Жамият
ДСҚ қурилишда солиқ тўлашдан қочиш схемаларини ўрганди
Ходимларнинг реал сони, бажарилган ишларнинг ҳақиқий ҳажмини яшириш, харажатларни сунъий равишда ошириб кўрсатиш — Солиқ қўмитаси томонидан Фискал институтида қурилиш соҳасида солиқ тўлашдан қочишга уриниш ҳамда бошқа схемалар фош этилди.
Хоразмда 40 сотих ерни $100 мингга олиб беришга уринган шахслар қўлга олинди
Гурлан туманида икки фуқаро танишлари орқали 100 минг доллар эвазига 40 сотих ер майдонини омборхона қуриш учун олиб беришга уринганликда айбланмоқда. Гумондорлар олдиндан 25 минг доллар ва 65 млн сўмни олганида ушланган. Уларга нисбатан жиноят иши қўзғатилди.
Сенаторлар Кинематография агентлиги фаолиятини танқид қилди
Сенаторлар Кинематография агентлиги раҳбари ҳисоботини тинглаб, унинг фаолиятини танқид қилди. Айтилишича, қароқчиликка қарши кураш ва муаллифлик ҳуқуқи ҳимоясида муаммолар бор, Кинематография академияси ва ҳудудий кинотеатрлар ташкил этилмаган, «Кинематография тўғрисида»ги қонун ишлаб чиқилмаган.
Туғуруқхонага $1400 эвазига ишга киритиб қўйишга уринган мансабдор қўлга тушди
РШТТЁИМ Самарқанд филиали директорининг ўринбосари фуқарони туғуруқхонага ҳамшира лавозимига ишга киритиб қўйишга уринганликда гумонланмоқда. У бунинг эвазига 1400 долларни олган вақтида ушланди. Унга нисбатан жиноят иши қўзғатилди.
Ўзбекистонда кадрлар билан ишлаш тизими тўлиқ рақамлаштирилади
Давлат ташкилотларининг штат тузилмалари, иш жадвали, кадрлар захираси, мукофотлар, хизмат сафарлари харажатлари ва бошқалардан иборат hrm.argos.uz платформаси яратилди. Давлат хизматини ривожлантириш агентлиги платформа ёрдамида кадрлар билан ишлаш тизимини тўлиқ рақамлаштиришни кўзламоқда.
Тошкентда дарахтлар тагига дизель қуйиб, қуритишга уринишди
Пойтахтнинг Катта Миробод маҳалласида тахминан 5 та дарахтни сунъий равишда қуритиш учун уларнинг тагига дизель ёқилғиси қуйилгани аниқланди. Давлат экология қўмитаси ҳолат юзасидан суриштирув олиб бормоқда. Бу ишни шу ерда қурилиш ишларини олиб бораётган компания қилган бўлиши мумкин.
БМТТД ва БМТ ЕИК «Яшил макон» лойиҳасини қўллаб-қувватлайди
БМТ Тараққиёт дастури ва БМТ Европа иқтисодий комиссияси Ўзбекистонда «Яшил макон» лойиҳасини амалга оширишга қўшилди. Улар лойиҳани бош-режалаштириш ва унга инновацион молиявий ечимларни жорий этишда ёрдам беради.
Жорий йилда ОТМга кириш имтиҳонлари ёпиқ биноларда ўтказилиши мумкин
Жорий йилда ОТМга кириш учун тест синовлари тўлиқ ёпиқ биноларда ўтказилиши режалаштирилмоқда, деб маълум қилди ДТМ бошқарма бошлиғи Жавлон Нурматов. Унинг сўзларига кўра, бу давлат комиссиясининг ёки махсус комиссиянинг таклиф ва чекловларига боғлиқ.
Наманганда қалбаки 10 600 долларни муомалага киритмоқчи бўлган шахслар ушланди
Наманганда Қирғизистондан айланма йўллар орқали олиб келинган қалбаки 10 600 доллар муомалага киритилишининг олди олинди. Мазкур маблағларни сақлаб келаётган ва келгусида Тошкент шаҳрида сотишни режалаштирган икки фуқаро қўлга олингани айтилмоқда. Уларга нисбатан жиноят иши қўзғатилди.
Ўзбекистон Ерни масофадан зондлаш сунъий йўлдошини яратишни режалаштирмоқда
«Ўзбеккосмос» агентлиги Франциянинг «Airbus DS GEO Intelligence» компанияси билан Ерни масофадан зондлаш сунъий йўлдошини яратишни режалаштирмоқда. Бунинг эвазига компания сунъий йўлдош маълумотларини биргаликда сотиш имкониятига эга бўлади.
