Бахтиёр Иброҳимов Жиззах вилояти прокурори этиб тайинланди
Адлия катта маслаҳатчиси Бахтиёр Иброҳимов Жиззах вилояти прокурори лавозимига тайинланди. У бунга қадар Бош прокуратура бошқарма бошлиғи лавозимида ишлаган.
Mobiuz`да бир қанча сервислардан фойдаланиб бўлмаяпти, асосий хизматлар ишламоқда
Mobiuz мобил операторида баланс ва қолдиқларни текшириш, янги хизматларни фаоллаштириш, ҳисобни тўлдириш, янги рақамларни улаш каби хизматлар ишламаяпти. Мобил интернет, қўнғироқлар ва SMS одатдагидек ишламоқда. Компания профилактика ишлари давомида абонентлар алоқадан узилиб қолмаслигини билдирди.
Тошкент халқаро аэропортида энди 15 та авиакомпания чипталарини харид қилиш мумкин
Тошкент халқаро аэропортида эндиликда 15 та авиакомпания чипталарини харид қилиш мумкин. Шу пайтгача бу хизмат фақат 2 та компания билан чекланганди.
Қашқадарёда 8 кунлик чақалоғини 190 млн сўмга сотмоқчи бўлган эр-хотинга ҳукм ўқилди
Қарши туманида шаръий никоҳ асосида яшаб келган эр-хотин 8 кунлик чақалоғини 190 млн сўмга сотмоқчи бўлиб, пулнинг 45 млн сўмини олганда ушланди. Судда улар бу маблағга уй сотиб олмоқчи бўлганини айтди. Эркак 5 йилга қамалди, аёлга нисбатан 4 йил озодликни чеклаш жазоси тайинланди.
Тошкентда Spark икки пиёдани уриб юборди
Юнусобод туманида Spark уриб юборган икки пиёда жароҳатланиб, шифохонага мурожаат қилди. Тарқалган видеолавҳаларда бир аёл ерда ётгани, унинг атрофида қон излари борлигини кўриш мумкин.
Шавкат Мирзиёев амалий ташриф билан Озарбайжонга боради
Ўзбекистон президенти Шушада бўлиб ўтадиган Туркий давлатлар ташкилотининг норасмий саммитида иштирок этиш учун 5−6 июль кунлари амалий ташриф билан Озарбайжонда бўлади.
«Охиригача». Байден президентлик пойгасидан чиқишдан бош тортди
АҚШ президенти Жо Байден Дональд Трамп билан муваффақиятсиз дебатдан сўнг сайловда ўз номзодини қайтариб олмаслигини айтди. «Ҳеч ким мени ташқарига итариб юбормаяпти. Мен бу пойгада охиригача қатнашаман», — деди у.
2024 йил охиригача дориларнинг электрон рецептларига ўтиш режалаштирилмоқда — ССВ раҳбари
ССВ раҳбари 2024 йил охиригача Тошкент шаҳрида дори воситаларига электрон рецептлар жорий этиш режаларини маълум қилди. Бу тизим рақобат муҳитини яратиб, шифокорларнинг «жуда кўп кераксиз дори-дармонлар»ни ёзиб беришининг, шунингдек, контрабанда маҳсулотлари сотилишининг олдини олади, деди у.
Солиқ қўмитаси раиси — E-aktiv`дан воз кечилгани ва дорилар маркировкасининг аҳамияти ҳақида
Солиқ қўмитаси E-aktiv (Э-омбор) тизимидан жорий этиш мураккаблиги туфайли воз кечди, деди ташкилот раиси Шерзод Кудбиев. У, шунингдек, маҳаллаларда сотиладиган препаратлар маълумотларини тақдим этувчи дорилар маркировкаси ва дориларга ҚҚС қайтарилгандан кейинги ўзгаришлар ҳақида гапирди.
Рақобат қўмитаси лифт импорти муаммосини ҳал этишни сўраб ҳукуматга мурожаат қилди
Рақобат қўмитаси лифт импорти муаммосини ҳал қилиш учун ҳукумат ва Геология вазирлигига таклифлар киритди. Хусусан, тадбиркорларнинг бекор қилинган 17 та мувофиқлик сертификатини тиклаш, лифтларни синовдан ўтказиш хизматлари бозорига хусусий секторни жалб қилиш таклиф этилмоқда.
Ўзбекистон ШҲТ маконида савдо-иқтисодий ҳамкорликни «қайта ишга тушириш»ни таклиф қилди
Ўзбекистон президенти «ШҲТ плюс» форматидаги йиғилишда нутқ сўзлади. У ШҲТ маконида савдо-иқтисодий ҳамкорликни қайта ишга тушириш ва иқлим соҳасидаги ҳамкорликни ташкилот янги кун тартибининг энг муҳим қисмига айлантиришни таклиф қилди.
