Ўзбекистоннинг доимий аҳолиси 36 миллиондан ошди
9 декабрь куни Ўзбекистоннинг доимий аҳолиси 36 миллиондан ошди. Йил бошида бу кўрсаткич 35,271 миллион нафарни ташкил этган эди.
ДХХ Тошкент вилоятидаги яширин нарколаборатория фаолиятига чек қўйди
Юқори Чирчиқ туманида 2 фуқаро томонидан ташкил этилган яширин нарколаборатория аниқланди. Текширувлар натижасида жами 1,21 кг «Мефедрон» синтетик гиёҳвандлик воситаси, 18 грамм «опий» ва 41 грамм «гашиш» моддаси айланмасининг олди олинди.
Ўзбекистонда АИ-80 бензини нархи 5500 сўмгача арзонлашиши кутилмоқда
Ўзбекистонда АИ-80 бензини учун акциз солиғининг бекор қилиниши унинг 1000−1200 сўмгача арзонлашиши ҳамда АЁҚШларда 5500 сўм атрофида сотилишига олиб келиши кутилмоқда.
Бир кунда яна 130 кишида коронавирус аниқланди
Жума куни Ўзбекистонда 130 киши ковидга чалинди (олдинги кун 122 киши). Касалланганларнинг 107 нафари Тошкент шаҳрида аниқланди.
Нима тайёрлаймиз: Печда пиширилган таомлар
Печда пиширилган товуқли рулетлар, картошкалар билан газ печида пиширилган қўй гўшти, гўштли уялар, картошка ва гўштли фрикаделка, сабзавотлар билан пиширилган товуқ сонлари ва бошқалар — Zira.uz мазали ва ноодатий печда пиширилган таомлар рўйхатини тақдим этади.
«Бизларни бу ҳолатга олиб келганлар сувдан қуруқ чиқиб кетмайди» — Сардор Умурзаков
Президент Администрацияси раҳбари Сардор Умурзаков Ўзбекистонда энергия инқирозига сабабчи бўлганлар «сувдан қуруқ чиқмаслигига» ваъда берди. «Уларнинг баъзилари ҳозир ичимизда, йиғилишда ўтирибди», — деди у. Куз-қиш мавсумига тайёргарлик бўйича комиссия ҳар кузда ташкил этилиши маълум қилинди.
«Ғишт заводининг ноқонуний уланишидан прокурорнинг манфаати борми?» — ПА раҳбари
Президент Администрацияси раҳбари Сардор Умурзаков Тошкент вилояти прокурори Олмалиқдаги газга ноқонуний уланиб олган ғишт заводини узиб қўймасликни сўраганини маълум қилди. «Бунақаларнинг орқасида кимлар турганигача топамиз. У ҳоким бўладими, прокурор ёки солиқчими, фарқи йўқ», — деди у.
«Бу энергетик альянс бўлиши мумкин». Путин Россия, Қозоғистон ва Ўзбекистон ўртасидаги газ иттифоқи ҳақида
РФ президенти Владимир Путин яна Ўзбекистон ва Қозоғистон билан газ бўйича ҳамкорлик масаласини кўтарди. Унинг қайд этишича, бу давлатлар иқтисодиётида газга бўлган талаб ортиб бормоқда, шу билан бирга, экспорт мажбуриятлари ҳам мавжуд.
9 декабрь куни Ўзбекистонда содир бўлган энг муҳим хабарлар дайжести
Янги йил байрамида «свет»дан муаммо бўлмаслиги айтилгани, газ узилганига қарши норозилик учун қамалган фарғоналиклар, Facebook`даги изоҳлари учун журналистларнинг ота-оналарини сўроқ қилган ИИБ, ортиқча вазнли орган ходимлари, совуқ дам олиш кунлари ва бошқалар — «Газета.uz»нинг кун дайжестида.
Ўзбекистон Туркманистондан электр энергияси импортини оширди
Туркманистон Ўзбекистонга суткалик электр энергияси етказиб бериш ҳажмини қарийб 17 фоизга — 20−21 млн кВт/соатгача оширди.
Фарғона НҚИЗда бензин ва суюлтирилган газ ишлаб чиқариш ҳажми оширилмоқда
Фарғона нефтни қайта ишлаш заводида АИ-80 маркали бензиннинг суткалик ишлаб чиқариш ҳажми 850 тоннадан 1000 тоннага, суюлтирилган газ ишлаб чиқариш ҳажми эса 30 тоннадан 50 тоннага оширилмоқда.
Журналистларнинг ота-оналари сўроқ қилиниши ҳақида жамоатчилик нима демоқда?
Журналистларнинг Facebook`даги пост ва изоҳлари учун уларнинг вилоятларда яшаётган ота-оналари билан «суҳбат уюштирилди». Жамоатчилик буни қоралаб, тизим «ўзгаролмаётгани»ни ёзмоқда. «Газета.uz» мазкур изоҳларни жамлади.
ИИВ: «Ортиқча вазнга эга ходимлар 5−7 фоизни ташкил қилади»
ИИВ тизимидаги кадрларнинг 5−7 фоизи ортиқча вазнга эга ходимлардан иборат. Мунтазам равишда машғулотлар олиб борилиши туфайли семиз ходимлар сони ҳар йили камаймоқда. Вазирлик расмийсига кўра, антропометрик кўрсаткичлари юқори ходимларга махсус унвонлар берилмаяпти, юқори лавозимга тайинланмаяпти.
Етарли миқдордаги табиий газ импорти йўлга қўйилса, газ билан боғлиқ муаммолар ечилади — Шерзод Ходжаев
Энергетика вазири ўринбосари Шерзод Ходжаев етарли миқдордаги табиий газ импорти йўлга қўйилса, иссиқлик электр станциялари белгиланган режа асосида керакли ҳажмда электр энергиясини ишлаб чиқарилишини маълум қилди. Шунингдек, у қазиб олинаётган газ тўлиқ ички истеъмолга йўналтирилаётганини айтди.
Янги йил байрамида электр бўйича муаммо бўлмайди — вазир ўринбосари
Ўзбекистон энергетика вазири ўринбосари Шерзод Ходжаев Янги йил байрамида электр бўйича муаммо бўлмаслигини маълум қилди. Унинг сўзларига кўра, байрамда электрга бўлган талаб пасаяди, чунки бу пайтда қатор объектлар ўз фаолиятини вақтинча тўхтатади.
«Масъулларга танбеҳ берилди». ИИВ журналистларнинг ота-оналари сўроқ қилинган ҳолатга муносабат билдирди
ИИВ Самарқанд ва Қашқадарёда ИИО ходимлари журналистларнинг ижтимоий тармоқлардаги изоҳлари учун уларнинг ота-оналарини сўроқ қилган ҳолатга муносабат билдирди. Таъкидланишича, бу Нарпай тумани ва Қарши шаҳар ИИБлари «раҳбариятининг шахсий ташаббуслари» бўлиб, «масъулларга танбеҳ берилди».
Нархни оширган ва сифатсиз маҳсулот сотган 299 та АЁҚШга бензин етказиб бериш тўхтатилди
Энергетика вазирлиги ҳузуридаги «Нефтгазинспекция» олиб борган ўрганишлар давомида 299 та АЁҚШларда нархни асоссиз оширгани, бундан ташқари, 15 млн литрга яқин сифатсиз нефть маҳсулотлари аниқланган. Уларга автобензин етказиб бериш тўхтатилган.
11 ойда «Тез ёрдам» хизматига 5 мингга яқин ёлғон чақириқ келиб тушган
ССВ маълумотларига кўра, 2022 йилнинг январь-ноябрь ойларида жами 11 млн 735 мингдан ортиқ одам «103» хизматига мурожаат қилиб, «Тез ёрдам» чақирган. Улардан 4 911 таси асоссиз мурожаатлар ҳисобланади. Энг кўп чақириқ Фарғона ва Андижон вилоятларидан келиб тушган.
ИИО ходимлари журналистларнинг ижтимоий тармоқлардаги изоҳлари учун уларнинг ота-оналарини сўроқ қилди
«Газета.uz» мухбирининг Facebook’даги изоҳи учун ота-онасининг уйига ИИБ тергов-қидирув бўлими ходими келди. Бошқа журналистнинг Facebook’даги постлари учун ота-онаси ИИБ Миграция бўлимига чақиртирилди. Жамоатчилик бу нима — «англашилмовчиликми ё ўзбошимчалик» эканига изоҳ беришни талаб қилмоқда.
Ўзбекистоннинг етти вилоятида қор кўчиш ҳавфи эълон қилинди
10−14 декабрь кунлари Қашқадарё, Сурхондарё, Самарқанд, Жиззах,Тошкент, Наманган ва Фарғона вилоятларининг тоғли ҳудудларида қор кўчиш хавфи эълон қилинди. Шу сабабдан, ушбу ҳудудларда яшовчилар, дам олувчилар ҳамда автомашина ҳайдовчиларидан эҳтиёткорлик чораларини кўриш сўралмоқда.
Қўшимча имкониятлардан фойдаланиш учун сайтда рўйхатдан ўтинг