Суриядаги вазиятни ёритаётган ўзбекистонлик шахсга қидирув эълон қилинди, у — террористик ташкилот аъзоси
Ўзбекистон Давлат хавфсизлик хизмати Суриядаги вазият ҳақида видеолар эълон қилиб бораётган, халқаро террорчилик ташкилотига аъзо Худоёр Нуриддиновга нисбатан жиноий иш қўзғатиб, қидирув эълон қилди.
Туғилиш даражасини ошириш учун Токиода 4 кунлик иш ҳафтаси жорий этилади
Япония пойтахти Токиода 2025 йил апрелдан ишчи оналарга ёрдам кўрсатиш ва туғилиш даражасини ошириш учун 4 кунлик иш ҳафтаси жорий қилинади. 2023 йилда 727,2 мингта туғилиш қайд этилган бўлиб, бир аёлга тўғри келадиган бола сони 1,2 тагача пасайиб кетган.
Жанубий Корея парламенти президентга нисбатан тергов бўйича махсус прокурор тайинланишини маъқуллади
Жанубий Корея парламенти президент Юн Сок Ёлга қарши айбловларни тергов қилиш учун махсус прокурор тайинлаш тўғрисидаги қонун лойиҳасини қабул қилди. Шунингдек, президент давлатга хиёнат ва ўз ваколатини суиистеъмол қилиш иши бўйича гумон қилинмоқда ва мамлакатни тарк этиши тақиқланган.
ЎзТМК 2030 йилга келиб вольфрам ишлаб чиқаришни 50 баробарга оширишни режалаштирмоқда
«Ўзбекистон технологик металлар комбинати» 2030 йилга келиб молибден ишлаб чиқаришни қиймат жиҳатидан 3,4 баробар, вольфрамни эса 50 баробарга кўпайтиришни режалаштирмоқда.
Исроил Суриядаги 250 дан ортиқ ҳарбий объектга ҳужум қилди
Исроил Суриядаги энг муҳим 250 дан ортиқ ҳарбий объектга, жумладан, Россия базалари жойлашган Латакияга ҳаво ҳужумларни уюштирди. Аввароқ Исроил ҳарбийлари 50 йил ичида биринчи марта Сурия ҳудудига кирганди.
Алишер Муратов камбағалликни қисқартириш ва бандлик вазири ўринбосари бўлди
Алишер Муратов камбағалликни қисқартириш ва бандлик вазири ўринбосари этиб тайинланди. У бунгача Бизнесни ривожлантириш банки бошқаруви раиси биринчи ўринбосари лавозимида ишлаб келаётганди.
Uzbekistan Airways Янги йил арафасида талабалар учун чегирма эълон қилди
Uzbekistan Airways давлат муассасасида таҳсил олувчи талабалар учун барча маҳаллий авиақатновларнинг эконом-класс авиачипталари тарифларига 50 фоизгача чегирма эълон қилди.
Махсус иқтисодий зоналар маъмурий кенгашлари тугатилади
«Махсус иқтисодий зоналар тўғрисида»ги қонунга ўзгартириш ва қўшимчалар киритилди. Унга кўра, МИЗ маъмурий кенгашлари тугатилиб, уларнинг вазифалари дирекциялар зиммасига юклатилади.
Ўзбекистонда 10−15 декабрь кунлари об-ҳаво қандай бўлади? «Газета.uz» шарҳи
Ҳафтанинг биринчи ярми жуда совуқ бўлиши, иккинчи ярмидан эса ҳарорат аста кўтарилиши, хусусан, жанубда шанба куни +15 даражагача илиқ бўлиши кутилади. Иш кунлари ёғинларсиз ўтади. Дам олиш кунлари эса, навбатдаги нам ҳаво оқимлари кириб келиши билан, айрим жойларда ёғингарчилик кузатилиши мумкин.
Ҳафта давомида ҳарорат аста-секин кўтарилади
Ўзбекистонда ҳафта давомида ҳарорат аста-секин кўтарилиб боради: кундуз кунлари 0…+12, кечалари −8…+5 даража атрофида бўлади. Ёғингарчилик кутилмайди. Фақат 13−14 декабрь кунлари айрим жойларда ёмғир ёғиши мумкин. Якшанбадан яна совуқ ҳаво массалари кириб келиши кутилмоқда.
Қибрайдаги супермаркет ва ош марказида содир бўлган ёнғин ўчирилди
10 декабрда Тошкент вилоятининг Қибрай туманидаги Havas супермаркети ва унга туташ бўлган ош марказида катта ёнғин чиқди. Воқеа жойига 16 та экипаж жалб қилинган, ёнғин 40 дақиқа давомида ўчирилган. Ҳодиса оқибатида тан жароҳати олган ва вафот этганлар йўқ. Видео.
Ўзбекистон ЕИга божсиз экспорт имтиёзларини 10 йилга узайтиришни таклиф қилди
Ўзбекистон ҳукумати Европа Иттифоқига GSP+ савдо имтиёзли режимини яна 10 йилга узайтиришни, шунингдек, божсиз экспорт қилинадиган товарлар рўйхатини кенгайтиришни таклиф қилди. Шунингдек, ўзбек маҳсулотларини Европа стандартларига мослаштириш масалалари ва бошқалар муҳокама қилинди.
Газ заправкаларга киритилаётган чеклов сабаб биржага чиқариладиган бензин ҳажми икки карра оширилади
Энергетика вазирлиги газ заправкалар фаолиятига чеклов киритилгани сабабли биржа савдоларига чиқарилаётган кунлик автобензин ҳажми икки баробар оширилишини маълум қилди. Бунинг учун барча ҳудудларда зарур миқдорда захиралар яратилган.
Ўзбекистон Покистон ва Таиланд билан ЖСТ бўйича музокараларни якунлади
Ўзбекистон Жаҳон савдо ташкилотига аъзо бўлиш бўйича Покистон ва Таиланд билан икки томонлама музокараларни якунлади. «Биз Ўзбекистоннинг ЖСТга аъзо бўлишини интиқлик билан кутяпмиз ва бу аъзолик унга кўпроқ савдо ва инвестициялар олиб келишига ишонамиз», — деди Таиланд вакили.
Ўзбекистонда газ қуйиш шохобчалари фаолиятига вақтинчалик чекловлар жорий этилмоқда
Энергетика вазирлиги кескин совуқ туфайли электр ва газга бўлган талаб сезиларли даражада ошганини маълум қилди. Қувурларда газ босимининг пасайиши сабабли бир қатор газ қуйиш шохобчаларининг фаолияти вақтинча чекланмоқда. Бироқ электр энергиясини етказиб беришга мажбурий чекловлар киритилмайди.
Янги Зеландия, Босния ва Герцеговина ҳамда Венесуэланинг Ўзбекистондаги янги элчилари тайинланди
Ташқи ишлар вазири Бахтиёр Саидов Янги Зеландия, Босния ва Герцеговина ҳамда Венесуэланинг Ўзбекистондаги янги элчилари билан учрашиб, ҳамкорлик масалаларини муҳокама қилди.
Қирғизистон президенти «Сукунат тўғрисида»ги қонунни имзолади
Қирғизистон президенти Садир Жапаров «Сукунат тўғрисида»ги қонунни имзолади. Ҳужжат аҳолини меъёрдан ортиқ товуш босими ва шовқиннинг зарарли таъсиридан муҳофаза қилиш мақсадида қабул қилинган. Иш кунлари соат 22:00 дан 07:00 гача, дам олиш кунларида 22:00 дан 09:00 гача шовқин солиш тақиқланади.
Жанубий Корея президентига мамлакатдан чиқиш тақиқланди
Жанубий Корея президенти Юн Сок Ёлнинг мамлакатдан чиқиши тақиқланди. Бундан ташқари, у давлатга хиёнатда ва ҳокимиятни суиистеъмол қилишда гумонланмоқда. Полиция уни сўроқ қилиши мумкинлигини истисно этмади.
Тошкентда автобус ва иккита енгил автомобиль иштирокида ЙТҲ содир бўлди
Тошкентнинг Юнусобод туманида автобус, Matiz ва Tracker-2 иштирокида «авария» содир бўлди. Ҳодиса оқибатида икки киши жароҳат олган.
АҚШ Суриядаги ИШИД позицияларига ҳаво зарбаларини йўллади
АҚШ Башар Асад режими қулагач, «террорчилар яна пайдо бўлишларига йўл қўймаслик учун» ИШИДнинг Суриядаги 75 дан ортиқ нишонига зарбалар берди. Байден ҳокимиятни ўтказиш жараёнида Оқ уйнинг Суриядаги барча гуруҳлар билан ҳамкорлик қилишини таъкидлади.
Қўшимча имкониятлардан фойдаланиш учун сайтда рўйхатдан ўтинг