АҚШ Орол дeнгизининг экотизимини қайта тиклаш учун Ўзбeкистонга 1,6 млн доллар ажратди
АҚШ Халқаро тараққиёт агентлиги (USAID) Орол денгизи ҳудудида чўлланишнинг салбий оқибатлари билан курашиш мақсадида 1,6 млн доллар миқдорида маблағ ажратганини эълон қилди. Ташаббус денгизнинг қуриган тубида экотизимларни қайта тиклаш лойиҳасининг иккинчи босқичи доирасида амалга оширилмоқда.
Франция миллий тиббиёт академиясида Ибн Синонинг бронза бюсти очилди
Avicennia International Prize халқаро мукофотини топшириш маросимида Франция миллий тиббиёт академиясида Абу Али ибн Синонинг бронза бюсти очилди.
«Ўқитувчиларга текин хизматкор сифатида қарашга барҳам бериш шарт» — Саида Мирзиёева
Саида Мирзиёева Ўзбекистонда ўқитувчиларни «худди йигирма йил олдинги каби» хонадонларни айланиб чиқишга ва ўқувчилар рўйхатини тузишга мажбур қилишаётгани ҳақида эшитиб «жуда хафа бўлгани»ни маълум қилди. У мутассаддилардан ўқитувчиларни дарс беришдан бошқа барча вазифалардан озод қилишни сўради.
$205 млнга қурилган Hyatt Regency Tashkent меҳмонхонаси $87 млн эвазига сотилди
Давактив агентлиги «Пойтахт қурилиш ва хизмат» корхонасининг 100% улуши бўлган Hyatt Regency Tashkent меҳмонхонаси $87 млн эвазига хусусийлаштирилганини маълум қилди. Харидор Abu Dhabi Uzbek Investment ҚК бўлиб, у объектни ривожлантириш учун қўшимча $12 млн сармоя киритиш мажбуриятини олди.
Шавкат Мирзиёев ва Виктор Орбан Самарқандда музокара ўтказди
Самарқанд шаҳрида Туркий давлатлар ташкилоти саммити доирасида Ўзбекистон ва Венгрия етакчилари учрашув ўтказди. Шавкат Мирзиёев ва Виктор Орбан музокара саноат, кимё тармоғи, фармацевтика, банк-молия, транспорт ва логистика соҳаларидаги инвестиция лойиҳалари юзасидан фикр алмашди.
Жамшид Ходжаев — Ўзбекистон-Венгрия тадбиркорларига: «Қўллаб-қувватлашга кафолат бераман»
Ўзбекистон-Венгрия бизнес форумида нутқ сўзлаган бош вазир ўринбосари Жамшид Ходжаев ўзаро ҳамкорликнинг муҳим олти йўналишига тўхталиб ўтди. «Сизларнинг бугунги барча келишувларингиз алоҳида назоратга олинишини ва ҳар томонлама қўллаб-қувватланишига кафолат бераман», — деди у.
Asialuxe Travel Саудия Арабистонига эксклюзив турлар таклиф қилмоқда
Саудия Арабистоннинг маданияти ва тарихининг қадимий дунёси билан қулай шароитларда таниш учун Asialuxe Travel эксклюзив турлар таклиф қилмоқда.
1 январдан Tax Free тизими жорий этилади
1 январдан бошлаб хорижликларга айрим товарларни харид қилишда тўланган ҚҚС суммаларини қайтаришнинг Tax Free тизими жорий этилади. Тизим Тошкент, Самарқанд, Бухоро, Фарғона ва Урганч аэропортларида тадбиқ этилади. 2024 йилдан эса босқичма-босқич барча чегара ўтказиш пунктларида йўлга қўйилади.
Навоийда 2 гектар ерни 200 минг долларга сотмоқчи бўлганлар ушланди
Навоий вилоятида иссиқхона қуриш учун мўлжалланган 2 гектар ерни сотмоқчи бўлган уч нафар шахс ушланди. Ҳокимлик томонидан ажратилган ер уйлар қуриш учун сотиб юборилиши олди олинди.
Қашқадарёдаги ЙТҲ оқибатида йўловчи вафот этди
Ғузор туманида Nexia-2 қувиб ўтиш қоидасига риоя қилмай, қарама-қарши йўналишдан келаётган Matiz автомобили билан тўқнашди. Оқибатда машиналардан бирининг салонида бўлган йўловчи вафот этди.
