Ўзбекистон ва Афғонистон юк ташувлари тўловларини камайтириш ва транзит битимини муҳокама қилди
Афғонистон делегациясининг Ўзбекистонга ташрифида юк ташувлар учун тўлов ва йиғимларни камайтириш ҳамда Ўзбекистон, Афғонистон ва Покистон ўртасидаги транзит битими муҳокама қилинди. Томонлар Ҳайратон-Мозори Шариф темирйўл линиясини реконструкция қилиш бўйича шартнома муддатини яна 6 ойга узайтирди.
Ҳокимлар бир вақтнинг ўзида халқ депутатлари кенгаши раиси бўлиши тақиқланмоқда
Вилоят, туман, шаҳар ҳокими лавозимини эгаллаб турган шахс бир вақтнинг ўзида халқ депутатлари кенгашининг раиси лавозимини эгаллаши мумкин эмаслигини назарда тутувчи қонун лойиҳаси биринчи ўқишда қабул қилинди.
Тошкент вилоятида тоғда жароҳат олган фуқаро қутқарилди
Бўстонлиқ туманида «Қулосой» шаршараси яқинига саёҳатга чиққан уч фуқародан бири оёғидан жароҳатланди. Улар ФВБ томонидан хавфсиз ҳудудга олиб тушилиб, жароҳат олган кишига тез тиббий ёрдам кўрсатилган. Ҳозирда унга уйига рухсат берилган.
Yandex Go Тошкент шаҳрида электросамокатларни ижарага бера бошлади
Yandex Go Тошкентда электросамокатларни ижарага бериш хизматини ишга туширди. Одамлар гавжум жойларда скутерлар тезликни автоматик равишда пасайтиради. Уларни 18 ёшдан бошлаб ижарага олиш мумкин. Саёҳат пайтида фойдаланувчиларнинг ҳаёти ва соғлиғи суғурталанади.
Ўзбекистоннинг олтин захираси кўпайганига қарамай, олтин-валюта резерви қисқарди
Июнь ойида Ўзбекистоннинг олтин-валюта захиралари 293,7 миллион долларга камайиб, 36,34 миллиард долларни ташкил этди. Олтиннинг жисмоний ҳажми 9,3 тоннага ошди, аммо валюта захиралари деярли 800 миллион долларга камайди.
ҲЭТ электр истеъмоли учун ижтимоий нормани ҳисоблаш тартибини тушунтирди
Тармоқларда истеъмолчиларнинг электр энергиясини ҳисобга олиш ускуналари истеъмолни ижтимоий норма доирасида нотўғри ҳисоблаётгани ҳақидаги шикоятлари тарқалмоқда. ҲЭТ нима учун бундай бўлаётганини тушунтирди.
Самарқандда Nexia каналга тушиб кетди (видео)
Самарқанд шаҳридан оқиб ўтувчи Сиёб каналига Nexia 2 автомобили тушиб кетди. Воқеага ҳайдовчининг бошқарувни йўқотиши сабаб бўлган. ФВБ ходимлари машинани чиқариб олди.
Абитуриентларга рухсатномалар бериш бошланди
9 июлдан абитуриентларга рухсатномалар бериш бошланди. Уни my.uzbmb.uz сайтига шахсий идентификация рақами ҳамда паспорт маълумотларини киритган ҳолда олиш мумкин.
Фарғонада Lacetti ва «Жигули» тўқнашувида ҳайдовчилардан бири ҳалок бўлди
Фарғона вилояти Қува туманида бошқарувни йўқотган Lacetti қаршисидан келаётган ВАЗ-2101 билан тўқнашди. Оқибатда «Жигули» ҳайдовчиси воқеа жойида ҳалок бўлди. Яна бир ҳайдовчи ва йўловчи шифохонага ётқизилди.
Учинчи Bukhara Night Race тунги пойгаси 24 августда бўлиб ўтади
24 август куни Бухорода Bukhara Night Race халқаро тунги пойгаси бўлиб ўтади. Ўтган йили унда дунёнинг 20 давлатидан 1600 дан ортиқ спортчи қатнашганди. Бу йил икки баробар кўпроқ иштирокчи кутилмоқда.
