Давлат хизматларини жойларга чиққан ҳолда кўрсатиш тартиби белгиланди
Вазирлар Маҳкамасининг қарори билан айрим давлат хизматларини жойларга чиққан ҳолда кўрсатишнинг маъмурий регламенти тасдиқланди. Жойларга чиқиб кўрсатилган хизматлар учун қўшимча бир маралик тўлов ундирилади.
IFC Ўзбекистонга инвестиция қонунчилигини такомиллаштиришга ёрдам беради
Халқаро молия корпорацияси Япония ҳукумати билан ҳамкорликда Ўзбекистон ҳукуматига янги инвестиция қонунчилигини тайёрлашда ёрдам беради. Бунда тўғридан-тўғри хорижий инвестицияларни кўпроқ жалб қилиш ва иқтисодий ўсишни рағбатлантириш мақсад қилинган.
Тошкентда янги автобус йўналишлари, шунингдек, экспресс йўналишлар ташкил этилди
Душанбадан Тошкентда еттита янги автобус йўналиши ва энг тиғиз вақтларда ишловчи учта вақтинча экспресс йўналиш ташкил этилди. Август ойи охирида учта йўналиш ҳаракати қисқартирилди.
Тошкент вилоятида тезликни назорат қилувчи 11 та радар иш бошлади
Тошкент вилоятида 4 сентябрдан бошлаб тезликни назорат қилувчи 11 та мобил радарлар иш бошлади. Рўйхат.
Қурилиш вазирига ўринбосар тайинланди
Президент қарори билан Тоир Алиматов қурилиш ва уй-жой коммунал хўжалиги вазири ўринбосари этиб тайинланди.
Асосий дори воситаларининг янгиланган рўйхати тасдиқланди
Ўзбекистонда янгиланган асосий дори воситалари рўйхати (АДВР) тасдиқланди. Ундан 65 гуруҳга мансуб дорилар ўрин эгаллаган. Рўйхатдан тиббиёт муассасалари эҳтиёжини таҳлил этиш, бундай дорилар мавжудлигини мониторинг қилиш, нархини шакллантириш ва бошқа мақсадларда фойдаланилади.
Энергетика вазирлиги «заправка»лар учун кунлик газ лимити белгиланганига муносабат билдирди
Тармоқларда «заправка»лар учун кунлик газ лимити киритилаётгани ҳақида хабар тарқалди. Энергетика вазирлиги шартномаларда «соатлик, кунлик, ойлик ва йиллик» ҳажм белгиланиши мумкинлиги кўрсатилганини билдирди. Истеъмолчилар қўшимча газ сўраб мурожаат қилиши мумкин, дейди вазирлик.
Ўзбекистонлик ўқувчилар илк бор Халқаро информатика олимпиадасида медалли бўлди
Венгрияда бўлиб ўтган 35-Халқаро информатика олимпиадасида Дилёрбек Валижонов ва Дилшодбек Хўжаев бронза медалларини қўлга киритди. Бу Ўзбекистон учун ушбу фан бўйича олимпиададаги илк медаллар бўлди.
Улуғбек Рашитов таэквондо бўйича яна Гран-при чемпиони бўлди
Парижда ўтган таэквондо WT бўйича Гран-при мусобақасида Улуғбек Рашитов олтин медални қўлга киритди. У июнь ойида ҳам Римда ўтган ушбу мусобақада чемпион бўлганди.
Наманган аэропортида реконструкциядан сўнг учиб келиш терминали очилди
Наманган шаҳрида аэропортнинг реконструкция қилинган учиб келиш терминали очилди. Йўловчиларга хизмат кўрсатиш майдони 720 кв. метрдан 1756 кв. метрга етди. Ўтказувчанлик эса 3 баробар ошди. Жўнаб кетиш терминалини реконструкция қилиш сентябрь ойида бошланади. Фото.