ХТВ: Ўқитувчиларни бошқа ишларга жалб этиш тақиқланади
Халқ таълим вазирлиги мактаб ўқитувчиларини расмий вазифаси билан боғлиқ бўлмаган ишларга жалб қилиш тақиқланганлигини маълум қилди. Таълим олаётган ўқувчилар ҳақидаги маълумотлар электрон шаклда мавжуд бўлишига қарамасдан, ўқитувчиларни ҳали ҳам уйма-уй юриб, маълумот йиғишга мажбурлашмоқда.
Маҳаллалар инфратузилмасини яхшилаш орқали 20 млн аҳоли учун қулай шарт-шароитлар яратилади — Танзила Нарбаева
Сенат Кенгашининг навбатдаги мажлисида маҳаллалар инфратузилмасини ривожлантириш бўйича тадбирларнинг ўз вақтида ва сифатли амалга ошириш муҳимлиги таъкидланди. «Мазкур вазифаларни амалга ошириш орқали ўрта ҳисобда 20 млн аҳоли учун янада қулай шарт-шароитлар яратилади», — деди Сенат раиси
Шавкат Мирзиёев «Жаҳоннинг энг нуфузли 500 мусулмони» рўйхатига киритилди
Ўзбекистон президенти Шавкат Мирзиёев «Жаҳоннинг энг нуфузли 500 мусулмони» («The Muslim 500») рўйхатига киритилди. Ундан Туркия, Қозоғистон, Озарбайжон раҳбарлари ҳам ўрин олган. Қолаверса, рўйхатда Ўзбекистон мусулмонлари идорасининг собиқ раиси, марҳум Усмонхон Алимов ҳам қайд этилди.
Чилонзорда аҳоли дарахтзор ўрнида қурилиш қилмоқчи бўлган тадбиркор устидан ғалаба қозонди
Тадбиркор бузилган мулки ўрнига компенсация сифатида Чилонзордаги кўп қаватли уйлар орасидан ер олган. У бу ерда кўп қаватли турар жой қурмоқчи эди, бироқ аҳоли бунга қарши чиқди. Пойтахт ҳокими тадбиркорга унинг бир фуқаро норози бўлса ҳам, бу жойни ташлаб чиқиб кетиш ҳақидаги ваъдасини эслатди.
Хоразмда террористик ташкилот сафига қўшилмоқчи бўлган 23 ёшли аёл ушланди
Хоразмда Суриядаги террористик ташкилот сафига қўшилмоқчи бўлган 23 ёшли аёл ушланди. У ўзининг танишларига диний даъватлар қилиб, қўпорувчилик акс этган видеороликларни тарқатиб келгани айтилмоқда. Аёлга нисбатан жиноят иши қўзғатилиб, ҳибсга олинди.
Тижорат банклари долларнинг янгиланган курсини эълон қилди
1 АҚШ долларининг расмий курси 11 169,39 сўм этиб белгиланди. Тижорат банклари ҳам долларнинг сотиш ва сотиб олиш бўйича янги қийматини эълон қилди.
RTL Alliance Хитойдан юкларни қисқа вақтда етказиб беришга нима имкон беради?
RTL Alliance ҳалқаро транспорт-логистика компаниясининг асосий афзалликларидан бири — бу Хитойдан юкларни тез етказиб бериш ҳисобланади.
Республика бўйлаб газ «заправкалари» фаолияти вақтинча чекланади
«Ўзтрансгаз» об-ҳавонинг совуқлашуви шароитида аҳоли, истеъмолчилар ҳамда ижтимоий соҳа объектлари, шунингдек, стратегик аҳамиятга молик корхоналарни табиий газ билан таъминлаш мақсадида 9 ноябрдан бошлаб барча автомобилларга газ тўлдириш шохобчалари махсус жадвал асосида ишлашини маълум қилди.
Ижтимоий соҳада «тежамкорлик», ободонлаштириш учун эса меъёридан ортиқ харажатлар: Тошкент шаҳар бюджети қандай сарфланмоқда?
Тошкентнинг I ярим йилликдаги бюджет харажатлари таҳлилига кўра, ҳокимлик таълим ва соғлиқни сақлаш соҳалари, жумладан, мактаб, болалар боғчаси ва шифохоналарни таъмирлашга белгиланганидан кам маблағ ажратган. Шу билан бирга, ободонлаштириш, қурилиш ва «бошқа харажатлар» миқдори кескин ошган.
«Тартибга солиш қумдони» махсус ҳуқуқий режими жорий этилади
Ўзбекистонда 2023 йилдан «Тартибга солиш қумдони» махсус ҳуқуқий режими жорий этилади. Унинг доирасида тадбиркорлар интеллектуал фаолият натижаларини назорат қилинадиган муҳитда синаб кўришлари мумкин бўлади.
Қўшимча имкониятлардан фойдаланиш учун сайтда рўйхатдан ўтинг