Газ компанияларига солиқ имтиёзлари берилганига қарамай, газ ишлаб чиқариш камайди
Табиий газ бўйича солиқ ставкалари 3, нефть ва газ конденсати учун 2 баравар пасайтирилгани туфайли давлат бюджетига 2022 йилда ер қаъридан фойдаланганлик учун 538,1 млрд сўм солиқ тушмади. Шу билан бирга, газ қазиб олиш 4%, газ конденсати 2,8% га камайди. Нефть ишлаб чиқариш 1,8% га ошди.
Қашқадарёда Cobalt уриб кетган 33 ёшли аёл вафот этди
Қарши туманида Cobalt пиёдалар ўтиш жойидан ўтаётган 33 ёшли аёлни уриб кетди. Пиёда вафот этди. Ҳудудда пиёдалар ўтиши учун ер ости йўли қурилган, лекин у ер қаровсиз ҳолатда. Аҳоли вакиллари ушбу туннелни яроқли ҳолатга келтириб берилишини сўрамоқда.
Блогер Абдуқодир Мўминовнинг тергов вақтида вафот этгани рад этилди
Бош прокурор матбуот котиби «Газета.uz»га маълум қилишича, блогер Абдуқодир Мўминовнинг тергов пайтида вафот этгани ҳақидаги хабарлар ҳақиқатга тўғри келмайди, «у тирик ва соғлом». Блогернинг собиқ адвокати ҳам терговчи билан гаплашгани ва Мўминовнинг соғ-саломатлигини тасдиқлади.
Қирғизистон Ўзбекистондан гўшт ва чорва моллари олиб киришга қўйилган тақиқни бекор қилди
Қирғизистон Ўзбекистондан импорт қилинадиган гўшт ва чорва молларига қўйилган тақиқни олиб ташлади. Чеклов 2022 йил сентябрь ойида жорий қилинганди.
Тошкентда 11-синф ўқувчиси тенгдошини пичоқлаб қўйди
Чилонзор туманидаги 162-мактабда 11-синф ўқувчиси тенгдошини пичоқлади. Воқеага ўзаро келишмовчилик сабаб бўлган. Ҳолат бўйича жиноят иши қўзғатилди.
Қашқадарё ва Сирдарёда ноқонуний ер сотмоқчи бўлганлар ушланди
ДХХ тезкор тадбир ўтказиб, Қашқадарёда жами 99 гектар ерни ноқонуний сотмоқчи бўлган фермер хўжалиги раҳбарлари ва ходимини қўлга олди. Сирдарёда ҳам муқаддам судланган шахс боғ яратиш учун берилган ерни 30 минг долларга сотмоқчилиги маълум бўлди. Ҳозир ушбу шахсларга жиноят иши очилди.
Қашқадарёда пахта ортилган юк машинаси ёниб кетди
Кўкдала туманида пахта ортилган юк автомобили ёниб кетди. Автомашинадаги юкнинг бир қисми ёнғиндан сақлаб қолинди. Ҳодиса оқибатида ҳалок бўлган ва жароҳат олганлар йўқ.
Мирзоҳид Қодиров Дори воситалари экспертизаси давлат маркази директори в.б. этиб тайинланди
Мирзоҳид Қодиров Дори воситалари, тиббий буюмлар ва тиббий техника экспертизаси ва стандартлаштириш давлат маркази директори вазифасини бажарувчи этиб тайинланди. У «Док-1 Макс» ва «Амбронол» сиропи воқеалари ортидан ишдан олинган Сардор Кариев ўрнини эгаллади.
Банкларда долларнинг сотиш курси 11 360 сўмгача тушди
Тижорат банклари 22 февраль куни аҳолидан 1 АҚШ долларини 11 250 — 11 310 сўмдан сотиб олмоқда, сотиш курси эса аксарият банкларда 11 360 сўм.
Ўзбекистонда қонунчилик ҳужжатларининг 243 тасида 350 та коррупциявий ҳолат аниқланди
Ижтимоий ҳимоя, молия ва банк, тадбиркорлик, ташқи иқтисодий фаолият ҳамда божхона ишига оид 1 860 та қонунчилик ҳужжати коррупцияга қарши экспертизадан ўтказилди. Экспертизага кўра, 243 та ҳужжатда 350 та коррупциявий омил аниқланди.
Тошкентда ўқувчининг қўлидан ушлаб, шубҳали ҳаракат қилган эркак қамалди
Яшнобод туманидаги 151-мактаб яқинида маст ҳолда ўқувчининг қўлидан ушлаб, шубҳали ҳаракат қилган эркак 10 суткага қамалди. «Шошилиб югуриб кетаётганида тўхта, йиқилиб тушасан, деган маънода тўхтатгандим», — дейди у.
