ЕИ Россияга санкцияларни четлаб ўтишга ёрдамлашаётган давлатларга савдо чекловларини жорий қилиши мумкин
ЕИ Россияга «икки мақсадли» технологияларга эга техникалар олишга ёрдам берадиган давлатларга савдо чекловларини жорий этишни режалаштирмоқда. Гап, хусусан, ЕИдан Қозоғистон, Қирғизистон ва Ўзбекистонга экспорт қилинаётган кир ювиш машиналари, эски автомобиллар ва фотокамералар ҳақида бормоқда.
Тошкентнинг Олмазор туманида икки кундан ортиқ вақт давомида электр бўлмади
Тошкентнинг Олмазор туманида 17 минг абонент юқори вольтли подстанциядаги авария туфайли икки кундан ортиқ вақт давомида электр таъминотисиз қолди. Бунинг натижасида сув таъминотида ҳам узилишлар юзага келди. Аварияни бартараф этишга электр тармоқларининг 84 нафар ходими жалб қилинди.
Тошкент маданият бош бошқармасининг собиқ раҳбарлари талон-торожликларда гумонланмоқда
Собиқ Тошкент маданият бош бошқармаси раҳбарлари ўтган йили 20 млрд сўмлик фестивалларни тендерсиз ўтказиш бўйича шартномалар имзолаган. Бундан ташқари, фестиваллар давомида 8 млрд сўмлик бюджет маблағлари талон-торож қилинган, дея хабар қилди Бош прокуратура хабарида.
25 март куни Ўзбекистонда содир бўлган энг муҳим хабарлар дайжести
«Ташаббусли бюджет» лойиҳасига Face ID орқали овоз бериш, бахтли мамлакатлар рейтингида 54-ўринда тушган Ўзбекистон, 2 фуқарони пичоқлаб, ёқиб юборган эркак, ногиронлиги бўлган шахсларга аукционда ер сотиб олиш харажатларининг бир қисми қоплаб берилиши ва бошқалар — «Газета.uz»нинг кун дайжестида.
Саида Мирзиёева АҚШдаги «Тинчлик корпуси» ва Оқ уйда учрашувлар ўтказди
Президент Администрацияси шўъба мудири Саида Мирзиёева АҚШга ташрифи чоғида Америка «Тинчлик корпуси» кўнгиллиларининг Ўзбекистондаги фаолиятини қайта тиклаш ҳамда гендер тенглигини биргаликда тарғиб қилиш масалаларини муҳокама қилди.
Ташқи меҳнат миграцияси агентлиги бошлиғи ҳибсга олинди
Ташқи меҳнат миграцияси агентлиги бошлиғи Афзал Ирматов ҳибсга олинди. Ҳозирда унинг хатти-ҳаракатлари юзасидан тергов ишлари олиб борилмоқда.
S7 Airlines авиакомпанияси Иркутскдан Фарғонага парвозларни тиклайди
5 майдан Россиянинг S7 Airlines авиакомпанияси Иркутск-Фарғона йўналиши бўйича парвозларни тиклайди. Қатновлар 2021 йилда тўхтатилганди.
Туркияда эркак ўзи билан бирга яшаган ўзбекистонлик аёлни ўлдирди
Истанбулда эркак бирга яшаб келган ўзбекистонлик аёлни тош билан ўлдириб, жасадни бўлаклаб ташлади. Можаро эркак олган қарз туфайли келиб чиққан.
«Алға Қарақалпақстан» партияси етакчиси Нукус воқеалари бўйича айбланмоқда
Аманбай Сагидуллаев («Алға Қарақалпақстан» партияси етакчиси, Норвегияда яшайди) ва Ниетбай Уразбаев (Қозоғистондаги қорақалпоқ диаспораси вакили) Нукус воқеалари бўйича жиноий ишда айбланмоқда. Суд уларнинг иштирокисиз бўлиб ўтяпти.
