Қирғиз-тожик чегарасидаги отишма бутунлай тўхтатилди. Вазият барқарорлашмоқда
Қирғизистон ва Тожикистон чегарасидаги отишма бутунлай тўхтатилди. Тожикистон отишма содир бўлган Лайлак вилоятидан ҳозирда бульдозерлари олиб ташламоқда.
Сардоба фожиасининг сабаблари ҳақида расмий маълумот берилди
Сардоба сув омбори тўғонининг ёрилиши сабаблари ҳақида расмий маълумот берилди. Сув омборини лойиҳалаштириш, қуриш ва тўғоннинг эксплуатацияси жараёнида хато ва камчиликларга йўл қўйилганлиги учун 17 киши жиноий жавобгарликка тортилган.
Дам олиш кунлари ўртача илиқ об-ҳаво бўлиши кутилмоқда
Бугун ва эртага баъзи жойларда шамол 15−20 м/с гача кучайиши мумкин. Якшанба куни кам булутли ва қуруқ об-ҳаво бўлиши кутилмоқда. Ҳаво ҳарорати 29−32 даражагача, жанубда 34−37 даражагача кўтарилади.
Яна 3 та ОТМ вақтинчалик масофавий таълимга ўтказилди
Талабалар орасида COVID-19 инфекцияси аниқлангани сабабли, Тошкент давлат техника университети, Самарқанд шаҳридаги «Ипак йўли» туризм халқаро университети ҳамда Андижон қишлоқ хўжалиги ва агротехнологиялар институти масофавий таълим тизимига ўтди.
Мирза Азизовни даволашда хорижлик шифокорлар ҳам иштирок этган — ССВ
Публицист Шуҳрат Ризаев Ўзбекистон халқ артисти Мирза Азизовнинг саккиз кишилик хонада ётгани, яхшироқ шифохонага ўтказиш бўйича ундан ёрдам сўраганини маълум қилган эди. ССВ вазиятга ойдинлик киритиш мақсадида артистни даволаган шифокорлар ва унинг турмуш ўртоғи фикр-мулоҳазаларини эълон қилди. Таъкидланишича, Мирза Азизовни хорижлик, жумладан, охирги марта россиялик профессор-реаниматолог тиббий кўрикдан ўтказган ва шу асосда муолажалар қилинган.
Шавкат Мирзиёев ва Садир Жапаров мулоқотни мустаҳкамлаш йўлларини кўриб чиқишди
Ўзбекистон ва Қирғизистон президентлари телефон орқали мулоқотда минтақавий ҳамкорликнинг муҳим масалалари ҳамда Қирғизистон-Тожикистон чегарасида юзага келган вазиятни тез фурсатда ҳал қилиш масалаларини муҳокама қилишди.
Шавкат Мирзиёев ва Эмомали Раҳмон тожик-қирғиз чегарасидаги вазиятни муҳокама қилди
Ўзбекистон ва Тожикистон президентлари телефон орқали тожик-қирғиз чегарасидаги вазиятни муҳокама қилишди. Шавкат Мирзиёев юзага келган вазиятни тез фурсатда ҳал қилиш ва унинг кескинлашувига йўл қўймаслик бўйича Тожикистон ва Қирғизистон томонлари эришган келишувларни қўллаб-қувватлади.
Миразиз Бозоровга ҳужум қилган шахснинг фотороботи эълон қилинди
Миразиз Бозоров 110-мактаб ўқитувчиларининг жамоавий аризаси асосида «ғаразгўйлик ёки бошқа паст ниятларда туҳмат қилиш» моддаси билан қўзғатилган жиноят иши бўйича гумонланувчига айланди. Ҳозирда у уй қамоғида. Март ойи охирида блогер ЛГБТ фаолларига қарши намойиш куни номаълум шахслар томонидан калтакланган. Ички ишлар бошқармаси ҳужум қилган шахснинг фотороботини эълон қилди.
Амир Темур хиёбони яқинида ўсмирларга ҳужум қилганликда айбланган тўрт киши уй қамоғига олинди
Март ойининг охирида Амир Темур хиёбони яқинида ўтказилган рухсатсиз митинг пайтида ўспиринларни калтаклаганликда тўрт киши айбланмоқда; улар суд бошлангунига қадар уй қамоғига олинган. Тартибсизликларда қатнашган яна 27 кишининг ҳаракатлари маъмурий ҳуқуқбузарлик деб топилди.
Исроилда диний байрам пайтидаги тиқилинчда 40 дан ортиқ одам ҳалок бўлди
Исроилдаги Лаг ба-Омер диний байрами пайтида юзага келган тиқилинч натижасида 44 киши ҳалок бўлди ва 100 дан ортиқ киши жароҳат олди. Бош вазир Бенямин Нетаняху воқеани «даҳшатли фалокат» деб атади.
Дунё бўйича COVID-19 билан касалланганлар сони 150 миллиондан ошди
Дунё бўйича коронавирус билан касалланганлар сони 150 млн 133 мингдан ошди, шулардан ҳозиргача 87,2 млн инсон COVID-19 дан тузалган, вафот этганлар сони эса 3 млн 162 мингдан кўпроқни ташқил қилмоқда.
Шифохоналарда COVID билан касалланганлар сони 3000 нафардан ошди
29 апрель куни Ўзбекистонда коронавирус билан касалланганлар сони 400 нафардан ошди. Кун давомида 2 та ўлим ҳолати қайд этилди. Айни вақтда COVID билан касалланган деярли 3100 нафар киши шифохоналарда даволанмоқда. Эмлаш тезлиги янада оширилди.
Қирғизистоннинг Боткен вилоятида отишма тўхтатилди. Лайлак туманида давом этмоқда
Қирғизистоннинг Боткен вилоятида юзага келган отишма бутунлай тўхтатилди. Икки мамлакат ташқи ишлар вазирлари ўт очишни тўхтатиш ва ҳарбий кучларни аввалги жойлаштирилган жойларига олиб чиқиш тўғрисида келишиб олдилар. Ҳозирда Лайлак туманида отишмалар кузатилаётгани айтилмоқда. Тўқнашувлар оқибатида Қирғизистонда 13 киши, Тожикистонда 10 киши вафот этди.
Ўзбекистонда криптобиржаларда савдо қилишга рухсат берилиши кутилмоқда
Ўзбекистон фуқароларига крипто-биржаларда крипто-активлар ва токенлар билан крипто-биржа савдоларининг барча турларини миллий ва чет эл валютасида амалга оширишга рухсат берилиши мумкин.
«Пахтакор» ОЧЛнинг 6-турида «Эйр Форс» устидан ғалабага эришди
«Пахтакор» жамоаси ОЧЛ гуруҳ босқичидаги 6-тур учрашувини «Эйр Форс» клубига қарши ўтказди. Мазкур баҳсда 1:0 ҳисоби қайд этилди ва унда Ўзбекистон жамоасининг қўли баланд келди. Бугун Олмалиқнинг АГМК жамоаси Тожикистоннинг «Истиқлол» клубига қарши майдонга тушади.
Навоий вилояти ҳокимига янги ўринбосарлар тайинланди
Тўлқин Атамуродов Навоий вилояти ҳокимининг иқтисодиёт ва тадбиркорлик масалалари бўйича биринчи ўринбосари бўлди. Бундан ташқари, вилоят ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари вазифасига Саъдулла Мирзаев тайинланди.
Самарқандда Қозоғистон бош консулхонаси очилди
Самарқандда Қозоғистон бош консулхонаси очилди. Самарқанд, Бухоро, Жиззах, Сурхондарё, Қашқадарё вилоятлари ҳамда Қорақалпоғистон унинг консуллик округлари сифатида белгиланди.
Фото: «Шаҳидлар хотираси» мажмуаси реконструкцияси лойиҳаси
Қурилиш вазирлиги «Шаҳидлар хотираси» ёдгорлик мажмуаси реконструкцияси лойиҳасини тақдим этди. У ерда велойўлак, амфитеатр, кафе, дўконлар, музейнинг маъмурий биноси ва бошқа объектлар барпо этилади, велосипедлар ижараси йўлга қўйилади.
Шавкат Мирзиёев Ашхобод шаҳридаги ифторликда иштирок этди
Ўзбекистон президенти пайшанба куни Ашхободда Туркманистон президентининг отаси — Маликгули Бердимуҳамедов хотирасига бағишлаб ўтказилган ифторликда иштирок этди. У апрель ойи ўрталарида вафот этган эди.
Ноширлар ва босмахоналарга нисбатан табақалаштирилган ҚҚСни қўллаш таклиф этилмоқда
Сенат қўмитаси китоб савдоси билан шуғулланувчиларга ҚҚС бўйича табақалаштирилган ставкаларни қўллаш, шунингдек, соҳага манзилли субсидиялар ажратиш таклифини билдирди. Қўмита раисининг сўзларига кўра, ноширлар ва босмахоналар учун солиқ имтиёзларининг бекор қилиниши ва ҚҚСнинг қўлланиши аксарият тадбиркорларни контрафакт маҳсулотлар ишлаб чиқаришга ундайди.
Қўшимча имкониятларга эга булиш учун сайтда рўйхатдан ўтинг