Жаҳон янгиликлари дайжести
Туркия ва Сурияда юқумлик касалликлар тарқалиш хавфи юқори экани, беларусликлик илк космонавт парвозининг кечиктирилгани, Мексика жанубида мигрантлар автобуси ҳалокатга учраши оқибатида 17 кишининг ҳалок бўлгани ва бошқалар — «Газета.uz»нинг жаҳон янгиликлари дайжестида.
21 февраль куни Ўзбекистонда содир бўлган энг муҳим хабарлар дайжести
Сурияга юборилган инсонпарварлик ёрдами, бизнесдан кетган Алишер Усмонов, Ўзбекистон-Миср ўртасида имзоланган $1,6 млрдлик келишувлар, пойтахтда 7 та вилоят ҳокимликларига меҳмонхона учун ер ажртилиши, ер усти метроси остида қуриладиган автотураргоҳлар ва бошқалар — «Газета.uz»нинг кун дайжестида.
Қаршида 22 ёшли йигит ўзини 10-қаватдан ташлаб, жонига қасд қилди
22 ёшли йигит Qarshi city`даги кўп қаватли уйнинг 10-қаватидан ўзини ташлаб юбориб, жонига қасд қилди. Терговга қадар текширувда у 2019 йилда руҳий муаммолар сабабли даволангани, ўша даврда ҳам жонига қасд қилишга урингани аниқланди.
Ўзбекистон ва Миср президентлари Россиянинг Украинага қарши уруши масаласини кўтардилар
Қоҳирадаги музокараларда Ўзбекистон ва Миср раҳбарлари Исроил-Фаластин муаммоси, Россиянинг Украинага қарши уруши ва Эфиопиянинг тўғон қуриш режаларига тўхталди. Президентлар ушбу масалалар бўйича мамлакатлар позициялари бир-бирига мос келишини таъкидладилар.
Ҳиндистонда ўзбек-ҳинд ҳарбий машғулотлари бошланди
Ўзбекистон ҳарбийлари Ҳиндистонга етиб борди. У ерда 5 мартга қадар шартли террорчи гуруҳларни қидириш ва йўқ қилиш, тоғли ва ўрмонли ҳудудларда жанговар ҳаракатлар олиб бориш бўйича қўшма машғулотлар ўтказилади.
2022 йилда тошкентликлар кибержиноятлардан 45,2 млрд сўм зарар кўрди
Тошкентда фуқароларнинг банк карталаридаги пулларини алдов йўллари билан ўзлаштириш ҳолатлари кескин ошди. 2022 йилда бундай кибержиноятлар оқибатида тошкентликлар камида 45,2 млрд сўм зарар кўрган. Бу пулларнинг бор-йўғи 9,2 млрд сўмга яқини ундириб берилган. ИИББ кенг тарқалган усулларни санади.
Россия Стратегик ҳужум қуроллари бўйича шартномадаги иштирокини тўхтатди — Владимир Путин
Россия президенти Владимир Путин РФ Стратегик ҳужум қуроллари бўйича шартномада иштирок этишни тўхтатаётганини маълум қилди. Россия ва АҚШ ўртасида тузилган ушбу шартнома ядро қуроллари арсеналларини қисқартириш ва уларнинг ривожланишини чеклашга қаратилган.
NeMolchi.uz аёллар ва болалар хавфсизлиги бўйича қонунчилика киритилиши кутилаётган 7 та ўзгариш ҳақида эслатди
Жинсий эркинликка қарши жиноятлар ва болаларга нисбатан зўравонлик учун жазони кучайтиришни таклиф этувчи қонун лойиҳасида оиладаги зўравонлик ва таъқиблар учун ҳам моддалар мавжуд. NeMolchi.uz ҳужжат тез орада қуйи палатага юборилишини эслатиб, унинг тўлиқ нусхаси билан танишишни таклиф қилди.
Ўзбекистон ва Миср президентлари муносабатларни ривожлантириш масалаларини муҳокама қилди
Қоҳирадаги «Ал-Иттиҳодия» саройида Шавкат Мирзиёев ва Миср президенти Абдулфаттоҳ ас-Сиси музокара ўтказди. Икки мамлакат газ-кимё, тўқимачилик, электротехника, заргарлик ва фармацевтика тармоқларида ҳамкорлик бўйича келишиб олди. Шавкат Мирзиёев мамлакат раҳбарини Ўзбекистонга таклиф қилди.
Қўшимча имкониятлардан фойдаланиш учун сайтда рўйхатдан ўтинг