Arxiv
Andijonda sobiq bank xodimi va fermer $50 minglik imtiyozli kreditni o‘zlashtirgani aytilmoqda
Izboskan tumanida sobiq bank xodimi tadbirkor bilan birga issiqxona qurish uchun ajratilgan 50 ming dollar imtiyozli kreditni talon-toroj qilganlikda ayblanmoqda. Tekshiruv davomida yetkazilgan zararning 20 ming dollari undirilib, gumondorlarga nisbatan jinoyat ishi qo‘zg‘atildi.
O‘zbekistonning 7 hududida yangi fotoradar va kuzatuv kameralari ishga tushirildi
Korrupsiyaga qarshi kurashish agentligi respublika avtomobil yo‘llari 2022 yil birinchi choragida jami 37 ta yangi fotoradar hamda kuzatuv kameralari bilan boyiganini ma’lum qildi. Ulardan 4 tasi xavfsizlik kamari va mobil telefon bilan bog‘liq qoidabuzarliklarni aniqlaydi. Fotoradar va kameralar manzili.
Afg‘onistonda ayollarga hijob o‘rash shart etib belgilandi
Afg‘onistonning Tolibon hukumati ayollardan jamoat joylarida hijob o‘rab yurishni talab qilmoqda. Mazkur tartibga bo‘ysunmagan ayollar davlat ishlaridan bo‘shatiladi. 2001 yilgacha toliblar hukmronligi davrida ham hijob majburiy edi.
Navoiyda UniSat dasturining 20 nafar o‘quvchisi nano sun’iy yo‘ldoshini uchirdi
UniSat ta’lim dasturining 20 nafar o‘quvchi-qizi Navoiy viloyatida o‘zi yasagan ultrazamonaviy nano sun’iy yo‘ldoshini stratosferaga uchirdi. Qizlar uning yordamida havoning ifloslanishi haqidagi ma’lumotlarni tahlil qiladi.
Manfaatlar to‘qnashuvi haqidagi ma’lumotlarni deklaratsiya qilish taklif etilmoqda
Adliya vazirligi manfaatlar to‘qnashuvini alohida qonun bilan tartibga solish taklifini bildirdi. Unga ko‘ra, manfaatlar to‘qnashuvi to‘g‘risidagi ma’lumotlarni deklaratsiya qilish va oldindan xabar berish tartibi belgilanmoqda, bunga amal qilmaganlar esa jarimaga tortiladi. Antikorrupsiya agentligiga ma’muriy bayonnoma tuzish vakolatini berish rejalashtirilmoqda.
O‘zbekiston va Qozog‘iston kosmik fazoni tadqiq etish sohasida hamkorlik qiladi
Prezident qarori bilan O‘zbekiston va Qozog‘iston hukumatlari o‘rtasida kosmik fazoni tinchlik maqsadlarida tadqiq etish va foydalanish sohasida hamkorlik to‘g‘risidagi bitim tasdiqlandi.
Surxondaryoda Saljuqiylarga oid oltin dinor topildi
Termiz tumanida fuqaro bog‘ni sug‘orish chog‘ida og‘irligi 1,92 gramm bo‘lgan oltin tangalarni topib oldi. Termiz arxeologiya muzeyi mutaxassislari dinorlar Qoraxoniylar va Saljuqiylar davriga oidligini aniqladi. Fuqaro ularni muzeyga topshirdi.
Toshkentda odamlarni yana soqol olishga majburlashdi
Toshkentda fuqarolarni yana IIBga olib borib, soqollarini olishga majburlashdi. Ulardan birining so‘zlariga ko‘ra, ularga 15 sutka qamoq bilan tahdid qilishgan va shundan keyin soqolini olishga majbur bo‘lishgan. IIV matbuot kotibi fuqarolar o‘z huquqlari poymol etilgan deb hisoblasa, shikoyat qilishi mumkinligini qayd etdi.
Jo Bayden Ukrainaga qurol yuborish uchun lend-liz to‘g‘risidagi qonunni imzoladi
AQSh prezidenti Jo Bayden Ukrainaga yengillashtirilgan tartibda qurol yetkazish imkonini beruvchi lend-liz bo‘yicha qonunni imzoladi. Bu qurollarni yetkazishda byurokratik to‘siqlarni chetlab o‘tish imkonini beradi.
Navoiyda avtobus ag‘darilib ketdi, 5 kishi jarohatlandi
Qiziltepa tumanida ichida 25 kishi bo‘lgan sayyohlik avtobusi ag‘darilib ketdi, oqibatda 5 kishi jarohat oldi. Avariyaga haydovchining boshqaruvni yo‘qotgani sabab bo‘lgani aytilmoqda.
Hafta salqin bo‘ladi, vaqti-vaqti bilan yomg‘ir yog‘adi
10−13 may kunlari havo salqin bo‘lishi kutilmoqda. Respublikaning ko‘pchilik hududlarida yog‘ingarchilik, momaqaldiroq bo‘lishi va shamol tezligining kuchayishi kutilmoqda. Hafta davomida tog‘ oldi va tog‘li hududlarida sel-toshqin hodisalari kuzatilishi mumkin.
Tursunoy Jabborova og‘ir atletika bo‘yicha jahon chempioni bo‘ldi
Gretsiyadagi og‘ir atletika bo‘yicha yoshlar o‘rtasidagi jahon chempionatida o‘zbekistonlik Tursunoy Jabborova -87 kg vazn toifasida dast ko‘tarish va siltab ko‘tarish bo‘yicha jahon chempioni bo‘ldi.
Uchtepa tumanida 33 nafar hokim yordamchisi hayfsan oldi
Shu yilning birinchi choragi bo‘yicha poytaxtning Uchtepa tumanida mahallalardagi hokim yordamchilarining faoliyati KPI tizimi bo‘yicha baholandi. Natijada 60 nafar hokim yordamchisidan 33 nafariga o‘z ishiga mas’uliyatsizlik bilan yondashib kelayotgani uchun hayfsan berildi.
Bir nechta shahar va tumanlarga yangi hokimlar tayinlandi
Samarqand viloyati hokimiga o‘rinbosar, shuningdek, Navoiy va Zarafshon shaharlari, qolaversa, Konimex hamda Navbahor tumanlariga yangi hokimlar tayinlandi.
Global beqarorlik sharoitida QQS bo‘yicha imtiyozlar narxlar o‘sishining oldini olishga yordam beradimi?
Global beqarorlik sharoitida ichki bozorda narxlar barqarorligini ta’minlash maqsadida ayrim turdagi oziq-ovqat mahsulotlarini olib kirish va sotishda QQSning nol stavkasi muddati 31 dekabrgacha uzaytirildi. Imtiyozli davrning uzaytirilishi go‘sht va kartoshka bozorida kutilgan natijani berishi kutilmoqda, biroq o‘simlik yog‘i narxlari barqarorlashuvi uchun yetarli bo‘lmasligi mumkin. Iqtisodchi, «Gazeta.uz» kolumnisti Mirkomil Xolboyev Ukrainadagi urush ortidan jahon iqtisodiyotida yuzaga kelgan tanglik sharoitida QQS imtiyozlarining ichki bozordagi narxlarga qanday ta’siri qilishi haqida so‘z yuritadi.
O‘zbekiston Sharqiy Quddusdagi vaziyatni diplomatiya yo‘li bilan hal qilishga chaqirdi
O‘zbekiston TIV Sharqiy Quddusdagi vaziyat keskinlashganidan jiddiy xavotirdaligini bildirib, tomonlarni ixtilofni muloqot va diplomatiya yo‘li bilan hal qilish uchun vazminlik hamda siyosiy iroda ko‘rsatishga chaqirdi. Aprel o‘rtalaridan beri Falastin va Isroil o‘rtasidagi keskinlik yana kuchaygandi.
Sharofiddin Amriddinov og‘ir atletika bo‘yicha yoshlar o‘rtasida jahon chempioni bo‘ldi
Gretsiyada bo‘lib o‘tayotgan yoshlar o‘rtasida og‘ir atletika bo‘yicha jahon chempionatida Sharofiddin Amriddinov -102 kg vazn toifasida g‘alaba qozondi.
Oksana Chusovitina Parij Olimpiadasiga tayyorgarlik ko‘radi
Oksana Chusovitina 2024 yil Parij shahrida bo‘lib o‘tadigan yozgi Olimpiya o‘yinlariga tayyorgarlik ko‘rishini ma’lum qildi. U hozirga qadar Olimpiya o‘yinlarida 8 marotaba ishtirok etgan.
Shavkat Mirziyoyev: «Bugun dunyo tahlikali bo‘lib borayapti»
Xotira va qadrlash kuni munosabati bilan Shavkat Mirziyoyev «Matonat madhiyasi» yodgorlik majmuasiga gulchambar qo‘ydi. U urush faxriylarini bayram bilan tabriklab, dunyoda har daqiqa sinovli bo‘layotganligini ta’kidladi. «Xalqimiz hayotiga shu ta’sirni kamaytirish bo‘yicha choralar ko‘ryapmiz», — dedi prezident.
Frontdan maktublar. Urush qatnashchilari nimalar haqida yozishgan?
Ikkinchi jahon urushi qatnashchilari o‘z yaqinlariga xatlarda nimalar haqida yozishgan? “Gazeta.uz” Shon-sharaf muzeyi va “O‘zarxiv” agentligi taqdim etgan xatlar bilan bo‘lishmoqda. Jangchilar nafaqat o‘z yaqinlariga noma yo‘llagan, balki gazetalar tahririyatlariga urush haqidagi hikoyalarini yuborishgan va hattoki sheʼrlar ham yozishgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting