«Қўйлиқ» бозори тўлиқ бузилмайди — Тошкент ҳокимлиги
Тошкент ҳокимлиги давлат эҳтиёжлари учун ҳудуди тортиб олинаётган «Қўйлиқ» бозори тўлиқ бузилмаслигини маълум қилди. Йўлўтказгич қуриш учун автотураргоҳнинг бир қисми ва бир нечта вақтинчалик қурилмаларнинг ўрни ажратилади.
Тошкент давлат педагогика университетига академик мустақиллик берилади
2023 йилдан Низомий номидаги Тошкент давлат педагогика университети академик, ташкилий ва молиявий мустақил ОТМ бўлади. 2024/2025 ўқув йилида педагогика таълим йўналишларига қабул вақтида аввал абитуриентларнинг педагогик касбга мойиллиги ўрганилади. Ундан ўтганлар кириш тест синовларида қатнашади.
«Яшил макон» ҳисоботида 6,2 млн кўчат қўшиб ёзилгани аниқланди, 2,4 млн таси қуриб қолган
Ҳисоб палатаси «Яшил макон» лойиҳасидаги кўчат экиш ҳисоботларида 6,2 млн кўчат қўшиб ёзилгани, 2,4 млн тупи қуриб қолгани, шунингдек, суғориш ва парвариш ишлари яхши ташкил этилмаганини аниқлади. Қўшиб ёзиш ҳолатларини президент ҳам танқид қилган эди.
Конституцияни ўзгартиришга оид қонун лойиҳаси 25 июнь куни умумхалқ муҳокамасига қўйилади
Депутатлар Конституцияга ўзгартиришлар киритишга оид қонунни биринчи ўқишда қабул қилди. Конституциявий комиссия таклифларни Қонунчилик палатасига киритган ҳолда ўз фаолиятини давом эттиради. Бош қонун лойиҳаси 25 июндан 4 июлга қадар умумхалқ муҳокамасига қўйилади.
Ташқи қарз йиллар давомида биринчи марта камайди. Сабаблар
Ўзбекистон ташқи қарзи 2013 йилдан буён илк бор камайди. МБ буни жаҳондаги геосиёсий вазият таъсирида давлат ва хусусий сектор томонидан янги қарз жалб қилиш секинлашгани ва асосий қарз бўйича тўловларнинг амалга оширилиши ташқи қарз қолдиғида акс этгани билан изоҳлади.
2021 йил ноябрь ойидан буён Афғонистонга Термиз орқали 42 минг тонна маҳсулот етказиб берилди
2021 йил ноябрь ойидан буён Термиз орқали Афғонистонга 42 минг тоннага яқин озиқ-овқат маҳсулотлари жўнатилган. Ўзбекистон ТИВ халқаро шерикларни Термиз логистика хабидан фойдаланган ҳолда мазкур давлатни қўллаб-қувватлашда фаол ҳамкорлик қилишни таклиф этди.
Долларнинг расмий курси кўтарилди
АҚШ долларининг сўмга нисбатан расмий курси 9,73 сўмга қимматлаб, 10 839,90 сўм этиб белгиланди. Шунингдек, евро курси ҳам кўтарилди, рубль эса пасайди
Ўзбек таэквондочилари Осиё чемпионатида олтин ва кумуш медални қўлга киритди
Таэквондо бўйича Осиё чемпионатида Олимпиада чемпиони Улуғбек Рашитов олтин, Чарос Қаюмова эса кумуш медални қўлга киритди.
Ўзбекистонда педагогика йўналишида 10 та ОТМ ташкил этилади
Президент қарори билан Ўзбекистоннинг 10 та ҳудудида педагогика йўналиши бўйича 8 та институт ва 2 та университет ташкил этилади. Бундан ташқари, педагогик кадрлар тайёрловчи ОТМларнинг 2−4-босқич талабалари учун «4+2» шаклидаги таълим жараёни йўлга қўйилади.
«Қўйлиқ» бозори йўлўтказгич қуриш мақсадида давлат эҳтиёжлари учун олиб қўйилмоқда
Тошкент ҳалқа йўлининг кенгайтирилиши муносабати билан пойтахт ҳокими «Қўйлиқ» бозори ва савдо маркази жойлашган объектларни компенсация тўланганидан кейин жамоат ва давлат эҳтиёжлари учун олиб қўйишга рухсат берувчи қарорни имзолади.
Тошкент вилояти ҳокимига ўринбосар сифатида ишга киритиб қўйиш эвазига $200 минг сўраган шахслар қамалди
Қибрайда яшовчи эр-хотин юқори лавозимдаги танишлари орқали фуқарони Тошкент вилояти ҳокимининг ўринбосари лавозимига $200 минг эвазига ишга киритиб қўйишга уринди. Улар аванс сифатида $130 мингни олганида ушланган. Суд эркакни 7 йилга, аёлни эса 5 йилга озодликдан маҳрум қилиш жазосини тайинлади.
МО давлатлари ва Россия хавфсизлик кучлари халқаро наркогуруҳ фаолиятига чек қўйди
Ўзбекистон, Қозоғистон, Қирғизистон ва Россия ҳуқуқ-тартибот идоралари ходимлари 6 ой мобайнида махсус операция ўтказди. Натижада 8 та нарколаборатория ва қарийб 30 кг синтетик наркотик модда мусодара қилинди. Ойига 200 кггача наркотик ишлаб чиқарган гуруҳнинг 20 дан ортиқ аъзоси қўлга олинди.
Танқидлардан сўнг Чимбойда ўтказилган IT-танлов ғолибларига компьютерлар берилди
Қорақалпоғистоннинг Чимбой туманида ўтказилган «IT-билимдони» танловида дастлаб «удлинитель» ва клавиатура билан тақдирланган ғолибларга компьютер совға қилинди. Алишер Саъдуллаев ходимларни бундай кичик хатолар билан мамлакат обрўсини тўкмасликка ва ёшларнинг кайфиятига таъсир қилмасликка чақирди.
Наманганда 13 млрд сўмлик субсидия ва имтиёзли кредит эвазига қурилган иссиқхоналар ишламаётгани аниқланди
2020 йил Чортоқ туманида адирликда ташкил этилган 1000 та иссиқхонанинг 95 фоизи яроқсиз ҳолда экани аниқланди. 6,7 млрд сўм субсидия ва 6,3 млрд сўм имтиёзли кредит маблағлари ажратилган иссиқхона тумандаги 1000 та камбағал оила аъзоларини иш билан таъминлаши керак эди.
Қашқадарёда икки бола номаълум касалликдан вафот этди, ССВ бригада юборди
Ғузор туманида 4 ва 6 ёшли болалар вафот этди. Ижтимоий тармоқларда шифокорлар уларга ташхис қўя олмагани айтилмоқда. Соғлиқни сақлаш вазирлиги вазиятни ўрганиш учун туманга профессорлардан иборат махсус гуруҳни юборди.
Жиззахда Жигулига ўрнатилган газ баллони портлаб кетди
Жиззах вилояти Шароф Рашидов туманида газ қуйиш шохобчасида ёқилғи тўлдирилаётган «ВАЗ-2106» русумли автомобилнинг газ баллонида портлаш содир бўлди. Бунга машинадаги носозлик сабаб бўлгани айтилмоқда. Вилоят ФВБ ҳеч ким жароҳат олмагани ва ёнғин келиб чиқмаганини маълум қилди.
Ижтимоий тажриба: Андижонда ногиронлик аравачасидаги йигит автобусларга чиқарилмади
Фарғоналик блогерлар вилоят марказида ўтказган ижтимоий тажрибада автобус ҳайдовчилари ногиронлик аравачасидаги йигитга пандусларни тушириб беришдан бош тортишди ёки уни ишлатишни билишмади. Ўнта автобусдан фақат учтасига йўловчилар ёрдами билан чиқишга муваффақ бўлинди.
Инсон аъзосини кўчириб ўтказишга мажбурлаганлар 8 йилгача қамалиши мумкин
Жиноят кодексига киритилган ўзгартишларга кўра, инсонни аъзоларини кўчириб ўтказишга розилик беришга мажбурлаганлик учун 5 йилдан 8 йилгача озодликдан маҳрум қилиш жазоси белгиланди. Қолаверса, тана аъзолари олди-сотдиси ва уларни мамлакатдан ташқарига олиб чиқишга ҳам жавобгарлик тайинланмоқда.
Наманган, Андижон ва Сурхондарёда муаммоли кредитлар улуши юқори — Ҳисоб палатаси
Ҳисоб палатаси Наманган, Андижон ва Сурхондарёда муаммоли кредитлар улуши юқорилигича қолаётганини маълум қилди. Жумладан, ушбу ҳудудлардаги жами 149,4 млрд сўм муаммоли кредит ундирилмаган. 69% муаммоли кредит «умидсиз» деб таснифланиб, балансдан чиқарилган ва банк захира маблағидан қопланган.
Пайшанба куни Фарғона ва Хоразмдан ташқари барча ҳудудда ковид аниқланди
Пайшанба куни яна 94 кишининг ковидга топширган ПЗР-тести мусбат натижани қайд этди. Кун давомида 12 та ҳудудда вирус юқтириб олиш ҳолати кузатилган, шундан энг кўпи Тошкентда — 41 та. Аввалроқ, Ўзбекистонда омикроннинг энг юқумли варианти — «Стелс-омикрон» аниқлангани маълум бўлганди.
Қўшимча имкониятлардан фойдаланиш учун сайтда рўйхатдан ўтинг