Азиз Абдуҳакимов Япониянинг олий даражадаги ордени билан тақдирланди
Туризм ва маданий мерос вазири Азиз Абдуҳакимов Япония императоридан «Чиқаётган қуёш катта кордон» орденини қабул қилиб олди. Япониянинг энг қадимий ордени икки давлат ўртасидаги дўстона муносабатларни мустаҳкамлашга қўшилган кўп йиллик хизматлар учун берилди.
UZDIGITAL TV дунёга машҳур спорт телеканалларини эфирга узатади
UZDIGITAL TV Setanta 1 вa Setanta 2 телеканалларини эфирга узатиш ҳуқуқига эга бўлди. Энди спорт мухлислари йирик футбол лигалари ва бошқа мусобақаларни HD сифатида томоша қилишлари мумкин.
Тошкентда ўқитувчи ўқувчининг қўлини қайириб, қулоғидан тортди
Тошкент шаҳридаги хусусий мактабларнинг бирида ўқитувчи ўқувчининг қўлини қайириб, қулоғидан тортди. Пойтахт ИИББ ҳолат юзасидан терговга қадар текширув ўтказилаётганини маълум қилди. ХТВ матбуот котиби болаларни ҳеч қачон ва ҳеч қандай ҳолатда калтаклаш мумкин эмаслигини таъкидлади.
«Инвесторлар Ўзбекистон деганда барқарорлик ва келажакка ишончни тасаввур қилишига интилаяпмиз» — Шавкат Мирзиёев
Президент Парижда «Airbus», «Orano», «Suez», «Alstom», «Total Eren», «EDF» каби йирик компаниялар раҳбарлари билан учрашди. У франциялик тадбиркорларни ишлаб чиқариш учун зарур инфратузилма билан таъминлаш, имтиёзлар ва кафолатланган харидлар воситасида қўллаб-қувватлашга тайёрлигини билдирди.
Тошкент кўчаларидаги ёриткичлар тунда ўчирилиши ортидан электр сарфи 25 фоизга камайди
Тошкент кўчаларини салкам 140 мингта чироқ ёритади, бир ойда 29,5 млн кВт соат ёки 13 млрд 279 млн сўмлик электр энергияси сарфланади. Тунги вақтларда чироқларни ўчириб қўйиш орқали 25% электр энергияси тежалмоқда, дея қайд этди «Тошшаҳарнур» ДУК. Бу 4400 та хонадоннинг бир ойлик истеъмолига тенг.
Ўзбекистонда 704,9 млрд сўмлик бюджет маблағлари ноқонуний ва мақсадсиз сарфлангани маълум бўлди
Ўтган 9 ой давомида 704,9 млрд сўмлик бюджет маблағлари ноқонуний ва мақсадсиз сарфлангани маълум бўлди. Хусусан, халқ таълими тизимида 47 млрд сўм, соғлиқни сақлашда 30 млрд сўмга яқин қонун бузилиши ҳолатлари аниқланди. «Бундай ҳолатлар йилдан-йилга ошиб бормоқда», — дейилади қуйи палата хабарида.
Жиззахда маст эр хотинини уриб ўлдиргани айтилмоқда
Жиззах вилояти Шароф Рашидов туманида маст эркак шаръий никоҳида бўлган хотинини «нега мени ҳақорат қиласан», дея калтаклади. Оқибатда аёл олган тан жароҳати билан воқеа жойида вафот этди.
Ноқулай об-ҳаво сабаб Урганч аэропорти учта авиарейсни қабул қила олмади
Урганч халқаро аэропорти қуюқ туман ва кўриш масофаси 300 метрдан кам бўлганлиги сабабли 3 та авиарейсни қабул қила олмади. Москва — Урганч йўловчи рейслари Навоий ва Бухородаги муқобил аэропортларга йўналтирилди.
Наманганда Malibu билан тўқнашган ВАЗ 2101 ҳайдовчиси вафот этди
Наманган вилоятида Malibu ва ВАЗ 2101 машиналари тўқнашди. Оқибатда ВАЗ 2101 ҳайдовчиси шифохонада вафот этди.
Индонезияда кучли зилзила сабаб 160 нафардан ортиқ киши ҳалок бўлди
Индонезиянинг Ява оролида бўлган 5,6 магнитудали зилзила сабаб Cианжур шаҳрида 162 киши ҳалок бўлди, 300 нафардан ортиқ одам жароҳатланди. Уйлари зарар кўрган 13 мингдан ортиқ одам эвакуация қилинди. Бино ва мактаблар вайрон бўлди. Қутқарувчилар ҳозир вайроналар остида қолиб кетганларни қидирмоқда.
