Жамият
Tashkent City ҳудудида қурилаётган биноларнинг бирида ёнғин содир бўлди
Tashkent City ҳудудида қурилаётган биноларнинг бирида қурилиш жиҳозлари сақланаётган майдонда ёнғин содир бўлди. Ҳодисадан жароҳат олган ёки вафот этганлар йўқ.
«Ислом цивилизацияси маркази» қурилиши учун 237 та уй бузилди
Олмазор туманида «Ислом цивилизацияси маркази» қурилиши учун ҳудуддаги 241 та хонадон бузилишга тушган. Уларнинг 237 таси бузиб бўлинди, қолган 5 та хонадон эгаларига уй-жой ажратиш ишлари олиб борилмоқда.
Олмалиқда бўш иш ўринлари учун келганлар орасида тиқилинч юзага келди
Олмалиқда бўш иш ўринлари ярмаркаси бўлиб ўтаётган маданият саройида фуқаролар сонининг ортиб кетиши катта тиқилинчга олиб келди. Ярмарка бошқа ҳудудга кўчирилди.
Тошкентдаги 11та ДХМда surdo-online планшетлари ишга туширилди
Тошкентдаги 11 та туман Давлат хизматлари марказларида тажриба тариқасида surdo-online планшетлари ишга туширилди. Эндиликда гапириш ва эшитиш билан боғлиқ имконияти чекланган шахслар сурдо таржимонсиз исталган давлат хизматларидан фойдаланишлари мумкин.
ЎзАда сайт ва логотип янгиланди, фотобанк ишга тушди
Ўзбекистон миллий ахборот агентлиги ўз веб-сайти ва логотипини янгилади. Хусусан, фотобанк ишга туширилиб, сайт дизайни матнларни осон ўқишга мослаштирилди.
GTL заводи қурувчилари «погром» давомида 480 млн сўмлик зарар етказгани аниқланди
Қашқадарёда қурилаётган Uzneftegaz GTL заводи ишчилари 21 октябрь куни норозилик уюштириб, қурилиш компаниялари мол-мулкини талон-торож қилишганди. Вилоят ИИБ томонидан тергов ўтказилиб, етказилган зарар ўрганилди ва норозиликлар иштирокчиларига нисбатан жиноят иши қўзғатилди.
Айрим ваколатларни судлардан профилактика инспекторларига ўтказиш таклифи рад этилди
Депутатлар бир қатор ишларни кўриб чиқиш ваколатини судлардан профилактика инспекторларига ўтказиш таклиф қилинган қонун лойиҳасини рад этди.
Паст ойлик ва кадрлар етишмовчилиги — Ўзгидрометда вазият кескинлашмоқда
Гидрометеорология хизмати тизимнинг ислоҳ қилинмаётгани, дарҳол ҳал қилиниши лозим бўлган муаммолар мавжудлиги, хусусан, ойликлар пастлиги сабабли олий маълумотли ва кўп йиллик тажрибага эга ходимларнинг бошқа соҳаларга ўтиб кетаётганини маълум қилди. Шунингдек, Ўзгидрометнинг вазифаси фақатгина об-ҳаво маълумотларини беришдан иборат эмаслиги айтиб ўтилди.
Исломшунос олим Убайдулла Уватов вафот этди
Таниқли олим, тарих фанлари доктори, профессор Убайдулла Уватов 80 ёшида вафот этди.
Тошкент метросида жетонлардан фойдаланиш йил охирига қадар давом этади
Ижтимоий тармоқларда 1 ноябрдан бошлаб Тошкент метрополитенида жетонларни қабул қилиш тўхтатилгани тўғрисида маълумотлар тарқалди. «Тошкент метрополитени» УК ушбу маълумот нотўғри эканлигини маълум қилиб, изоҳ берди.
Давлат ва ҳуқуқ институти ташкил этилди
Ҳукумат қарори билан Фанлар академияси тизимида Давлат ва ҳуқуқ институти ташкил этилди. Муассаса қонун чиқарувчи, ижро этувчи ва суд ҳокимияти, ҳуқуқни муҳофаза қилувчи ва бошқа органларга ижтимоий муносабатларни ҳуқуқий тартибга солиш бўйича таклифлар беради.
Марказий банк 5, 10, 20 ва 50 граммли олтин қуймаларни сотувга чиқарди
Марказий банк 2 ноябрдан тижорат банклари орқали 999,9 софликдаги олтин қуймаларни махсус ҳимоя қадоқларида сотувга чиқара бошлади. Уларни хорижга олиб чиқиш ҳам мумкин.
Фарғона водийси йўлларида фотовидеофиксация қурилмалари (камералар) ишга тушди
2 ноябрдан Фарғона вилоятида ҳайдовчиларнинг қоидабузарлигини онлайн тарзда фото ва видео камералар орқали аниқлаш бошланди.
Ижара тўловларининг энг кам ставкаларини ошириш режалаштирилмоқда
2021 йилда нотурар ва турар-жой бинолари, шунингдек, енгил автомобиль ва юк машиналари учун ижаранинг энг кам ставкаларини ошириш режалаштирилмоқда.
Ремдесивир дори воситаларини ноқонуний равишда сотаётган шахс қўлга олинди
Тошкент вилоятида дорихонадан ташқарида ремдесивир дорисини 850 минг сўмдан ҳисоблаб, 200 қутисини 170 млн сўмга сотаётган шахс ушланди. Олдинроқ ЖССТ ремдесивир дори воситасини COVID-19 ни даволашда самарасиз деб топган эди.
38 млн сўмлик пиротехника олиб кетаётган Mercedes-Benz ушланди
547,2 минг дона пиротехника воситаларини олиб кетаётган Mercedes-Benz тўхтатилди. Олиб кетилаётган маҳсулотнинг тахминий қиймати 38 млн сўм деб белгиланмоқда.
Олмазор туманида 50 минг доллар талаб қилган товламачи ушланди
Олмазор туманида «интернет» сайтларида аёл кишининг видеоларини тарқатишини ва оила аъзоларига кўрсатишини таҳдид қилиб 50 минг АҚШ доллари талаб қилган шахс ушланди.
Қорақалпоғистонда маст ҳолда транспорт бошқариш 45,4 фоизга камайди
Қорақалпоғистон судлари учинчи чорак якунлари бўйича ҳисобот берди. Хусусан, бу давр мобайнида 954 кишига нисбатан 735 та жиноят иши кўриб чиқилди. Ишлар сони ўтган йилнинг шу даврига нисбатан 1,2 фоизга камайган бўлса, шахслар сони эса 4,6 фоизга кўпайган.
«Прописка»ни қандай қилиб онлайн олиш мумкин?
Тошкент шаҳри ва вилоятида доимий рўйхатга олиш (прописка) бўйича онлайн хизмат йўлга қўйилди. Хизматдан фойдаланиш учун OneID ва электрон рақамли имзо калити талаб этилади. Уни қандай олиш бўйича қўлланма.
Ноябрь ойида об-ҳаво қандай бўлади?
Ноябрь ойида ўртача ҳарорат октябрга нисбатан 5−7 даража пастроқ бўлиши ва ёғингарчилик ҳам кўпроқ бўлиши кутилмоқда. Ой давомида ёмғирнинг қорга айланиш ҳолатлари такрорланиб туради. Ойнинг иккинчи қисмидан бошлаб ҳарорат кечаси 5−8 даража илиқдан 0−3 даража совуққача, кундузи 17−20 даража иссиқдан 3−6 даража илиққача ўзгариб туради.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг