Тошкент шаҳри ва вилоятларда Халқаро тасвирий ва амалий санъат фестивали бўлиб ўтади (дастур жадвали)
15−19 апрель кунлари Тошкент шаҳри ва вилоятларда Халқаро тасвирий ва амалий санъат фестивали бўлиб ўтади. Дастурдан маҳаллий ва хорижий рассомларнинг кўргазмалари, рассомлик ва амалий санъат бўйича маҳорат дарслари, тарихий, миллий ва замонавий либослар намойиши ўрин олган.
BYD Тошкент халқаро марафонида иштирок этиш учун рўйхатдан ўтиш давом этмоқда
15 апрелга қадар VI Тошкент халқаро BYD марафонида иштирок этишни истаганлар ҳали ҳам рўйхатдан ўтишлари мумкин. Асосий тадбир 21 апрель куни бўлиб ўтади.
ГБУ билан жиҳозланган барча Chery моделлари кафолати сақлаб қолинади
Ўзбекистондаги Chery бренди автомобилларга газ баллонли ускуналар ўрнатилгандан сўнг ҳам техник хизмат кўрсатиш кафолати узайтирилишини эълон қилди.
Ўзбекистонда BYD автомобиль заводини ишга тушириш июнь ойига режалаштирилган
2024 йилнинг июнь ойида Жиззах вилоятидаги BYD автомобиль заводини ишга тушириш режалаштирилган. Биринчи босқичда ушбу бренд остида иккита модель ишлаб чиқариш мўлжалланган.
Ўзбекистон элчиси Испания қиролига ишонч ёрлиқларини топширди
Ўзбекистоннинг Испаниядаги элчиси этиб тайинланган Фаррух Турсунов қирол Филипп VI га ишонч ёрлиқларини топширди.
«Тез ёрдам»га 3 ойда 3,1 млн мурожаат келиб тушди
2024 йилнинг дастлабки 3 ойи давомида «Тез ёрдам» хизматига 3,1 миллионта мурожаат келиб тушган. Уларнинг 812 247 таси сурункали касалликлар, 19 114 таси эса туғруқлар учун чақирилган.
Тошкент вилоятида хизмат вазифасини бажараётган ИИБ ходими пичоқланди
Тошкент туманида оилавий жанжал бўйича чақирув олган ИИБ ходими пичоқланди. У ошхона пичоғи ушлаган шахсдан қуролсизланишни сўраган, аммо 56 ёшли фуқаро унга фаол қаршилик кўрсатиб, чап бел қисмини жароҳатлаган. Ходим ИИВ марказий госпиталига ётқизилди, фуқаро эса беш йилгача қамалиши мумкин.
Жиззахда 7-синф болани урган ўқитувчи ишдан олинди
Болалар омбудсманига келган мурожаат ўрганилганда Жиззах вилояти Зомин туманида мактаб ўқитувчиси вояга етмаган ўқувчининг юзига бир неча бор тарсаки уриб, уни ҳақорат қилгани маълум бўлди. Мактаб директори буйруғига асосан у билан тузилган меҳнат шартномаси бекор қилинди.
Швейцария аҳолиси ҳукумат иқлимга бепарволиги сабаб Европа судига арз қилиб, ютиб чиқди
Швейцариянинг кекса аҳолиси мамлакат ҳукуматининг иқлим бўйича ҳаракатсизлигига доир инсон ҳуқуқлари бўйича Европа суди ишида ғолиб чиқди. Ҳаддан ташқари иссиқ ҳаво уларнинг соғлиғига зиён етказиб, ўлим хавфини юзага келтирмоқда. Бу — иқлим ўзгариши билан боғлиқ тарихдаги биринчи қарор.
2024 йил март ойи ҳам кузатувлар тарихидаги энг иссиғи бўлди
Ўтган март ойи бутун дунё бўйлаб кузатувлар тарихидаги энг иссиқ март бўлди. Метеорологлар кетма-кет ўнинчи ой ойлик ҳарорат рекордини қайд этмоқда.
Шавкат Мирзиёев халқни Рамазон ҳайити байрами билан табриклади
Президент Рамазон ҳайити муносабати билан йўллаган табригида мамлакатдаги ислоҳотлар ислом динининг моҳияти ва ғоялари билан уйғун эканини айтди. У виждон эркинлигини таъминлаш, миллий ва диний қадриятларни тиклаш йўлидаги ишлар давом этишини таъкидлади.
