Президент армияни замонавий қурол ва ҳарбий воситалар билан таъминлаш зарурлигини айтди
Шавкат Мирзиёев мудофаа вазирига қўшинлар фаолиятини рақамлаштириш, Қуролли кучлар тузилмасини такомиллаштириш, миллий армияни замонавий қурол-аслаҳалар билан таъминлаш бўйича топшириқ берди.
АҚШ Ўзбекистон, Қозоғистон ва Қирғизистон компанияларига қарши санкциялар киритди
АҚШ Молия вазирлиги Ўзбекистон, Қозоғистон ва Қирғизистоннинг бир қанча компанияларига чекловларни четлаб ўтиб, Россияга маҳсулот етказиб бергани учун санкциялар киритди.
Техник жиҳатдан тартибга солиш агентлиги ҳукумат бўйсунувига ўтказилади
Инвестициялар, саноат ва савдо вазирлиги ҳузуридаги Техник жиҳатдан тартибга солиш агентлиги ҳукумат бўйсунувига ўтказилади.
«Док-1 Макс» иши: жабрланганлар ва айбдорлар кўпроқ бўлиши мумкин, алоҳида тергов ҳаракатлари олиб борилмоқда
«Док-1 Макс» иши судига раислик қилувчи Мусо Юсуповга кўра, доридан заҳарланганлар сони аслида кўпроқ экани юзасидан мурожаатлар бўлган, бу бўйича тергов ўтказилмоқда. Шунингдек, яна бир неча шахс, жумладан, Фармагентлик раҳбари собиқ ўринбосари Эгамовга нисбатан тергов органига хабарнома юборилган.
Акмал Жуманазаров Техник жиҳатдан тартибга солиш агентлиги директори бўлди
Президент қарори билан шу пайтгача энергетика вазири ўринбосари сифатида ишлаб келган Акмал Жуманазаров Техник жиҳатдан тартибга солиш агентлиги директори этиб тайинланди.
Зеленский: урушнинг икки йилида 31 минг Украина аскари ҳалок бўлди
Украина президенти Владимир Зеленский Россияга қарши икки йилдан бери давом этаётган кенг кўламли урушда 31 минг украиналик аскар ҳалок бўлганини айтди. Бундан ташқари, мамлакатнинг босиб олинган ҳудудларида яна ўн минглаб тинч аҳоли вафот этган.
«Док-1 Макс» иши бўйича суд якунида кимга қандай ҳукм ўқилди?
Болаларнинг «Док-1 Макс»дан заҳарланиб вафот этгани бўйича суд 23 нафар айбланувчига нисбатан ҳукм чиқарди. Уларнинг 7 нафарига озодликдан маҳрум этиш, 14 нафарига озодликни чеклаш, 1 нафарига ахлоқ тузатиш ишлари ва 1 нафарига жарима жазоси қўлланди. Батафсил.
Бекободда бандликка кўмаклашиш бўлими бошлиғи ва бош ҳисобчиси 950 млн сўм пулни талон-торож қилганликда гумонланмоқда
Тошкент вилоятининг Бекобод туманида камбағалликни қисқартириш ва бандликка кўмаклашиш бўлими бошлиғи ва бош ҳисобчиси тадбиркорлар билан келишиб, расмий ҳужжатларга сохта маълумотлар киритиш эвазига 950 млн сўм пулни талон-торож қилганликда гумонланмоқда. Уларга нисбатан жиноят иши қўзғатилди.
«Док-1 Макс»дан вафот этган ва соғлиғи ўта оғир ҳар бир бола учун 1 млрд сўмдан ундириб берилади
Суд «Док-1 Макс»дан вафот этган 68 нафар бола ва соғлиғи ўта оғир аҳволдаги 4 нафар боланинг ҳар бири учун 1 млрд сўмдан маънавий зарар ундирилиши ҳақида қарор қилди. Соғлиғи қониқарли 4 нафар бола учун 500 млн сўмдан, соғлиғи яхшиланган 8 нафар бола учун эса 200 млн сўмдан ундирилиши белгиланди.
«Док-1 Макс» иши: Сардор Кариев 18 йил, Quramax директори эса 20 йилга қамалди
«Док-1 Макс» дори воситаси билан боғлиқ жиноят иши бўйича суд қарорига кўра, Фармацевтика агентлиги собиқ директори Сардор Кариев 18 йил, унинг ўринбосарлари 16 йил, Quramax Medikal директори Рагневдра Пратар эса 20 йилга озодликдан маҳрум этилди.
