Навоийда 24 ёшли маҳкум ўз жонига қасд қилди
Одам ўлдириш билан боғлиқ жинояти учун Навоий шаҳридаги колонияда сақланган 24 ёшли маҳкум ўз жонига қасд қилди. Омбудсман матбуот хизмати у руҳиятида ўзгариши бор маҳкумлар рўйхатида тургани, «ноодатий хатти-ҳаракатлари» сабабли ўлимидан бир кун аввал алоҳида сақлана бошлаганини билдирди.
Ўзбекистонда йил давомида 9,2 тоннага яқин гиёҳвандлик воситалари мусодара қилинди
Ўзбекистон божхоначилари томонидан йил давомида қарийб 9,2 тонна гиёҳвандлик воситалари мусодара қилинди. Бу ўтган йилгидан 12 баробарга кўр. Уларнинг катта қисми — 8,5 тоннаси сентябрь ойида қандолат кўкнориси деб кўрсатилган рекорд партия бўлди.
Ўзбекистондан Қирғизистонга салкам 600 минг доллар ўтказмоқчи бўлганларга ҳукм ўқилди
Наманган туман суди Ўзбекистондан Қирғизистонга 590 минг АҚШ долларини ўтказмоқчи бўлган 4 нафар шахсга ҳукм ўқиди. Айбланувчиларнинг 2 нафари 5 йилга, яна 2 нафари эса 5 йил 6 ойга озодликдан маҳрум қилинди.
«Блицда мен фаворитман, тезкорда эса кўпчилик, жумладан, Абдусатторов ютиши мумкин» — Магнус Карлсен
Самарқандда шахматнинг тезкор ва блиц йўналишлари бўйича жаҳон чемпионатининг очилиш маросими ва матбуот анжумани бўлди. Амалдаги жаҳон чемпиони Магнус Карлсен турнир учун ўз прогнозини айтди: «Ўзимни блицда фаворит деб биламан, рапидда эса кўпчилик, жумладан, Нодирбек Абдусатторов ютиши мумкин».
Ўзбекистонда 2024 йилда иқтисодий ўсиш секинлашиб, инфляция тезлашади — ХВЖ миссияси
ХВЖ миссияси Ўзбекистонда 2024 йилда иқтисодий ўсиш 5,7 дан 5,2 фоизгача секинлашиши, инфляция эса энергия тарифлари ошиши ҳисобига 11 фоизгача тезлашишини кутмоқда. Қатъий пул-кредит сиёсатини давом эттириш, бюджет харажат ва даромадларини сезиларли даражада оптималлаштириш зарурлиги қайд этилди.
Президент 2024 йил учун давлат бюджетини тасдиқлади
Шавкат Мирзиёев «2024 йил учун Ўзбекистон Республикасининг Давлат бюджети тўғрисида»ги қонунни имзолади. 2024 йил учун консолидациялашган бюджет тақчиллигининг чекланган миқдори ЯИМнинг 4 фоизи миқдорида белгиланди.
Дори моддаларини давлат рўйхатидан ўтказишга оид норма бекор қилиниши мумкин
Депутатлар дори моддалари (субстанциялар)ни давлат рўйхатидан ўтказишга оид нормани бекор қилиш назарда тутилган қонун лойиҳасини қабул қилди. Шунингдек, лойиҳада ССВ ваколатидан рецептсиз бериладиган дори воситалари рўйхатини йилига камида бир марта тасдиқлаш нормаси чиқарилмоқда.
Покистон ҳаво ифлосланишига қарши курашишда сунъий ёмғирдан фойдаланди
Покистон ҳукумати Лаҳордаги ҳаво ифлосланишига қарши курашиш учун илк бор сунъий ёмғир ёғдирди. Жараён бир муддат ҳаво сифатини яхшилади, аммо бу кўпга чўзилмади. Фаоллар атроф-муҳит ифлосланишини дарахтлар кесилиши, қурилиш ишлари ва чиқинди газлар билан боғламоқда.
Мактаб директори лавозимига номзодлар менежерлик ўқув курсларида ўқитилади
Вазирлар Маҳкамаси қарори билан 1 январдан мактаб директори лавозимига номзодларни менежерлик ўқув курсларида ўқитиш ҳамда махсус портал орқали уларга менежерлик сертификатини электрон бериш тизими жорий қилинади. Сертификатга эга директорлар 3 йил давомида малака ошириш курсларидан озод этилади.
Тошкентда камералар автобус йўлакларида тўхтаганлик учун бир кунда 175 та жарима қайд этди
24 декабрь куни Тошкентнинг Амир Темур ва Алишер Навоий кўчаларида ўрнатилган бешта камера автобус йўлагида тўхтаган 175 нафар ҳайдовчига жарима солди.
