Жамият
Нурафшонда ёдгорлик мажмуаси ва кутубхона қурилиши бекор қилинмади, кечиктирилди
Нурафшонда ёдгорлик мажмуаси ва янги замонавий кутубхона қурилиши тўғрисидаги фармойиш бекор қилинмагани, аксинча, кредитор қарздорликни ёпиш мақсадида кечиктирилгани маълум қилинди. Бироқ, вилоятнинг янги ҳокими Зойир Мирзаев имзолаган фармойишда собиқ ҳокимнинг қарорини бекор қилиш ҳақида сўз борган эди.
Фарғонада «Cobalt» билан тўқнашган «Damas» ҳайдовчиси машина ичида ёниб кетди
Марғилонда «Damas» ҳайдовчиси чапда бурилиш вақтида тўғридан келаётган «Cobalt» машинасини ўтказиб юбормагани натижасида авария содир бўлгани айтилмоқда. Бунинг оқибатида эса «Damas» автомобилида ёнғин юзага келган ва ҳайдовчи машина ичида вафот этган.
Қашқадарёдаги қишлоқ ҳудудида ер тагидан чиқаётган тутун юзасидан изоҳ берилди
Чироқчи тумандаги Хўжа Абдужаббор қишлоғида ер остидан олов ва тутун чиқаётгани ҳақидаги хабарларга Қашқадарё вилояти Экология бошқармаси муносабат билдирди. Дастлабки ўрганишларга кўра, ушбу ҳолат ер остида қолиб кетган қамишлар қизиши ва чириши натижасида юзага келган. Ҳолат геологлар ёрдамида ўрганилмоқда.
«Қизил китоб» га киритилган жайрон ва қуёнларни овлаган шахсларга жиноят иши очилди
Қорақалпоғистонда тўрт киши «Қизил китоб» га киритилган 14 та жайрон ва 5 дона ёввойи қўённи овлагани аниқланди. Улар табиатга 190 млн сўмлик зарар етказгани айтилмоқда. Гумондорларга нисбатан жиноят иши қўзғатилди.
Ноябрда аҳоли ва тадбиркорлик субъектларининг инфляцион кутилмалари кескин ошди. Бунга нима сабаб бўлди?
Келгуси 12 ой учун аҳоли ва тадбиркорлик субъектларининг инфляцион кутилмалари мос равишда 16,5 фоиз ва 15,6 фоизгача ошди. Респондентлар ёқилғи нархларининг ошиши ва сўмнинг қадрсизланишини умумий нархлар даражасининг кутилаётган ўсишига таъсир этувчи асосий омил сифатида келтирмоқда.
14 декабрь куни Ўзбекистонда содир бўлган энг муҳим хабарлар дайжести
Россиядаги меҳнат мигрантлари топаётган даромад,"Қўйлиқ" маъмуриятининг бозор бузилиши ҳақидаги хабарларни рад этгани, ўзбекистонлик спортчининг Москвадаги турнирда оммавий жанжалга сабаб бўлгани, прокуратура кесилган дарахтзор учун тўланган 1,89 млрд сўмни Экоқўмга ўтказмагани, «Ўзбекистон почтаси» ребрендингни бошлагани ва бошқа янгиликлар — «Газета.uz» нинг 14 декабрдаги энг муҳим хабарлар дайжестида.
Соғлиқни сақлаш вазирлиги марказий аппарат ходимларининг 40 фоизини ишдан бўшатди
ССВ тиббиёт соҳасидаги муаммолар ташаббускор, янгича фикрлайдиган, профессионал ва ижодкор кадрларнинг етишмаслиги билан боғлиқ, деб ҳисоблайди. Шуни ҳисобга олиб, вазирлик марказий аппарати ходимларининг 40 фоизи ишдан бўшатилди. Уларга қуйи босқичдаги тиббиёт муассасаларида ишлаш таклиф қилинди. Кадрлар ислоҳоти вазирликнинг бошқа бўғинларига ҳам таъсир қилади.
Меҳнат мигрантлари даромадлари икки томонлама солиққа тортилмаслиги мумкин
«Ташқи меҳнат миграцияси тўғрисида»ги қонун лойиҳаси Қонунчилик палатасида биринчи ўқишда қабул қилинди. Қонун лойиҳасида меҳнат мигрантларининг даромадлари икки томонлама солиққа тортилмаслиги белгиланмоқда.
Тошкент шаҳрида бир қатор ИИО ходимлари ишдан олинди
Тошкент шаҳар ИИББ бошлиғи Чилонзор, Янгиҳаёт ва Шайхонтоҳур туманлари ФМБ бошлиғи ўринбосарларини ишдан олди. Сергели туман ИИО ФМБ раҳбарияти интизомий жазога тортилди.
«Ўзбекистон почтаси» ребрендингни бошлади. Почтани қандай ўзгаришлар кутмоқда?
«Ўзбекистон почтаси» компанияси ребрендинг жараёнини бошлаганини маълум қилди. Компания почта учун янги логистика тизимини, ўзининг маркетплейси ва тўлов тизимларини жорий қилган. Эндиликда мижозлар ўз жўнатмаларининг ҳолатини онлайн кузатиб бориш имкониятига эга бўлишади. Бренднинг янги номи, почта мижозлари учун яратилган қулайликлар, кутилаётган ўзгаришлар ҳақида «Газета.uz» репортажида.
Сирдарёда фуқаро 20 гектар ерни 70 минг долларга сотмоқчи бўлди
Сирдарёда отасининг фермер хўжалиги еридан 5 гектарни ва унинг атрофидаги ҳужжатсиз ердан яна 15 гектарни 70 минг долларга сотмоқчи бўлган фуқаро ушланди. Ҳолат юзасидан жиноят иши қўзғатилиб, тергов ҳаракатлари олиб борилмоқда.
Прокуратура кесилган дарахтзор учун тўланган 1,89 млрд сўмни Экоқўмга ўтказмади — депутат
2020 йил февраль ойида Тошкент шаҳар прокуратураси томонидан пойтахтнинг Яккасарой туманидаги 81 туп дарахт кесилгани учун қурувчидан қарийб 2 миллиард сўм ундирилган эди. Департамент бу пулларни Экология давлат қўмитасига ўтказиши керак эди, бироқ ҳалигача ўз ҳисобида сақлаб келмоқда. Бу ҳақда депутат Расул Кушербаев маълум қилди. Бироз вақт ўтгач, у ўз постини ўчириб ташлади.
Москвадаги турнирда ўзбекистонлик спортчи оммавий жанжал келиб чиқишига сабабчи бўлди
Москвада бўлиб ўтган WEF лигаси турнирида ўзбекистонлик спортчи жанг бошланмасдан олдин қирғизистонлик рақибига зарба бергани оммавий муштлашув келиб чиқишига сабабчи бўлди.
Янги йилни President маҳсулотлари билан кутиб олиш мумкин
President бренди ассортиментини кенгайтириб, харидорларни сифатли пишлоқ, сариёғ, қаймоқ ва творог билан таъминламоқда.
Тошкент вилоятида «дафтар» ларда турган ёшларга 5531 гектар ер ажратилади
Тошкент вилоятида «дафтар» ларда рўйхатда турган 38 мингдан ортиқ ёшларнинг бандлигини таъминлаш мақсадида 15 та тумандан жами 5531 гектар ер майдони ажратилади.
«Қўйлиқ» маъмурияти бозор бузилиши ёки кўчиши ҳақидаги хабарларни рад этди
«Қўйлиқ» деҳқон бозори директори ўринбосари Қодиржон Нормирзаев бозор бузилиши ёки кўчиши ҳақида хат ёки оғзаки топшириқ берилмаганини, шу боис у бузилмаслигини маълум қилди. Бироқ, сотувчилар ва ишчилар Food City`га кўчиш, акс ҳолда маъмурий ва жиноий жавобгарликка тортилиши ҳақида огоҳлантириш хатларини олишган. Маъмурият эса бундан хабари йўқлигини айтмоқда.
«Тахтақорача» довонида транспорт ҳаракати тикланди
Кучли қор ёғиши туфайли транспорт ҳаракати вақтинча чекланган Самарқанд ва Қашқадарёни боғловчи «Тахтақорача» довони сешанба куни эрталабдан қайта очилди.
Россиядаги меҳнат мигрантлари ойига ўртача 47,1 минг рубль ишлаб топади — РМФ
Россия мигрантлар федерацияси маълумотига кўра, мамлакатдаги меҳнат мигрантларининг ўртача ойлик даромади 47,1 минг рублни (6,9 млн сўм) ташкил этади. Рус тилини билиш даражасига қараб, иш ҳақи 12 минг рублгача фарқ қилиши мумкин. Мигрантлар учун қурилиш ҳамда транспорт-логистика тармоқлари энг даромадли деб топилган. Энг кам иш ҳақи эса қишлоқ хўжалиги ва маиший хизмат кўрсатиш соҳасида банд бўлган муҳожирларга тўланади.
9 ойда 3 млндан ортиқ ўзбекистонликлар Россияга ишлаш учун борган
Россия ИИВ маълумотларига кўра, 2021 йилнинг январь-сентябрь ойларида 3 млндан ортиқ Ўзбекистон фуқароси Россияга ишлаш учун борган. Яна 60 минг нафар ўзбекистонликлар Россияга таълим олиш мақсадида кетишган.
13 декабрь куни Ўзбекистонда содир бўлган энг муҳим хабарлар дайжести
Тошкентда йўлкиранинг ошиши, Нурафшондаги қурилиш бекор қилингани, Тошкент шаҳридаги ҳарбий шаҳарча аукционда сотилгани, импорт товарларга нисбатан тариф квоталарини қўллашнинг салбий оқибатлари ва бошқа янгиликлар — «Газета.uz» нинг 13 декабрдаги энг муҳим хабарлар дайжестида.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг