Олмалиқ КМКда 3-мисни бойитиш фабрикаси ишга тушиши мумкин
2023 йилги давлат дастури лойиҳасида Олмалиқ кон-металлургия комбинатининг «Ёшлик» мис конини ўзлаштириб, 3-мисни бойитиш фабрикасини ишга тушириш режаси муҳокамага қўйилди. Шунингдек, Навоийдаги Пистали конида 4 млн тонна олтин рудасини қайта ишлаш мажмуаси қурилишини якунлаш режа қилиняпти.
Ўзбекистонликлар Туркия элчихонасига гуллар олиб бормоқда
Ўзбекистон аҳолиси Туркияда содир бўлган ер силкинишлари ортидан ҳалок бўлганларнинг яқинлари ва қардош мамлакатга ҳамдардлик билдириш мақсадида Тошкент шаҳридаги элчихона олдига гуллар олиб бормоқда.
Қўйлиқ-Сергели йўналишида транспорт оқими 12 фоизга камайиши мумкин
Шавкат Мирзиёев Тошкент метрополитенидаги қурилиш ишлари билан танишди. Қурувчилар даҳасидан Қипчоқ бекатигача бўлган қарийб 4 километрлик метро йўли яқин ойларда ишга тушади. Қўйлиқ ва Сергели орасидаги қатнов вақти 15 дақиқани ташкил этади. Шунингдек, транспорт оқими 12 фоизга камайиши кутилмоқда.
Қорақалпоғистондаги уйда газ портлаши сабаб бир киши вафот этди
Элликқалъа туманидаги хонадонда газ портлади. Оқибатда бир аёл вафот этди. Воқеа бўйича ўрганиш ишлари бошланди.
Туркияда зилзила оқибатида вайроналар остида қолган ўзбекистонлик қутқарилди
Қаҳраманмараш вилоятида зилзила оқибатида бедарак йўқолган Ўзбекистон фуқароси вайроналар остидан олиб чиқилди. У шифохонага жойлаштирилган ва биринчи ёрдам кўрсатилмоқда.
Самарқандда фуқарони $15 минг эвазига АҚШга жўнатмоқчи бўлган шахс ушланди
Самарқандда фуқарони 15 минг доллар эвазига Мексика орқали АҚШга жўнатмоқчи бўлган шахс ушланди. У пулдан уч минг долларини олаётган пайтда ДХХ ва ИИБ ходимлари томонидан қўлга олинди.
Қорақалпоғистонда 50 ва 110 МВт кучланишга эга қуёш ҳамда шамол электр станцияси қурилади
Қораўзак туманида 161 миллион долларлик янги 2 катта инвестициявий лойиҳа, жумладан 50 МВт кучланишга эга қуёш электр станцияси ва 110 МВт кучланишга эга шамол электр станцияси қурилади. Натижада 200 фуқаронинг доимий равишда бандлиги таъминланади.
Қурилиш вазирлиги — уйларнинг зилзилабардошлилигига ким жавобгар экани ҳақида
Қурилиш вазирлиги уйларнинг зилзилага бардошлилигига ким кафолат бериши ҳақида маълумот берди. Ишларнинг сифатига кафолат бериш ва улар лозим даражада бажарилмаган тақдирда, жавобгар этиб пудратчи белгиланган.
ОТМларнинг ўқув дастурига инсон ҳуқуқлари бўйича курслар киритилади
2023/2024 ўқув йилидан бошлаб профессионал ва олий таълим тизимида «Инсон ҳуқуқлари», «Аёллар ҳуқуқлари» ва «Бола ҳуқуқлари» бўйича ўқув ва махсус курслар жорий этилади.
Марказий ва Шарқий ҳарбий округ қўшинларига янги қўмондонлар тайинланди
Президент фармойиши билан генерал-майор Айбек Саидов Шарқий ҳарбий округ қўшинлари қўмондони, полковник Фаррух Зиябаев Марказий ҳарбий округ қўшинлари қўмондони ва полковник Лутфулло Бузруков Қуролли кучлар бош штаби бошлиғининг ўринбосари лавозимига тайинланди.