Тошкент вилоятида 13 ёшли қизга ўгай онаси томонидан зўравонлик қилингани аниқланди
Зангиота туманида 13 ёшли қизга нисбатан ўгай онаси томонидан зўравонлик қилингани аниқланди. Аёлнинг руҳий ҳолатига ҳуқуқий баҳо бериш учун экспертиза тайинланди.
16 киши Фанлар академиясининг ҳақиқий аъзолигига тасдиқланди
Президент Фанлар академиясининг 16 нафар янги ҳақиқий аъзосини тасдиқлади. Улар орасида қатор илмий муассасалар раҳбарлари ва ходимлари бор. Бунгача ФАнинг ҳақиқий аъзолари рўйхати 2017 ва 1995 йилларда тўлдирилганди.
Ўзбекистонда оиладаги зўравонликни қораловчи ва муваффақиятли хотин-қизларга бағишланган фильмлар суратга олинади
Оилага тайёргарлик мавзулари мактаб ўқув дастурига биология ва тарбия фанлари доирасида киритилади. Она тили ва чет тили фанларида ўқувчиларга «оила муқаддаслигини очиб берадиган» мавзулар ўқитилади. Оиладаги зўравонликни қораловчи ва муваффақиятли хотин-қизларга аталган кино ва рекламалар ишланади.
2030 йилга бориб давлат органлари ва корхоналари раҳбарлигидаги аёллар улуши 30 фоизга етказилиши керак
Президент қарорига кўра, 2030 йилга бориб давлат идоралари раҳбариятининг камида 30 фоизи аёллардан иборат бўлиши керак. Шунингдек, кийим-кечак ишлаб чиқарувчи аёл тадбиркорларнинг ижара ҳақи қисман қопланади, хотин-қизлар томонидан етиштириладиган маҳсулотлар бўйича фьючерс шартномалари тузилади.
«Демак, бизни алдаган бўлиб чиқяпсизлар». Депутат газ ва нефть ишлаб чиқарувчи компанияларга бериладиган имтиёзларга қарши чиқди
Фойдали қазилмалар қазиб олувчи компаниялар учун навбатдаги имтиёзни жорий этиш режа қилинмоқда. Келаси 2 йилда металл ва углеводородлар қазиб олишни бошлайдиганлар рента солиғидан умрбод озод этилиши мумкин. Депутат Дониёр Ғаниев бунга қарши чиқса-да, ҳамкасблари нормани барибир қабул қилди.
Байрам кунлари Тошкентдаги автобуслар қисқартирилган жадвал асосида ҳаракатланади
Тошкентда автобуслар 30 декабрдан 2 январга қадар якшанба кунлари учун тасдиқланган жадваллар асосида, 6 январь — шанба куни эса иш кунлари учун тасдиқланган жадваллар асосида ҳаракатланади.
Бухорода аҳолига ажратилган 800 тоннадан ортиқ кўмир талон-торож қилингани аниқланди
Бухоронинг Вобкент, Олот, Қоракўл ва Жондор кўмир омборларида аҳолига имтиёзли нархда етказиб берилиши керак бўлган 806,4 тонна кўмир ноқонуний сотиб юборилгани маълум бўлди.
Тошкент вилоятида 13 ёшли қизни зўрлаган собиқ ИИБ ходими 15 йилга қамалди
Бўстонлиқ тумани суди 31 ёшли собиқ профилактика инспекторини вояга етмаган қизнинг номусига тегишда айбдор деб топиб, унга 15 йилга озодликдан маҳрум қилиш жазосини тайинлади. Жиноят учун шарт-шароит яратиб берган 3 кишига нисбатан иш очиш масаласи бўйича прокурорга хабар юборилди.
Президент амалий ташриф билан Россияга жўнаб кетди
Шавкат Мирзиёев 25 декабрь куни амалий ташриф билан Санкт-Петербург шаҳрига жўнаб кетди. Давлат раҳбари МДҲ мамлакатлари раҳбарларининг норасмий саммитида иштирок этади.
Зўравонлик кузатилган оилаларда ярашиш муддатисиз эр-хотинни ажратиш режалаштирилмоқда
Зўравонликка учраган жабрланувчининг талабига кўра суд томонидан никоҳдан ажратиш тўғрисидаги ишларнинг соддалаштирилган тартибда, ярашиш учун муҳлат тайинламасдан ҳал қилув қарори чиқариши мумкин. Мазкур қонун лойиҳасини тайёрлаш Вазирлар Маҳкамаси ва Олий судга топширилди.
Қўшимча имкониятлардан фойдаланиш учун сайтда рўйхатдан ўтинг