Бухоро мактабларидан бирида ўқитувчининг ўқувчиларни калтаклагани ҳолати тергов қилинмоқда
Бухоро вилояти халқ таълими ва ички ишлар бошқармалари Бухородаги 4-сонли мактабда дарс вақтида ўқувчиларнинг ўқитувчи томонидан калтакланиши билан боғлиқ ҳолатни ўрганмоқда.
Қорақалпоғистонда 15 нафар мансабдор шахс ишдан бўшатилди, 116 нафарига интизомий чора кўрилди
Қорақалпоғистонда «ўз соҳалари бўйича юклатилган вазифаларни бажаришда хато-камчиликларга йўл қўйган, ўзига билдирилган ишончни оқламаган» 15 нафар мансабдор шахс эгаллаб турган лавозимидан озод қилиниб, 116 нафарига интизомий жазо чораси қўлланилди.
Халқаро кўргазмаларда Ўзбекистон маҳаллий тўқимачилик корхоналари иштирок этишади
15 дан 17 ноябргача Варшавада бўлиб ўтадиган Халқаро тўқимачилик кўргазмасида Ўзбекистон компаниялари қатнашади.
Тошкентда яна 4 та машина иштирокида ЙТҲ юз берди
Пойтахтда яна Equinox, Mercedes-Benz ва Nexia иштирок этган авария содир бўлди. Тўртинчи машина эса — Labo. ЙТҲ оқибатида 3 нафар фуқарога тиббий ёрдам кўрсатилди.
«Дунё бола нигоҳида». Тошкентда #wearethechildren фотокўргазмаси бўлиб ўтмоқда
Humo Arena’да #wearethechildren халқаро фотокўргазмаси бўлиб ўтмоқда. У ЮНEСКО ва Мактабгача таълим вазирлиги ташаббуси билан эрта ёшдаги болаларни тарбия ва таълим бериш бўйича II Бутунжаҳон конференцияси арафасида очилди. Кўргазмада Осиё, Африка, Жанубий Америкада олинган фотосуратлар ўрин олган.
Тошкент вилоятида божхона пости бошлиғи ўринбосари ва 3 нафар ходим ишдан бўшатилди
Ноқонуний тадбиркорларга ёрдам бермоқчи бўлган «Ойбек» чегара божхона пости бошлиғи ўринбосари ва 3 нафар ходими қўлга олинди. Шунингдек, хизмат лавозимини суиистеъмол қилган Тошкент халқаро аэропорти навбатчилик қисми бошлиғи ва «Қўқон» ТИФ божхона постининг бир нафар ходими ҳам ишдан олинди.
Сирдарёда йўл қурилишида 1 млрд сўмдан ортиқ маблағ ўзлаштирилгани аниқланди
ДХХ «Сирдарё йўллардан мунтазам фойдаланиш» унитар корхонаси мансабдорларининг 1 млрд сўмдан ошиқ маблағни талон-торож қилганини аниқлади. Суд ҳукмига кўра, уларга озодликдан маҳрум қилиш, аҳлоқ тузатиш ишлари ҳамда бошқа жазо турлари тайинланди.
Меҳмонхоналарга «юлдузлар» янги стандарт асосида берилади
Туристик хизматларни сертификатлаштириш маркази меҳмонхоналарга «юлдузча» беришнинг янги таҳрирдаги давлат стандарти лойиҳасини ишлаб чиқди. Унга кўра, аввал меҳмонхоналар учун мажбурий бўлган 97 та талаб 85 тага қисқарди.
Тошкентда Kia K5 ва Spark тўқнашди
Шайхонтоҳур тумани Олмазор ҳамда Ислом Каримов кўчалари кесишган чорраҳада Kai K5 ва Spark иштирокида ЙТҲ содир бўлди. Ҳодиса оқибатида Spark йўловчиси жароҳат билан шифохонага юборилди.
Зойир Мирзаев Сенат аъзоси этиб сайланди
Халқ депутатлари вилоят, туман ва шаҳар кенгашларининг қўшма йиғилишида Тошкент вилояти ҳокими Зойир Мирзаев Сенат аъзоси этиб сайланди.
Москвадаги бўш турган офис майдонлари ошиб бормоқда, ижарачилар сони эса аксинча
Кўплаб хорижий компанияларнинг Россия бозорини тарк этиши ва маҳаллий корхоналарнинг уларнинг ўрнини босишга тайёр эмаслиги ортидан Москвада офис биноларининг 8,6 фоизи бўш қолмоқда. Аксарият корхоналар ўз бизнесини Ўзбекистон, Қозоғистон, БАА ва Туркияга кўчиришни сўраб мурожаат қилмоқда.