ДХХ Сурхондарёдаги йиғилиш вақтида 8 нафар давлат хизматчисини ҳибсга олди
ДХХ Сурхондарёда коррупцияга қарши курашишга бағишланган йиғилишда 1 нафар собиқ банк ходими ва 7 нафар турли ташкилот ходимини ҳибсга олди. Улар бюджет ва кредит маблағларини ўзлаштирганликда айбланмоқда.
Сирдарёда йўлларни таъмирлашда 1,5 млрд сўм талон-торож қилингани аниқланди
Боёвут тумани йўллардан фойдаланиш унитар корхонаси раҳбарлари йўл инфратузилмаларини таъмирлашда қўшиб ёзиш орқали 1,5 млрд сўм маблағни талон-торож қилгани айтилмоқда. Корхона мансабдорларига нисбатан жиноят иши қўзғатилди.
22 июнь куни Ўзбекистонда содир бўлган энг муҳим хабарлар дайжести
Тўпалангдаги тўполон, осилган ҳолда топилган Боёвут қишлоқ хўжалиги бўлими ходими, Сурхондарёда аниқланган сохта At Termiziy University, Evos филиалларининг бирида чиққан ёнғин, сел хавфи ва бошқалар — «Газета.uz» нинг 22 июндаги энг муҳим хабарлари дайжестида.
«Газета.uz» фотографлари Жаҳон банки танловида совриндор бўлди
Жаҳон банки Ўзбекистонда қашшоқликка қарши курашиш ва ижтимоий-иқтисодий ривожланиш масалаларига бағишланган ёш фотосуратчилар ўртасидаги қўшма танлов натижаларини сарҳисоб қилди. «Газета.uz» фотографлари Мадина Аъзам ва Евгений Сорочин танловнинг асосий ва махсус совринини қўлга киритди.
Тошкент вилоятида археология ёдгорлигига 5 млрд 668 млн сўм зарар етказилган — ДХХ
Тошкент вилоятида маданий мерос объектларини қайта таъмирлашда сохта ҳисоб-китоблар йўли билан 670 млн сўмга яқин давлат маблағлари ўзлаштирилгани аниқланди. Бундан ташқари, Қибрай туманидаги археология ёдгорлиги яқинидаги қурилиш ишлари ушбу объектга 5 млрд 668 млн сўм зарар етказгани маълум бўлди.
Қорақалпоғистон мактабгача таълим вазири тайинланди
Қорақалпоғистон Вазирлар Кенгашида ишлаб келаётган Гулзира Бахиева Қорақалпоғистон мактабгача таълим вазири лавозимига тайинланди.
Бухорода янги аэропорт терминали, Урганчда янги аэропорт қурилади
Урганч аэропорти шўрланиш туфайли яроқсиз ҳолга келган ва реконструкцияга ярамайди, шу боис янги ҳаво бандаргоҳи қурилиши режалаштирилмоқда, деди Uzbekistan Airports раҳбари Раъно Жўраева. Бухородаги аэродромни эса реконструкция қилиш ва янги терминал қуриш талаб этилади.
Ўзбекистоннинг 9 та ҳудудида сел келиш хавфи эълон қилинди
Ўзгидромет ҳафта охирига қадар ва душанба куни кузатиладиган ёмғирлар сабабли Ўзбекистоннинг 9 та ҳудудида сел келишидан огоҳлантирди. Аҳолидан эҳтиёт чораларини кўриш сўралмоқда.
Ҳоким ёрдамчилари учун ҳалоллик бўйича курслар ўтказилмоқда
Президент танқидидан сўнг, ҳоким ёрдамчилари учун ҳалоллик ва коррупцияга қарши курашиш бўйича махсус курслар ташкил этилди. Семинарларда коррупцияга қарши курашиш бўйича норматив-ҳуқуқий ҳужжатлар, коррупциянинг олдини олиш механизмлари ва бошқалар таҳлил қилинмоқда.
Боку — «оловлар мамлакати» пойтахтидан репортаж
Озарбайжон пойтахти Кавказдаги энг йирик шаҳар-порт саналади. Соҳилларини Каспий денгизи ювиб турадиган шаҳар кўркам архитектура, тарихий масканларга бой. «Газета.uz» Бокудаги эътиборга сазовор жойлар, ёнувчи тоғ ва лой вулқонлар, озарбайжон ошхонаси ва сайёҳлар учун маслаҳатлар ҳақида сўз юритади.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг