Жаҳон иқтисодиёти пандемиядан ва Россиянинг Украинага бостириб киришидан сўнг тикланишда давом этмоқда, бироқ тарихий стандартлар бўйича заиф ўсишни кўрсатмоқда, дея қайд этди Халқаро валюта жамғармаси. Глобал инфляция эса юқорилигича қолмоқда.
Хонқа туманида корхонадан ифлослантирувчи моддалари бўлган оқова сувлар чиқиши оқибатида 2600 дан ортиқ балиқ нобуд бўлди. Ҳайвонот дунёсига 223,3 млн сўм зарар етказилган. Жиноят ишининг тергови Хоразм вилояти прокуратураси томонидан назоратга олинган.
Йилнинг биринчи ярмида Ўзбекистонга электромобиллар импорти қарийб 5 бараварга — 5403 тагача ошди. Уларнинг умумий қиймати 167 млн долларни ташкил этди. Ҳар тўққизинчи электромобиль Хитойдан олиб келинмоқда, Гонконгдан етказиб бериш ҳам ошган.
Туркиянинг Medex Textile компанияси Тошкент вилояти Янгийўл туманида Zara ва Columbia брендлари остида кийим-кечак ишлаб чиқариш лойиҳасини йўлга қўйишни режалаштирмоқда.
Бу йил олийгоҳларга ўқишга кириш учун ҳужжат топширган 1 млн 18 минг 7 нафар абитуриентнинг 948 486 нафари тест синовида қатнашади. Уларнинг ярмидан кўпи кундузги таълимни танлаган. Қолаверса, энг кўп — 33 721 нафар абитуриент ҳар йилгидек Ўзбекистон миллий университетига ўқишга кириш ниятида.
Пахтачи туманида фуқарони 18 500 доллар эвазига Исроилга, Пайариқда эса 16 000 долларга АҚШга ишга юборишни ваъда қилган шахслар ушланди.
Бош прокуратура томонидан Фарғона вилоятида Катта Андижон канали қирғоғида ўсиб турган 1213 туп дарахт январь-февраль ойларида кесиб ташлангани, бунинг оқибатида табиатга 4,6 млрд сўм зарар етказилгани аниқланди.
«Юнистрим» Ўзбекистонда одатдагидек ишлашда давом этишини маълум қилди. Шунингдек, компания Ўзбекистонга пул ўтказмалари лимитини оширди. 20 июль куни АҚШ бу тўлов тизимига хизмат кўрсатувчи банкка қарши санкция жорий қилганди ва кейин Ўзбекистоннинг 5 та банки «Юнистрим» билан ишлашни тўхтатганди.
МҲТИ мутахассислари Ўзбекистонда агродронларни олиб кириш ва фойдаланиш учун рухсат олиш тартиби анча мураккаблиги туфайли улардан фойдаланиш кенг тарқалмаганини маълум қилди. Улар хориж тажрибасини инобатга олиб, бу бўйича меъёрий-ҳуқуқий базани қайта кўриб чиқиш зарурлигини айтган.
Журналист Абдуқодир Мўминовнинг суд иши бошланди. Дастлабки кунда жабрланувчиларнинг кўрсатмалари эшитилди. Эшитув мобайнида судланувчи ва унинг адвокати ўз эътироз ва фикрларини билдирди.
27−30 июль кунлари кутилаётган кучли ёмғирлар ёғиши сабабли Ўзбекистоннинг 7 та вилоятида сел-сув тошқини хавфи юзага келиши мумкин.
Fitch Ratings Ўзбекистон кредит рейтингини оширишнинг асосий омили сифатида бошқарув стандартларини такомиллаштириш ва тузилмавий ислоҳотларни қайд этди. Агентлик институтлар мустақиллиги ва бюрократик аппаратни қисқартириш муҳимлигини таъкидлади.
Швейцарияда ўтган Халқаро кимё олимпиадасида ўзбекистонликлар 2 та олтин, 1 та кумуш ва 1 та бронза медалини қўлга киритди. Совриндорлар умумтаълим, ихтисослаштирилган ва Президент мактаби ўқувчилари ҳисобланади.
Президент Янги Тошкент қурилиши бўйича дирекция ва мувофиқлаштирувчи кенгаш ташкил этилишини маъқуллади. Биринчисига қурилиш вазири ўринбосари, иккинчисига бош вазир раҳбарлик қилади. Дирекция шаҳарни ривожлантириш режаларини ишлаб чиқади, инвесторлар билан шартнома тузади ва бошқа ишларни бажаради.
Баҳрам Султонов Қорақалпоғистон Республикаси Қонликўл тумани ҳокими этиб тайинланди.
1 августдан Сурхондарё ва Қашқадарё вилоятларида, 20 августдан Тошкент вилоятида ичимлик ва оқова сув хизматлари тарифлари оширилади.
Тижорат банклари 26 июль куни аҳолидан 1 АҚШ долларини 11 555−11 615 сўмдан сотиб олмоқда, сотув курси эса 11 655−11 670 сўм.
Польша Ўзбекистонга жами 4,5 млн долларлик ўпкани сунъий вентиляция қилувчи аппаратларни беғараз ёрдам сифатида тақдим этди. Улар Қорақалпоғистон ва Хоразмдаги тиббиёт муассасаларида фойдаланилади.
Таниқли фотожурналист Юрий Корсунцев оғир хасталикдан сўнг оламдан ўтди. У кўплаб нашрлар, жумладан, бир неча йил давомида «Газета.uz» ва Afisha.uz билан ҳамкорлик қилган.
Хитой ташқи ишлар вазири Цинь Ган бир ой давомида омма олдида кўриниш бермагани ортидан лавозимидан четлатилди. Ван И ХХР Ташқи ишлар вазирлигининг янги раҳбари бўлди.
Қўшимча имкониятларга эга булиш учун сайтда рўйхатдан ўтинг