USAID Ўзбекистонда 17,7 млн долларлик «Бизнесни қўллаб-қувватлаш» лойиҳасини ишга туширди
USAID Ўзбекистонда 5 йилга мўлжалланган «Бизнесни қўллаб-қувватлаш» лойиҳасини бошлади. 17,7 млн долларлик ушбу лойиҳа барқарор ва инклюзив иқтисодий ўсишни рағбатлантиришга қаратилган. Дастур доирасида АКТ, туризм, текстил ва яшил иқтисодиётга оид лойиҳаларга грант маблағлари ажратилади.
Ойбек Шахавдинов Ўзбекистоннинг Венгриядаги элчиси этиб тайинланди
Ойбек Шахавдинов Ўзбекистоннинг қароргоҳи Будапешт шаҳрида жойлашган Венгриядаги биринчи элчиси бўлди. Бунгача Ўзбекистоннинг Австриядаги элчиси, бир вақтнинг ўзида Венгриядаги элчиси ҳам бўлган.
Танзила Нарбаева бошчилигидаги махсус комиссия хотин-қизларни иш билан таъминлаш масалалари билан шуғулланади
Сенат раиси бошчилигидаги махсус комиссия хотин-қизлар ўртасида тадбиркорликни ривожлантириш ва бандликни таъминлаш бўйича йил давомида «фавқулодда ҳолат» режимида ишлайди. ССП, Бизнесни ривожлантириш банки ва Микрокредитбанкда раиснинг аёллар тадбиркорлиги бўйича ўринбосарлари иш бошлайди.
Гулистонда йигит мактабга Миллий гвардиянинг қалбаки гувоҳномаси билан киришга уринди
Гулистонда 11-синф ўқувчиси Миллий гвардия ходимининг қалбаки гувоҳномаси билан бегона мактабга кирмоқчи бўлди. Ундан сохта ҳужжатни топшириш сўралганда, қаршилик кўрсатди. Шаҳар прокуратураси у нима учун мактабга кирмоқчи бўлганини ўрганмоқда.
2024 йил феврали кузатувлар тарихидаги энг иссиғи бўлди
Ўтган февраль ойи бутун дунё бўйлаб кузатувлар тарихидаги рекорд даражада иссиқ февраль бўлди. Бу, шунингдек, ҳаво ҳарорати бўйича кетма-кет рекорд қўйилаётган тўққизинчи ой ҳисобланади. Сайёранинг айрим ҳудудларида ҳаво ҳарорати ўртача кўрсаткичдан 3,3 даражага юқори бўлган.
1 апрелдан иссиқлик таъминоти хизматларига ҚҚСнинг ноль ставкаси бекор қилинади. Бу тарифларга қандай таъсир қилади?
Veolia Energy Tashkent 1 апрелдан иссиқлик таъминоти хизматлари (ва бир қатор бошқа коммунал хизматлар) учун ҚҚС бўйича имтиёз бекор қилинишини эслатиб, бу абонентларнинг аванс тўловларига қандай таъсир қилишини тушунтирди.
«Боқий Бухоро» нега шаҳар марказида қуриляпти? Бухоро вилояти бош архитектори билан интервью
Бухоро марказида «Боқий Бухоро» маданий-этнографик парки лойиҳасини амалга ошириш бошланди. Уни қуриш учун 32,6 гектар майдонда 29 та объект бузилиши режалаштирилган. Ҳозирда бир қатор бинолар қисман бузиб бўлинган. «Газета.uz» мухбири вилоят бош архитектори Зуҳриддин Муҳиддинов билан суҳбатлашди.
Швеция расман НАТОга қўшилди
Расмий равишда НАТОга қўшилган Швеция Шимолий Атлантика альянсининг 32-аъзосига айланди. Ҳарбий блокка қўшилишдан олдин Стокгольм 200 йилдан ортиқ вақт давомида бетарафлик сиёсатига амал қилган.
Бешта вилоятдаги тез ёрдам хизматларига 70 та Volkswagen Caddy автомобили топширилди
Республика тез тиббий ёрдам марказининг Қорақалпоғистон, шунингдек, Тошкент, Самарқанд, Жиззах ва Фарғона вилоятларидаги филиалларига 70 та Volkswagen Caddy автомашиналари берилди.
2024 йил учун закот нисоби, фитр садақа ва фидя миқдори эълон қилинди
Ўзбекистон мусулмонлари идораси 2024 йил учун закот нисоби, фитр садақа ва фидя миқдорини эълон қилди.
«Қизларнинг ўқиб, олий маълумотли бўлиши бутун жамият равнақи учун хизмат қилади» — президент
Президент 8 март байрами муносабати билан хотин-қизларга йўллаган мурожаатида оила бахти, фарзандлар камоли ҳамда бутун жамият равнақи учун аёллар ва қизларнинг таълим-тарбия олиши, касб-ҳунар эгаллаши муҳимлигини таъкидлади.
Ўзбекистоннинг БМТдаги янги доимий вакили тайинланди
Элдиёр Тошматов Ўзбекистоннинг Женевадаги БМТ бўлими ва бошқа халқаро ташкилотлардаги доимий вакили бўлди. Бунгача у Сенат раиси котибияти раҳбари бўлган.
Lenovo Group 2023−2024 йиллар учинчи чораги молиявий натижаларини тақдим қилди
2023−2024 йиллар давомида Lenovo`нинг даромади ўсишда давом этди. Кўрсаткичларнинг ижобий динамикаси асосий бизнеснинг барқарорлиги ва ўзгаришларнинг самарадорлиги билан боғлиқ.
16−18 март кунлари Ўзбекистонда умумхалқ хайрия ҳашари ўтказилади
16−18 март кунлари (шанба, якшанба ва душанба) Ўзбекистонда Наврўз арафасида анъанавий умумхалқ хайрия ҳашари бўлиб ўтади. Бу йилги тадбир «Обод ва файзли маҳалла — юрт кўрки» шиори остида ўтказилади.
11 мартдан Тошкент метросининг янги 2 та бекати йўловчилар учун очилади
Душанбадан Ер усти ҳалқа йўлининг Турон (13-бекат) ва Қипчоқ (14-бекат) бекатлари йўловчилар учун иш фаолиятини бошлайди. У ерда синов тариқасида (йўловчиларсиз) поездлар ҳаракати қарийб 2 ой олдин бошланганди.
Ўзбекистонда таровеҳ намози ўқиладиган вақтлар эълон қилинди
Ўзбекистон мусулмонлари идораси 10 март, якшанба куни таровеҳ намозининг ҳудудларда ўқиладиган вақтларини эълон қилди.
Пойтахтдаги саноат корхоналари Тошкент вилоятига кўчирилади
Президент Тошкент вилояти туманлари раҳбарларининг сусткашлигини, бу ерда савдо, ер-сув, транспорт-транзит имкониятларидан тўлиқ фойдаланилмаётганини танқид қилди. Йиғилишда вилоятдаги туман ва шаҳарларнинг «ўсиш нуқталари» белгиланди.
Юқори кўрсаткичлар ва кейинги қадамлар: ANORBANK 2023 йил якунларини эълон қилди
ANORBANK 2023 йил натижалари ҳақида маълумот берди. Банкнинг фойдаси 139,5 млрд сўмга етди. Натижа банкнинг молиявий стратегияларининг барқарорлиги ва самарадорлигини кўрсатади.
Илзат Касимов инвестициялар вазири ўринбосари этиб тайинланди
Илзат Касимов инвестициялар, саноат ва савдо вазирининг ўринбосари этиб тайинланди.
Ўзбекистон Белиз билан дипломатик муносабат ўрнатди
Ўзбекистон ва Белиз ўртасида дипломатик муносабатлар ўрнатиш тўғрисида Қўшма коммюнике имзоланди. Марказий Америкада жойлашган Белиз Ўзбекистон билан дипломатик алоқалар ўрнатган 147-давлат бўлди.
Қўшимча имкониятлардан фойдаланиш учун сайтда рўйхатдан ўтинг