Ўзбекистонда ЕИнинг Inter Pares глобал дастури билан ҳамкорликда лойиҳа амалга оширилади
Тошкентда Европа Иттифоқининг парламентаризмни мустаҳкамлаш бўйича глобал дастури — Inter Pares билан ҳамкорликда тадбир бўлиб ўтди. «Анжуман якунлари бўйича парламент салоҳиятини янада ривожлантириш ва ролини кучайтириш бўйича фойдали тавсиялар ишлаб чиқилади», — деди Танзила Нарбаева.
Хитой Ўзбекистоннинг чегараолди ҳудудларида логистика марказларини ташкил қилади
Хитой логистика компаниялари Ўзбекистонда нафақат товарларни айирбошлаб, транспорт хизматлари кўрсатади, балки чегараолди ҳудудларида логистика марказларини ҳам ташкил қилади, деди транспорт вазири Илҳом Маҳкамов. Шунингдек, «Ўзтемирйўлконтейнер» компанияси билан қўшма корхона ҳам очилади.
Ўзбекистон — Қирғизистон — Хитой темирйўлининг техник-иқтисодий асосларини ишлаб чиқиш якунланди
Транспорт вазири Илҳом Маҳкамов Хитойда Ўзбекистон-Қирғизистон-Хитой темирйўли қурилишининг техник-иқтисодий асосларини ишлаб чиқиш якунланганини айтди. Қўшма баёнотда томонлар қурилишни бошлашга тайёргарлик кўришда ёрдам беришга тайёрлиги қайд этилган.
Хоразмда болаларга қўлни кўтарганча йўлдан ўтиш ва ҳайдовчиларга миннатдорлик билдириш ўргатилади
Хоразм ЙҲХБ «илғор мамлакатлар тажрибаси» асосида болалар иштирокидаги ЙТҲларнинг олдини олишнинг янги усулини таклиф қилди. Унга кўра, ўтиш жойларидан олдин STOP белгиси чизилади. Ўқувчилар қўлларини кўтариб, йўлни кесиб ўтади ва миннатдорлик белгиси сифатида ҳайдовчиларга таъзим қилади.
Бизнесга интернет рекламалари учун тўловни хорижий валютадаги корпоратив карта орқали амалга оширишга рухсат берилади
Ўзбекистонда 1 июлдан юридик шахслар хорижий ижтимоий тармоқларда реклама бериш учун тўловни чет эл валютасидаги корпоратив карталар орқали амалга ошириш ҳуқуқига эга бўлади. Бунда харажатлар чегараси белгилаб қўйилган.
Туркия президентлигига собиқ номзод Синан Оган Эрдоғанни қўллаб-қувватлади
Туркияда президентлик пойгасидан четга чиққан номзод Синан Оган 28 май куни бўлиб ўтадиган сайловнинг иккинчи босқичида амалдаги президент Режеп Таййип Эрдоғанни қўллаб-қувватлашини маълум қилди.
Ўзбекистон Тожикистон билан авиация бўйича битимни ратификация қилди
Ўзбекистон Тожикистон билан форс-мажор ҳолатларда давлат ҳаво ҳудудларини қисқа муддатли кесиб ўтиш, аэродромлардан бирига захира сифатида қўниш учун рухсат беришни кўзда тутувчи битимни ратификация қилди.
Paynet орқали ҳам нақд пул ечиб олиш мумкин бўлади
1 июндан Paynet орқали нақд пул ечиш хизмати синов тарзида ишга туширилади. Синов муддати 2023 йилнинг декабрь ойигача давом этади.
Самарқандда вояга етмаган ҳайдовчи 52 ёшли эркакни уриб юборди
Самарқанд шаҳрида отасининг машинасини ҳайдаб кетаётган 16 ёшли ўсмир тезликни ошириб, йўлни кесиб ўтаётган эркакни уриб юборди. Жабрланувчи касалхонага ётқизилган.
Ўзбекистонга тўрт ой давомида 2 миллиондан ортиқ сайёҳ келди
2023 йилнинг тўрт ойида Ўзбекистонга 2 миллиондан ортиқ хорижий сайёҳ ташриф буюрди. Туристларнинг асосий қисми қўшни Марказий Осиё мамлакатлари, шунингдек, Россиядан келган.