«Лукойл» шуъба корхонасига нисбатан нарх манипуляцияси аломатлари билан иш очилди
Рақобат қўмитаси Lukoil Overseas Supply and Trading компаниясига нисбатан иш очди. Қўмита биржа орқали маҳсулотларни сотишда техник олтингугурт нархи манипуляцияси аломатларини аниқлади, бунинг ортидан унинг нархи ўртача 10 фоиздан 50 фоизгача кўтарилган.
Андижонда ҳам автобус йўналишларида кунлик режа бекор қилинмоқда
Андижонда 2 июлдан бошлаб 1-сонли автобус йўналиши брутто-шартнома тизимига ўтказилди. Бу билан кунлик режа бекор бўлиб, ҳисоб-китоб босиб ўтилган йўл ва сифат мезонларидан келиб чиқиб қилинади. Тез орада яна 3 та шаҳар автобус йўналиши босқичма-босқич ушбу тизимга ўтказилиши режалаштирилган.
Ҳужумкор футбол ёки эҳтиёткор ўйинлар — Евро-2024 чорак финалида бизни нималар кутмоқда?
Европа чемпионатининг чорак финали катта эҳтимол билан қайси терма жамоа мутлақ фаворит эканини аниқлаб бериши мумкин. Жорий босқичдан сенсация кута оламизми-йўқми, келинг, имкониятларни кўриб чиқамиз.
UzAuto Motors 5 июль куни Cobalt учун яна контрактация очади
5 июль куни соат 10:00 да UzAuto Motors белгиланган муддатда тўлов қилинмагани туфайли аввалги контрактациядан чиқарилган Cobalt автомобиллари контрактациясини қайта очади.
Рецептсиз бериладиган дорилар ва тиббий техника нархига нисбатан чекловлар олиб ташланади
2017 йилда жорий этилган тиббий техника ва рецептсиз бериладиган дориларга нисбатан нарх чеклови бекор қилинади. Ҳозир чекланган устама дистрибьюторларга 15%, дорихоналарга 20% ни ташкил этади, у фақат рецепт бўйича бериладиган дорилар учун қолади. Шунингдек, фармкорхоналар ҚҚС тўловчига айланади.
Тошкентда тундаги жанжал оқибатида 5 киши жароҳатланди
Сергели туманида ўзаро таниш бўлган фуқаролар оғзаки келишмовчилик сабаб жанжаллашди. Тармоқлардаги видеода воқеа иштирокчиларидан бири автомобилни одамлар устига ҳайдагани акс этган. Оқибатда 5 киши жароҳат олди, ҳолат бўйича жиноий иш очилиб, гумонланувчилар ушланди.
Бухорода тўйи бўлган 16 ёшли ўғил ва 17 ёшли қизнинг ота-оналари жаримага тортилди
Бухорода тўйи бўлган вояга етмаганларнинг ота-оналари жаримага тортилди. Болалар омбудсмани никоҳ ёши талабининг бузилиши боланинг таълим олиш, соғлиғини сақлаш ҳамда жисмоний камол топиш ҳуқуқларига мутлақо зидлигини айтди. Йил бошидан буён судлар томонидан бу бўйича 125 га яқин иш кўриб чиқилган.
«Кобул билан мулоқотни сақлаш бутун минтақа манфаатларига мос. Тобора кўпроқ давлатлар буни тушуниб етмоқда» — Ўзбекистон президенти
Шавкат Мирзиёев ШҲТ саммитидаги нутқида «Яхши қўшничилик, ишонч ва трансчегаравий шериклик» кодекси, ижтимоий ривожланиш ва ҳимоя соҳасида ҳамкорликнинг «йўл харитаси»ни қабул қилиш, савдони соддалаштириш битимини ишлаб чиқишни таклиф қилди. «ШҲТ-Афғонистон» мулоқотини тиклаш муҳимлиги таъкидланди.
Тожикистондаги ЙТҲ оқибатида 3 нафар ўзбекистонлик ҳалок бўлди
Хўжанддан Душанбе шаҳри томон ҳаракатланган Nexia 2 автомобили юк машинаси билан тўқнашди. Оқибатда уч нафар ўзбекистонлик фуқаро — машина ҳайдовчиси ва икки нафар йўловчи воқеа жойида ҳалок бўлди.
Қўшимча имкониятларга эга булиш учун сайтда рўйхатдан ўтинг