Фото: Президент Ислом Каримов қабрини зиёрат қилди
Шавкат Мирзиёев 2 сентябрь куни Самарқанд шаҳридаги Ҳазрати Хизр мажмуасига ташриф буюриб, Ислом Каримов мақбарасини зиёрат қилди.
Андижондаги 2 та ўзбек-қирғиз чегара пости очилди. Фото
2009 йилдан буён ёпиқ бўлган Андижон вилоятидаги «Мингтепа» ва «Хонобод» ўзбек-қирғиз чегара божхона постлари очилди. Уларнинг биринчиси кундузги вақтларда, иккинчиси эса узлуксиз фаолият олиб боради. Аввалроқ Ўзбекистон ва Қирғизистон фуқароларига чегарадан ID карта орқали ўтишга рухсат берилганди.
Урбанист болалар кутубхонаси ёнидаги чорраҳани реконструкция қилиш бўйича таклиф берди
Урбанист Искандар Солиев Республика болалар кутубхонаси ёнидаги чорраҳани реконструкция қилиш концептини таклиф этди. «Аввал пиёдаларга, кейин велосипед ва самокатлар, сўнгра автомобилларга устуворлик берилади. Аслида ҳам шундай бўлиши керак», — деди у. Ҳозир чорраҳада машиналар гавжум.
Зоминда аэропорт очилди
Жиззах вилоятининг Зомин туманида аэропорт очилди. Терминал 30 йўловчига мўлжалланган. 1 сентябрь куни у LET L-410 ва Pilatus PC-24 самолётларини қабул қилди.
Сурхондарёда мактаб директорини калтаклаган шахс қамоққа олинди
Сурхондарёнинг Сариосиё туманидаги мактаб директорини калтаклашда гумон қилинган шахс ушланиб, қамоққа олинди. Жабрланувчига ҳимоя ордери берилди, у тумандаги шифохонадан вилоят касалхонасига ўтказилди.
Қозоғистон президенти АЭС қурилиши бўйича референдум ўтказишни таклиф қилди
Президент Қасим-Жомарт Тоқаев «мамлакат келажаги билан боғлиқ ўта муҳим масала» бўлгани учун Қозоғистонда атом электр станцияси қурилиши бўйича умумхалқ референдуми ўтказишни таклиф қилди.
Одилбек Исаков иқтисодиёт ва молия вазирига консультант-маслаҳатчи бўлди
Собиқ молия вазирининг ўринбосари Одилбек Исаков Ўзбекистон иқтисодиёт ва молия вазирининг консультант-маслаҳатчиси лавозимига жалб қилинди.
Jetour Uzbekistan байрамга байрамона чегирма эълон қилди
Auto Motors Asia МЧЖ таркибига кирувчи Jetour Uzbekistan компанияси Мустақиллик байрами муносабати билан автомобилларга чегирма эълон қилди.
Тошкент аэропортининг маҳаллий терминалига автомобиллар киришига рухсат берилди
Тошкент аэропортининг маҳаллий терминали олдидаги ҳудуд реконструкциядан сўнг қайта очилди. Илк бор барча автомобилларга қисқа муддат — 10 дақиқагача — терминал ҳудудига киришга рухсат берилди. Кутиб олувчиларга шароит яратилиши ёки йўқлиги ва реконструкцияга муҳтож автотураргоҳ тақдири очиқланмади.
«Адолатли қонунлар бўйича виждонан яшаш». Президент табригида нималарга тўхталди?
Президент Ўзбекистон мустақиллигининг 32 йиллиги билан табриклаб, экология, кучли фуқаролик жамияти ва ОАВнинг аҳамияти, аёлларга тенг имкониятлар яратиш, бағрикенглик, низоларни тинч йўл билан ҳал этиш каби масалаларга тўхталди. «Давлатнинг вазифаси инсонларни бахтли қилишдир», — дея эслаб ўтди у.
Қўшимча имкониятлардан фойдаланиш учун сайтда рўйхатдан ўтинг