Сенатнинг 54-ялпи мажлиси 10 июлда бўлади
Сенатнинг 54-ялпи мажлиси 10 июль куни чақирилади. Сенаторлар Шаҳарсозлик кодексига ўзгартиришлар киритиш, Туркманистон ва Туркия билан тузилган битимларни ратификация қилиш тўғрисидаги қонунларни кўриб чиқади. Шунингдек, экология соҳасига оид парламент сўрови натижалари тингланади.
Андижонда Cobalt «пешеход»дан ўтаётган 10 ёшли қизни уриб юборди
Андижон шаҳрида Cobalt ҳайдовчиси тартибга солинмаган пиёдалар ўтиш жойидан ўтаётган вояга етмаган қизни уриб юборди. Жабрланувчи шифохонага ётқизилди.
Президент Хитой парламенти раҳбарини қабул қилди
Шавкат Мирзиёев ва Хитой парламенти раҳбари Чжао Лэцзи Тошкентда бўлиб ўтган учрашувда ХХР Ўзбекистоннинг ислоҳотлар дастурини қўллаб-қувватлаши, мамлакатларнинг таълим соҳасидаги ҳамкорлиги каби масалаларни муҳокама қилди.
Тожикистонда юз берган зилзила кучи Ўзбекистон жанубида ҳам сезилди
Тожикистонда соат 18:04 да содир бўлган зилзила кучи Сурхондарё вилояти туманларида ҳам сезилди (2−3 балл).
«Менинг боғим» лойиҳасининг 1-мавсуми ғолиблари эълон қилинди
Open Budget таркибидаги «Менинг боғим» лойиҳасининг 1-мавсумида 215 та ташаббус ғолиб бўлди. Уларни молиялаштиришга 48,6 млрд сўм йўналтирилади.
Россия Украинага ялпи ҳужумлар уюштирди, Киевдаги болалар шифохонасига зарар етди
Россиянинг Украина шаҳарларига уюштирилган кенг кўламли ракета ҳужуми оқибатида камида 20 киши ҳалок бўлди, 65 дан ортиқ киши жароҳатланди. Киевда мамлакатдаги энг йирик болалар шифохонасига жиддий зарар етди.
Олти ойда 550 млрд сўмлик газ ва электрдан ноқонуний фойдаланилди
Ўзбекистонда олти ойда 550 млрд 290 млн сўмлик газ ва электрдан ноқонуний фойдаланилгани аниқланди. Ўтказилган назорат тадбирларида 4537 та истеъмолчи қоидабузарлик ҳолатларига йўл қўйган.
«СЭС, солиқ қани?» Тошкент ҳокими — дўкондаги сифати бузилган мевалар ҳақида
Тошкент шаҳри ҳокими Шавкат Умурзоқов ишчи гуруҳ билан бирга Юнусобод туманидаги Собиробод маҳалласига борди ва ободонлаштириш ишлари билан танишди. Ҳоким дўконлардан бирига кириб, сифати бузилган маҳсулотлар ва ёнғин хавфсизлиги қоидаларига амал қилинмаётганидан норозилигини билдирди.
Навоийда 8 ёшли қиз вафотига сабаб бўлган ЙТҲ ортидан 2 нафар ҳайдовчи қамоққа олинди
Хатирчида 8 ёшли қизнинг вафотига сабаб бўлган ЙТҲ ортидан 2 ҳайдовчи қамоққа олинди. Иккиси ҳам йўлда бир-бирини қувиб ўтишга уринган. Улардан бири олти ойда 12 маротаба тезликни ошириб ҳайдаган. Пиёдалар ўтиш жойига эса пул ажратилмагани сабабли тугмали светофор қурилмаси ўрнатилмаган бўлган.
Франциядаги парламент сайловларида сўл коалиция ғалаба қозонди
Сўл партияларнинг «Янги халқ фронти» коалицияси Франциядаги парламент сайловларининг иккинчи босқичида ғалаба қозониб, 182 ўринни қўлга киритди. Биринчи турда ғалаба қозонган ўта ўнглар учинчи бўлди.
Қўшимча имкониятларга эга булиш учун сайтда рўйхатдан ўтинг