Испан компанияси Ўзбекистонда сувни тежайдиган технологияларни жорий этиши мумкин
Мадриддаги Ўзбекистон элчихонасида Испаниянинг BioGreen Road компанияси вакиллари билан қишлоқ хўжалигида сув ресурсларини бошқариш соҳасида ҳамкорликни йўлга қўйиш масалалари муҳокама қилинди. Компания сувни гелга макромолекуляр айлантириш технологияси тақдимотини ўтказди.
Транспорт прокуратураси Туризм қўмитасидан Умра зиёрати билан шуғулланувчи 39 та турфирма фаолиятини тўхтатиб туришни сўради
Транспорт прокуратураси Туризм қўмитасидан Panorama Airways хусусий авиакомпанияси билан ҳамкорлик қилган ва минглаб Ўзбекистон фуқароларини Саудия Арабистонида қолиб кетишига сабабчи бўлган 39 та турфирма фаолиятини тўхтатиб туришни сўради. Турфирмаларнинг мансабдорларига жиноий иш қўзғатилган.
Ўзбекистонда газ, нефть ва бошқа энергия ресурсларини қазиб олиш ҳажми пасайишда давом этмоқда
Январь якуни бўйича Ўзбекистонда газ қазиб олиш ҳажми 3,99 млрд куб метрни ташкил этди, бу 2023 йил январига нисбатан 9,4 фоизга кам, сўнгги ойлардаги ҳажмлардан эса юқори. Нефть, кўмир, бензин ва дизель ёнилғиси ишлаб чиқариш ҳажми ҳам пасайган. Ишлаётган саноат корхоналари 25,2 мингтага камайди.
BOMCA Ўзбекистон давлат идораларига чегара назоратини яхшилаш учун ускуналар топширди
Марказий Осиёда чегараларни бошқаришга кўмаклашиш дастури Ўзбекистон давлат идораларига чегара божхона, фитосанитария ва ветеринария назоратини яхшилаш учун қиймати 54,5 минг евролик ускуналар совға қилди.
Ўзбекистонга 2023 йилда 7 миллионга яқин сайёҳ келди
2023 йилда Ўзбекистонга 7 млн нафарга яқин чет эл фуқароси туристик мақсадларда келди. Уларнинг мамлакатда қолиш муддати ўртача тўрт кунгача узайди, бу 2022 йилга нисбатан 1,3 баробарга кўп, дейди Туризм қўмитаси раиси Умид Шадиев.
Uzum Market бутун мамлакат бўйлаб сотувчилар учун логистикани соддалаштиради
Энди Uzum Market`га товарларни қабул қилиш Ўзбекистон бўйлаб яна 32 та пунктларда амалга оширилади. Бугунги кунда тадбиркорлар мамлакат бўйлаб 34 та аҳоли пунктларида товарларини топширишлари мумкин.
Тошкентда 12 ёшли ўқувчининг тўп тегиб вафот этгани бўйича жиноий иш қўзғатилди
Октябрда Тошкентдаги 259-мактабда жисмоний тарбия дарсида 12 ёшли бола копток тегиб, вафот этгани юзасидан ўз вазифаларини лозим даражада бажармаслик моддаси билан жиноят иши қўзғатилди. Бир неча кун аввал шу мактабнинг футбол майдони олдидан ҳушсиз топилган 3-синф ўқувчиси шифохонада вафот этганди.
Тошкент бир муддат ҳаво ифлосланиши бўйича дунёда етакчилик қилди
Тошкент чоршанба тонгида ҳаво ифлосланиши бўйича дунё етакчилари қаторидан яна жой олди. Ичкаридаги датчиклар ҳам юқори даражадаги ифлосланишни кўрсатди. Бунинг сабаблари об-ҳаво шароити, мазутдан фойдаланишнинг кўпайиши ва қор ёғиши пайтида кўчаларга тупроқли аралашмалар сепилгани бўлиши мумкин.
Контрабанда йўли билан олиб келинган жами 6 кг наркотик моддалар тўхтатиб қолинди — ДХХ
Навоий, Самарқанд, Наманган ва Фарғона вилоятларида қўшни давлатлардан олиб кирилган наркотик моддалари савдоси билан шуғулланишда гумонланган шахслар қўлга олинди.
Халқаро IT сертификат олган ёшларга имтиҳон харажатларининг 60 фоизгача қисми қоплаб берилади
Ўзбекистонда халқаро IT сертификат олган ёшлар имтиҳон харажатларининг 60 фоизигача қисми миқдорида компенсация олиши мумкин. Аввал юқори даражадаги бундай сертификатга 50 фоиз компенсация тўланарди. Агар мутахассисда инглиз тилидан B2 даража бўлса, IT сертификатни олиш харажатлари тўлиқ қопланади.
Жиззахда туман ҳокимининг собиқ ўринбосари пора олишда айбланиб, 10 йилга қамалди
Янгиобод тумани ҳокимининг собиқ ўринбосари 10 йилга озодликдан маҳрум этилди. У фуқаро билан келишиб, тадбиркорга шамол электр станцияларини қуриш учун 200 гектар ер олиб беришни ваъда қилган ва бунинг учун 200 минг доллар сўраган.
ОКМК фабрикасида ўнлаб ишчиларни том босиб қолгани бўйича жиноят иши қўзғатилди
Тошкент вилояти Олмалиқ кон-металлургия комбинати 3-сонли мисни бойитиш фабрикасида темир конструкциялар қулаб тушгани юзасидан меҳнатни муҳофаза қилиш қоидаларини бузиш моддаси бўйича жиноят иши очилди. Ҳодиса оқибатида 3 киши ҳалок бўлган, ўнлаб одамлар жароҳат олган.
Ўзбекистонда куздан ижтимоий карта жорий этилади
Ўзбекистонда 1 октябрдан ижтимоий ёрдам олувчи фуқаролар учун ижтимоий карта жорий этилиши режалаштирилмоқда. Ушбу карта орқали транспорт ва коммунал соҳаларда имтиёзлардан фойдаланиш мумкин бўлади.
Шавкат Мирзиёев амалий ташриф билан Россияда бўлади
Шавкат Мирзиёев Владимир Путиннинг таклифига биноан 21 февраль куни амалий ташриф билан Россияга боради. Давлат раҳбари Қозон шаҳрида «Келажак ўйинлари» мусобақасининг тантанали очилиш маросимида иштирок этади. Қолаверса, икки давлат етакчиларининг учрашуви ҳам режа қилинган.
Қозоғистон раҳбари давлат хизматчиларининг маошларини хусусий сектор билан рақобатбардош қилишни таклиф қилди
Қозоғистон президенти Қосим-Жомарт Тоқаев давлат хизматчиларининг маошларини хусусий секторники билан рақобатбардош қилишни ва давлат хизматига кадрлар ёллашни «эркинроқ» қилишни таклиф қилди. У давлат аппаратида аёллар сонини кўпайтиришга ҳам чақирди, чунки улар коррупцияга «мойил эмас».
Бухоро вилояти прокурори ўзгарди
Маҳмуд Истамов ўрнига Қўқон шаҳрининг собиқ прокурори Улуғбек Хамдамов Бухоро вилояти прокурори этиб тайинланди. Бир неча кун аввал вилоятнинг Когон тумани прокурори 90 минг доллар пора олаётган вақтида қўлга олинганди.
АҚШ Ғазода ўт очишни вақтинча тўхтатиш бўйича резолюция тайёрлади — ОАВ
АҚШ Ғазо секторида ўт очишни вақтинча тўхтатиш бўйича БМТ резолюциясини тайёрлади. Ҳужжат, шунингдек, Исроилнинг Рафаҳ шаҳрида амалга оширишни режалаштирган қуруқликдаги операцияси оқибатларидан огоҳлантиради. Вашингтон биринчи марта Исроил ва ХАМАС ўртасидаги сулҳни очиқча қўллаб-қувватламоқда.
Озарбайжон холдинги Тошкентда Ritz-Carlton меҳмонхонасини қуриши мумкин
Озарбайжоннинг Pasha Holding компанияси Тошкентда беш юлдузли Ritz-Carlton меҳмонхонаси қуришни режалаштирмоқда. Лойиҳа қиймати 200 млн долларга баҳоланмоқда.
Ўзбекистонда 2024 йил ёзи одатдагидек бўлади — Ўзгидромет
Эль-Ниньо табиий ҳодисаси туфайли Ўзбекистонда 2024 йилнинг ёзи кузатувлар тарихидаги энг иссиғи бўлиши ҳақида хабарлар тарқалди. Ўзгидромет Ўзбекистонда одатдаги иссиқ ёз фасли бўлишини маълум қилди. Шунингдек, қуруқ куз, яъни ёғингарчилик миқдори меъёрдан паст бўлиши кутилмоқда.
Ўзбекистон Россия гази импортини ошириш учун 500 млн доллар ажратишни режалаштирмоқда
Ўзбекистон ҳукумати «шимолдан» газ импорти ҳажмини ошириш учун магистрал газ тизимини 500 млн долларга модернизация қилмоқчи. Ўзбекистон ҳозирда бу йўналиш орқали Россия газини олади. Етказиб бериш ҳажмини кунига 9 млн куб метрдан 32 млн куб метргача ошириш режалаштирилган.
Қўшимча имкониятлардан фойдаланиш учун сайтда рўйхатдан ўтинг