Ўзбекистонга газ етказишда кузатилган узилишлар сабаб «Туркмангаз»да бир неча киши ҳибсга олингани айтилмоқда
Туркманистондаги «Галкиниш» конида юз берган авария ва Ўзбекистонга газ етказиб беришда кузатилган узилишлар сабаб «Туркмангаз» концернида бир неча киши ҳибсга олингани хабар қилинди. Ўзбекистон Энергетика вазирлиги узилиш учун Туркманистондан компенсация талаб қилингани ҳақидаги хабарни рад этди.
БМТ Термиздан Афғонистонга инсонпарварлик ёрдами жўнатди
БМТнинг Қочқинлар бўйича агентлиги ва Қочқинлар бўйича олий комиссарлиги Термиз шаҳридаги транспорт-логистика хаби орқали Афғонистонга навбатдаги инсонпарварлик ёрдамини жўнатди. Совуқда ҳимояга муҳтож афғон халқи учун 12 та юк машинасида 48 мингдан ортиқ кўрпа жўнатилди.
Ўзбекистонлик қутқарувчилар Туркияда 9 кишини вайроналар остидан чиқариб олди
Туркияга кетган ўзбекистонлик ФВВ ходимлари тонггача вайроналар остидан 21 кишини чиқариб олди. Уларнинг 12 нафари вафот этган. Қолганлари турли тан жароҳатлари олган.
Ўзбекистон Туркманистонга 20 та «Тез ёрдам» машинаси топширди
Ўзбекистон Туркманистонга 20 та Volkswagen Caddy «Тез ёрдам» машинаси совға қилди. Ўз навбатида, Туркманистондан суюлтирилган газ партияси етиб келди ва уни эҳтиёжманд оилалар ўртасида тақсимлаш режалаштирилган.
Xalq nazorati хизмати орқали ер ва дарахтлардаги электр кабеллари ҳақида хабар бериш мумкин
Дарахтларга осилган ёки ерда ётган электр кабелларини кўрган Тошкент шаҳри аҳолисидан Xalq nazorati портали орқали хабар беришлари сўралмоқда. Ҳокимлик аномал совуқ пайтида тезроқ электр узатиб бериш учун симлар шу тарзда ўтказилганини маълум қилди.
Ўзбекистонда ҳар ойда камида бир маротаба «Ҳукумат куни»ни ўтказиш таклиф қилинмоқда
2023 йилги давлат дастури лойиҳасида ҳар ойда камида бир марта барча вилоят ва ҳудудларда ҳукумат аъзолари иштирокида «Ҳукумат куни»ни ўтказиб бориш таклиф қилинмоқда. Бунда ҳудудларда аҳоли кўтараётган долзарб муаммоларнинг ҳукумат вакилларига етиб боришини таъминлаш мақсад қилинган.
Malaysia Airlines Куала-Лумпурдан Тошкентга парвозларни тикламоқда
Malaysia Airlines авиакомпанияси Куала-Лумпур-Тошкент-Куала-Лумпур йўналиши бўйича парвозларни тикламоқда. Рейслар ҳар ўн кунда бир марта амалга оширилиши режалаштирилган.
Самарқандда Қизил китобга киритилган тасқара ҳаёти сақлаб қолинди
Самарқанд шаҳри Экология ва атроф-муҳитни муҳофаза қилиш бўлимига шаҳардаги автомобилларга газ қуйиш шохобчасида тасқара қушининг келгани бўйича маълумот берилган. У ветеринар кўригидан сўнг, «Зарафшон» миллий табиат боғи питомнигига топширилган.
Тошкентнинг янги ҳокими дастлаб қайси муаммоларни ҳал қилиши зарур? «Юксалиш» сўрови
«Юксалиш» ҳаракати Тошкент шаҳрининг янги ҳокими биринчи навбатда қайси муаммоларни ҳал қилиши зарурлиги ҳақида сўровнома ўтказди. Жавоблар орасида қурилишга мораторий эълон қилиш, коммунал хўжалик хизматлари ва жамоат транспортини яхшилаш ҳамда ҳокимни сайлаш амалиётини жорий этиш таклифлари бор.
Банкларда долларнинг сотиш курси 11 405 сўмгача кўтарилди
Тижорат банклари 8 февраль куни аҳолидан 1 АҚШ долларини 11 285 — 11 385 сўмдан сотиб олмоқда, сотиш курси эса аксарият банкларда 11 405 сўм.
Қўшимча имкониятларга эга булиш учун сайтда рўйхатдан ўтинг