Ўзбекистон ва Туркия президентлари бир-бирини Рамазон ҳайити билан табриклади
Шавкат Мирзиёев ва Ражаб Тоййиб Эрдоған телефон орқали мулоқотда бир-бирини Рамазон ҳайити байрами билан қутлади. Давлат раҳбарлари «қардош Ўзбекистон ва Туркия халқларига тинчлик-осойишталик, фаровонлик ва равнақ» тилаб, икки давлат ўртасидаги стратегик шериклик масалаларини ҳам муҳокама қилди.
Президент — Жиззах вилояти иқтисодиётини ривожлантириш имкониятлари ҳақида
Жиззах вилоятидаги маҳаллаларга экспортчи лидерлар бириктирилади, деди президент. Бундан ташқари, Иржар — Дўстлик — Жиззах йўналишида янги йўловчи поезди қатновини йўлга қўйиш, Айдар-Арнасой кўли атрофида «туризм ҳалқаси» яратиш ва қишлоқ хўжалигини ривожлантириш режалаштирилган.
«Ziyouz.com» 20 ёшга тўлди
Ўзбек тилидаги энг йирик онлайн-кутубхона — «Ziyouz.com» ишга тушганига 20 йил тўлди. Порталда минглаб насрий, ўн минглаб шеърий асар, мингларча илмий-маърифий мақола тўпланган. «„Ziyouz.com“ халқимизнинг зиёли бўлмоғига […] ҳисса қўшаётганидан бахтлиман», дейди лойиҳа асосчиси Давронбек Тожиалиев.
«Шарлар чархпалакдан эмас, 5 метр баландликдаги темирлардан ёғдирилади». Экология бошқармаси — «Ашхобод» сайилгоҳида 20 мингта пуфак туширилиши ҳақида
Тошкент шаҳри Экология бошқармаси 10 апрель куни «Ашхобод» сайилгоҳидаги чархпалакдан 20 мингта шар ёғдирилиши ҳақидаги хабарга муносабат билдириб, шарлар 5 метр баландликдаги балкалардан туширилишини билдирди. Ташкилотчилар экологияга зарар етказмаслик тўғрисида огоҳлантирилди, деб ёзди бошқарма.
Тошкент шаҳри ҳокимлигига матбуот котиб тайинланди
Бунгача пойтахт ҳокимлиги матбуот хизматида ишлаб келган Гулноза Касимова Тошкент шаҳри ҳокимининг матбуот котиби ва ахборот сиёсати масалалари бўйича маслаҳатчиси этиб тайинланди.
Шавкат Умурзоқов ҳоким этиб тасдиқланганидан сўнг Тошкентдаги барча туманларни айланиб чиқди (фото, видео)
Ўтган ҳафтада Тошкент шаҳри ҳокимлигига тасдиқланган Шавкат Умурзоқов тайинловдан сўнг пойтахтдаги барча туманни айланиб чиқди. У ишчи гуруҳ билан маҳаллаларга бориб, камчилик ва муаммоларни муҳокама қилди. «Газета.uz» ҳокимнинг 4 кунлик ўрганишлари акс этган видео ва суратларни жамлади.
Дам олиш кунлари Тошкентда қаерларга бориш мумкин? (10−14 апрель)
Боғлар ва савдо марказларидаги шоу-дастурлар ҳамда концертлар, очиқ осмон остидаги кинонамойишлар, «Ҳумо Баҳор Фест», кўргазмалар, арт-бозор, спектакллар, болалар учун тадбирлар ва кетма-кет дам олиш кунларидаги бошқа қизиқарли тадбирлар — Afisha.uz жамланмасида.
Қорақалпоғистонда фуқарони 11 минг долларга ДХХга ишга киритиб қўймоқчи бўлган шахс қўлга олинди
Нукусда фуқаронинг ишончига кириб, 11 минг долларга ДХХ органларига ишга киритиб қўйишни ваъда қилган шахс ушлангани айтилмоқда. Аниқланишича, у аввал ҳам 4 кишини фирибгарлик билан ДХХга ишга жойлаш эвазига 65 минг доллар олган. Беш марта судланган фуқарога яна фирибгарлик бўйича жиноят иши очилди.
Рўзадорлар учун сув ва хурмо, болаларга велосипед ҳамда ифтор дастурхони. «Сен дунёга кераксан» жамоасининг Рамазондаги фаолияти ҳақида
«Сен дунёга кераксан» кўнгиллилар жамоаси Рамазон ойида Тошкент шаҳрида «Йўлда ифторлик» лойиҳасини ўтказиб, 21 мингдан зиёд рўзадорга сув ва хурмо тарқатди. Шунингдек, Тошкент вилоятида кам таъминланган оилалар учун 100 кишилик ифтор дастурхони ёзилди, 20 нафар болага велосипед тақдим этилди. Фото.
Қўшимча имкониятлардан фойдаланиш учун сайтда рўйхатдан ўтинг