Қонунчилик палатаси Экология ва атроф-муҳитни муҳофаза қилиш масалалари қўмитаси Ўзбекистонда 2,3 миллиондан зиёд ит ва 46 мингдан ортиқ мушук яшашини маълум қилди.
Экология вазирлиги Сурхондарё ва Бухорода 50−70 минг атрофида дарахтни кесишга рухсат бериш бўйича мурожаат келиб тушгани, бироқ бунга рад жавоби берилганини маълум қилди. Ҳокимликларга юборилган жавоблардан сўнг Бухородаги қурилиш компанияси вакиллари лойиҳани ўзгартиришларини билдирди.
Ҳафта давомида Ўзбекистон бўйича кузатилган жуда иссиқ об-ҳаводан сўнг, пайшанба куни нисбатан салқин ҳаво кириб кела бошлади. Дам олиш кунларида Самарқанд, Жиззах, Тошкент вилоятлари ва Фарғона водийсининг баъзи жойларда қисқа муддатли ёмғир ёғиши, момақалдироқ бўлиши мумкин.
Толимаржон ИЭСда умумий қуввати 1 ГВт дан ортиқ бўлган иккита буғ-газ қурилмаси қурилиши бошланди. Уларни ишга тушириш 2025 йил охиригача режалаштирилган. Лойиҳа қиймати 771,8 млн долларга баҳоланмоқда.
Тошкент вилоятининг Зангиота туманидаги темир йўл кесишмасида электровоз юк машинаси билан тўқнашди. Ҳодиса оқибатида жабрланганлар бўлмаган.
Тижорат банклари 28 июль куни аҳолидан 1 АҚШ долларини 11 540−11 590 сўмдан сотиб олмоқда, сотув курси эса 11 650−11 660 сўм.
«Рома» Элдор Шомуродовни А Сериянинг бошқа клуби — «Кальяри»га кейинчалик сотиб олиш ҳуқуқи билан ижарага берди. Шомуродов клубдаги биринчи ўзбек футболчиси ҳисобланади. Ўзбекистон терма жамоаси ҳужумчисининг янги жамоаси қуйи лигада бир мавсум ўтказиб, Италиянинг юқори дивизионига қайтганди.
2023−2024 ўқув йили учун давлат ОТМларига кириш тест синовлари 1 августдан бошланиб, 13 августда тўлиқ якунланади. Имтиҳонлар кунига 2 сменада ўтказилади.
JPMorgan олтин нархи 2024 йилда рекорд даражага — бир унцияси 2175 долларгача кўтарилишини кутмоқда. Бу, экспертларнинг фикрига кўра, яқинда асосий ставкани 22 йил ичида максимал даражага кўтарган АҚШ Федерал захира тизимининг пул-кредит сиёсатини юмшатиши фонида содир бўлади.
Ички ишлар вазири ўринбосари лавозимида ишлаб келаётган Азизбек Икрамов Фарғона вилояти ИИБ бошлиғи лавозимига тайинланди.
Августдан алкоголь ва тамаки маҳсулотларига янги намунадаги акциз маркалари жорий этилади. Эски намунадаги акциз маркаларидаги маҳсулотларни 5 ой мобайнида сотишга рухсат берилади. 2024 йил 1 ноябрдан эски намунадаги акциз маркасидаги маҳсулотлар савдосига қарши курашиш бошланади.
Термизнинг собиқ ҳокими Исроил Худойбердиев 11 йилга озодликдан маҳрум этилди. У Жиноят кодексининг 7 та моддасида назарда тутилган жиноятларни содир этганликда айбдор деб топилди. Шунингдек, 17 нафар судланувчига ҳам турли даражада жазолар тайинланди.
Ўзбекистоннинг камбағаллик юқори нуқталари, светофор ўрнатмасликни маъқул кўраётган ҳукумат, Сурхондарё ва Бухорода 70 мингга яқин дарахт кесилиши эҳтимоли, реконструкцияси 2024 йил охирида тугайдиган Тошкент аэропорти яқинидаги кўприк ва бошқалар — «Газета.uz»нинг кун дайжестида.
Ишларни лозим даражада ташкил этмагани учун Фарғона вилоят ҳокимининг биринчи ўринбосари, вилоят ИИБ ва солиқ бошқармаси бошлиқлари, Риштон тумани ва Марғилон шаҳар ҳокимлари ишдан олинди. Шунингдек, вилоят ҳокими ўринбосарлари, Бағдод, Қува ва Бувайда туманлари ҳокимларига ҳайфсан эълон қилинди.
Марказий банк раиси Ўзбекистонда биринчи ярим йилликда бюджет харажатлари ортиши газ импорти ҳажми ошиши билан боғлиқ эканини таъкидлади. Январнинг 8 кунида бюджет тақчиллиги йиллик кутилманинг 20 фоизига етганди. Шундан сўнг Иқтисодиёт вазирлиги даромад ва харажат бўйича маълумот беришни тўхтатди.
Марказий Осиё ва Европадаги болаларнинг қарийб ярми иссиқлик тўлқинларига дучор бўлмоқда — бу глобал ўртача кўрсаткичдан икки баробар кўп, дейилади ЮНИСЕФ ҳисоботида. Ташкилот минтақа ҳукуматларини шошилинч чоралар кўришга чақирди.
Тошкент ҳокимияти энг хавфли пиёдалар ўтиш жойи муаммосини «ҳал қилди». У шунчаки йўқ қилинди. Одамлар эса ўз ҳаётларини янада каттароқ хавф остига қўйиб, кўп полосали магистрални кесиб ўтишда давом этмоқда. Ҳукумат светофор ўрнатмасликни маъқул кўрмоқда.
Сурхондарё ва Бухоро вилоятларида қуриладиган автомобиль йўли сабаб 70 мингга яқин дарахт кесилиши мумкин. Лойиҳа ҳужжатлари ҳукуматга топширилгани айтилмоқда. Жамоатчилик бундан норози бўлса, Экология вазирлиги ҳар икки вилоятда одамлар фикри эшитилишини билдирмоқда.
Тошкент аэропорти олдидаги йўл ўтказгични реконструкция қилиш ишлари 2024 йил охиригача якунланиши режалаштирилган. У кенгайтирилади, Кичик ҳалқа йўлига кириш ва чиқиш йўллари, велосипед йўлаклари ташкил этилади. Лойиҳанинг умумий қиймати бўйича маълумот берилмаган.
Андижон вилояти ИИБнинг 3 нафар ва МИБ Андижон шаҳри бўлимининг 1 нафар ходими талон-торожликлар ва мансаб сохтакорлиги бўйича судланмоқда. Дастлабки айблов хулосасига кўра, жиноят оқибатида 5,6 млрд сўмдан зиёд маблағ ўзлаштирилган.
Қўшимча имкониятларга эга булиш учун сайтда рўйхатдан ўтинг