Arxiv
Hafta davomida ayrim hududlarda yomg‘ir yog‘ishi kutilmoqda
Hafta boshida anomal iliq ob-havo saqlanib turadi. Chorshanba kuni Kaspiy dengizining janubiy hududlaridan nam havo kirib kelishi kutilmoqda. Ayrim hududlarda yog‘ingarchilik bo‘ladi. Havo harorati +13…+18 daraja iliq atrofida bo‘ladi.
Toshkentda sug‘oriladigan yerlardan foydalanish maqbullashtiriladi
Prezident qarori bilan Toshkent viloyatidan poytaxt tumanlariga o‘tkazilayotgan sug‘oriladigan yer maydonlarida qishloq xo‘jaligi ekinlari plantatsiya usulida joylashtiriladi. Intensiv bog‘ va tokzorlar barpo etilib, lizing asosida 7 yil muddatga aholiga beriladi. Toshkent shahar qishloq xo‘jaligi boshqarmasi tashkil etiladi.
Toshkentda mushuklarni qiynab, ulardan birini o‘ldirgan yigitning shaxsi aniqlandi
Yashnobod tumanida noma’lum shaxs mushuklarni paketga solib, pod’ezdga olib kirib, qiynagan va ulardan birini o‘ldirgan. Poytaxtga IIBBga ko‘ra, ushbu shaxs aniqlandi. Hozirda mazkur holat bo‘yicha tergov oldi tekshiruvi o‘tkazilmoqda.
Toshkentning ayrim hududlarida gaz ta’minoti vaqtincha to‘xtatiladi (ro‘yxat)
Dushanba kuni poytaxtning 4 ta tumanida gaz quvurini qayta ulash ishlari rejalashtirilgani sababli ayrim hududlarda gaz ta’minoti vaqtincha to‘xtatiladi.
Koronavirusga qarshi qo‘shimcha doza bilan emlashga ruxsat berildi
O‘zbekistonda to‘liq emlash kursini tamomlagan fuqarolarga koronavirusga qarshi ixtiyoriy buster doza bilan emlashga ruxsat berildi.
O‘zbekistonning Jenevadagi vakili BMTning Inson huquqlari bo‘yicha raisi o‘rinbosari etib saylandi
O‘zbekistonning Jeneva shahridagi BMT bo‘linmasi va boshqa xalqaro tashkilotlardagi doimiy vakili Ulug‘bek Lapasov 2022 yil uchun BMT Inson huquqlari bo‘yicha kengashi raisining o‘rinbosari lavozimiga saylandi. Nomzodni Osiyo-Tinch okeani mintaqaviy guruhiga a’zo davlatlar bir ovozdan ma’qullagan.
Moskvada qanday kelishuvlarga erishildi?
O‘zbekiston prezidentining Rossiyaga tashrifi chog‘ida 18 ta hujjat, jumladan, hukumatlar o‘rtasida yadroviy, biologik xavfsizlik va xalqaro axborot xavfsizligini ta’minlash sohasida hamkorlikka oid bitimlar, shuningdek, besh yillik iqtisodiy hamkorlik dasturi imzolandi.
Eron va Pokistondan import qilingan kartoshkalarda xavfli zararkunandalar aniqlandi
O‘zbekiston O‘simliklar karantini va himoyasi agentligi tomonidan Eron va Pokistondan import qilingan kartoshkalarda xavfli zararkunandalar (nematodalar) aniqlandi. Ta’minotning bir qismi eksportchilarga qaytarilgan, ba’zilari esa yo‘q qilingan. Nematodlarning tarqalishi bilan kartoshka, pomidor, baqlajon va boshqa ekinlarning hosildorligini kamaytirish xavfi mavjud.
Antikorrupsiya agentligiga jazoni ijro etish muassasalariga moneliksiz kirish huquqi berildi
19 noyabrdan kuchga kirgan qonunga ko‘ra, Korrupsiyaga qarshi kurashish agentligi xodimlari korrupsiyaviy huquqbuzarliklarni o‘rganish uchun jazoni ijro etish muassasalariga moneliksiz kirish, hujjatlar bilan tanishish huquqiga ega bo‘ldi. Shuningdek, tashkilot BMTning boshqa davlatlarga yordam ko‘rsatadigan organlar qatoriga kiritildi.
Aktyor Baxtiyor Ixtiyorov vafot etdi
Taniqli aktyor, o‘zbek kinosi afsonasi Baxtiyor Ixtiyorov 81 yoshida vafot etdi.
«Halok bo‘lganlar uchun javobgarmiz». O‘zbekistonda YTH qurbonlari xotirasi yodga olindi
O‘zbekistonda ilk bor YTH qurbonlari xotirasi yodga olindi. Yo‘l harakatining turli ishtirokchilari va muhandislar ko‘cha va yo‘llardagi xavfsizlik, bolalarga YHQni o‘qitish dasturlari, Toshkentda velosiped infratuzilmasi muammolari va ularni bartaraf etish yo‘llarini muhokama qildilar.
Sirdaryoda prezident maktabi ochildi
Sirdaryo viloyati Guliston shahrida prezident maktabi ochildi. Uning qurilishi Discover Invest kompaniyasi tomonidan amalga oshirildi, loyiha qiymati 84 mlrd so‘mni tashkil etdi.
Foto: O‘zbekistonda «Dunyoni moviy rangga bo‘ya» aksiyasi
Toshkent va boshqa viloyatlardagi 100 dan ortiq binolar O‘zbekistonning bolalar huquqlarini qo‘llab-quvvatlayotganidan dalolat sifatida bugun oqshom moviy rang bilan yoritildi. «Dunyoni moviy rangga bo‘ya» global aksiyasi Jahon bolalar kuniga bag‘ishlandi.
«Amerikaning yuridik xizmatlar bozori — dunyodagi eng katta bozor». Amerikadagi magistrant Zuxra Xayrullayeva bilan suhbat
«Xorijdagi o‘zbekistonliklar» loyihasining navbatdagi mehmoni — Pensilvaniya shtati universitetida (AQSh) tahsil olayotgan magistrant Zuxra Xayrullayeva. Biz undan nega Amerikada o‘qishni tanlagani, AQSh universitetining O‘zbekistondagi OTMlar bilan farqi, xorijdagi qiyinchiliklar va O‘zbekistondagi yoshlarga beradigan maslahatlari haqida so‘radik.
Surxondaryoda «Zarchob-2» kichik GES ishga tushirildi — fotoreportaj
Surxondaryo viloyatida «Zarchob-2» kichik GESni ishga tushirish marosimi bo‘lib o‘tdi. Stansiya 40 ming aholini elektr energiya bilan ta’minlash quvvatiga ega. «O‘zbekgidroenergo» raisi Abdug‘ani Sanginov kelgusida yana 2 ta loyiha — To‘palang va Mizop-Kishtut stansiyalarini ishga tushirish orqali daryo suvidan 5 marotaba foydalanish mumkinligini ta’kidladi.
Surxondaryoda 115 kgdan ortiq narkotik moddalarning noqonuniy aylanmasiga chek qo‘yildi
Surxondaryo viloyatida DXX xodimlari tomonidan Tojikiston va Afg‘onistonda tayyorlangan yirik partiyadagi giyohvandlik vositalarining noqonuniy aylanmasiga chek qo‘yildi. 67 kgdan ortiq opiy, 48 kgga yaqin gashish va 450 gramm geroin topilib, musodara qilindi.
2022 yildan ko‘p kvartirali uylar kamida 1 Gbit/s tezlikli internetga ulanadi
Hukumat qarori bilan 2021 yil yakunigacha barcha IIO tayanch punktlari, MFY, jazoni ijro etish muassasalari, profilaktika inspektorlari xonalari, xalq ta’limi muassasalari, davlat arxivlari va tashkilotlari internetga keng polosali ulanadi. 2022 yil 1 yanvardan ma’muriy binolar va ko‘p kvartirali uylarni kamida 1 Gbit/s o‘tkazuvchanlik qobiliyati bilan ulash ko‘zda tutilmoqda.
Mehnat vazirligi emlanmagan xodimlarni ishdan chetlatish tartibini tushuntirdi
Mehnat vazirligi ish beruvchilarga vaksina olmagan xodimlarini ishdan chetlashtirish tartibini tushuntirdi. Unga ko‘ra, xodimdan emlashni rad etish bo‘yicha yozma ariza olinadi. Agar u yozma ariza berishdan bosh tortsa, dalolatnoma tuziladi. Sog‘lig‘i holatiga ko‘ra emlanmaydiganlar masofaviy ish rejimiga o‘tkazilishi mumkin.
Toshkentda mintaqadagi eng yirik vaksinalar ombori ochildi
Toshkentda Markaziy Osiyodagi eng yirik vaksinalar ombori ochildi. U turlicha saqlash harorati bilan barcha turdagi vaksinalarni saqlashi mumkin. Ombor UNICEF ko‘magida qurilib, Sog‘liqni saqlash vazirligiga topshirildi.
Metroni qanday uzaytirish rejalashtirilmoqda va bu qanchaga tushadi?
Toshkent metropolitenining Chilonzor liniyasini «Buyuk ipak yo‘li» bekatidan Mirzo Ulug‘bek ko‘chasi yoki Buyuk ipak yo‘li ko‘chasi orqali TTZgacha uzaytirish rejalashtirilgan. Qurilishning birinchi varianti 220 mln dollardan ortiq baholanmoqda. Shuningdek, halqali metropolitenning ikkinchi bosqichi qurilishida «muammoli» qismidan o‘tish variantlari ham muhokama qilinmoqda. Yo‘l o‘tkazgichni qurish uchun 132 ta binoni buzish va 300 dan ortiq daraxtni kesish talab etiladi. Yer osti liniyasi zarari kamroq, ammo u ko‘proq xarajat talab etadi. Tramvay esa «taqiqlangan» mavzu bo‘lib qolmoqda.
Eng ko‘p o‘qilgan xabarlar | So‘nggi yangiliklar
- Yangi Chery avtomobillarining taqdimoti: narxlar e’lon qilindi
- Toshkentdagi Pushkin haykali atrofida zamonaviy suvtushar bog‘ barpo etiladi (foto)
- Futzal JCH: O‘zbekiston durang bilan boshladi va birinchi kunning boshqa natijalari
- Shaxmat bo‘yicha O‘zbekiston erkaklar jamoasi Olimpiadada ilk mag‘lubiyatga uchradi, qizlar esa g‘alabali yurishni davom ettirmoqda
Qo‘shimcha imkoniyatlarga ega bulish uchun saytda ro‘yxatdan o‘ting