Пайшанба куни Термизда чанг-ғубор ҳодисаси кузатилди. Соат 9:00 да ҳаводаги майда ПМ10 зарралари максимал рухсат этилган концентрациядан 14 баробар ошиб кетди. Соат 12:00 га келиб, бу кўрсаткич 9 га тушди. Аҳолига очиқ ҳавода бўлмаслик, ташқарида ниқоб ва кўзойнак тақиш тавсия этилди.
Мисрдан гепатит С касаллигига қарши «Даклатасвир» дорисининг 12 минг донадан ортиқ партияси Ўзбекистонга келтирилди. Бу етказилаётган препаратларнинг 8-партиясидир. Икки давлат ўртасида жами 4,8 млн долларлик 800 минг дона дорини Ўзбекистонга бепул етказиб бериш бўйича келишув тузилган.
Европа Иттифоқи давлатлари Россияга қарши олдинги санкцияларни четлаб ўтишга қарши қаратилган 11-санциялар пакети бўйича келишувга эришди. Иттифоқ ўз маҳсулотларининг Қозоғистон ва Ўзбекистон каби мамлакатларга экспорти кескин ортгани ва кейинчалик Россияга етиб боришидан хавотир билдирди.
25 июнь куни Ўзбекистон бўйлаб Ёшлар куни ва Olympic Day муносабати билан Yangi Nafas югуриш мусобақаси ўтказилади. Шунингдек, илк бор Қозоғистон, Қирғизистон ва Тожикистондан югурувчилар қатнашади.
Сенатда сув ресурсларидан фойдаланишда мақсадсиз ва ўйловсиз ишлатилиши масаласи кўриб чиқилди. Сенаторлар ушбу муаммога қарши курашиш мақсадида чора-тадбирларни ишлаб чиқиш бўйича таклифлар билдирди.
Париж марказидаги турар жой биносида газ портлаши оқибатида камида 37 киши жароҳатланди, улардан 4 нафарининг аҳволи оғир.
2023 йилнинг дастлабки 5 ойида АҚШ Ўзбекистоннинг асосий экспорт ҳамкорлари орасида 22-ўриндан 12-ўринга кўтарилди. Мамлакатнинг Қўшма Штатларга экспорти ўтган йилнинг мос даврига нисбатан 3 баравар (301,6 фоизга) юқорилади, импорт деярли ўзгаришсиз қолди. Туркияга экспорт камайди.
Коррупцияга қарши курашиш агентлиги норматив-ҳуқуқий ҳужжатларнинг ва улар лойиҳаларининг коррупцияга қарши экспертизасини ўтказувчи ваколатли орган сифатида белгиланади.
Самарқанд вилоятидаги аквапаркда сузиш кийимида рақс тушаётган қизлар акс этган видео тарқалди. ИИБ ташкилотчи оммавий тадбирлар ўтказиш қоидаларини бузгани, унга нисбатан ҳужжатлар расмийлаштирилганини маълум қилди. Раққосалар ОИВ инфекциясига текширилиб, суҳбатдан ўтказилди.
Уолтер Айзексоннинг Нобель мукофотини олган олим ҳақидаги «Код Бузар. Женнифер Даудна, ген таҳрирлаш ва инсоният келажаги» китоби ўзбек тилида чоп этилди.
Тижорат банклари 22 июнь куни аҳолидан 1 АҚШ долларини 11 440−11 490 сўмдан сотиб олмоқда, сотув курси эса 11 520−11 565 сўм.
Куз-қиш мавсумига тайёргарлик кўриш ишлари доирасида Олмазор (соат 14:00 гача), Юнусобод, Яшнобод ва Мирзо Улуғбек туманлари (соат 16:00 гача)нинг айрим кўчаларида элeктр таъминоти тўхтатилди.
Ёшлар куни муносабати билан оммавий югуриш мусобақалари ҳамда Халқаро олимпия кунига бағишланган Olympic day мусобақаси ўтказилади. Шу сабабли пойтахтдаги айрим кўчаларда 23 июндан 25 июнгача автомобиллар ҳаракати чекланади.
Енгил атлетикачи Андрей Куликов Орол денгизининг қуриган туби бўйлаб марафон масофасини 4 соату 9 дақиқада босиб ўтди. Бундай югуриш биринчи марта бўлиб ўтди. «Орол денгизи экологик фожиасининг ҳалокатли кўламини чинакам ҳис қилиш учун бу ерга ташриф буюриш керак», — деди у.
Ўзбекистон май ойида Хитойга табиий газ экспортини оширди. Қиймат жиҳатидан етказиб бериш 78,16 млн долларгача ошган, бу апрель ойига нисбатан қарийб 2 баробар кўпдир. Мамлакатда газ қазиб олиш ҳажми эса, аввал хабар қилганимиздек, пасайишда давом этмоқда.
Ўзбекистонда газ қазиб олиш пасайишда давом этаётгани, Бекободда ўзини осишга уринган махбус, 2021 йилдан бери ҳибсда турган 3 ўзбекистонлик опа-сингил, сув етказиб бериш давлат-хусусий шерикликка ўтказилиши, ўтган йилдан 10%га ошган грант квоталари ва бошқалар — «Газета.uz»нинг кун дайжестида.
Велосипедчи Николай Сдержиковни якшанба куни эрталаб Тошкент-Чорвоқ йўлида машина уриб юборди. У дарҳол ўрнидан тура олмагани учун машинани эслолмаган. Велосипедчи ҳодиса тасвирларини юборган кишига 10 млн сўм мукофот пули кафолатланганини маълум қилди.
Париж расмийлари шаҳардаги бинолар баландлигига расман чеклов қўйди. Янги қоидаларга кўра, Франция пойтахтидаги барча янги бинолар 37 метр ёки 12 қаватдан ошмаслиги керак.
Ўзбекистон миллий термаси ўйинларида букмекерлик компанияси реклама қилингани Ўзбекистонда муҳокамаларга сабаб бўлди. Ўзбекистонда футбол учрашувларида букмекерлар биринчи марта реклама қилинмаяпти, аммо бу қадар шов-шувли ҳолатнинг расмийлар томонидан эътиборсиз қолдирилиши биринчи марта кузатилди
Австриянинг Raiffeisen Bank International гуруҳининг Россиядаги шўбаси «Райффайзенбанк» мижозлари олувчи банк Ўзбекистон, Россия, Қозоғистон, Қирғизистон каби давларда жойлашган бўлса, еврода чиқувчи тўловларни амалга ошира олмайди.
Қўшимча имкониятларга эга булиш учун сайтда рўйхатдан ўтинг