Тошкентда 19 ёшли ўқувчи танишини пичоқлаб ўлдириб қўйди
Олмазор туманида 19 ёшли мактаб ўқувчиси танишини пичоқлаб ўлдирди. Воқеага уларнинг телефон талашиши сабаб бўлгани айтилмоқда. Ҳолат бўйича жиноят иши қўзғатилди.
Қўқон педагогика институтида қизлар ётоқхонасига яширин камера ўрнатганлар жаримага тортилди
Қўқон давлат педагогика институтида қизлар ётоқхонасига камера ўрнатилгани сабабли маъмурий ҳуқуқбузарлик содир этган деб топилган проректор (4,5 млн сўм) ва 3 ходимга (3 млн сўмдан) жарима тайинланди. Аввалроқ уларнинг барчаси ишдан олинганди.
МСК хорижда 56 та сайлов участкаси тузилишини маълум қилди
Марказий сайлов комиссияси президент сайлови учун 56 та сайлов участкаси тузиш тўғрисида қарор қабул қилди. Хусусан, АҚШ, БАА, Германия, Қирғизистон, Туркияда — 2 тадан; Қозоғистон ва Хитойда — 3 тадан; Россияда — 7 та сайлов участкалари тузилади. Улар Тошкентдаги 14-округга бириктирилади.
Олмалиқда Damas уриб кетган ўқувчи қизлардан бири вафот этди
15 май куни светофорнинг қизил чироғидан ўтиб кетган Damas ҳайдовчиси томонидан уриб кетилган икки ўқувчи қиздан бири вафот этди. Бош прокуратура маълумотларига кўра, иккинчи қиз даволанмоқда ва яқин орада уйига рухсат берилади.
Ўзбекистонда газ, электр ва кўмир қазиб олиш 2022 йилги кўрсаткичлардан пастлигича қолмоқда
Январь-апрель ойларида Ўзбекистонда газ қазиб олиш ўтган йилнинг шу даврига нисбатан 9,5 фоизга, апрелда эса 8,1 фоизга камайди. 4 ой давомида электр энергияси ишлаб чиқариш ҳажми 4 фоизга, кўмир 7,4 фоизга тушди. Йил бошидан бери нефть қазиб олиш 4,3 фоизга ўсди, бироқ апрелда пасайиш кузатилди.
Фото: Сингапур президентини кутиб олиш маросими
24 май куни Кўксарой қароргоҳида Сингапур раҳбари Ҳалима Яқубни расмий кутиб олиш маросими бўлиб ўтди. Президентлар фахрий қоровул сафи олдидан ўтиб, расмий делегациялар аъзоларини қутлади.
«Сўнгги қўнғироқ» тадбирида ўқувчиларга вальс тушиш тақиқланмаган — вазирлик
Мактабгача ва мактаб таълими вазирлиги 25 май куни бўлиб ўтадиган «Сўнгги қўнғироқ» тадбирларида мактабларда вальс тушиш тақиқлангани ҳақидаги маълумотни рад этди. Вазирлик бу қарорни мактаб маъмуриятларининг ўзлари қабул қилган бўлиши мумкинлигини истисно этмади.
Остонада Алишер Навоий ҳайкалини ўрнатиш бўйича тендер: Дастлабки ноқонуний тендер ғолиби яна ютиб чиқди
Ўзбекистон Бадиий академияси Алишер Навоий ҳайкалини Остона шаҳрида ўрнатишга оид тендерни қайтадан ўтказди. Унда илк тендерда ноқонуний равишда ғолиб бўлган компания яна ютиб чиқди. Антикоррупция агентлиги биринчи тендерда манфаатлар тўқнашуви ва бошқа қонунбузарликларни аниқлаганди.
Самарқанддаги бузилиши белгиланган 12 қаватли бинода қаҳвахона ишлаётгани аниқланди
Самарқанд туманида 10 йил давомида ноқонуний қуриб келинган 12 қаватли бинони 2022 йилда сейсмик ҳолати ва бошқа талабларга жавоб бермагани учун бузиш бўйича суд қарори берилган. Шунга қарамай, у ерда қаҳвахона ишлаётгани аниқланди ва МИБга қарор ижросини таъминлаш бўйича хат йўлланди.
Банклар 24 май куни долларнинг сотув курсини 11 440 — 11 485 сўм этиб белгилади
Тижорат банклари 24 май куни аҳолидан 1 АҚШ долларини 11 375 — 11 435 сўмдан сотиб олмоқда, сотув курси эса 11 440 — 11 485 сўм.