Автобуслар билан боғлиқ носозлик ва ЙТҲлар кўпайгани сабаб 5 нафар масъул ходим ишдан олинди
«Тошшаҳартрансхизмат» автобуслар билан боғлиқ техник носозликлар, туташ ҳолатлари ва йўл-транспорт ҳодисалари кўпаётгани ортидан 5 нафар масъул ходимни ишдан олди.
Шавкат Мирзиёев Туркия президентини 70 ёши билан табриклади
Ўзбекистон президенти Туркия етакчиси Ражаб Тоййиб Эрдоғанга қўнғироқ қилиб, уни 70 ёши билан табриклади. Суҳбатда Шавкат Мирзиёев «замонавий Туркиянинг барпо этилиши ва глобал майдондаги нуфузи юксалишида» унинг ўрни юқорилигини таъкидлади.
Якшанба куни электр энергиясига киритилган чекловлар ошди — Энергетика вазирлиги
25 февралда Ўзбекистонда кунлик электр энергияси ишлаб чиқариш камайди. Вазирлик хабарига кўра, электр энергиясини етказиб бериш бўйича чекловлар кўлами кенгайтирилди. «Ўзбекнефтгаз» дам олиш кунлари ёқилғи қуйиш шохобчаларига қўшимча 1000 тонна бензин етказиб берганини маълум қилди.
Бандлик вазирлиги бўлими бошлиғи Оҳангарон шаҳрига ҳоким бўлди
Тошкент вилояти Оҳангарон шаҳрига Музаффар Ражаббоев ҳоким этиб тайинланди. У бунгача Камбағалликни қисқартириш ва бандлик вазирлигида бўлим бошлиғи лавозимида ишлаган. Шаҳарнинг собиқ ҳокими февраль бошида лавозимини тарк этганини эълон қилиб, аҳолига миннатдорлик билдирганди.
UNG Petro шохобчаларида Аи-80 бензини нархи ошди
26 февралдан UNG Petro ёнилғи қуйиш шохобчаларида Аи-80 бензини нархи 6800 сўмдан 7000 сўмгача қимматлашди. Охирги бир ой ичида ушбу маркадаги бензин тақчиллиги кузатилмоқда.
Ўзбекистонда беш йил ичида вояга етмаганлар содир этган жиноятлар 4,4 баробарга ошди
Ўзбекистонда 2023 йилда қарийб 3600 нафар вояга етмаганлар жиноят содир этди. Беш йил давомида бу кўрсаткич қарийб 4,4 баробарга ошди. Йил давомида товламачилик 70, безорилик 60, қасддан баданга оғир шикаст етказиш 40, номусга тегиш ва одам ўлдиришга уриниш эса 20 фоизга кўпайди.
Ҳафта давомида вақти-вақти билан қор ва ёмғир ёғади
Қишнинг сўнгги кунлари ва баҳорнинг биринчи куни Ўзбекистонда об-ҳавонинг беқарор шароити сақланиб туради. Ҳудудларда вақти-вақти билан ёмғир ва қор ёғади. Ҳарорат кечалари 0…-5, кундузи +2…+7 даража бўлади. Баъзи жойларга туман тушади. Пойтахтда эса 28 февраль ва 1 мартда ёғингарчилик кузатилади.
Бир кунда 2 та автобусда ёнғин содир бўлди — «Тошшаҳартрансхизмат»
Душанба куни тонгда 174-сонли Mercedes-Benz автобусининг тормоз тизимидаги носозлик сабаб ёнғин содир бўлди. Шунингдек, 33-сонли Mercedes-Benz автобусида қисқа туташув туфайли ёнғин келиб чиқди. Ҳодисалар оқибатида жароҳат олганлар йўқ, дея маълум қилди «Тошшаҳартрансхизмат».
«Бунёдкор» Ривалдо ва Денилсонга 9,2 млн евро тўлаши керак — ФИФА қарори
Халқаро футбол федерацияси (ФИФА) тартиб-интизом қўмитаси Ўзбекистоннинг «Бунёдкор» клубини бразилиялик футболчиларга қарийб 9,2 миллион евро (тахминан 124 миллиард сўм) тўлаш мажбуриятини юклади. Томонлар ўртасидаги молиявий можаролар 2010 йилдан бери давом этиб келмоқда.
Бухоронинг тарихий қисми яқинидаги туристик марказ лойиҳаси 470 млн долларга баҳоланмоқда
Бухоронинг тарихий қисми билан чегарада этнографик сайёҳлик маркази қурилиши 470 млн долларга баҳоланмоқда. Ҳокимлик ЮНЕСКО хулосасини олгандан кейингина якуний қарор қабул қилиб, қурилиш ишларини бошлашини билдирганди, бироқ стадионни бузиш ишлари аллақачон бошлаб юборилган.
Қўшимча имкониятлардан фойдаланиш учун сайтда рўйхатдан ўтинг