ОТБ Ўзбекистонда электромобилларни оммалаштириш учун 170 млн доллар йўналтиради
Осиё тараққиёт банки Ўзбекистонда электромобилларни оммалаштириш учун 105 млн доллар қарз ва 65 млн доллар грант йўналтиради. Дастурда электробуслар паркини ва ёрдамчи инфратузилмани жойлаштириш, жамоат транспорти тизимини яхшилаш ҳам кўзда тутилган.
Ўзбекистон маҳсулотларни Европа стандартлари асосида сертификатлашда Чехия билан ҳамкорлик қилмоқчи
Чехия Ўзбекистонда ишлаб чиқарилган саноат маҳсулотларининг Европа бозорига чиқишида ягона «СЕ» (Certification Europe) белгиси билан сертификатлашда ҳамкорлик қилиши мумкин.
Андижонда ер майдонини жами 48 минг долларга сотмоқчи бўлганлар ушланди
Андижонда ер майдонларини жами 48 минг долларга сотмоқчи бўлганлар, Қорақалпоғистонда эса 85 млн сўмга давлат ерини фуқарога расмийлаштириб бермоқчи бўлган шахс гумонланувчи сифатида ушланди.
МБ сўровида қатнашганларнинг аксарияти сентябрда нон ва ун нархи сезиларли ошганини қайд этди
Сентябрда Ўзбекистонда сезилган инфляция даражаси 13,3 фоизгача пасайди. Даромади 10 млн сўмгача бўлган респондентларнинг аксарияти нон ва ун, 10−15 млн сўм бўлганлар бензин ва ёқилғи, 15 млн сўмдан юқори бўлганлар эса мева ва сабзавотлар нархи сезиларли даражада ошганини қайд этди.
Тошкентда Бразилия элчихонаси очилиши мумкин
Ўзбекистоннинг АҚШдаги элчиси Фурқат Сидиқов ва Бразилиянинг АҚШдаги элчиси Мария Виотти учрашувида Бразилия ҳукумати Тошкентда элчихона очиш масаласини ўрганиб чиқаётгани маълум қилинди.
Энди тезюрар поездларнинг чипта нархлари бозор тамойиллари асосида белгиланади
Ўзбекистонда 2024 йил 1 январдан юқори тезликда ҳаракатланадиган ва тезюрар поездларда йўловчиларни ташиш хизматлари тарифларини давлат томонидан тартибга солиш амалиётидан воз кечилади ва уларни бозор тамойиллари асосида тартибга солиш механизмига ўтилади.
«Айритом» чегара постида вагон остига 2,14 кг опий яширилгани аниқланди
Термиздаги «Айритом» чегара божхона постида Афғонистондан кириб келган юк поездининг остида 2,14 кг опий яширилгани аниқланди.
Экология вазирлиги Ботаника боғини маданият ва истироҳат боғига айлантиришга қарши
Ўзбекистон Экология вазирлиги Фанлар академияси билан биргаликда Тошкент ботаника боғи фаолиятини такомиллаштириш бўйича ҳужжат лойиҳасини тайёрлаганини маълум қилди. Вазирлик унинг маданият ва истироҳат боғига айлантирилишини тасдиқламайди, дейилади баёнотда.
10 октябрь куни Ўзбекистонда содир бўлган энг муҳим воқеалар дайжести
Болаларга нисбатан зўравонликка қарши қонун лойиҳаси, зилзиладан сўнг Афғонистонга юборилган инсонпарварлик ёрдами, электроскутер ва самокатларни давлат рўйхатига олиш режаси, ишдан олинган «Афросиёб» поезди бошлиғи, Yandex Go атрофидаги янгиликлар ва бошқалар — «Газета.uz»нинг кун дайжестида.
Сурхондарё ҳокимига янги ўринбосар тайинланди
Алишер Амиров Сурхондарё вилояти ҳокимнинг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари бўлди. Бунга қадар у Автомобиль йўллари қўмитасида бошқарма бошлиғи лавозимида фаолият юритган.
«Зарафшон» миллий боғида 11 та ноқонуний бино бузиб ташланди (фото)
Суд қарорлари билан «Зарафшон» миллий табиат боғи ҳудудидаги 11 та ноқонуний бино бузиб ташланди. Ушбу ҳудуддан 39,8 гектар ер ижарага ва қурилиш учун ноқонуний равишда берилгани ҳақида аввалроқ ёзган эдик. Айни пайтда бузилган бинолар ўрнига дарахтлар экилмоқда.