Ўзбекистоннинг 9 та вилоятидаги айрим жойларида сел келиши мумкин
24−26 май кунлари республиканинг тоғли ва Қирғизистон ҳамда Тожикистон билан чегарадош ҳудудларида сел-сув тошқини хавфи эълон қилинди.
Наманганда метеорологик радиолокатор ўрнатилди
Наманган вилояти Тўрақўрғон туманида 200 км радиусдаги об-ҳаво ҳодисалари ҳақида маълумот берувчи метеорологик радиолокатор ишга туширилди. Ўтган йили худди шундай локатор Бухоро вилоятида ҳам ўрнатилганди. Бу қурилмалар Ўзбекистонда ерусти метеорологик радарларининг ягона тармоғини яратади.
Университетлардаги #PET2NATUREUZ экочелленжи: Талабалар кандай фикрда?
Webster, ТДИУ ва ЖИДУ олийгоҳлари талабалари ҳамда Coca-Cola челленжи фаол иштирокчилари ўзларининг эко-кун тартибига муносабатлари, пластикни қайта ишлашнинг аҳамияти ва ижтимоий фаол компанияларни қўллаб-қувватлаш ҳақида сўзлаб беришди.
Футбол бўйича U-20 ЖЧ. Ўзбекистон Янги Зеландия билан дуранг ўйнади
Ёшлар ўртасидаги жаҳон чемпионатининг иккинчи ўйинида биринчи бўлимда 2 та гол ўтказиб юборган Ўзбекистон терма жамоаси якунда Янги Зеландия билан дуранг ўйнади. Гуруҳда Аргентина пешқадамлик қилмоқда, Ўзбекистон эса 3-ўринда бормоқда.
TBC Bank Payme тўлов хизматидаги қолган 49 фоиз улушни 55,7 млн долларга сотиб олди
Грузиянинг TBC Bank Group банклар гуруҳи Payme тўлов хизматининг 100 фоизлик улуши эгасига айланди. Компания 113,6 млн долларга баҳоланган ҳолда 49 фоиз улуш 55,7 млн долларга харид қилинди.
23 май куни Ўзбекистонда содир бўлган энг муҳим хабарлар дайжести
Хоразмда ҳайдовчиларга таъзим қилиб йўлдан ўтадиган болалар, 25 ёшгача бўлганларга 5 йилга берилаётган «загран» паспорт, Paynet`дан нақд пул ечиб олиш тизими, Умра учун фуқароларнинг 1,6 млрд сўмини онлайн қиморга тикиб юборган Диний қўмита мутахассиси ва бошқалар — «Газета.uz»нинг кун дайжестида.
Сингапур президенти Uzbekistan Airways доимий рейси билан Тошкентга келди
Сингапур президенти Ҳалима Яқуб турмуш ўртоғи билан давлат ташрифини амалга ошириш учун Ўзбекистонга келди. Улар Остонадан Uzbekistan Airways авиакомпаниясининг оддий рейсида учишди.
Ўзбекистон Марказий банки автокредитлар хавфини янгича усулда ўлчашни таклиф қилди
МБ автокредитлар ҳажми кескин ўсгани, банклар кредит портфелида бундай кредитлар концентрацияси ошгани сабабли таваккалчилик даражасини ўлчашнинг янги усулини таклиф қилди. МБнинг амалдаги ва аввалги раҳбарияти банклар автомобиль учун кредит олиш хавфини сезмаётгани ҳақида огоҳлантирган эди.
Қуёш қиздиради — чегирмалар ошаверади: Uzum Market ёзги мавсумий чегирмаларни эълон қилди
23 майдан 30 июнга қадар Uzum Market`да барча турдаги товарларни 70% гача чегирмалар билан сотиб олиш имконияти бўлади. Шунингдек, маркетплейсда ҳалол кечиктириб тўлаш имконияти мавжуд.
РФ Мудофаа вазирлиги Белгород вилоятида 70 дан ортиқ диверсант йўқ қилинганини билдирди
Белгород вилоятида ўтказилган аксилтеррор операцияси давомида диверсантлар тузилмалари қуршаб олиниб, тор-мор этилди, дея хабар берди Россия Мудофаа вазирлиги. Вазирлик маълумотларига кўра, 70 дан ортиқ киши ҳалок бўлган.
Қўшимча имкониятларга эга булиш учун сайтда рўйхатдан ўтинг