Журналистнинг газ ҳақидаги постига қўпол жавоб қайтарган матбуот котибига чора кўрилди
Журналист Азиза Қурбонова Учтепада газ босими пастлигини танқид қилгач, пост остида туман ҳокимлиги номидан қўпол изоҳлар қолдиришгани ҳақида ёзгандик. Шундан сўнг, туман ҳокимлиги баёнот бериб, матбуот котиби Тўрабек Тўраев «ҳис ҳаяжонга берилиб ёзган фикрлари» учун огоҳлантирилганини маълум қилди.
Россия ОТМларидан ўқишни кўчириш бўйича аризалар қабул қилиш муддати узайтирилди
Россиядаги айрим ОТМлардан ўқишни Ўзбекистонга кўчириш бўйича аризалар қабул қилиш муддати 10 кунга узайтирилди. Аввалги муддат 1 ноябрдан 20 ноябргача этиб белгиланганди. Ўқишини кўчириш истагини билдирган фуқаролар my.dtm.uz сайти орқали онлайн ариза беришлари мумкин.
ЖЧ-2022: букмекерлар скептикларга пул тикишмайди
«Газета.uz» ва Дмитрий Поваров ЖЧ-2022 бошланишига кунларни санашда давом этмоқда. Бугун G гуруҳи билан танишамиз: ушбу гуруҳдан «пентакампион» бразилияликлар, қўрқмас серблар, соат механизмидек схема бўйича ўйнайдиган швейцарияликлар, «ноль»га ўйнамасликни одат қилиб олган камерунликлар жой олган.
Шавкат Мирзиёев Тошкентда ЮНЕСКО минтақавий марказини ташкил этишни таклиф қилди
Шавкат Мирзиёев Тошкентда бўлиб ўтган кичик ёшдаги болаларни тарбиялаш ва таълим бериш бўйича Бутунжаҳон конференциясида нутқ сўзлади. Давлат раҳбари 2025 йилда болаларни мактабгача таълим билан қамраб олиш даражаси 80 фоизга етказилишни таъкидлади.
Русланбек Давлетов президент маслаҳатчиси этиб тайинланди
Русланбек Давлетов президентнинг ижтимоий-сиёсий ривожланиш масалалари бўйича маслаҳатчиси лавозимига тайинланди.
Андижондаги мактаб стадиони ўрнида бино қурилиши тўхтатилди
Қурилиш вазирлиги Андижондаги 50-мактаб стадиони ўрнида бино қурилиши лойиҳага ўзбошимчалик билан ўзгартириш киритилгани учун тўхтатилганини маълум қилди. Вазирлик қурилиш бўйича барча зарур хулосалар олинганини қайд этди. Аввалроқ прокуратура ҳоким қарори қалбаки эканини маълум қилганди.
Путин хорижликларга Россия армиясида хизмат қилишга рухсат берди
Россия Федерацияси президенти Владимир Путин чет эл фуқаролигига эга шахсларни РФ армиясида хизматни ўташга рухсат берувчи фармонни имзолади. Ҳужжатга кўра, иккинчи фуқароликка эга бўлган россияликлар ҳам ҳарбий хизматга чақирилади.
«Сукут сақлаш маданиятини йўқ қилинг». Тошкентда NeUyat кўргазмаси очилди
NeUyat фестивалига 139 Documentary Center галереясида старт берилди. Унинг мақсади жинсий зўравонлик ҳодисалари атрофидаги сукунат маданиятини бузишдир. Муҳим воқелик — шу номдаги кўргазма бўлиб, унинг экспонатларида жабрланган аёлларнинг ҳикоялари ва муаллифларнинг шахсий тажрибаси акс эттирилган.
Бухорода 2 шахс 1,12 гектар ерни $120 мингга сотишда гумонланиб ушланди
Иқтисодий жиноятларга қарши курашиш департаментининг Бухоро шаҳар бўлими томонидан икки фуқаро ерни ноқонуний сотишга уринган вақтда гумонланувчи сифатида қўлга олинди. Шунингдек, Самарқанд, Олмалиқ ва Марҳаматда ҳам ерни ғайриқонуний равишда сотишга уриниш аниқланди.
Қўшимча имкониятларга эга булиш учун сайтда рўйхатдан ўтинг