Тошкентдаги 14 ва 89-сонли автобусларнинг йўналишлари ўзгаради
Пойтахтда ҳаракатланувчи 14 ва 89-сонли автобусларнинг йўналишларига ўзгартириш киритилмоқда.
Олмалиқ шаҳридаги бир нечта хонадонда жўмракдан қон аралаш сув келди
Тошкент вилояти Олмалиқ шаҳрида уй эгалари жўмракдан қонли сув келаётгани, болалар касал бўлиб қолганидан шикоят қилди. Ҳокимликка кўра, ҳолат кушхонадаги оқова сув ва ичимлик суви қувури тешилгани учун қўшилиб кетиши сабабли кузатилган. Ичимлик суви қувури янгиланмоқда, дейилади хабарда.
Ўзбекистон зилзиладан жабр кўрган Афғонистонга қарийб 100 тонна инсонпарварлик ёрдами юборди
7 октябрдаги кучли зилзилалардан жабр кўрган Афғонистонга Ўзбекистондан қарийб 100 тонна инсонпарварлик ёрдами етказилди. Жўнатма таркибида озиқ-овқат ва бирламчи тиббий ёрдам воситалари бор.
«ЕИ Ўзбекистон учун эзгулик кучи бўлишда давом этади». Европарламент Ўзбекистон бўйича резолюция қабул қилди
Европарламент Ўзбекистон бўйича резолюцияни қабул қилди, унда мамлакатнинг ютуқ ва камчиликлари, ЕИ тавсиялари келтирилган. «ЕИ Ўзбекистон учун эзгулик кучи бўлишда давом этади… Шу билан бирга, дўстлар сингари камчиликлар ҳақида очиқ гапирамиз», — деди Европарламент депутатларидан бири.
Расмийлар электроскутер ва самокатлар ҳаракатини тартибга солмоқчи. Бу қандай бўлади?
ИИВ йўл ҳаракати қоидаларига электросамокат ва скутерлар ҳаракатини тартибга солувчи ўзгартиришларни киритмоқчи. 14 ёшга тўлмаганларга уларни бошқаришни тақиқлаш таклиф қилинмоқда. Уларда пиёдалар йўлакларида 6 км/соат, йўлларда эса 20 км/соат тезликда ҳаракатланиш мумкин бўлади.
Депутатлар Сурайё Раҳмоновани болалар омбудсмани этиб тасдиқлади
Қонунчилик палатаси Сурайё Раҳмоновани Олий Мажлиснинг бола ҳуқуқлари бўйича вакили этиб тасдиқлади. У аввал Бош прокуратура, АОКА ва Сенатда ишлаган. Номзод энди Сенат томонидан тасдиқланиши керак.
Ўзгидромет жума куни айрим ҳудудларда кучли ёмғир ёғишидан огоҳлантирди
Ўзгидромет жума куни Тошкент, Самарқанд, Жиззах, Сирдарё вилоятлари ва тоғли ҳудудларда кучли ёмғир ёғишидан огоҳлантирди. Ҳарорат кундузи +10, кечаси +2 даражагача пасайиши мумкин.
Аҳоли ва бизнеснинг инфляцион кутилмалари пасайди
Сентябрь ойида Ўзбекистонда аҳоли ва бизнеснинг инфляцион кутилмалари пасайди. Аҳоли ва тадбиркорларнинг валюта курси ўзгаришидан хавфсираши бироз пасайган, лекин ёқилғи ва энергия нархи ошишини қайд этган респондентлар улуши кетма-кет бешинчи ой ошмоқда.
Сайёҳнинг жойини қўшимча пул эвазига вип классга ўзгартириб берган «Афросиёб» поезди бошлиғи ишдан олинган
Тармоқларда хорижлик сайёҳнинг «Афросиёб» поездидаги жойини эконом классдан вип классга ўзгартириш учун поезд бошлиғига қўшимча пул бергани акс этган видео тарқалди. «Ўзтемирйўлйўловчи» компанияси ҳолат июль ойида содир бўлгани ва бошлиқ ишдан олинганини билдирди.
Қўшимча имкониятлардан фойдаланиш учун сайтда рўйхатдан ўтинг