Олимпиада олдидан минглаб бошпанасиз мигрантлар Париждан кўчирилди — NYT
Франция ҳукумати Олимпиада ўйинлари олдидан 5 мингга яқин бошпанасиз мигрантни Париждан кўчирди, деб ёзди The New York Times. Улар автобусларда бошқа шаҳарларга олиб кетилиб, махсус бошпаналарга жойлаштирилмоқда, шундан сўнг баъзилари депортация қилинмоқда.
Президент даромад солиғининг ярмини туман бюджетларида қолдиришни таклиф қилди
Президент жисмоний шахслардан олинадиган даромад солиғининг ярмини туман бюджетида қолдириш масаласини кўриб чиқишни буюрди. Бу орқали туманда манфаат кўпайиши, тадбиркорлар соядан чиқиши кутилмоқда. Ҳозирда кўплаб вилоят ҳокимликлари ЖШОДСнинг катта қисмини ўзларида сақлаб қолади.
Самарқандда Matiz ёниб кетди. Ёнғин йўл четидаги далага ҳам ўтди
Самарқандда қисқа туташув сабаб Matiz машинаси бутунлай ёниб кетди. Ёнғин йўл четидаги ғалладан бўшаган ер майдонига ҳам ўтди. Ўт ўчирувчилар ҳолатни 50 дақиқада бартараф этди.
Ўзбекистон ва Қозоғистон янги навигация йўлагини жорий этди
Ўзбекистон ва Қозоғистон парвозлар масофасини 40 км га қисқартирадиган янги навигация йўлагини жорий этди. Йўналиш йилига 50 тоннагача авиаёқилғини тежаб, атмосфера чиқиндиларини 250 тоннагача камайтиради, деди Транспорт вазирлиги. Ундан кунига 30 дан ортиқ авиакомпания самолётлари учиб ўтади.
Ҳокимликларда ички аудит хизматлари ташкил этилмоқда
Президент фармони билан, 12 та вилоят, Тошкент шаҳри ҳокимликлари ва Қорақалпоғистон Вазирлар Кенгаши тузилмасида ички аудит хизматлари ташкил этилади. Ҳисоб палатасида йўлга қўйиладиган янги шуъба уларни назорат қилиб боради.
Тўқимачилик ва ёғ кластерлари нархларни сунъий ошириб, 20 млрд сўм асоссиз даромад олгани аниқланди
Рақобат қўмитаси 40 га яқин пахта тўқимачилик ва ёғ-мой кластерлари томонидан юқори ликвидли ва монопол маҳсулотларнинг нархлари сунъий оширилганини аниқлади. Улар маҳсулотларни биржага жойлаштириш қоидаларини бузиб, 20 млрд сўм асоссиз даромад олган. Кластерларга нисбатан иш очилди.
Ўзбекистонда электромобиллар учун алоҳида электр энергияси ҳисоби юритилади
2024 йил якунига қадар электромобилларни қувватлаш ускуналари учун алоҳида ҳисоблагич ўрнатиш йўлга қўйилади. ҲЭТ масъулига кўра, фуқаролар яшаши учун алоҳида, электромобили учун алоҳида ток ишлатишни хоҳлайди. «Ҳозирда ҳисоб очишда Тошкент ва Самарқанд шаҳарларида муаммога учраяпмиз», — деди у.
Фото: «Ўзбеккосмос» далаларда сомонларнинг ноқонуний ёқиб юборилгани суратларини эълон қилди
«Ўзбеккосмос» агентлиги томонидан йил бошидан буён 23 273 гектарлик бошоқли дон экинларидан бўшаган ер майдонларида сомон поялари ва уларнинг қолдиқлари ёниши билан боғлиқ 1960 та ҳолат аниқланган.
Дам олиш кунлари Тошкентда қаерларга бориш мумкин? (13−14 июль)
Еттита кинопремьера, шеърият кечаси, қўл меҳнати буюмлари ярмаркаси, Tashkent City боғидаги Live jazz night концерти, кўргазмалар, болалар ва катталар учун маҳорат дарслари, «Сой бўйи» сайилгоҳида бепул шоу дастур ва дам олиш кунларидаги бошқа қизиқарли тадбирлар — Afisha.uz жамланмасида.
Ўзбекистоннинг экологик барқарор шаҳарлари рейтинги тузилди
Иқлим ўзгариши миллий маркази Ўзбекистондаги 14 та ҳудуднинг экологик барқарорлиги рейтингини тузди. Бунда 7 та жиҳат: ҳаво сифати, ердан фойдаланиш, сув истеъмоли, транспорт, энергия, чиқиндилар ва санитария мезон сифатида олинди. Наманган шаҳри етакчи бўлди, Нурафшон эса рўйхатни якунлади.