Самарқандда қиморхона очгани айтилган маҳалла раиси ишдан олинди
Тармоқларда Самарқанд вилояти Пастдарғом туманидаги маҳалла раиси қиморхона очгани айтилган хабар тарқалди. Вилоят маҳалла ва нуронийларни қўллаб-қувватлаш бошқармаси раис ваколати муддатидан олдин тугатилганини маълум қилди.
Тижорат банклари доллар курси бўйича таклифларни пасайтирди
22 ноябрь куни банкларда доллар 11 260 сўмдан сотилмоқда, сотиб олиш курси эса 11 240 — 11 175 сўм оралиғида.
Германиядан Самарқандга тўғридан-тўғри чартер рейслар йўлга қўйилиши мумкин
Туризм ва маданий мерос вазири Азиз Абдуҳакимов Германия туристик ассоциацияси президенти Норберт Фиебиг билан учрашув ўтказди. Унда Германиядан Самарқандга тўғридан-тўғри чартер рейслар йўлга қўйиш борасида музокаралар олиб борилди.
ФТА Ўзбекистондаги 1 млрд евролик лойиҳаларни қўллаб-қувватлайди
Ўзбекистон ва Франция тараққиёт агентлиги ўртасида 2025 йилгача бўлган стратегик ҳамкорлик дастури имзоланди. У 1 миллиард евродан ортиқ лойиҳаларни биргаликда амалга оширишни назарда тутади.
Тошкент вилоятида қизлар йигит талашиб жанжаллашгани айтилмоқда
Паркент туманида қизлар йигит талашиб жанжаллашгани айтилмоқда. Тошкент вилояти ИИББ ҳолат ёзда содир бўлгани ва ариза келиб тушмаганини маълум қилди. Видеода ҳуқуқбузарлик аломатлари бўлгани туфайли маъмурий баённома тузилиб, қонуний чора кўриш мақсадида ЖИБ Паркент тумани судига юборилди.
АҚШ ва Уэльс ЖЧ-2022 даги илк дурангни тақдим этишди
B гуруҳидаги иккинчи қарама-қаршилик: АҚШ — Уэльс учрашувида 1:1 ҳисоби қайд этилди. 1-таймда Либерия президенти,1995 йилги «Олтин тўп» соҳиби Жорж Веанинг ўғли Тимоти Веа АҚШни ҳисобда олдинга олиб чиққан бўлса, 2-таймда Гарэт Бэйл пенальтидан унумли фойдаланиб, ҳисобни тенглаштирди.
ЖЧ-2022 нинг учинчи ўйини ҳам сенсацияларсиз ўтди: Нидерландия Сенегал устидан ғалабага эришди
A гуруҳидан жой олган Сенегал ва Нидерландия терма жамоалари ўртасидаги қарама-қаршилик нидерландларнинг 0:2 ҳисобидаги ғалабаси билан якунланди. Ўйиннинг асосий қисми позицион ҳужумлар билан ўтди ва Нидерландия фақат ўйиннинг охирига келибгина ҳисобда олдинга чиқиб олишди.
Росатом корхонаси Ядро физикаси институтининг айрим объектларини эксплуатациядан чиқаришда қатнашади
Ўзбекистон Фанлар академияси Ядро физикаси институти ва Росатомнинг «ТВЭЛ» компанияси ўртасида институт ҳудудида жойлашган бинолардан бири ва паст активли чиқиндиларни сақлаш омборхонасини ни эксплуатациядан чиқаришда ҳамкорлик қилиш тўғрисида шартнома имзоланди.
21 ноябрь куни Ўзбекистонда содир бўлган энг муҳим хабарлар дайжести
Францияга келган Шавкат Мирзиёев, ўзи ва 3 боласини сувга ташлаганига қамоққа олинган аёл, Қозоғистоннинг янги президентини «ишончли ғалаба» билан табриклаган Мирзиёев, Сурхондарёдаги йўлтўсарлар, «Аёллар дафтари»даги бошпанасизларга ижтимоий уй берилиши ва бошқалар — «Газета.uz»нинг кун дайжестида.
«Углерод чиқаришни ҳозирданоқ қисқартиришимиз керак — аммо бу масалага ечим топилмади» — COP27 якунлари
БМТнинг иқлим ўзгариши бўйича 27-конференциясида иқлим офатларидан жабр кўрган мамлакатларга ёрдам кўрсатиш жамғармасини ташкил этишга қарор қилинди. Шу билан бирга, қазиб олинадиган ёқилғидан воз кечиш ва глобал исишни Цельсий бўйича 1,5 даража оралиғида ушлаб туриш зарурати масалалари очиқ қолди.
Қўшимча имкониятлардан фойдаланиш учун сайтда рўйхатдан ўтинг