Arxiv
29-sentabr kuni O‘zbekistonda sodir bo‘lgan eng muhim voqealar dayjesti
Sergelidagi portlash haqida doimiy xabardor bo‘lib turgan prezident, Osiyo o‘yinlarida o‘zbekistonliklar olgan medallar, uy-joy ijarasidan eng ko‘p daromad olayotgan Mirzo Ulug‘bek tumani, Gulnora Karimovaga nisbatan kiritilgan ayblov xulosasi va boshqalar — “Gazeta.uz”ning kun dayjestida.
Toshkentda dam olish kunlari qayerlarga borish mumkin?
To‘rtta kinopremera, Yevropa kinofestivali, O‘zbek milliy raqs kechasi, “O‘zbekiston solistlari” kamera orkestri konserti, ko‘rgazmalar, spektakllar, ziyofatlar va ketma-ket 3 kunlik dam olish davridagi boshqa qiziqarli tadbirlar — Afisha.uz jamlanmasida.
Markaziy Osiyo isitish sektorini zudlik bilan tubdan qayta tashkil etish lozim — Jahon banki
Sarmoya yetishmasligi sabab Yevropa va Markaziy Osiyo davlatlari isitish sektori ko‘pincha standartlarga mos kelmaydigan xizmatlar ko‘rsatadi va xarajatini to‘liq qoplay olmaydi, deyiladi Jahon bankining yangi hisobotida. Bank tahlilchilari hukumatlarga barqaror isitish tizimiga o‘tish strategiyasini taklif qildi.
O‘zbekiston Osiyo o‘yinlarida 32 ta medal bilan 6-o‘rinda
2023-yilgi Osiyo o‘yinlarida o‘zbekistonlik qilichboz qizlar ilk marta oltin medalga ega chiqdi. O‘zbekiston terma jamoasi umumiy hisobda 32 ta medal bilan 6-o‘rinda bormoqda: 7 ta oltin, 10 ta kumush, 15 ta bronza. Sovrindorlar ro‘yxati.
Buxoroda erkak o‘zini avtobus tagiga tashlab, joniga qasd qildi
Buxoroda xorazmlik 23 yoshli erkak o‘zini avtobus g‘ildiraklari ostiga tashlab, voqea joyida vafot etdi. Marhum Toshkentda IELTS imtihonini topshirib, uyiga qaytayotgan bo‘lgan.
Prezident Germaniyadan telefon qilib turibdi. Bosh vazir — Sergelidagi portlash haqida
Bosh vazir Sergelida sodir bo‘lgan portlashning ertasi kuni ham hududga borib, aholi bilan muloqot qildi. U prezidentning holat bo‘yicha bosh vazir va hokimga tinimsiz qo‘ng‘iroqlar qilgani, ularning davlat rahbari e’tiboridan chetda qolmasligini aytdi.
Uzbekistan Airways Senatning aviakassalarda byurokratik muammoni hal qilish haqidagi so‘rovini rad etdi
Senator Qutbiddin Burxonov Uzbekistan Airways kassalarida chipta sotib olishda fuqarolik pasportining asl nusxasi talab qilinishini tanqid qildi. Senat bu muammoni hal etish yuzasidan kompaniyaga so‘rov yuborgan. Kompaniya “muammoni hal qilish imkonsiz” ekanini aytib, so‘rovni rad etgan.
Videoreportaj: Sergelidagi portlashdan zarar ko‘rganlar boshdan kechirganlari haqida
“Gazeta.uz” Toshkent shahrining Sergeli tumanidagi omborxonada yuz bergan portlashdan jabrlanganlar bilan suhbatlashdi. Guvohlar portlash zarbasi ularni qanday orqaga uloqtirib yuborganini so‘zlab berishdi va uyidagi vayronalarni ko‘rsatishdi. Portlash sababi esa hanuz noma’lumligicha qolmoqda.
Xususiy sektorga qon va uning tarkibiy qismlarini to‘plash hamda qayta ishlashga ruxsat beriladi
O‘zbekistonda donor qoni va uning tarkibiy qismlarini xususiy tartibda to‘plash, tayyorlash, qayta ishlash va saqlashni amalga oshirishga ruxsat berilishi kutilmoqda. Tegishli qonunni Senat ma’qulladi.
Toshkentda uy-joy ijarasidan eng ko‘p daromadni Mirzo Ulug‘bek tumanidagi uylar keltirmoqda — MHTI
MHTI Toshkent shahrida uy-joy ijarasidan eng ko‘p daromadni Mirzo Ulug‘bek tumanidagi uylar keltirayotganini ma’lum qildi. Uylar narxi esa eng ko‘p Yunusobod va Mirzo Ulug‘bek tumanida qimmatlagan. Ijaradan daromad va uylar narxi balandligi aholi jamg‘armalarini ko‘chmas mulkka yo‘naltirishini rag‘batlantiradi.
Qoraqalpog‘iston agrar instituti va Namangan pedagogika institutiga yangi rektor tayinlandi
Qoraqalpog‘iston qishloq xo‘jaligi va agrotexnologiyalar institutiga Berdiyar Jollibekov, Namangan davlat pedagogika institutiga esa Baxodir Xusanov rektor bo‘ldi.
Senat “Pedagogning maqomi to‘g‘risida”gi qonunni ma’qulladi
Senatorlar navbatdagi yalpi majlisda “Pedagogning maqomi to‘g‘risida”gi qonunni ma’qullandi.
Shveysariya Bosh prokuraturasi mamlakat federal jinoyat sudiga Gulnora Karimovaga nisbatan ayblov xulosasini kiritdi
Shveysariya Bosh prokuraturasi mamlakat federal jinoyat sudiga Gulnora Karimova va uning sherigiga nisbatan ayblov xulosasini kiritdi. Ular jinoiy tashkilot faoliyatida ishtirok etish, pul yuvish kabi jinoyatlarda ayblanmoqda. Prokuratura 483 mln dollarlik aktivlarni musodara qilish bo‘yicha ham so‘rov kiritgan.
O‘zbekistonda avgust oyida YTHlar sabab 300 kishi vafot etdi
O‘zbekiston hududida so‘nggi 8 oyda 5772 ta YTH sodir etilgan. Unda 5448 nafar kishi jarohatlangan, 1415 nafar kishi esa vafot etgan. Avvalroq mamlakatda yanvar-iyul oylarida 1115 kishi YTH oqibatida vafot etgani xabar qilingandi.
Dam olish kunlari havo quruq va issiq bo‘ladi
O‘zbekiston hududining katta qismida dam olish kunlari quruq va iliq ob-havo saqlanib turadi. Harorat kechalari +10…+15, kunduzi +23…+28 daraja bo‘ladi. Ayrim joylarda yomg‘ir yog‘ishi, chang-to‘zon kuzatilishi mumkin.
Toshkent viloyatida chiqindilarni 2-marta belgilanmagan joyga to‘kkan fuqaroning mashinasi musodara qilinmoqda
Toshkent tumanida fuqaroning yuk mashinasi musodara qilinadigan bo‘ldi. U bir necha kun oldin belgilanmagan joyga qurilish chiqindilarini to‘kib ketgani uchun 1 mln 650 ming so‘m jarimaga tortilganiga qaramay, bu harakatini qayta sodir etgan.
2022-yilda tabiiy va texnogen ofatlar tufayli 287 kishi vafot etgan — FVV
FVV ma’lumotlariga ko‘ra, 2022-yilda O‘zbekistonda 131 ta tabiiy va texnogen xususiyatdagi favqulodda vaziyatlar sodir bo‘lgan. Ularda 287 kishi vafot etgan bo‘lsa, 300 ga yaqin fuqaro jarohatlangan. Hodisalarning asosiy qismini yong‘inlar tashkil etgan.
Yangihayot va Mirzo Ulug‘bek tumanlarining ba’zi hududlari hamda 3 ta gaz “zapravka”da gaz vaqtincha to‘xtatiladi
Toshkent shahrining Yangihayot va Mirzo Ulug‘bek tumanlaridagi ayrim mavze hamda mahallalarga, shuningdek, 3 ta AGTKSHga 29-sentabr kuni 10:00 dan 18:00 ga qadar gaz yetkazib berish to‘xtatiladi.
Mirzo Ulug‘bek tumanining ayrim hududlarida 3 kunga issiq suv o‘chiriladi
Toshkent shahri Mirzo Ulug‘bek tumanining ayrim hududlarida 3-oktabrdan 6-oktabrgacha issiq suv ta’minoti to‘xtatiladi.
BYD: Portlashda shikastlangan avtomobillar utilizatsiya qilinadi, yetkazib berish muddati o‘zgarmaydi
Toshkentdagi omborxonada yuz bergan portlashda shikastlangan avtomobillar utilizatsiyaga yuboriladi, deb xabar berdi BYD. Avtomobillarni yetkazib berish bo‘yicha barcha majburiyatlar shartnomada ko‘rsatilgan muddatlarda bajariladi, deya ta’kidladi kompaniya.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting