ASKO Comfort автомобиль эгалари учун қулайлик ва юқори сифат уйғунлигини таъминлайди
Автомобиль эҳтиёжлари учун ASKO Comfort кўчма сервис дўкони — шина, аккумулятор ва дискаларни алмаштиришни тез ва самарали амалга ошириш имкониятини тақдим этади.
1 мартдан давлат органлари веб-сайтлари фақатгина ягона платформада юритилади. Асосий қоидалар
Ўзбекистонда 2025 йил 1 мартдан бошлаб давлат органларининг расмий веб-сайтлари фақатгина ягона платформада юритилади. Янги ташкил этилган давлат органлари ўз веб-сайти фаолиятини идора ташкил этилган санадан бошлаб бир ой муддатда ягона платформада йўлга қўяди.
Диний соҳадаги давлат сиёсати концепцияси жамоатчилик муҳокамасига қўйилди. У нима ҳақда?
Фуқароларнинг виждон эркинлигини таъминлаш ва диний соҳадаги давлат сиёсати концепциясининг лойиҳаси муҳокама учун эълон қилинди. Концепция давлатнинг дунёвийлик тамойилларини рўёбга чиқаришга ҳамда мамлакатнинг тараққиёти учун зарур шарт-шароитларни яратишга қаратилган.
Самарқандда Onix ҳайдовчиси ЙПХ инспекторини машина капотида судраб қочиб кетди
Самарқанд шаҳрида Onix ҳайдовчиси ЙПХ инспекторининг тўхташ талабига эътибор бермай, уни автомобиль капотида судраб қочиб кетди. Ходим ерга йиқилиб жароҳат олди, ҳайдовчи ушланди.
Ҳафта давомида ҳарорат +15 даражагача кўтарилади
Ўзбекистонда ҳафта давомида ҳарорат аста-секин кўтарилиб боради. Ҳаво кечалари 0…+3 даража, кундуз кунлари +12…+15 даражагача илийди.
Хоразм Транспорт бошқармаси мутахассиси 80 минг доллар пора олишда гумонланмоқда
Хоразм вилояти Транспорт бошқармаси бош мутахассиси фуқародан 135 минг доллар сўраб, 80 минг долларини олганликда гумонланмоқда. У 960 метр квадрат майдонни кўп қаватли турар жой қуриши учун расмийлаштириб беришни ваъда қилган.
«Авиация музейини очиш лойиҳаси муҳокама қилинмоқда» — Uzbekistan Airways раҳбари
Транспорт вазирлиги раҳбарлигида Тошкентда авиация музейини ташкил этиш масаласи ишлаб чиқилмоқда, дея маълум қилди Uzbekistan Airways раҳбари Шуҳрат Худойқулов. Унинг сўзларига кўра, лойиҳа 2025 йилда ҳал қилиниши керак.
Ўзбекистонда 3−9 февраль кунлари об-ҳаво қандай бўлади? «Газета.uz» шарҳи
Ўзбекистонда ҳафта давомида ҳаво ҳарорати аста-секин кўтарилиб боради. Дам олиш кунлари жанубий вилоятларда ҳатто +20 даражагача бўлган баҳорий ҳарорат кутилади. Иш кунлари ёғингарчилик кутилмайди, якшанба куни эса намгарчилик ортиб, ҳудудларда ёғингарчилик кузатилиши мумкин.
Диёра Келдиёрованинг Париждаги ғалабаси йил воқелиги, унинг устози аёллар терма жамоаларининг энг яхши мураббийи бўлди
Халқаро Judo Awards 2024 танловида Диёра Келдиёрованинг Париждаги Олимпиадада япониялик Ута Абени енггани «Йил воқелиги» деб топилди, унинг устози Марко Шпитка аёллар терма жамоалари ўртасида энг яхши мураббий ютуғини қўлга киритди.
Трамп USAID`ни Давлат департаменти назоратига ўтказмоқчи. Нималар маълум?
АҚШ Халқаро тараққиёт агентлиги (USAID) веб сайти ишламаяпти. Бу Трамп агентликни Давлат департаменти назоратига ўтказмоқчи экани ҳақидаги хабарлардан сўнг рўй берди. Бундай ҳаракат глобал гуманитар ёрдам, жумладан, ОИВ/ОИТСни даволашдан то тоза сувгача таҳдид солиши мумкин. Асосий маълумотлар.
