Ҳозирда фақат буюртма асосида олинадиган «ААА» серияли автомобиль рақамлари қолган — ЙҲХББ
«UZB» ёки «ААА» серияли давлат автомобиль рақамлари очиқ савдода эканлиги маълум қилинди. ЙҲХББ матбуот хизматининг таъкидлашича, ҳозирда «ААА» серияли автомобиль рақамлари аукционда қолмаган. Ушбу серияда қолган 30 дан ортиқ рақамларни фақат буюртма асосида олиш мумкинлиги айтилди.
18 ёшгача бўлганлар учун ягона болалар нафақаси жорий этилади
Президент фармони билан 1 сентябрдан амалдаги 14 ёшгача болалар учун нафақа ва 2 ёшгача болани парвариш қилиш нафақаси ўрнига ягона болалар нафақаси жорий этилади. Ушбу нафақа ёши 18 ёшгача оширилади, тўлов муддати 12 ойгача узайтирилади. Қолаверса, Минимал истеъмол харажат миқдорларидан камбағаллик мезони сифатида фойдаланилади.
Хориждаги ўзбекистонликлар учун 49 та давлатда стационар ва кўчма сайлов пунктлари ташкил этилади
Чет элда истиқомат қилаётган ўзбекистонликларнинг президент сайловида қатнашиши учун 49 та давлатда 54 та стационар ва 316 та кўчма сайлов пункти ташкил этилади. Жумладан, Ўзбекистоннинг Нью-Йоркдаги бош консулхонаси ва БМТдаги ваколатхонасида ягона сайлов участкаси бўлади. Ҳозиргача хориждаги сайловчиларнинг бирламчи рўйхати ҳам шакллантирилди.
Долларнинг расмий курси яна кўтарилди
Долларнинг расмий курси 9,03 сўмга кўтарилди ва жами 10 660,03 сўм этиб белгиланди. Евро ва рубль курслари эса бироз пасайди.
«Тошкент вилоятида ишсизлик масаласи бўлмаслиги керак» — президент
Президент Тошкент вилоятидаги шароит ва имкониятлар ҳисобга олинса, аслида ҳудудда ишсизлик масаласи бўлмаслиги кераклигини таъкидлади ва маҳаллий саноатни ривожлантириш бўйича кўрсатмалар берди. Ҳисоб-китобларга кўра, бугунги кунда ишсизлар сони 134 минг нафарни ташкил этмоқда. «Сўнгги йилларда Тошкент бўйича тўплаган тажрибаларимизни Тошкент вилоятида ҳам жорий этишимиз керак», — деди давлат раҳбари.
Миллий гвардия Меҳрибонлик уйларидаги болаларни оилага қайтаришга кўмаклашади
Миллий гвардия президент қарори билан ўзига бириктирилган Меҳрибонлик уйларидаги болаларни ота-оналарига қайтариш, васий тайинлаш ва фарзандликка олишга кўмаклашади. Ўқув-тарбия муассасаларида тарбияланувчиларнинг муаммоларини ўрганиш ва ҳал этиш учун «Меҳр дафтари» тизими жорий қилинади.
PDP Academy`дан «Unicorn» таълим гранти: IT-компанияларда иш билан таъминланиш кафолати
Агар сиз IT соҳасига қизиқувчи, 18−28 ёшлар оралиғидаги иқтидорли ёшлардан бири бўлсангиз, демак PDP Academy`дан «Unicorn» таълим гранти айнан сиз учун. Ушбу грант IT-компанияларга ишга жойлашишингиз учун 100% кафолат беради.
Бухорода 3 балли зилзила содир бўлди
Чоршанба куни Бухоро вилоятининг Шофиркон туманида 3 балли зилзила сезилди.
Қорақалпоғистонда футбол учрашуви вақтида жанжал содир бўлди
Мўйноқ туманидаги «Орол» стадионида туманнинг «Мўйноқ сити» ва «Жайхун» жамоалари ўртасидаги ўйинда келишмовчилик келиб чиққан ва бош ҳакам қароридан норози бўлган айрим томошабинлар майдонга чиқиб кетган. Ҳолат юзасидан ички ишлар органлари суриштирув ишларини олиб бормоқда.
Ўзбекистонда «Спутник V» вакцинасини кейинги ҳафтадан ишлаб чиқариш бошланади
Ўзбекистонда Jurabek Laboratories компанияси томонидан ишлаб чиқарилган «Спутник V» вакцинаси Россиянинг Гамалея илмий-тадқиқот маркази томонидан маъқулланди. Россиядан кейинги ҳафтада хом-ашё келганидан сўнг, препарат ишлаб чиқарилади ва текширув учун яна марказга юборилади.