Рақобат қўмитаси «Бухоро ҳудудий электр тармоқлари»га нисбатан иш қўзғатди
Рақобат қўмитаси томонидан «Бухоро ҳудудий электр тармоқлари» АЖга нисбатан иш қўзғатилди. Корхона «Баҳоуддин Нақшбанд» ёдгорлик мажмуаси маркази учун электр энергия тарифларини ошириб қўллаган. Бунинг оқибатида 115 млн сўмлик қўшимча тўлов ҳисобланган.
Уй-жой бозоридаги фаоллик пасайиб, нархлар ўсиши секинлаша бошлади
Йил бошидан буён Ўзбекистон уй-жой бозорида савдолар сони 5,7 фоизга камайди. Нархларнинг ўсиш суръати секинлаша бошлади ва ўтган ойда атиги 0,3 фоизга ошди, Тошкентда эса ҳар квадрат метр учун 1142 долларгача — 1,1 фоизга пасайди.
Ўзбекистоннинг консолидациялашган бюджети ижроси ташқи аудитдан ўтказилади
Ўзбекистоннинг консолидациялашган бюджети ижроси ташқи аудитдан ўтказилади ва натижаси бўйича тегишли хулосалар тайёрланади. Шунингдек, 2025 йилдан устав фондида (устав капиталида) давлат улуши 50 фоиз ва ундан ортиқ бўлган йирик ташкилотлар фаолиятини аудитдан ўтказиш амалиёти йўлга қўйилади.
БМТ Бош ассамблеяси Россиядан Запорожье АЭСдан қўшинларини олиб чиқишни талаб қилди
БМТ Бош ассамблеяси Украина атом иншоотлари хавфсизлиги бўйича резолюцияни қабул қилди. Унда Россиядан Запорожье АЭСдан қўшинларини зудлик билан олиб чиқиб кетиш ва уни тўлиқ Украина ҳукумати назоратига қайтариш талаб этилади.
Чирчиқда Мухтор Ауэзов номидаги Жанубий Қозоғистон университетининг филиали очилади
Чирчиқ шаҳрида Мухтор Ауэзов номидаги Жанубий Қозоғистон университетининг филиали ташкил этилади. Филиалга белгиланган тартибда лицензия олингандан сўнг таълим фаолияти билан шуғулланишга рухсат этилади.
Июнда енгил автомобиллар савдоси 2021 йил охиридан бери энг паст даражага тушди
Июнь ойи якунига кўра, Ўзбекистонда 77,6 мингта енгил автомобиль олди-сотдиси рўйхатга олинди, бу 2021 йил декабридан бери энг паст кўрсаткичдир. Энг юқори пасайиш минилган автомобилларга тўғри келди.
Камбағалликни қисқартириш Ижтимоий ҳимоя агентлиги зиммасида бўлади
Камбағалликни қисқартириш ва ижтимоий ҳимоя масаласи Ижтимоий ҳимоя миллий агентлиги зиммасига юкланади, деди президент. Ҳозир камбағаллик масалалари билан Камбағалликни қисқартириш ва бандлик вазирлиги шуғулланади, олдин бунга Иқтисодий тараққиёт ва камбағалликни қисқартириш вазирлиги жавоб берган.
Фарғона вилоятида раҳбарлар ҳар куни 5 нафар тадбиркорни қабул қилади
Фарғона вилоятида раҳбарларнинг масъулиятини ошириш бўйича янги тизим жорий этилади, деди президент Қувадаги йиғилишда. Вилоят ҳокими, унинг ўринбосарлари, 19 та туман ва шаҳар ҳокимлари ҳар куни 5 нафар тадбиркор ва инвесторни қабул қилиб, уларнинг муаммоларини ҳал этади.
Россияда қаровсиз қолган 7 нафар бола Ўзбекистонга қайтарилди
Россияда қаровсиз ёки ота-онаси назоратисиз қолиб кетган, Вояга етмаганлар марказларида яшаётган 7 нафар вояга етмаган бола Ўзбекистонга қайтарилди. Энди улар ота-онаси ёки уларнинг ўрнини босувчи шахсларга топширилади.
Дам олиш кунлари ҳарорат пасайиши кутилмоқда
Дам олиш кунлари Ўзбекистон ҳудудига Волга бўйидан нисбатан салқин ва нам ҳаво кириб келиши кутилмоқда. Ҳарорат +30…+35 даражагача пасаяди. Айрим жойларда бироз ёмғир ёғиши ва момақалдироқ бўлиши мумкин.
Қўшимча имкониятларга эга булиш учун сайтда рўйхатдан ўтинг