аниқлаш бўйича кўплаб тадбирлар ўтказилгани ҳақида хабар берган бўлишига қарамай, байрам кунлари аҳоли томонидан пиротехника воситаларининг кенг қўллангани юзасидан қўмитага сўров юборди.
Ўзбекистонда 2024 йилда 5 млн кишини иш билан таъминлаш режалаштирилмоқда
Ўзбекистонда йил бошида ишсизлар сони 1,3 млн кишини ташкил этган бўлса, бу йил яна 2,4 млн киши меҳнат бозорига киради. 2024 йилда 5 млн аҳоли иш билан таъминланиши кутилмоқда. Президент, шунингдек, тадбиркорлик субъектлари учун ягона ҳисоботлар тизимини жорий этиш бўйича ҳам топшириқ берди.
Самолёт эшиги ажралиб тушиши ортидан АҚШ, Европа ва Туркияда Boeing 737 MAX парвозлари тўхтатилди
АҚШ, Европа ва Туркияда Boeing 737 MAX 9 самолётидан фойдаланиш вақтинча тўхтатилди. Бунга Alaska Airlines`га тегишли шу русумдаги самолёт фавқулодда чиқиш эшигининг парвоз вақтида ажралиб тушгани сабаб бўлди. Бортда 177 киши бор эди, улардан бир қанчаси жароҳатланган.
Самарқанд вилоятида фуқародан салкам 32 кг марихуана олиб қўйилди
Самарқанд вилояти Жомбой туманида яшовчи фуқаронинг уйидан салкам 32 кг марихуана, шунингдек, опий ва психотроп дорилар олиб қўйилди.
Бухоро вилоятида совуқ сув нархи оширилади
Бухоро вилоятида 15 январдан совуқ сув ва оқова сув хизматлари нархи ошади.
Мусулмонлар идораси Умра хизматлари учун янги нарх белгилади
Ўзбекистон мусулмонлари идорасининг «Ҳаж ва Умра» марказида Умра хизматлари нархи 10 январдан бир киши учун 16,6 млн сўм этиб белгиланди.
Чиқинди йиғиш майдончаларида қайта ишланадиган чиқиндилар сотиб олина бошлайди
Ниҳоят Тошкент ва бир неча вилоятларда маиший чиқиндиларни алоҳида йиғиш бошланади. Аҳолига бепул чиқинди пакетлари берилади. Фуқароларга қайта ишланган чиқиндилар учун пул тўлаш режалаштирилмоқда.
Тошкентда Paynet шохобчаларида банк картасига пул тушириб, нақд пулни бермасдан қочган шахс ушланди
Тошкент шаҳридаги Paynet шохобчаларида бир неча бор банк картасига пул тушириб, нақд пулни бермасдан қочиб кетган шахс қўлга олинди. Унга нисбатан талончилик юзасидан жиноий иш очилди.
Ўзбекистон ва Қозоғистон савдодаги тўсиқларни бартараф этиш бўйича ишчи гуруҳ тузади
Ўзбекистон ва Қозоғистон ўзаро савдодаги тўсиқларни бартараф этиш бўйича қўшма ишчи гуруҳ тузади. UzKazTrade қўшма ташқи савдо компанияси орқали онлайн савдо майдончасини яратиш режалаштирилмоқда.
Ўзбекистоннинг олтин-валюта захиралари 2023 йилда 1,2 млрд долларга камайди
Декабрда Ўзбекистон халқаро захиралари кўпайди, бироқ 2023 йил бўйича мамлакатнинг «молиявий ёстиқчаси» 1,2 млрд долларга камайиб, 34,56 млрд долларни ташкил этди. Йиллик ҳисобда захиралар камайиши 2018 йилдан бери илк марта кузатилди. Олтиннинг физик ҳажми йил давомида деярли 25 тоннага камайди.
Қорақалпоғистонда бир киши номаълум моддадан заҳарланиб вафот этди
Нукус шаҳрида 2 киши номаълум этиологияли моддадан заҳарланди. Улардан бири шифохонада вафот этди. Ҳолатни ҳоким ўринбосари бошчилигидаги комиссия текширмоқда.
Ҳафта ўртасигача ҳаво илиқ бўлади, пайшанба куни ёмғир ёғиши кутилмоқда
9−10 январь кунлари Ўзбекистонга Туркманистондан илиқ ҳаво кириб келади ва бу кунларда ёғингарчилик кутилмайди. Ҳарорат жанубда +20 даражагача кўтарилади. Пайшанба куни Каспий денгизи ҳудудларидан нам ҳаво кириб келиши ҳисобига ҳарорат пасайиб, ёмғир ёғади.
Қўшимча имкониятлардан фойдаланиш учун сайтда рўйхатдан ўтинг