Солиқ қўмитаси Yandex Go хизматларидан тушган даромад Ўзбекистонда қандай тақсимланишини очиқлади
Ижтимоий тармоқлардаги муҳокамаларга жавобан Солиқ қўмитаси Ўзбекистонда Yandex Go хизмати қандай тартибга солингани, хизматлар кўрсатишдан тушган даромад тақсимоти, компания ва такси хизмати қанча солиқ тўлаши ҳақида маълумот берди.
«Ташаббусли бюджет» лойиҳасига Face ID орқали овоз бериш тизими жорий этилади
«Ташаббусли бюджет» лойиҳасида барча маҳаллалар учун тенг имконият яратиш мақсадида Face ID орқали овоз бериш тизими жорий этилади. У SMS орқали берилган 5−10 овозга тенглаштирилади. Қолаверса, кам аҳолили маҳалла лойиҳалари учун кўпайтириш коэффициенти қўллаш амалиёти кўриб чиқилади.
Маҳаллаларда спорт майдончаларини қуриш вазифаси 13-сонли жазони ижро этиш муассасасига берилиши мумкин
Спорт инфратузилмаси ривожланмаган маҳаллаларда спорт майдончаларини қуриш вазифаси ИИВ ҳузуридаги Жазони ижро этиш департаменти 13-сонли жазони ижро этиш муассасасига юклатилиши мумкин. Бу бўйича қарор лойиҳаси муҳокамага қўйилди.
Ўзбекистонда простата бези ракини самарали даволовчи дори ишлаб чиқилди
Ўзбекистон фанлар академияси катта ёшдаги эркаклардаги простата бези ракини самарали даволовчи дори ишлаб чиқарилганини маълум қилди.
Ўзбекистонда сўнгги 10 йилда 16 киши зилзила оқибатида вафот этган
Ўзбекистонда сўнгги 10 йилда 6 марта 6−8 балли зилзила рўй берган. Уларда жами 16 киши вафот этган, 54 киши жабрланган. Иқтисодий зарар миқдори 84 млрд сўмни ташкил қилган.
Агриппина Шинга 3 нафар ўринбосар тайинланди
Фаррух Бобоев Мактабгача таълим агентлиги директорига биринчи ўринбосар, Оятилло Рахматиллаев ва Нодир Муслитдинов эса ўринбосарлар этиб тайинланди.
Тошкент вилоятида эркак икки фуқарони пичоқлаб, ёқиб юборди
Янгийўл туманида эркак ижарага берилган ер майдонлари учун ҳақ талаб қилган икки нафар фирма ходимини пичоқлаб ўлдириб, ёқиб юборди. Ҳолат юзасидан жиноят иши қўзғатилиб, гумонланувчи шахс процессуал тартибда ушланди.
Ногиронлиги бўлган шахсларга аукционда ер сотиб олиш харажатларининг бир қисми қоплаб берилади
Ҳукумат қарори билан ногиронлиги бўлган шахсларга аукцион орқали ер сотиб олиш харажатларининг бир қисмини қоплаб бериш тартиби тасдиқланди. Харид харажатларига қараб улар БҲМнинг 100 бараваригача миқдорда компенсация олиши мумкин.
Бектош Сайипов Қашқадарё вилояти прокурори бўлди
Наманган вилояти прокурори лавозимида ишлаб келган Бектош Сайипов Қашқадарё вилоятига прокурор этиб тайинланди.
Нима тайёрлаймиз: Кўкатли егуликлар
Кўк сомса, бичак, қатламали хамирдан қилинган пишлоқ ва кўкатли ўрамалар, қатлама, «Пирамида» сомсаси ва бошқалар — Zira.uz баҳорий мавсум учун осон тайёрланадиган кўкатли пишириқлар рўйхатини тақдим этади.
Банкларда доллар курси кўтарилди
Тижорат банклари 25 март куни аҳолидан 1 АҚШ долларини 11 280 — 11 400 сўмдан сотиб олмоқда, сотиш курси эса 11 425 — 11 470 сўм.
Қўшимча имкониятлардан фойдаланиш учун сайтда рўйхатдан ўтинг