Андижонда Диний қўмита мутахассиси Умра учун фуқаролардан олган 1,6 млрд сўмни онлайн қиморга тикиб юборди
Дин ишлари бўйича қўмитанинг Хўжаобод тумани мутахассиси фуқаролардан Умра зиёрати учун олган 1 млрд 650 млн сўмни онлайн қимор ўйинларига тикиб юборгани маълум бўлди. Суд давомида жабрланувчилар аризаларини қайтариб олгани сабабли моддий зарар тўланмаган. Собиқ ходим эса беш йилга қамалган.
Банкларда доллар курси тушди
Тижорат банклари 23 май куни аҳолидан 1 АҚШ долларини 11 420 — 11 435 сўмдан сотиб олмоқда, сотув курси эса 11 470 — 11 520 сўм.
25 ёшгача бўлган Ўзбекистон фуқароларига хорижга чиқиш паспорти 5 йил муддатга берилмоқда
25 ёшга тўлмаган Ўзбекистон фуқароларига хорижга чиқиш паспорти 5 йил муддатга берилаётгани маълум бўлди. Илгари бу 16 ёшни ташкил этган. Бу бўйича президент фармони бир йил аввал қабул қилинган бўлса-да, бу ҳақда жамоатчиликка кенг маълумот берилмаган.
Қорақалпоғистонда Cobalt юк машинаси билан тўқнашиши оқибатида 2 киши ҳалок бўлди
Ғузор-Бухоро-Нукус-Бейнеу автомобиль йўлида юқори тезликда ҳаракатланган Cobalt юк машинасига бориб урилди. Оқибатда енгил машина йўловчиларидан бири воқеа жойида, иккинчиси эса шифохонада вафот этди.
G7 саммити натижалари: Украинага ёрдам, Хитой билан муносабатлар ва сунъий интеллект
Хиросимада бўлиб ўтган «Катта еттилик» (G7) саммитида Россиянинг Украинага қарши уруши, Хитой билан муносабатлари, сунъий интеллект ва бошқалар муҳокама қилинди. Саммит якунлари ҳақида қисқача — «Газета.uz» шарҳида.
22 май куни Ўзбекистонда содир бўлган энг муҳим хабарлар дайжести
Талабалар учун 1,3 млн сўм стипендия тўланадиган ўқув курслари, АКТ бўйича қисқа муддатли курсларда ўқитиладиган орган раҳбарлари, нархи ошадиган алкоголь маҳсулотлари, Onix ва Tracker учун шартнома бериш тикланиши, модернизацияси якунланган Тўпаланг ГЭС ва бошқалар — «Газета.uz»нинг кун дайжестида.
«Ҳақиқат, тараққиёт ва бирдамлик» партияси етакчиси Андижонда овоз тўплаётганда калтакланган бўлиши мумкин
«Ҳақиқат, тараққиёт ва бирдамлик» партияси раҳбари Хидирназар Аллақулов Андижонда калтакланган бўлиши мумкин. Партияни рўйхатдан ўтказиш учун овозларни йиғиш жараёнида бир гуруҳ эркак ва аёллар пайдо бўлиб, жанжал уюштиришган. Андижон вилоят ИИБ воқеа ўрганилаётганини маълум қилди.
Туман (шаҳар) ХТБларнинг мактаблар фаолиятини текшириш ваколати тугатилади
Мактабгача ва мактаб таълими вазирлиги туман (шаҳар) бўлимларининг мактаблар фаолиятини текшириш ва таълим сифатини баҳолаш ваколатлари тугатилади. Юқори синфларда фанлар 16 тадан 11 тага камайтирилиб, 2 та танлов фани татбиқ этилади — президент таълим тизими бўйича муҳим таклифларни маъқуллади.
Қорақалпоғистонда сув танқислиги туфайли шоли майдонларини қисқартириш режалаштирилмоқда
Қорақалпоғистонда сув танқислиги туфайли шоли майдонларини қисқартириш режалаштирилмоқда. Натижада бозорга мазкур маҳсулотнинг энг катта миқдорда етказиб турган ҳудудда гуруч етиштириш прогнози 2,5 баробарга — 147,2 минг тоннадан 60 минг тоннага қисқаради.
Ўзбекистон Хитойга газ экспортини тиклади
Ўзбекистон яна Хитойга газ экспорт қилишини бошлади. Апрель ойида газ экспорти ҳажми 40,5 млн долларгача етганди.
Қўшимча имкониятларга эга булиш учун сайтда рўйхатдан ўтинг