Афғонистон фуқароларини мажбуран, куч билан ўз ватанига қайтариш режалаштирилмаган — Исматулла Иргашев
Президентнинг Афғонистон бўйича махсус вакили Исматулла Иргашев Ўзбекистондан ўз ватанига қайтган афғонистонлик қочоқлардан бирортаси ҳам ўлдирилгани ёки қамоққа олинмаганини маълум қилди. Бундан ташқари, унинг сўзларига кўра, Ўзбекистонда яшаётган Афғонистон фуқароларини мажбуран қайтариш режалаштирилмаган.
«Orginfo.uz каби электрон платформалар ёпилиши тарафдори эмасмиз» — Статистика қўмитаси баёноти
Давлат статистика қўмитаси orginfo.uz сайти билан боғлиқ вазият юзасидан баёнот берар экан, фақатгина қўмита номининг манба сифатида келтирилишига эътироз билдирганини маълум қилди. «Давлат статистика қўмитаси Orginfo.uz ва шу каби бошқа электрон платформаларнинг ёпилиши тарафдори эмас», — дейилади баёнотда.
Тошкентдан Деҳлига парвозлар сони кўпайтирилади
Uzbekistan Airways 24 декабрдан Тошкент — Деҳли — Тошкент йўналиши бўйича парвозлар ҳафтасига 2 маротаба амалга оширилишини маълум қилди.
Бокс. Исроил Мадримов рақиби Мишель Сорони мағлуб этди
Тошкентда ўтказилган профессионал бокс кечасида Исроил Мадримов франциялик рақиби Мишель Сорони техник нокаутга учратди, бироқ ҳакамнинг ҳаракатлари туфайли жанг якуни бахсларга сабаб бўлди. Бундан ташқари, кечада Иқболжон Холдоров, Ҳасанбой Дўсматов ва Элнур Абдураимов ўз рақибларини нокаутга учратган бўлса, Шаҳрам Ғиёсов, Бектемир Мелиқўзиев ва Дилшодбек Рўзметов очколар ҳисобига ғалабага эришди.
Одил Аҳмедов футболдаги фаолиятини якунлади
Ўзбекистон миллий терма жамоасида 108 та ўйин ўтказиб, 21 та гол уришга муваффақ бўлган Одил Аҳмедов футболдаги фаолиятига якун ясади. «Сизларнинг кўз олдиларингизда бутсиларимни михга илиб, футболчилик фаолиятимни тугатганимни эълон қиламан», — деди у.
Сенатор Тошкентдаги Ғафур Ғулом боғи бўйича шартномалар тузилмаганини маълум қилди
Сенатор Толибжон Мадумаров Тошкентдаги Ғафур Ғулом боғи юзасидан шартномалар тузилмаганини маълум қилди. Сенатор Бахтиёр Сайфуллаев эса мазкур масала юзасидан ўрганиш олиб борилишини билдирди. «Бундан кейин шаҳар ҳокимлигининг объектларни инвесторларга берилиши бўйича ўйлаб иш қилишини назоратимизга оламиз», — деди у.
Қирғизистон президенти футзал турнирида тўпурар бўлди
Қирғизистон футболининг 100 йиллигига бағишланган футзал бўйича ўртоқлик турнирида мамлакат президенти Садир Жапаров ҳам қатнашиб, жами 9 та гол уриб, турнир тўпурари бўлди. Бироқ давлат раҳбарининг жамоаси учинчи ўринни қўлга киритди.
Burger & Lounge ресторанида бургерларни ярим нархга харид қилиш мумкин
Burger & Lounge ресторанининг янги филиалида 2022 йил 31 январгача айрим бургерларни «ТОЧКА» промокоди билан ярим нархга харид қилиш мумкин.
Антимонополия қўмитаси тадбиркорга тайинланган 1,75 млрд сўмлик қарздорликни асоссиз деб топди
Монополияга қарши курашиш қўмитаси «Тошкент ЭТК» томонидан DSS компаниясига ҳисобланган 1,75 млрд сўм қарздорликни асоссиз деб топиб, уни бекор қилди. Ушбу ҳолат бўйича электр тармоқ корхонасининг шикояти суд томонидан кўриб чиқилиб, рад қилинган ва қўмита қарори ўз кучида қолган.
«Ҳозирда бозорнинг кўчирилиши ҳақида ҳеч қандай гап-сўз йўқ» — сенатор «Қўйлиқ» бозори ҳақида
Сенатор Толибжон Мадумаров «Қўйлиқ» бозори кўчирилиши бўйича ҳали бирор қонуний асос йўқлигини ҳамда бу борадаги шов-шувлар ўша ердаги бозорчиларнинг асоссиз ташвиқоти эканини таъкидлади. Аввалроқ бозор кўчирилиши ҳақида 2017 йилдаёқ қарор қилингани айтилганди.
Ўзбекистоннинг бир неча ҳудудларида зилзила сезилди
Тошкент шаҳри ва Ўзбекистоннинг бошқа ҳудудларида кучли бўлмаган зилзила сезилди. Унинг эпицентри Қирғизистоннинг Боткен вилояти ҳудудида бўлган.
Нима тайёрлаймиз: Янги йил дастурхони учун салатлар
«Янги йил гулчамбари», шуба остидаги сельдь балиғи рулети, «Байрам торти», «Цезарь», ассорти ва стейк билан тайёрланган салат — Zira.uz янги йил дастурхони учун салатлар рецептлари рўйхатини тақдим этади.
Давлат статистика қўмитаси Orginfo.uz сайти асосчиси устидан ариза берди
Дастурчи Бобурмирзо Ҳамроқулов Давлат статистика қўмитасининг юридик шахслар тўғрисидаги очиқ маълумотларини ўз ичига олган Orginfo.uz сайтини ишлаб чиқди. Давлат органининг сайтидан фарқли равишда, ушбу сайт компанияларни номи бўйича қидириш, аффилланган шахслар ва бошқа маълумотларни кўриш имконини беради. Қўмита талабига биноан дастурчига нисбатан маъмурий иш қўзғатилди. «Газета.uz» вазиятни ўрганди.
Жаҳон янгиликлари дайжести
Европа Иттифоқи етакчиларининг Россияга қарши санкцияларни узайтиришга қарор қилгани, Япониядаги касалхонада чиққан ёнғинда 24 кишининг ҳалок бўлгани, Хитой АҚШни савдо қоидаларини бузганликда айблагани, Жанубий Корея коронавирус туфайли чекловларини кучайтириши ва бошқа янгиликлар — «Газета.uz»нинг жаҳон янгиликлари дайжестида.
17 декабрь куни Ўзбекистонда содир бўлган энг муҳим хабарлар дайжести
Ўзбекистонга 400 млн ажратган Жаҳон банки ҳамда 162 млн доллар қарз берган Осиё тараққиёт банки, Шавкат Мирзиёев ва Мун Чжэ Ин қабул қилган қўшма баёнот, коррупциявий жиноятни содир этган 14 мингдан ортиқ мансабдор, нархи арзонлашган «АИ-80» бензини, 2022 йилда кутилаётган хавф-хатарлар, янги 50 минг сўмлик банкнотадаги хатони тан олган МБ ва бошқа хабарлар — «Газета.uz» нинг 17 декабрдаги энг муҳим хабарлари дайжестида.
Ўзбекистонда капитализациясига кўра энг қиммат банклар маълум қилинди
Капитализациясига кўра Ўзбекистоннинг энг қиммат банклари маълум қилинди. Trastbank энг қиммат банк дея топилди. Ундан кейинги ўринларда Ўзсаноатқурилишбанк ва Ipoteka-bank қайд этилган.
Туркияда Ўзбекистон ёшлари форуми ўтказилади
18 декабрь куни Истанбулда «Ўзбекистон ёшлари форуми — Туркия» ўтказилади. Форум иштирокчиларининг лойиҳаларини ёшларга доир қабул қилиниши кутилаётган Ўзбекистон ҳукумати қарори учун таклиф сифатида киритиш мўлжалланган.
Жаҳон банки Ўзбекистонга бозор иқтисодиётига ўтишни тезлаштириш мақсадида $400 млн кредит ажратади
Жаҳон банк Ўзбекистон бозор иқтисодиётига ўтишини тезлаштириш мақсадида 400 млн доллар кредит тақдим этади. Бунда Ўзбекистонга 30 йилдан ортиқ муддатга паст фоизли 250 млн долларлик имтиёзли кредит, шунингдек, қайтариш муддати 12 йилдан ортиқ бўлган 150 млн доллар миқдоридаги кредит бозор фоиз ставкасида тақдим этилади.
Долларнинг расмий курси пасайди
Долларнинг сўмга нисбатан расмий курси 18,90 сўмга пасайиб, 10 821,32 сўм этиб белгиланди. Шунингдек, евро курси кўтарилди, рубль курси эса пасайди.
ОТБ пандемия даврида Korzinka фаолиятини қўллаб-қувватлаш учун $12 млн кредит ажратди
Осиё тараққиёт банки илк бор давлат кафолатисиз Ўзбекистон қишлоқ хўжалиги ва озиқ-овқат саноати корхонаси — Korzinka супермаркетлар тармоғига 12 млн доллар миқдорида кредит ажратди.
Қўшимча имкониятлардан фойдаланиш учун сайтда рўйхатдан ўтинг