«Ғишткўприк» чегара божхона пости 4 ойга ёпилади
Тошкент вилоятидаги «Ғишткўприк» чегара божхона пости 5 февралдан бошлаб вақтинча ёпилади. 4 ой давомида постда қурилиш ва реконструкция ишларини якунлаш режа қилинмоқда. Фуқаролар ва транспорт воситаларининг ҳаракати «Навоий» постига йўналтирилади.
Ўзбекистонда хизмат кўрсатган фан арбоби Галина Матвиевская вафот этди
Фанлар академияси ҳақиқий аъзоси, физика-математика фанлари доктори, профессор Галина Матвиевская 95 ёшида вафот этди. Ўзбекистонда шарқшунослик фанининг ривожига ҳисса қўшган атоқли олима «Ўзбекистон Республикасида хизмат кўрсатган фан арбоби» фахрий унвони билан тақдирланган.
Шавкат Мирзиёев 4−5 февраль кунлари расмий ташриф билан Малайзияда бўлади
Шавкат Мирзиёев 4−5 февраль кунлари Малайзияда бўлади. Расмий ташриф давомида мамлакат бош вазири Анвар Иброҳим билан икки томонлама музокаралар, қўшма бизнес форуми ва бошқалар ўтказилади. Икки давлат ўртасида қўшма баёнот ва қатор битимлар имзоланиши кутилмоқда.
АҚШ ўт очиш тўхтатилганидан кейин Украинада сайловлар ўтказилишини хоҳлайди — Reuters
АҚШ Киев яқин ойларда Россия билан сулҳ тузишга рози бўлса, Украинада президент ва парламент сайловлари ўтказилишини истайди, деди Трампнинг мазкур уруш бўйича махсус вакили. Ғолиб Москва билан узоқ муддатли келишув бўйича музокаралар олиб бориш учун жавобгар бўлиши мумкин, деб ёзди Reuters.
Мадина-Фарғона йўналишидаги Centrum Air самолёти Марида мажбурий қўнишни амалга оширди
Centrum Air авиакомпаниясининг Мадинадан Фарғонага учган A321neo самолёти двигателдан мой сизиб чиқиши сабабли Мари (Туркманистон)га қўнди. Йўловчиларни олиб келиш учун захира борт жўнатилди.
Германия собиқ президенти Ҳорст Кёлер вафот этди
Германиянинг тўққизинчи президенти (2004−2010 йиллар) Ҳорст Кёлер 81 ёшида оғир хасталикдан сўнг вафот этди. У, шунингдек, Халқаро валюта жамғармасини бошқарган. Фаолияти давомида Кёлер Африка қитъасининг глобал тараққиёт учун аҳамиятини кўп бора таъкидлаган.
Тошкент вилоятидаги заправкада автобус портлади
Янгийўл туманидаги автомобилларга газ тўлдириш шохобчасида Isuzu русумли автобус газ баллонида портлаш содир бўлди. Ҳодиса оқибатида ҳеч ким жароҳат олмаган.
Энди қурилишга улуш киритиш фақат нотариал тасдиқланган шартнома асосида амалга оширилади
Президент томонидан имзоланган фармон билан қурилишга улуш киритиш фақат нотариал тасдиқланган шартнома асосида амалга оширилиши белгиланмоқда. Уй-жойлар қурилиши бўйича электрон платформа яратилади.
Ўзбекистоннинг икки вилоятида чиқинди йиғими нархлари ошди
Сурхондарё вилоятининг барча шаҳар ва туманлари ҳамда Тошкент вилоятининг аксарият туманларида маиший чиқиндиларни олиб чиқиш учун тарифлар оширилди.
Ўзбекистон, Озарбайжон ва Туркия суверенитетга таҳдидларга қарши кураш ва транспорт алоқаси тўғрисидаги декларацияни имзолади
Анқарадаги вазирлар учрашуви якунида Ўзбекистон, Озарбайжон ва Туркия бир-бирининг суверенитетига таҳдидларга қарши биргаликда курашиш ва савдони соддалаштириш чораларини кўриш ниятида эканини таъкидлади. Ўзбекистонга Ўрта коридор орқали юкларни ташишда ёрдам беришга тайёрлик билдирилди.
Қўшимча имкониятлардан фойдаланиш учун сайтда рўйхатдан ўтинг