Жамият
2021/2022-ўқув йилидан клиник ординатурага қабул квотаси икки бараварга оширилади
2021/2022-ўқув йилидан клиник ординатурада ўқитишнинг янги тизими жорий қилиниб, қабул квоталари икки бараварга оширилади. Уч йил ишлаб бериш мажбурияти асосида ҳудудларга зарур тор мутахассисликлар бўйича шифокорларни тайёрлашга грант ажратилади. Уларнинг яшаш харажатлари эса маҳаллий бюджетдан қопланади.
Навоийда ЙТҲ оқибатида 3 киши вафот этди
Навоий вилоятида Tracker-2 русумли автомашина ЙТҲ содир этиши натижасида, 2 нафар фуқаро воқеа жойида, 1 нафар фуқаро шифохонада вафот этди.
Фирдавс Абдухолиқов Кинематография агентлигининг бош директори бўлди
«Ўзбеккино» Миллий агентлигининг бош директори лавозимида ишлаб келган Фирдавс Абдухолиқов Кинематография агентлигининг бош директори этиб тайинланди.
Сурхондарёда AЁҚШдаги ёнғин натижасида пайвандчи вафот этди
Сурхондарёда AЁҚШда ёнғин келиб чиқиши натижасида пайвандчи шифохонанинг жонлантириш бўлимида вафот этди.
Хусусий секторга ҳайдовчилик гувоҳномаларини олиш учун имтиҳонларни ўтказиш ҳуқуқи берилди
1 июндан бошлаб хусусий сектор барча тоифадаги автомототранспорт воситаларини бошқариш ҳуқуқини берувчи ҳайдовчилик гувоҳномасини олиш учун назарий ва амалий имтиҳонларни ўтказа олади. Президент қарори билан хусусий секторга имтиҳонларни ташкил этиш ҳуқуқи 1 апрелдан берилиши қайд этилган эди.
Aнтирекорд янгиланди: кун давомида 452 кишида коронавирус қайд этилди
5 май куни Ўзбекистонда 452 кишида коронавирус аниқланиб, йил бошидан энг кўп касалланиш ҳолатлари аниқланди. Умумий касалланиш ҳолатлари сони 93 минг нафардан ошди. Мамлакатда 1 миллиондан ортиқ коронавирусга қарши вакцина дозалари ишлатилиб, 32,5 мингдан ортиқ киши иккинчи босқичда эмланган.
Ўқувчиларни мактабда бўлиш вақти Face ID тизими орқали назорат қилинади
Республика бўйлаб барча мактабларда ўқувчиларнинг муассасада бўлиш вақти Face ID тизими орқали назорат қилиниши режалаштирилмоқда. Бундан ташқари, синф хоналарига овозли камералар ўрнатиш ва уларни ички ишлар органлари томонидан назорат қилинишини йўлга қўйиш кўзда тутилган. Сиёсатшунос Камолиддин Раббимовнинг фикрига кўра, ўқувчилар камералар остида фикрлашга мажбурланса, бу мамлакатни тўлақонли тоталитар давлатга айланиши учун мустаҳкам асос бўлиб хизмат қилади.
Ҳайдовчилардан ишончномани талаб этиш тартиби бекор қилинади
1 сентябрдан ҳайдовчилардан автомототранспортни бошқариш учун ишончнома, техник кўрикдан ўтказилганлиги тўғрисидаги маълумот ва «тонировка» рухсатномасини талаб этиш тартиби бекор қилинади.
Тошкентда йилига 5 мингта қудуқ қопқоқлари ўғирлаб кетилмоқда
Тошкентда сув тармоқлари ва оқова сув тармоқларининг қудуқларига ўрнатилган «люк"ларнинг ўғирланиш ҳолати кўпаймоқда. Сўнгги пайтларда жами 5 мингта ана шундай қопқоқлар ўғирлаб кетилган. «Тошкент шаҳар сув таъминоти» маълум қилишича, темир қопқоқларнинг донаси 575 минг сўмдан 2 млн сўмгача нархда харид қилинади.
Сурхондарёда собиқ ИИБ ходими ўз жонига қасд қилди
Сурхондарёда ИИБ бошлиғи ўринбосари лавозимида фаолият юритган, пенсиядаги подполковник Рустам Сирожиддонов ўз жонига қасд қилди. Ҳолат юзасидан терговга қадар текшириш ҳаракатлари олиб борилмоқда.
