Тошкентда иккита Yutong автобуси тўқнашди
Янгиҳаёт туманида 117- ва 55-сонли йўналиш автобуслари иштирокида ЙТҲ содир бўлди. Ҳодиса оқибатида тан жароҳати олганлар йўқ, автобуслар техник шикастланган.
Шавкат Мирзиёев Осиё инфратузилмавий инвестициялар банкининг Самарқанддаги йиғилишида иштирок этади
Президенти Шавкат Мирзиёев Осиё инфратузилмавий инвестициялар банки (ОИИБ) Бошқарувчилар кенгашининг Самарқанддаги йиллик йиғилишида иштирок этади. У йиғилишнинг ялпи сессиясида нутқ сўзлайди ҳамда тадбир доирасида бир қатор учрашувлар ўтказади.
Бобир Абубакиров Шайхонтоҳур тумани ҳокими бўлди
Марказий банк раиси ўринбосари Бобир Абубакиров Шайхонтоҳур тумани ҳокими этиб тайинланди. Туманнинг аввалги ҳокими бандлик вазири бўлганди.
Исроилдаги элчихона ўзбекистонликларга мурожаат билан чиқди
Ўзбекистоннинг Исроилдаги элчихонаси мамлакатнинг шимолий ҳудудларида юзага келаётган мураккаб вазият сабабли фуқароларга қатор тавсиялар берди. Элчихона хавфсизлик чораларини кўришга ва ракета отишмалари пайтида бошпаналарни тарк этмасликка чақирди, расмий хабарларини кузатиб бориш сўралди.
Футзал ЖЧ: Украина ва Бразилия чорак финалга чиқди (фото)
Ўзбекистонда ўтаётган футзал мундиалида 24 сентябрь куни нимчорак финалнинг илк ўйинлари бўлиб ўтди. Бразилия Бухорода Коста-Рикани тор-мор келтирган бўлса, Украина Тошкентда Нидерландияни мағлуб этди. 25 сентябрда плей-оффнинг Испания — Венесуэла ва Парагвай — Афғонистон учрашувлари бўлиб ўтади.
Тошкентда синов муддатидаги ўқитувчи ўқувчини урди. Унинг устидан суриштирув кетмоқда
Чилонзор туманидаги мактабда синов муддатида бўлган рус тили фани ўқитувчиси биринчи иш кунида 6-синф ўқувчисини унга гап қайтаргани учун урди. Боланинг ота-онаси ҳолат бўйича ҳуқуқ-тартибот идораларига мурожаат қилди. Айни пайтда суриштирув ишлари кетмоқда.
Ўзбекистонда тиббий ва соғломлаштириш туризми ривожлантирилади
Ўзбекистонда Тиббий хизматлар меҳмондўстлиги дастури амалга оширилади. «Авиценна» номи остида тиббий ва соғломлаштириш туризми бренди ишлаб чиқилади. Давлат тили ва хорижий тилларда тиббиёт ҳамда соғломлаштириш муассасаларининг ягона реестри шакллантирилади.
Сирдарёда машинасини қасддан одамлар устига ҳайдаб борган ҳайдовчига ҳукм ўқилди
Сайхунобод туманида машинасини қасддан бир гуруҳ одамлар орасида кескин бошқариб, уларни босиб кетишга ҳаракат қилган Captiva ҳайдовчиси 4 йил 6 ойга қамалди. Олдин ҳам судланган шахс жазони қаттиқ тартибли колонияда ўтайди.
Саидикром Ниёзхўжаев Ўзбекистоннинг Қирғизистондаги элчиси этиб тайинланди
Саидикром Ниёзхўжаев Ўзбекистоннинг Қирғизистондаги фавқулодда ва мухтор элчиси этиб тайинланди. У бунгача Ўзбекистоннинг Қозоғистондаги элчиси лавозимида ишлаб келаётган эди.
Мангистау-Нукус йўловчи поездида ёнғин чиқди (видео)
Мангистау-Нукус йўловчи поездида ёнғин чиқди. Ҳодиса оқибатида фуқаролар ва вагонларга шикаст етмаган. «Ўзбекистон темир йўллари»га кўра, масъул шахсларга нисбатан интизомий чоралар кўрилди.
Фарғонада поезд устида селфи тушмоқчи бўлган ўқувчиларни ток урди
Учкўприк туманида поезд вагонлари устида селфи тушмоқчи бўлган уч ўқувчидан икки нафарини 27 минг вольтли ток урди. Улардан бирининг танаси 65 фоиз куйгани, яна бирининг ўнг оёқ суяги сингани айтилмоқда.
3,1 млрд сўмлик 11 та давлат хариди қонунчиликка зид тарзда ўтказилгани аниқланди
Антикоррупция агентлиги август-сентябрь ойларида 3,1 млрд сўмлик 11 та давлат харидида қонун бузилиши ҳолатларини аниқлади. Хусусан, 1,5 миллиард сўмлик тендерда аффилланган шахслар иштирок этган. Ушбу харидлар натижалари бекор қилинди.
Тошкентда Lacetti ва Malibu тўқнашувида уч киши жароҳатланди
Тошкент шаҳри Яккасарой туманида Malibu-2 ва Lacetti машиналари тўқнашди. ЙТҲ оқибатида ҳайдовчилар ва яна бир нафар йўловчи жароҳатланди.
«Улар жуда-жуда узоқ вақт топ даражада қолади». Владимир Крамник — Абдусатторов ва бошқа шахматчилар ҳақида
Ўзбекистон терма жамоаси мураббийи Владимир Крамник терма жамоа учинчи ўринни эгаллаган шахмат олимпиадаси натижаларидан мамнун. Шунингдек, у Нодирбек Абдусатторов бошқа ёш шахматчилар билан бирга «жуда-жуда узоқ вақт топ даражада қолишини» айтди.
«Ҳамма фермер имзо қўйиб бериши керак». Пахта етиштирувчилар нархни туширишга мажбурланмоқда
Kun.uz Сурхондарё қишлоқ хўжалиги бошқармаси бошлиғининг туман ҳокими билан суҳбатда барча фермерларни йиғиб, пахта нархини 6800 сўмгача пасайтириш бўйича қўшимча шартномалар имзолаш зарурлигини билдирган аудиоёзувини эълон қилди. Қишлоқ хўжалиги вазирлиги ва ҳокимлик ҳолатга изоҳ берди.
Касб-ҳунар мактаблари ва коллежлар негизида 600 та техникум ташкил этилади, уларнинг 14 тасида Британиянинг BTEC дастури жорий этилади
Ўзбекистонда барча коллеж ва касб-ҳунар мактаблари техникумларга айлантирилади, биноларнинг бир қисми мактаблар учун берилади. Техникумлар қисман академик мустақилликка эга бўлади ва пуллик хизматлар кўрсата олади. Улардан 14 тасида Британиянинг BTEC дастури жорий этилади.
БМТ Бош ассамблеяси Келажак учун пактни қабул қилди
БМТ Бош ассамблеяси давлатлар келгуси авлодлар ва сайёра учун яхшироқ келажакни таъминлаш бўйича бир қатор ҳаракатларни ўз зиммаларига оладиган Келажак учун пактни маъқуллади.
Халқаро гроссмейстер Гулруҳбегим Тоҳиржонова Ўзбекистон терма жамоасига қайтарилиши мумкин
Шахмат федерацияси раиси Алишер Саъдуллаев 2021 йилдан бери АҚШ терма жамоасида дона суриб келаётган Гулруҳбегим Тоҳиржоновани Ўзбекистон терма жамоасига қайтариш нияти борлигини айтди. «Гулруҳбегим барибир Ўзбекистонга керак, у яхши ва салоҳиятли шахматчи», — деди Саъдуллаев.
Табиий бойликлардан самарали фойдаланиш: иқтисодиёт ва атроф-муҳит учун муҳим аҳамият
«Адолат» партияси табиий ресурсларни самарали бошқариш учун қонунларни такомиллаштириш, экологик баҳолаш ва жамоатчиликнинг иштирокини таъминлаш ташаббусини илгари сурмоқда.
Самарқандда 3 кишини ноқонуний тарзда Исроилга ишга юборишни ваъда қилган 2 шахс қўлга олинди
Самарқандда муқаддам судланган 2 шахс 3 нафар фуқарони 52,7 минг долларга Исроилга ишга юборишни ваъда қилгани аниқланди. Прокуратура департаменти уларга нисбатан фирибгарлик бўйича жиноят иши қўзғатилганини маълум қилди.
Қўшимча имкониятлардан фойдаланиш учун сайтда рўйхатдан ўтинг