Бош вазир ўринбосари Сардор Умурзаков коронавирусга қарши эмланди
Бош вазир ўринбосари — инвестициялар ва ташқи савдо вазири Сардор Умурзаков COVID-19 га қарши Moderna вакцинаси билан эмланди.
Адлия вазирлиги бир қатор ҳуқуқбузарликлар бўйича жарималар миқдорини камайтиришни таклиф этди
Янги қонун лойиҳасида Адлия вазирлиги паспорт тизими қоидаларини бузиш, ноқонуний валюта операциялари ва йўловчиларни лицензиясиз ташиш учун жарималарни сезиларли даражада камайтиришни таклиф қилмоқда.
10 август куни Ўзбекистонда 903 кишида коронавирус аниқланди
Кеча кун давомида Ўзбекистонда 903 кишида коронавирус инфекция қайд этилди. 7 нафар COVID-19 бемори вафот этди. Шунингдек, сешанба куни 472 кишида пневмония қайд этилди, 3 нафар пневмония бемори вафот этди.
Тошкентда аёлларга ноқонуний диний таълим бериб келганлар аниқланди
Пойтахтнинг Учтепа туманида аёл ва қизларга ноқонуний диний таълим бериб келган 3 нафар аёл аниқланди. Фуқароларга нисбатан БҲМнинг 5 баробари (1 млн 225 минг сўм) миқдорида жарима жазоси тайинланди.
Лионель Месси «ПСЖ» жамоасига ўтди
«Барселона»нинг собиқ ўйиниси Лионель Месси 2+1 схемаси бўйича «Пари Сен-Жермен» билан шартнома имзолади.
Вакцинанинг кейинги дозалари билан эмлашни кечиктириш хавфсиз — Инновацион ривожланиш вазирлиги
Хитой-ўзбек вакцинасининг кейинги дозалари билан эмлашнинг кечиктирилиши антитаналар миқдори ва бошқа кўрсаткичларга таъсир кўрсатмайди, балки антитаналар миқдори ошиши ва уларнинг узоқ вақт давомида сақланиб қолишига хизмат қилади, деб аҳолининг қўрқувига жавоб қайтарди Инновацион ривожланиш вазирлиги.
13 августдан жума намозини масжидларда ўқишга рухсат берилди
Республика махсус комиссияси масжидларнинг ишчи ва ходимлари эмланган тақдирда жума намозини адо этишга рухсат берди. Қолаверса, ташриф буюрувчилардан вакцина олганлик тўғрисида QR-коди ёки сертификати мавжуд бўлганлар киритилиши белгиланмоқда.
Бош прокуратура туман прокурори уйидаги мажбурий меҳнат ҳақидаги хабарни ўрганмоқда
Бош прокуратура ободонлаштириш бошқармаси ходимлари Андижон вилоятининг Қўрғонтепа тумани прокурори уйида мажбурий меҳнатга жалб қилингани тўғрисидаги хабарни текширмоқда. Вилоят прокуратураси уч нафар ходим ўз хоҳиши билан ишлаганини маълум қилди.
Жаҳон янгиликлари дайжести
БМТнинг афғон томонларини ўт очишни тўхтатишга чақираётгани, AҚШнинг 11 сентябрь воқеаларига оид бир қатор махфий ҳужжатлар ошкор қилиниши мумкинлиги, Эроннинг Буюк Британияни судга беришни режалаштираётгани ва бошқа янгиликлар — «Газета.uz»нинг жаҳон янгиликлари дайжестида.
Васийликка олинган етим болаларга ҳам ОТМга кириш учун квота ажратилади
Жорий йилдан ҳомийликка ёки патронатга олинган 25 ёшдан ошмаган етим болалар Меҳрибонлик уйлари битирувчиларига ажратилган ОТМга кириш учун қўшимча квотадан фойдаланиши мумкин. Жами 6,2 минг нафар болага қўшимча квота бериш кутилмоқда. Қолаверса, уларга 50 фоиз оширилган миқдорда стипендия тўланади. Нодавлат ўқув курсида ўқиш ҳаражати ва хорижда даволаниш учун компенсация, китоб ҳарид қилишга эса субсидия берилади.
Қўшимча имкониятлардан фойдаланиш учун сайтда рўйхатдан ўтинг