Прокурор Отабек Сатторийга 11 йил қамоқ жазоси беришни сўради
Прокурор суддан Отабек Сатторийни бешта бандда айбдор деб топиб, 11 йилга озодликдан маҳрум қилишни сўради. Блогер товламачилик ва туҳмат қилишда айбланмоқда. Судланувчининг адвокати Умидбек Давлатовнинг таъкидлашича, айбловда кўрсатилган ҳолатларнинг ҳеч бири ўз исботини топмаган.
Чорвоққа 3 кун транспорт ҳаракати чекланади
6−7−8 май кунлари велоспортнинг шоссе йўналиши бўйича Ўзбекистон чемпионати ўтказилиши муносабати билан Бектемир — Чирчиқ — Ғазалкент — Чорбоғ автомобиль йўлида маълум вақтларда транспорт ҳаракати чекланади.
Тошкентда 87 ёшли онахон қизи ва невараси томонидан калтаклангани айтилмоқда
Тошкент шаҳрида 87 ёшли онахон қизи ва невараси томонидан калтаклангани айтилмоқда. Бунга уй-жой масаласи бўйича она ва қиз ўртасида жанжал сабаб бўлган. Онахоннинг невараси Даврон Тиллаевнинг айтишича, аёлнинг қизи унинг қўл ва оёғига пичоқ билан урган. Ҳолат бўйича жиноий иш қўзғатилди.
Юнусобод тумани ҳокимида коронавирус аниқланди
Юнусобод тумани ҳокими Жахонгир Иброхимовда COVID-19 аниқлангани сабабли фуқаролар учун ташкил этиладиган сайёр қабул вақтинча туман ҳокимининг биринчи ўринбосарига юклатилди.
Молия институти 14 кунга, СамДЧТИ ўқув йили охиригача масофавий таълимга ўтказилди
Талабалар орасида COVID-19 инфекцияси аниқлангани сабабли, Молия институти 14 кунга, Самарқанд давлат чет тиллар институти ўқув йили охиригача масофавий таълим тизимига ўтди.
«Халқ назорати» хизмати нима учун керак ва у фуқароларнинг қандай муаммоларини ҳал қилиши мумкин?
Февраль ойида Тошкент ҳокимияти «Халқ назорати» хизматини ишга туширди. Шаҳар маъмуриятининг сўзларига кўра, лойиҳа ўз самарасини кўрсатишга улгурди. Шунга қарамай, фуқароларнинг муаммоларини ҳал қилишда қийинчиликлар ҳам мавжуд. Лойиҳа раҳбари Ойбек Ниёзов платформанинг вазифалари, камчиликлари ва келажакдаги режалар ҳақида гапириб берди.
Андижонда 3 ёшли қизалоқнинг устига қайноқ сув қуйиб юборган эркак 8 йилга қамалди
Андижонда фуқаро ўз уйида ижарада яшаётган аёлдан турмуш қуриб бирга яшаш таклифига рад жавобини олгач, унинг 3 ёшли фарзандини устига қайноқ сув қуйиб юборади. Оқибатда қизалоқ шифохонада вафот этган. Суд айбланувчини қасддан баданга оғир шикаст етказишда айбли деб топди.
АҚШдан Оролбўйи аҳолиси учун гуманитар ёрдам юборилди
АҚШнинг «Project C.U.R.E.» ташкилоти ва «Boeing» компанияси томонидан Қорақалпоғистонинг Оролбўйи ҳудуди аҳолиси учун гуманитар ёрдам юборилди. Хайрия юки ўз ичига 3 млн долларлик тиббиёт буюмлари ва жиҳозлари, сунъий шамоллатиш мосламаларини олди. Бундан ташқари, кейинги гуманитар ёрдамни етказиш учун 100 минг доллар миқдоридаги чек топширилди.
Ўзбекистонда 2020 йилда ис газидан 93 киши вафот этди
Ўзбекистонда 2020 йилда 70 та ис газидан заҳарланиш ҳолатлари содир бўлиб, жароҳат олганлар сони 66 тани, вафот этганлар сони 91 тани ташкил қилган.
Собиқ маданият ва спорт ишлари вазири маданият вазирига ўринбосар бўлди
Вазирлар Маҳкамасида масъул лавозимда фаолият юритиб келаётган Баҳодир Аҳмедов Маданият вазирининг биринчи ўринбосари лавозимига тайинланди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг