Савдогар аёлларнинг буюмларини тортиб олган солиқчилар ишдан олинди
Кўчада сотувчилик қилаётган аёлларнинг буюмларини тортиб олган солиқчилар бўйича тарқалган видеодан сўнг, Олмалиқ шаҳар давлат солиқ инспекциясининг 11 нафар ходими вазифасидан озод этилди. Шу билан бирга, Тошкент вилояти ДСБ бошлиғи ўринбосари ҳамда Олмалиқ шаҳар давлат солиқ инспекцияси бошлиғига ҳайфсан берилди.
АГМК ОЧЛдаги дебютида дуранг ўйнади
АГМК жамоаси ОЧЛ гуруҳ босқичида дастлабки учрашувни «Ал Ҳилол» клубига қарши ўтказди. Мазкур баҳсда 2:2 ҳисобидаги дуранг натижа қайд этилди.
Коррупцияга қарши курашиш агентлиги «12-трест» билан боғлиқ давлат харидларини ўрганмоқда
Коррупцияга қарши курашиш агентлиги акционерлари орасида қурилиш вазирининг ўғли ва турмуш ўртоғи ҳам бўлган «12-трест» компанияси қўлга киритган давлат харидларини ўрганмоқда. Агентлик, шунингдек, Жиззах вилояти ҳокимининг қариндошлари билан боғлиқ давлат харидлари бўйича материалларни ҳуқуқни муҳофаза қилиш органларига тақдим этди.
Ўзбекнинг боласи ўзбек қадриятлари билан тарбия кўрсин, саводини ўзбек тилида чиқарсин — Алишер Қодиров
Қонунчилик палатаси вице-спикери Алишер Қодиров ўзбекларнинг янги авлоди таълим рус тилида олиб бориладиган мактабларда ўзлигини англамайдиган, она тилини билмайдиган ҳолда вояга етаётганини фожиа деб атади.
Тошкентнинг Сергели туманида йирик ёнғин содир бўлди
Пойтахтнинг Сергели туманида жойлашган полиэтилен маҳсулотларини ишлаб чиқариш корхонасида жумага ўтар кечаси йирик ёнғин содир бўлди.
Самарқанддаги туризм маркази 2022 йилда фойдаланишга топширилади
Президент Самарқанд туманидаги эшкак эшиш канали бўйида барпо этилаётган туризм маркази қурилишини кўздан кечирди. Бу ерда 8 та меҳмонхона, карвонсарой, дам олиш масканлари бўлади. Марказни 2022 йилда фойдаланишга топшириш режалаштирилмоқда.
Жаҳон янгиликлари дайжести
АҚШ Федерал қидирув бюросининг ҳар ўн соатда Хитойга қарши янги тергов ўтказиши, Ҳиндистон ва Покистоннинг яширин музокаралари, Грузия ва Болгариянинг ўз ҳарбийларини Aфғонистондан олиб чиқиши ва бошқа янгиликлар — «Газета.uz»нинг жаҳон янгиликлари дайжестида.
Компаниялар Ўзбекистондаги ишбилармонлик муҳитини қандай баҳолаётгани ўрганилди
Иқтисодий тадқиқотлар ва ислоҳотлар маркази тадқиқотлари аксарият тадбиркорлар мамлакатдаги ишбилармонлик муҳитини ижобий баҳолашини, бироқ уларнинг бизнесини янада қўллаб-қувватлаш зарурлигини кўрсатди. Ер участкалари ажратиш, солиқ ставкаларини ва кредитлар бўйича фоиз ставкаларини пасайтириш ва бошқа муаммолар тадбиркорларни ташвишга солаётгани маълум бўлди.
АҚШ Россияга қарши янги санкцияларни эълон қилди
АҚШ Россиянинг «зарарли ташқи фаолияти» туфайли мамлакатга нисбатан янги санкцияларни эълон қилди. АҚШ банкларига Россия давлат облигацияларини сотиб олиш тақиқланади. Шунингдек, Россия Федерациясидаги бир қатор жисмоний шахслар ва компанияларга нисбатан чекловлар жорий этилди.
2020 йилда энг кўп коррупция ҳолатлари қайси вазирликларда кузатилган?
Коррупцияга қарши курашиш агентлигининг маълум қилишича, Соғлиқни сақлаш вазирлиги, Олий ва ўрта махсус таълим вазирлиги ҳамда Қурилиш вазирлигида 2020 йил давомида энг кўп коррупция ҳолатлари кузатилган.
Январь-март ойларида пул ўтказмалари 1,42 млрд долларни ташкил қилди
2021 йилнинг январь-март ойларида Ўзбекистонга келиб тушган халқаро трансчегаравий пул ўтказмалари ҳажми деярли 1,42 млрд долларни ташкил этиб, 2020 йилнинг мос даврига нисбатан 336 млн долларга ошди.
Долларнинг расмий курси яна кўтарилди
Долларнинг расмий курси 10 сўмга қимматлади ва жами 10 507 сўм этиб белгиланди. Шунингдек, евро курси ҳам бироз қимматлади, рубль эса арзонлади.
Шавкат Мирзиёев Самарқандда Қорасув мавзесидаги уй-жой қурилиши билан танишди
Шавкат Мирзиёев Самарқанд вилоятига ташрифи чоғида Қорасув мавзесида уй-жой қурилиши билан танишди. Давлат раҳбари қурувчи ташкилотнинг сифат учун масъулияти ва жавобгарлигини янада кучайтирадиган механизм ишлаб чиқиш зарурлигини таъкидлади.
Депутат Янгийўлдаги ишламаётган сув тозалаш иншоати учун икки вазирни танқид қилди
Депутат Расул Кушербаевнинг хабар беришича, Тошкент вилоятининг Янгийўл туманидаги сув тозалаш иншооти бир неча йилдан бери ишламай турибди. Унинг сўзларига кўра, бошида таъмирлаш ишлари Ҳисоб палатаси томонидан тўхтатиб қўйилди, Қурилиш вазири ва Уй-жой коммунал хизматининг собиқ раҳбарининг «хохиши сабабли ишлар чўзилиб», объект учинчи йил ўзгаришсиз турибди.
Президентга Имом Бухорий зиёратгоҳининг янги кўриниши тақдим этилди — фото
Шавкат Мирзиёев Самарқанддаги Имом Бухорий зиёратгоҳида амалга оширилаётган ишлар билан танишди. Мажмуа лойиҳасига кўра, у ерда катта масжид, тўртта симметрик минора, йўлдан кириб келишда хиёбон бўлиши кўзда тутилган. Бундан ташқари, зиёратчилар учун 7 та меҳмонхона, 3 та автотураргоҳ, автобекат, супермаркет, бозорча барпо этилади.
Солиқ органлари куч ишлатар идора эмас — Шерзод Кудбиев
Ижтимоий тармоқларда солиқ ходимлари сотувчилик орқали кун кўрувчи аёлларнинг буюмларини олиб қўйганлиги акс этган видео лавҳалар тарқалди. Давлат солиқ қўмитаси раиси Шерзод Кудбиев бу ҳолат солиқ хизмати учун уятли эканлигини айтди. «Солиқ органлари ҳеч қачон куч ишлатар идора эмас… Бундай ҳолат юз берганлиги учун бутун халқимиздан узр сўрайман», — деди у. Кудбиев ҳодисада ўзини ноўрин тутган ходимлар жазоланиниши таъкидлади.
Европа Иттифоқида июнь ойида саёҳат учун сертификатлар кучга киради
Европа Иттифоқида 21 июнь куни иттифоқ мамлакатларида ҳаракатланиш эркинлигини қайта тиклаш имконини берувчи «саломатлик тўғрисида гувоҳнома» кучга киради. Унда суғурталанганлик, эмлаш ва COVID-19 тестлари ҳақида маълумотлар кўрсатилгади.
Самарқанд халқаро аэропорти йилига 1,5 млн йўловчига хизмат қилади
Президентга тақдимот қилинган Самарқанд халқаро аэропорти реконструкциядан сўнг йилига 1,5 млн йўловчига хизмат кўрсатиши кутилмоқда. «Air Marakanda» компаниясига ДХШ асосида 20 йилга аэропортни бошқариш ҳуқуқи берилади. Компания аэропорт инфратузилмасини ривожлантиришга 80 млн доллар инвестиция киритади.
Ажримларни камайтириш учун ёшларга имомлар таълим бериши таклиф қилинди
Оилаларда ажримнинг олдини олиш масаласи бўйича Юнусобод тумани ҳокими томонидан ўтказилган мажлисда никоҳдан олдин ёшларни имомлар томонидан олиб бориладиган 3 ойлик ўқув дарсларида ўқитиш таклифи берилди. Шунингдек, аҳлоқий жиҳатдан миллий менталитетга тўғри келмайдиган телесериал ҳамда кинофилмларни эфирга узатмаслик кераклиги айтилди.
Президент Самарқанд аэропортини реконструкция қилиш ишлари билан танишди
Шавкат Мирзиёев Самарқанд вилоятига ташрифини халқаро аэропортнинг реконструкция ишлари билан танишишдан бошлади. Сентябрь ойида фойдаланишга топшириладиган янги аэропорт соатига 800 нафар йўловчига хизмат кўрсатиш қувватига эга бўлади. Президент аэропорт одамлар учун қулай, хизмат кўрсатиш эса сифатли ва тезкор бўлиши кераклигини таъкидлади.
Қўшимча имкониятлардан фойдаланиш учун сайтда рўйхатдан ўтинг